意大利 2 : 0 捷克

加納 2 : 1 美國

也許, 令餐廳中眾人的情緒更為高漲是國際足協決定同時進行兩場分組賽的好處。

以上兩場賽事同時於香港時間二零零六年六月二十二日晚上十時正開始。

我所坐既位置幾好, 可以同時睇到兩部電視機, 不過我都係concentrate 係意大利對捷克既賽事。

一開波, 捷克就不停咁搶攻, 雙方攻守有道, 唔會出現成班人聚集係前場或禁區既情況, 而捷克既單箭頭進攻模式配合佢地既速度, 的確為意大利帶來不少威脅, 不過一一被意方瓦解。 係26 分鐘, 意大利透過角球取得一個入球, 而在不久之後, 另一邊廂的加納亦係美方身上取得入球, 餐廳中的氣氛一時間達到最高點。其後捷克繼績搶攻, 不過也許意軍防守實在十分出色, 或是捷克既單箭頭進攻模式較易俾意軍阻攔( 其實意軍的速度亦不差 ) , 結果毫無起色, 其中一員更因領紅牌被逐出場, 打少一人, 而美國其後靠頭槌追平, 不過之後又俾加納以一球十二碼再度領先。

下半場意大利搶回不少攻勢, 而捷克也換入多名球員替代累了的球員, 也許意軍想留力, 錯過了多次黃金機會, 弄得餐廳內媽聲四起, 而捷克由於打少一人, 攻勢減弱, 只有尼維特的一記遠射較有威脅, 不過意軍終於把握到一個珍貴得不能再珍貴既機會, 入多一球。而另一邊廂, 美方亦加強了攻力, 亦令餐廳內眾多下注係加納身上既食客緊張起來, 好彩加納最後都能化險為夷。

而係下半場尾段, 意軍同加納都發生同一情況, 就係不停地有球員先後受傷及不停被對方進攻 ( 不得不佩服捷克咁有體育精神 ), 此時亦係餐廳內眾人最高漲的時刻, 不停地叫 : 「 頂住 ! 」而美方同捷克亦好似好有默契咁, 捷克的攻勢剛被化解, 美國又開始進攻, 之後大家鬆了一口氣的時侯, 捷克再度衝向意方禁區, 使人目不暇給。 

最後, 意方都能守至最後一刻, 而眾人的目光全都聚集係加納對美國既賽事 ( 意大利對捷克個場比美國對加納個場早成七分幾鐘完場 ), 美國依然不停地進攻, 結果亦無功而回, 眾人在一片歡呼聲中離開餐廳。

唔知點解, 我發個D夢絕大部份都係好超現賽既, 而且我係會以以下兩種途徑回到現實中 :

1 ) 係夢中覺得有 D 唔對路, 於是自動醒了。

2 ) 俾阿媽叫醒。 ( 係咁既情怳下, 醒過來後會發覺自己有遲到既危險 )

今日凌晨時分發既夢便是一例, 我係度將我仲記得既夢境打出來。

係夢中, 我發覺我自己係以一個 Prefect 既身份出席一個場合, 不過係我醒既一刻我已經唔記得係咩場合, 我淨係知係夢中我我係知道自己做緊乜。 我見到我最唔想見到既 Prefect 既背影, 可能我已經唔多記得佢既樣, 所以才有此現象。一個好似係冼sir既人仲塞咗舊錢落我度, 應該係資助我做某樣野。

之後鏡頭一轉, 我發覺我自己企係六樓, D Form 1既同學正在列隊去出席該場合, 我係兩條隊伍之間穿過, 由1C2 走到 1B1 。

鏡頭再轉, 發覺自己正以一個Prefect 既身份同 D Form 1 既人係度周旋。跟住就俾阿媽叫醒。遲咗起身, 差 D 遲到。之後對住塊鏡梳洗時, 我記起自己係夢中照鏡時, 發覺自己有一字眉, 即眉心都有眼睫毛, 夢中的我down 了。

係今次既夢之中, 除了個位我最唔想見到既Prefect 同自已之外, 我見唔到其他 Prefects. 而且係每段夢境之中, 我都好清楚自己做乜, 我冇發覺到有乜唔妥, 俾阿媽叫醒個陣, 我仲有D未發夠夢既感覺。

D人成日都話夢係潛意識既反映, 一邊梳洗, 一邊思考, 到出門時, 我的心中已經幾清楚自己點解要發呢個夢。

----------------------------------------------------------------------------------------------------------------------------------------------------------------------------------------------------------

Chem. exam 冇一條完全識做, F 梗。 也許我覺得尋日既Bio. exam一定pass, 所以返到屋企之後好hea, 結果只用一個鐘時間溫書。Ms 袁仲故意俾多十分鐘時間我地做, 我想, 你俾多十個鐘都係一樣架啦。結果係個段時間, 我一個宇都冇寫過。

之後返屋企之後打咗一篇做HP既感想, send咗俾冼sir, 以便係校刊刊登, 老實講, 對於呢個topic, 我可以有好多野寫, 但係全部唔出得街, 因為100 % 都係好negative既野, 最後, 我最後都諗到點寫, 除咗其中一句說話有 D 假假地之外, 其他都係真既。

聽日只考英文 oral, 唔駛咁早返學, 可以向阿爸申請睇波了。

一場精彩且扣人心弦的足球賽事, 是一場不到最後一分鐘也不知道結果的賽事。

這場賽事使我十分失望。

這場賽事, 阿根廷向世人展示什麼叫 「 級數的分野 」。

本人以為塞黑為了保持出線機會, 或不做三零部隊, 必會全力以赴, 點知踼起上黎都完全唔似樣, D 報紙佬話塞黑防守好, 呢句說話套用係對荷蘭個場仲可以接受, 但係睇咗呢場之後, 我都唔係幾明D人點解會講得出呢句話。

塞黑班人好似唔多想踢波咁, 開賽六分幾鐘已先失一球。

塞黑既最大敗筆係傳波傳得唔好, 可以同個目標差成十幾碼, 反而阿根廷的球員想將個波傳到邊就exactly傳到邊。

之後阿根廷仲以一個好到爆既攻勢入多一球, 3 : 0 都仲有得追。

下半場, 塞黑係初段取得不少攻勢, 可惜一一被阿根廷瓦解, 之後阿根廷再入咗一球之後, 塞黑成隊頹晒, 跟住場比賽好似係阿根廷既showtime, D人將個波搓來搓去, 一有心情就求其入一球, 我真係冇眼睇下去了。

最後, 阿根廷以 6 : 0 嬴咗呢場比賽, 幾可肯定以首名出線。

南韓 2 : 1 多哥

法國 0 : 0 端士

巴西 1 : 0 克羅地亞

睇睇下波覺得幾累, 可能我要休息幾日。

先講一講尋日發生的事。

尋日既早上幾gag , 早會時Ms 吳說: 「 請大家為 『考試盃』而努力。」 我想係度講, 呢個gag ,真係,

好鬼爛好鬼爛好鬼爛好鬼爛好鬼爛好鬼爛好鬼爛好鬼爛好鬼爛好鬼爛好鬼爛好鬼爛好鬼爛好鬼爛好鬼爛好鬼爛好鬼爛好鬼爛好鬼爛好鬼爛好鬼爛好鬼爛好鬼爛好鬼爛好鬼爛好鬼爛好鬼爛好鬼爛好鬼爛好鬼爛好鬼爛好鬼爛好鬼爛好鬼爛好鬼爛好鬼爛好鬼爛好鬼爛好鬼爛好鬼爛好鬼爛好鬼爛好鬼爛好鬼爛好鬼爛好鬼爛好鬼爛好鬼爛好鬼爛好鬼爛好鬼爛好鬼爛好鬼爛好鬼爛好鬼爛好鬼爛好鬼爛好鬼爛好鬼爛好鬼爛好鬼爛好鬼爛好鬼爛好鬼爛...... 爛到我毛髮直豎。

之後既 P. E 筆試, 要我地寫出幾位出自本校既體育猛將的生平事跡及對他們的感想, 我見條題目咁gag, 加上我不知道佢地有乜生平事跡, 而且我根本冇感想, 所以我做都費事做, 肥咗又點呀, 又唔會阻住我升中七。

下午Ms 袁邀請了一位有榑士頭銜既校友返黎同我地吹水, 佢既經歷, 係佢口中說出, 好似好平淡咁, 但我總覺得, 我冇領會到佢既經歷既精華所在。

從前, 我很喜歡聽由 twins主唱的 《老鼠愛大米》, 但之後我覺得幾悶, 冇聽佢一段時間, 但係近日聽返, 又再次覺得把歌聲好甜, 甜到入心( 我並不是 twins 既 fans !) 

「徘徊幻覺太多失了方向」 幻覺, 我也許真的是徘徊得太多了, 也許我真的失了方向。

這又是一段幻覺嗎?

澳洲 3 : 1 日本

美國 0 : 3 捷克

意大利 2 : 0 加納

我想, 日本對澳洲個場, 係世界盃開鑼以來最具戲劇性的一場比賽。

這埸比賽節奏明快, 上半場, 快上快落, 雙方互有攻守, 睇個勢應該會和波, 但係澳洲既門將其後做出一個錯誤既決定, 係唔需要既情況下出迎, 令到個波係冇碰到任何人既情怳下落地再彈入網, 令澳洲落後一球。日本帶著一球返更衣室。

下半場局勢有變, 澳洲狂攻日本, 逼得日本死守, 但門將表現出色, 先後撲出兩個罰球, 並且換入多名猛將, 加強攻勢, 而日本的門將終在83分鐘左右犯上與澳洲門將同一錯誤, 令澳洲得以追平, 之後日本成隊波頹晒, 更於88分鐘左右及92分鐘左右連失兩球, 令澳洲得以 3 : 1 擊敗澳洲。

澳洲教練全程動作多多, 引人發笑。 而攝影師更拍得澳洲隊入第三球那一刻的表情動作, 並分別在 screen的左右兩方 show 出來, 有睇頭。

總是覺得, 澳洲隊打得好奸, 多次 kick 趺澳洲球員, 難怪巴西隊教練話最怕澳洲隊。

而澳洲球迷都幾自私, 日本球迷全程都支持己隊, 但澳洲球迷係己隊落後時好似死咗咁款, 但係一入咗波之後就醒返, 唉!

塞黑 0 : 1 荷蘭

墨西哥 3 : 1 伊朗

安哥拉 0 : 1 葡萄牙

我睇咗塞黑對荷蘭個場。

也許, 荷蘭的球迷真的是十分支持國家隊, 當球場播出荷蘭國家時, 不但荷蘭球員在唱, 連荷蘭球迷也在唱, 同播出塞黑國歌時, 全場幾乎只聽見音槳聲的情況相比, 實有天壤之別, 而且荷蘭球迷在比賽進行時亦十分投入, 球場上充斥著荷蘭球迷的叫喊聲。

老實說, 塞黑的防守的確做得不錯, 不過賽事開始了一段時間後, 我發覺塞黑球員開始不安本份, 紛紛走上前助攻, 這為荷蘭帶來機會, 趁塞黑後場幾乎無人時射入了一球, 我覺得, 塞黑於今仗的唯一失球是塞黑隊策略不當所致。

在下半場, 塞黑和荷蘭拉成平手, 荷蘭隊的洛賓多次起腳, 可惜腳風欠順, 沒有進脹。而塞黑亦有多次攻門, 可惜均在最後關頭被荷蘭隊員搶走個波。相反, 荷蘭的進攻相當悅目, 好似無論佢地將個波傳到任何一處地方, 都有人接應一般。可惜荷軍太依賴洛賓, 係佢地進攻上既一太缺陷, 全場我淨係留意到佢, 雲尼斯達萊呢? 我好似無留意到佢。

今場賽事有好多搞笑片段, 上半場有球證跌到, 洛賓流鼻血。 下半場荷蘭門將撲出皮球後抽筋, 慢鏡出可以看到佢好似隻狗咁搶番被佢撲出既皮球。 之後佢同一名塞黑球員發生碰撞後再次抽筋, 之後同佢發生碰撞既塞黑球員同兩位荷蘭球員一齊幫佢拉筋, 而個位塞黑球員欲同佢「揸手」, 不過冇人理佢, 仲比另一荷蘭球員推開。

等一陣, 我就會去睇日本對澳洲。

英格蘭 1 : 0 巴拉圭

端典 0 : 0 千里達

阿根延 2 : 1 科特迪瓦

尋晚成家人九點40分左右先出街食飯, 當時正值英格蘭對巴拉圭, 寶石及漢都爆滿, 德記同金豐仲勁, 連門口都堆滿晒人, 我為了要睇呢場賽事, 寧願唔食晚飯, 走到金豐門口, 同一大班人睇波, 當時已經係上半場既補時階段, 英格蘭正領先一球, 終於體驗到眼鏡度數不足之苦,  我碌大隻眼黎睇都睇得唔清楚, 即使之後半場休息時取得一個有利位置, 仍然無補於事, 下半場一個入球都睇唔到, 我淨係知道巴拉圭係英格蘭門前製造不少驚險場面, 同埋D人打得好似埋身博鬥咁。最後, 英格蘭以一比零小勝巴拉圭, 之後先知原來英格蘭係 開賽後4 分鐘已經入咗波。

返到屋企, 阿爸問我邊場好睇, 我話凌厲 3 點鐘阿根廷對科特迪瓦個場較好睇, 之後佢話同我一齊睇個一場, 跟住係屋企hea 到二點半鐘, 同阿爸落咗去德記度食飯。

之前仲擔心科特迪瓦會被阿根廷屈肌, 到開賽後我先發覺物有所值, 雙方都好有組織地去進攻及防守, 而科軍於阿根廷門前製啻既驚險場面, 亦令餐廳內的人感到意外。 科特迪瓦D 人個個都係超級大隻佬, 個個都好跑得, 杜魯巴同一個著住 3 號球衣既矮仔表現突出, 可惜成team人都好似唔識射球咁, 埋門技巧極差, 白白浪費了多次入球機會, 結果以1比2輸咗。

老實講, 我都唔明白點解我會為咗世界盃而廢寢忘食。

係尋日, 有一位同學話德國隊好可能係今日凌晨既揭幕戰中敗於哥斯達黎加腳下, 我問佢點解, 佢話德國嬴多個三球先至叫嬴, 否則就輸, 我想, 若果以此標準來判決此仗既勝敗, 德國隊係今仗輸了, 因為佢以4 : 2 擊敗哥斯達黎加。

據我所見, 係賽事開始後既幾分鐘, 雙方都打得好唔似樣, 好明顯未進入狀態,  但當德國隧係6 分鐘左右趁哥國未進入狀態之下射入今次世界盃第一個入球後, 哥國隊員如夢初醒之後, 雙方合演了一場頗為精采既賽事。

係我眼中, 今場賽事最矚目既球員係哥國既守門員, 佢表現稱職, 為哥國減少了不少失球。而且哥國球員有鬥志, 加上佢地都知自已乜料, 大都抱著必輸既心態去應付此場比賽。可惜佢地既功勢欠缺合作性, 當一個球員帶波上前, 其他人係好多時侯都係後場, 未來得及上前, 結果該球員只好玩單刀, 係欠缺朗拿甸奴既腳法既情怳下, 哥國球員未能以此方法取得入球。哥軍既兩個士哥都係玩teamwork既, 若佢地可以係呢方面做好D, 此仗戰果可能會改寫。

而德國隊則危機重重。

首先, 德軍於此仗所出既球員大都比較年青, 缺乏大賽經驗, 佢地腳下既皮球多次係唔應該被搶走既情怳下被搶走, 而我睇到佢地亦都有二次既機會由左路笠死守門員取得切入球, 可惜唔夠淡定, 埋門一腳唔夠力, 被對方守門員輕易救出。唔知係唔係佢地比較嫰口既關係, 較易受傷, 德國隊員至少有二次因球員受傷而令比賽暫停。

而德軍脆弱既防線亦係佢地既隱憂之一。我想, 若果此戰既對手係巴西, 德軍一定輸得好慘。

不過, 佢地亦能發揮到高空戰術既優點, 加上德國係一個民族性強既國家, 可能會愈打愈好都說不定。( 拿, 頭先個句係我睇報紙得知架, 唔好以為係我自己諗出黎)

在此仗中, 球證做得唔多好, 哥國球員多次犯手球, 球證都不受理。

在打此篇日記時, 得知厄瓜多爾爆冷以2 : 0 擊敗波蘭。

今朝返學時個天好黑, 上完M&S堂就即刻下了一場好大好大既雨。

呢場雨令到天文台於P.E堂前夕掛紅雨, 係Changing room 換衫時掛黑雨。

呢場雨令考試前最後一堂P.E堂有一個sad ending, 兩班既人擠係一個體育館下, 打波打得好hea . 其後我們得知下午既堂唔駛上, 好, 可以唔駛做Chem. lab., 不過冇得聽校友講野, 有點可惜。

12:00左右就換返衫, 之後係課室度hea, 打鐘後同米玉奇、Christine、K.K、德和Paul Law去咗安蔭間酒樓食野, hea到三點半鐘先走。好開心 , 好享受同人吹水既feeling .

好期待今晚德國對哥斯達黎加既世界盃開幕戰, 今屆世界盃, 係我自認識世界盃呢個term之後最Concern 及 concentrate的一屆。

我發覺若我是班中的精英分子, 而且能完全handle 到HP的工作, 今年會是十分快樂的一年。

再次發燒, 好彩食咗退燒藥就冇事。