今朝8點起身, 打電話俾學校請病假, 由於唔見咗chem. past paper, 所以我惟有做chem. exercise. 頭個4題做得幾順利, 不過做到第5題時唔知點解做唔落去, 於是hea 到12點幾返學校。唔知點解, 我發覺我成個人輕咗!

一返到學校, 即刻做野:還書, 落su影印。

第8堂同form 4 去hall上週會, 講面試技巧, 幾悶, 完場後俾大冰鬧, 冇癮。好早就返咗屋企。

p.s. 有人話蜈蚣個身體可以令龍吐珠的鱗片顏色更為明顯, 佢身命力特強, 剪咗佢頭, 再將佢個身剪成幾段, 剪埋佢d腳, 放落雪櫃冰格度5至6小時, 再將佢既身體既小段放落水一陣再攞返上黎, 佢仲識郁, 好野。

今日看門口, 捉咗9個人。

返課室時已覺得有唔妥, 上bio堂時, 我有預感我聽日會發燒。

點知比我想像中仲快, 食完lunch之後我已經知道我發緊燒, 於是利用double free lessons +C.A. lesson 瞓覺。

放學後, Math. & stat. 補課, 好彩Mandy Yeung同蔡sir 邁話我發燒, 令我唔洗死撐落去, 於是去school office to measure the body temperature, 38.2度, 於是急忙孰野睇醫生, 由於我諗到今日實做唔到chem. past paper, 加上聽日要做chem. presentation, 所以諗住問醫生攞醫生紙, 聽日請半日假, 一來可避開欠交功課之危機, 又可利用聽日既早上做功課, kill two birds in one stone. 所以係睇醫生時問佢攞咗張醫生紙, 返屋企時真係好唔掂, 不過食藥後瞓到十點幾起身時已發覺自己已復原咗九成, 聽日一定可以完全recover, 不過為了自己著想, 都係聽日請半日假。

p.s. 由今日開始, 我, 大乳牛,黑仔, lucy同Ring Tone 對裘記既corridor既認知已達專家境界, 因我地去過一d係裘記讀咗七年書都未必去到既地方。

今日7點幾返黎學校, 而d人就例牌遲返, 而且有d人更無故缺席, 令列我初頭有d灰, 不過全日的運作都幾暢順, 令我心情好番好多。

之後同Mandy , 豐, lucy, 林莉雯和黎巧詩到銀龍食野, 傾得好開心。

p.s.希望Ricky早日康復!

p.s. 若你入到佳景, 叫豬扒米線加勁辣桂林湯底, 包你辣到死去活來, 你只需飲一淡湯, 你就會發覺你低估咗佢, 你用筷子撈起d麵, 你會發覺麵中有大量胡椒片, 我食咗兩次, 兩次都食到面紅耳赤, 嗜辣之人可以一試。

今日無乜特別事發生, 係lunch既時侯與一班F.4 既同學同江sir傾open day 的事宜, 佢不停咁講, 不知不覺地講到2點, 以為今次可大條道理上chem. 堂, 點知梁發才過黎揾人, 令江sir如夢初醒 , 亦令我好夢成空。

因不能解決某d技術問題, 令我迫於無奈地開咗個qooza, 幾可惜。

p.s. 聆聽江sir同梁sir談話時, 我聞到火藥味。

今日Day 4, 又要上. bio. lab. 空堂時同Karen Cheung傾德育故事演遘比賽的崗位表, 編得好hea.

bio.lab. 又係要畫圖, 分別係草蜢及紅杉魚, 草蜢晝得都OK, 但畫紅杉魚時因就黎夠鐘, 所以畫得好hea, 而又唔夠時間為幅圖加標註。

跟住係Bio. quiz, question:Using an annotated flow chart, illusate how energy flow and carbon is cycled through photoautotrophic and chemoheterotrophic organisms.  Indicate the roles of respiration and plant in the flow chart. 字字珠璣, 俾佢屈咗機。

今日小息時將塊slide交番比lab. assistant, 爆slide 事件终於告一段落。

巡樓時叫Karen Cheung打電話比all Form 4 prefects and question them 能否係德育故事演講比賽個日幫手, 而我則打電話比其他prefects, 而事實上我承認有少少fake 佢, 因為Form 4既prefects 成廿幾個咁多，　而Form 2同Form3既prefects 得個十幾個，　而Form ６既亦可逐個親自去問。

P.E堂時拗唔過陳ｓｉｒ，　瓖校跑跑兩個圈，　只係跑到５５１，　同巔峰時期差好遠。跟住同ｋ．ｋ用左手打羽毛球，　效果幾好。

今日既chem. lab. 又打爛野，　將支mercury thermometer由reaction mixture 呤出黎時發覺佢儲存mercury既位置有唔妥，　之有用手摸個度，　先知佢爆咗，　之後我好鎮定但無奈地將成個reaction system 同支thermometer　擺係煙櫥中，　跟住通知lab. assistant. 但係我之前已將reaction mixture 連埋mercury倒落個waste bottle 度，　搞到佢要將bottle 中既mixture 倒落另一個bottle 先至可以搵番ｄmercury  , 跟住佢將ｄmercury倒落breaker度，　ｄmercury 好得意！之後lab. assistance put the sulphur  into the breaker to cover the mercury. 我想，　依排咁多野發生，　不如開個xanga啦！跟住我問ｋ峄意見，　佢話qooza好ｄ，　因為係中文，　但係我鍾意xanga 既版面多ｄ．而我地亦好好彩, 因Ms 袁係三點幾放我地走。

放學返屋企，　即刻開咗個xanga.

今日凌晨做Chem. 的Excel. 做到四點, 原本仲想做埋評論的, 不過驚支撐不往, 所以瞓咗。

七點鐘起身, 返學校看門口, 原本諗住今日天氣突然轉冷, 尋晚特登揾多咗幾位Prefects幫手, 點知d學生似乎醒目咗, 剩係捉咗幾個冇著校褸既學生, 有d 失望。(俾趙勁走甩咗!)

小息打電話問儀器行有冇草履蟲玻片, 結果得位於葵興個間有, 仲要係淨係得兩塊, 剛剛好, 而且價格低, $36一塊, Ms Yeung都有d 難以自信。

放學後中化做Reading comprehension, 40.5/60, 幾好。

之後即刻幾乎史無前例地係5:00p.m. left the school, 返鋪頭令錢, 再急步走住葵興的樂聲中心, 位於工業區, 係工業區一邊冒著毛毛雨行, 一邊攞住本《香港街道地圖集》認路, 經過一輪轉折, 終於來到目的地, 好彩!買唔切既話要等成五六個禮拜先有

我發覺新買返黎既玻片真係好靚, 我第一次見到cover slide that is round in shape, and the density of paramecium also higher than those in school. 真係價廉物美!

之後去咗trade centre where is near the building which  I have bought slide inside 食麥當勞, 之後為咗避過愈落愈大的雨, 採取咗以下的gag路線返屋企:

Trade Centre→葵興MTR station →荃灣MTR station→235bus station→石蔭market.

Prefect 個度hea咗好耐, 今個禮拜六又係德育故事演講比賽決賽, 睇黎我要做番d野至得~

也訐由於尋日幾乎無瞓覺的關係 , 今日瞓到成十一點幾先起身 , 跟住依照bio. lab. assistant 俾既「損壞物品通知書」上的儀器行名稱 , 逐間去搵有冇草履蟲玻片賣, 結果搵到一間有 , 仲要係第一間問 , 知道有存貨就收咗線。之彼hea 到十二點幾 , 食咗lunch, 搭MTR去長沙環MTR station A1 exit 與bio. group 班同學去污水處理廠參覲。點知一去到連一個classmate 都見唔到, 跟住呆等咗成三個字 , 跟住先見到Mandy Yeung黎, 跟住又係出口呆等, 最後見到Ring Tone上黎, 原來成班人已經係下面等緊 , 跟住吳淑英問我有關草履蟲玻片的事 , 我答佢已經搵到 , 點知被佢提醒咗我要「格價」 。之後大家一齊搭直通巴士往污水處理廠 , 扐排隊等上車個陣 , k峄同lucy 分別撞到佢地既friend , 而我則撞到前任HP及Form 7既前任Prefects(中七既同學乜唔係要溫書咩?點解會走黎呢求hea? 仲要成班人都係文科人, 讀理科個位又係讀Maths group既)

一落車, 即刻聞到陣陣污水處理廠氣息-----臭水味, 參觀路線:總泵房→絮凝池→沉澱池。有d失望, 原來呢個污水處理廠淨係對污水作出一級處理 , 要去到昂坪個度先睇到一至三級處理。

之後, 大家去到一處地方, print certificate, 我則留意到一個唔知係公益少年團定紅十字會既女仔, (事後睇Ring Tone既xanga, 先知係基督少年軍)因為Ring Tone 同唔知邊個坐係張枱上 , 俾佢趕走, 所以我先留意到佢。我發覺到佢order 其他人做野, 佢起碼係leader, 我發覺佢好有confidence, 有少少 cool.

跟住大家離開緊個陣, 我指住個個女仔同k峄講:「喂, 個條女好正。」我以為佢會對個位女仔評頭品足 , 點知佢反應完全係我預期之外 , 佢大大聲咁話:「吓!唔係掛!」結果俾其他男仔聽到, 佢地推我過去同個女仔影相, 我幾經辛苦, 先掙脫佢地既包圍, 原本我唸住係度hea得幾耐得幾耐, 但係個一刻開姑我唔想再留係個度, 好想快d走, 跟住佢地去參觀咗一處唔知乜既地方, 我淨係記得有間房has been filled with hydrogen sulphate. 跟住出返黎時d人又重提舊事, 一輪掙扎後 ,  先可以行到車站, 點知架車滿座 , 要等下一架 , d男仔又拉我去同個位女仔影相, d女仔跟住係後面睇熱鬧, 結果又去返個度, 個女仔仲係度, 想走返轉頭又被人推返轉頭, 無計 , 惟有向個位女仔講啦~

「呢位小姐 , 請問你介唔介意同我影一張相?」

「介意。」(immediately)

 「咁冇野啦 , 拜拜。」

之後d人紛紛同我講「得啦, 之後你就唔會見到佢架啦。」「無所謂啦!」「唔緊要喎!」之後搭車走了。

(我同人講話冇事, 其實, 冇事就係呃你既 , 返屋企之後諗返呢件事, 我都感到有點灰及失落, 有人話我大膽, 但我冇咁認為, 我一直都認為我膽小如鼠, 亦都有人話我花心, 雖然我承認呢畸, 我好容易鍾意第2d女仔, 但我對個位女仔完全無感覺, 我只是欣賞佢夠confidence , 冇想同佢有任何男女朋友既relation 希望咁多位唔好誤會!)

之後我地去咗荃灣, 去wicky誠意推薦的restaurant(稻草人)食野(hea), 有人問我以前有冇好朋友. 我答有幾個, 不過可以交心既就好少, 其實, 我份人都幾誠實既, 跟住佢又問我有沒有異性朋有, 其實有既, 不過佢話要發展到要傾電話個隻, 咁就真係冇啦。又有人問我有冇拍拖, 我覺得呢條問題幾kai, 梗係冇啦, 有你都唔會信啦!

係稻草人度吹水吹到六點幾, 之後同Mandy Yeung 一齊走, 返到屋企後乜都冇做過, 咁就hea咗一日。

今日凌晨開通宵 , 勉強完成《棋王》的book report 。但唔夠字數 , 欠三百幾宇, 而我用了一個棋局做封面 , 但由於太眼瞓 , 個棋局好冇深度(事後回想 , 唔夠字數的主要原因係冇帶「人生的意義」的notes , 因可將故事中的人物分為不同的層次 , 假如有咗呢份notes, 再吹多三百字不成問題。)但由於有其他野要做 , 加上空堂又因太累而瞓咗覺 , 結果份book report 冇作出任何修改就交咗上去。

未知係因為開通宵個腦鈍d還是冇mood還是唔想俾人問侯咁多, 今朝係門口無心機捉人 , 只捉了三四個。

放學後的chem. test , 令原本完美的Day 1變得不完美, the mark of the test: 7.5/50 , 灰。

之後仲要俾Ms 袁追功課, 但我真係冇時間做 , 惟有鄧到禮拜一交。

今次真係無籍口再拖 , 即使再捱一之通宵, 都要將幅graph 係禮拜一交俾Ms 袁。

今日凌晨用電腦打《棋王》讀書報告 , 但只打得三百幾字 , 同二千四百字差好遠 , 加上Ms 袁向我追收Excel 的功課 , 我應承咗佢聽日交 , 但我卻唔知點做 , 睇黎今晚要開通宵至得......