唉, 今日上M&S堂時蔡sir唔知係有心定無意地叫我出去做數, 我梗係唔識做, 結果俾阿sir串, 好灰咁返埋位, 心諗, 聽日既假期一定要追返D M&S, 點知下晝既Chem. 堂Ms袁突然追功課, 仲話一日唔交當欠交一次功課咁話, 結果聽日既假期改為清Chem. 既功課。

我以後點都會係學校留到六點半先走!

原本諗住七點鐘起身, 點知遲咗成個鐘先起身。

今日撞到好多認識既人, 首先係巴士站見到Ring Tone送佢既fd上車, 中途肥欣落車時又與我擦身而過。

去到蘇浙, 已有多人等侯。

再次聽到Greensleeves(綠袖子), 一首每位會考生熟悉不過既樂曲。

成份卷以IT為主題, Part 1都算OK, Part 2既第二個task 漏咗兩分, task 3個篇article寫到臨完場前五分鐘先寫完。

考完後, 鬆一口氣, 走咗去新都會間M記食野, 之後係附近徘徊咗一陣, 又見到一個我識得既Form 5 repeater拖住一個懷疑係佢條女既女仔行過, 跟住就返咗屋企。

頭先睇咗係Mandy Yeung 既diary中既Paper 2 最尾個part 既solution, 錯咗好多, 不過我都預咗, 最緊要Part 1唔好滿江紅。

聽日就考paper 3 , 希望可以大步檻過。

沒想到「星空奇遇鐵達尼」竟成為眾多會考生訴說心事既場所。

今日, 係考B卷既日子, 6:27a.m. 起身, 食過早餐, 穿上去年會考時既戰衣, 收拾物件, 就向試場(蘇浙)出發。

大約係7:40就去到蘇浙, 成為第二個入蘇浙既考生。

係蘇浙考場竟然見到係舊年李惠利中學考Bio. 時既其中一位監考員。

首先考卷一, 題目冇一條適合我, 最後惟有選咗第一題, 不過冇乜point, 冇乜時間起稿, 結果寫咗一篇平凡得不能再平凡既文章出黎。

之後既paper 2 既part 1 d 題目有少少陰陰濕濕,  返到去屋企計過, 有十條係uncertain既, 第14題仲錯咗。

之後返屋企換衫返學校劏老鼠, 有一D係都市中飄泊既feel, 不過我鍾意。

初頭劏老鼠個陣覺得幾噁心, 不過劏劏下慣咗。

6點幾去咗M記食野。

自從轉咗著夏季校服上學後, 我捉人既能力降低咗不少。

我發覺我判斷男同學有冇著底衫返學有很大既困難。

今日既Ms 袁係Chem. 堂好high。

Bio. 堂:

Ms 楊 " How are you?"(How old are you?)

黑仔"I am fine(five)"

放學後原本諗住盡最後努力做B卷既Paper 2, 點知中化既測驗同Bio. 既presentation令我好夢成空。

中化測驗個陣我心神恍惚, 胡思亂想, 結果寫咗一大堆垃圾, 仲要唔夠字數。

考英文B卷既日子愈來愈近, 但我仍然冇任何既感覺, 究竟係我已經受會考洗禮 , 感到已能駕輕就熟地應付它 ─

還是對此科已失去了中五時的熱誠, 要求及自信?

呢個週末加星期一全部攞黎搵B卷, 不過結果幾令人失望, 一丁點 improvement 都睇唔到。

頭先出街食飯見到一個我認識但好耐冇見既Form.  5 repeater, 我有一剎那既時間我認唔出佢係邊個, 佢成個人變得好似40幾歲人咁, 睇黎會考令佢變咗好多。

未知去年會考場上既失敗者, 今年能否在會考場上浴火重生?

Ms 楊:「鍾鎮聰, 你究竟有冇諗過退學?」(2005年10月20日)

Ms 張:「Ben Chung, 近排曾經教過你既老師對你既印象負面咗播!」(2005年12月)

Ms 楊:「鍾鎮聰, 以你既會考成績已經夠你讀Ivy 啦。」(2006年3月)

蔡sir:「你既表現真係令我好失望......你其實有冇諗過繼續讀Stat.?......睇到你咁既表現我感到好心痛。」(2006年4月26日)

林麗芬:「鍾鎮聰, 我唔想你成為歷屆以黎第一個留級既Head P。」(今日)

今日早上同Karean Cheung 去處理一D Prefects 既事務。

Chem. 堂實在太累, 所以瞓咗, 後來發覺Ms 袁唔叫我起身, 於是就放膽瞓, 瞓足一堂。事後功課組既人話我好過份, 竟可以兩堂Chem. 瞓足一堂, 跟住我同佢地講Ms 袁好神奇地冇叫我起身, 佢地就不約而同地話Ms 袁已經give up 咗我。(唔係掛?)

原本諗住避免個Bio. tridictation唔會同係lunch舉行既UE既活動撞時間, 所以我係放lunch之後同Ms 楊改咗係12:45開始dictation, 佢一知我唔想食lunch, 佢就發晒火, 於是我就應承佢食野, 跟住急急忙走咗去安蔭個間OK便利店買咗一個面包食, 仲要應佢既要求攞返裝面包既膠袋返學校證明俾佢睇有食過野。

個tridictation既成績都係未達標, 不過Ms 楊冇叫我tetradictation, 反而問我得唔得閒, 由於我係tridictation個陣已由Ms 蔡口中得知我可自行決定去唔去個acitivity(咁即係可以唔去啦), 所以我就話得閒。於是佢同我傾咗一陣計, Ms 楊好得勁, 佢可懣你平常既舉動就可以完全了解你, 佢覺得我有心事, 不過其實我連自己有冇心事都唔清楚, 佢又話好多老師都留意到我既狀態唔好, 之後佢又同我上11樓睇咗一D野, 之後佢又話我好得意, 因為我好多時唔係幾識表達, 加上有時唔知自己要講D乜(中晒!)...... 一直傾到1:30先返到去7樓。

跟住就冇乜特別事。

今日係M&S堂時派返quiz book . The marks of the pewcious quiz: 0.00

M&S堂後, 蔡Sir叫咗我同K. Fung出去, 經驗豐富既我一d 都唔覺得意外, 而內容係d乜我心中都有一個譜。

阿sir話我地近來既表現好差, 問我地究竟想唔想讀M&S, 之後又話見到我地咁樣佢感到好失望同好心痛。 希望我地交出更好表現云云。 不過奇怪既就係蔡sir全程都保持笑容, 有少少估佢唔到。

唔知係自己係呢方面既經驗豐富, 定還是自己已認定自己係一個失敗者, 放棄咗自己, 我對蔡sir既說話無動於衷。

lunch之後既Chem. 堂好精神, 不過一個字都冇聽入耳, 之後Bio. 堂瞓足兩堂, 中化補課後既Bio. dictation完全唔知做乜。

我好似重拾返零五年九月份對某物事的感覺, 好。

今日比較忙, 故此無食lunch 。

跟住去咗搵Ms 蔡去requiz, 點知佢話無第二張question paper, 所以唔駛我補測, 好。

Bio. 堂去咗三樓pre. field trip, 幾開心, 捉咗一隻蟻返到lab. 畫佢, 最後要出勳解剖顯微鏡先可以睇清楚隻蟻既構造。之後我坐係一邊, 將好多時間係隻蟻身上, 連組員做緊D乜. 我都冇理會, 畫完隻蟻D組員都差唔多收工, 不過都有些少sense of achievement同覺得自已晝蟻個陣個陣個姿勢好pro.。

跟住一輪轉折, 去咗library 溫書, 溫溫下竟瞓咗覺, 直到library 收檔先起返身。之後就去咗M記食野。

發覺自己光顧M記既frequency由以往少到可以跟生長係貧窮既家庭既小孩有得揮急劇上升至一星期成四五次, 好可能係全級之冠。要改改。