| «‹ February 2015 ›» | | S | M | T | W | T | F | S | | 1 | 2 | 3 | 4 | 5 | 6 | 7 | | 8 | 9 | 10 | 11 | 12 | 13 | 14 | | 15 | 16 | 17 | 18 | 19 | 20 | 21 | | 22 | 23 | 24 | 25 | 26 | 27 | 28 |
|
2006 年 8 月 22 日 星期二  |
| 2006-08-22 |
分類: 未分類 |
為了應付明日的那個 Bio. 要六成分先合格的 test, 今日成日都攞咗黎搵 Bio. , 點知夜晚收到假扮 Ringtone 既 M.Y. 既通知, 聽日既 test 延期 ...... 不過亦無所謂, 也許 Ms. Yeung 其實是想迫我地溫書先厄我地聽日要test, 或者佢地聽日要開會, 所以先將個test 延期, 至起碼今日並不是白過的。
仲未決定聽日究竟溫 Chem. 定 Bio.
|
| 2006 年 8 月 21 日 星期一 |
| 2006-08-21 |
分類: 未分類 |
最近的心境開朗了不少, 可能是不用應付 Head P的工作, 以及功課上的壓力減少了有關。
不過可能返學後我又會唔開心番, 因為我又要做 Head P. 做多一個月, 做 Head P. 真係做得好唔開心, 仲要搵接班人, 出年Form 6 都唔知有邊個肯做, 出年個Prefect team 既核心分子大多都冇乜熱誠, 而且班實習又廢廢地, 出年既Prefect team可能係人數上比今年更少, 質素更差, 諗起都傷心, 似乎裘記既低 Form 真係嚴重缺乏有資格做 Prefect 既學生, 搞到一 D 唔應該做 Prefects 既人會出現係張實習領袖生既名單上。裘記亦似乎真係冇一個可以同出面既名校有得揮既學生, 當然, 這不是學校的錯。 希望出年既 Head P. 唔好好似我咁廢, 要係一個堅強, 有優秀既應變能力, 溝通能力, 領導能力既人。 以及有魅力, 身體強壯同成績好。( 不過似乎裘記冇呢D咁既學生......)
***
今日既 Chem. 補課, 出奇地早走。
同一大班人食lunch係一件好開心既事。
***
Download 咗幾首歌, 找回我的一些回憶。 從前的我不懂在網上 Download 我喜愛的歌, 使我冇乜機會接觸佢地, 所以當我在收音機上無意中聽到我喜愛的歌時, 我總會放下我手上的工作, 用手的去聽, 記住歌曲的每一個歌詞, 每一句旋律。
如今在任何場合, 聽到喜愛的歌, 便可以係返屋企後立刻上網 Download, 使我不再珍惜聽收音機的機會了, 而且有部分以前認為很好聽的歌, 例如張學友既《 每天愛你多一些 》, 《不老的傳說 》 ,《 愛是永恒 》, 黎明既 《 那有一天不想你 》等, 都已經俾我聽厭了, 可能是心境上的改變吧。 |
2006 年 8 月 20 日 星期日  |
| 2006-08-20 |
分類: 未分類 |
今天晚上, 我總算能俾多少少心機去清我既Bio. notes 。 |
| 2006 年 8 月 18 日 星期五 |
| 2006-08-18 |
分類: 未分類 |
今日與 M.Y. , Carman, 家姐去咗學校幫蔡sir手, 我都搞唔清究竟我係為咩目的而去。
之後成班人去咗安蔭既大快活tea, 蔡sir收到好多料, 我地又傾得好開心, 真係好享受這種時光。
好想去聽日既 cycling, 不過上個星期已經去過, 我唔想再被太陽曬傷, 阿爸一定會唔比我去, 加上我真係唔可以再hea~
若要我再選一次, 我都唔知選邊日去cycling, 上星期個次可以做回自己, 不過總是有點不捨得, 若果選聽日去, 可能我又會做出一D傻事。 |
| 2006 年 8 月 16 日 星期三 |
| 2006-08-16 |
分類: 未分類 |
今日係網上做咗一個test, 名稱係武俠占卜。
Results:
你的角色是黃藥師
出現在金庸「射鵰英雄傳」與「神鵰俠侶」之中，為黃蓉之父，擅長樂理、武學、醫藥，個性孤僻，號「東邪」，為一非正非邪才華洋溢人物。
你的特質是
外冷內熱
思慮縝密擅謀略
易鑽牛角尖
令人難以捉摸
給你的建議
1.你最大的缺點就是太愛胡思亂想了，你經常會把一件簡單的事情搞得粉複雜喔！
2.你那種憂柔寡斷的個性，讓你做起事情來顯得效率很低，每件事情在開始做之前，你都會考慮再三，雖然這是必要的，但是如果太嚴重的話，就會變成愛鑽牛角尖囉！
3.你外冷內熱的個性，總是讓人猜不透你在想些什麼，所以容易帶給人一種城府很深的感覺，這就是為什麼你好像沒什麼朋友的原因啦！
4.你的疑心病有點重說．．因為你每件事情都會考慮很多，所以就常常產生一些無中生有的想法，讓人覺得你好像有點神經質，放輕鬆一點嘛！有時候腦袋空空的也不錯呀！
***
總之今日放學後去 M 記啦。 |
| 2006 年 8 月 15 日 星期二 |
| 2006-08-15 |
分類: 未分類 |
星期一返學校補 Bio. 出奇地發覺原來成班Bio. group的同學都欠缺動力去讀書, 難道我們真的要這樣渡過餘下的六個月 ─ 我們的中學生涯最後的六個月嗎?
放學後又跟Ms. Yeung 談話。
***
有人說, 一個人只會望到另一個人的缺點, 而對方的優點則較難發現。
但當你睇你自己的時侯, 你究竟會發現自己的優點先, 還是揭開你的缺點先?
我很多時都會想自己究竟有什麼優點, 可惜的是, 答案永遠只有一個字 : 無。
我真係諗唔到自己有什麼優點, 諗唔到自己在學校任何圈子中有什麼重要性, 諗唔到自己有什麼快樂的回憶, 這算不算很悲哀?
對於別人口中所說的「優點」, 我覺我他們只是講笑。
究竟我以前所擁有的一點點自信, 是真的是發自內心的自信, 還是因自己的無知所生成的自信?
***
今日, 我又做了一些能作為他人笑柄的事情。
十二月的我十分膚淺, 今天的我亦如是。
真的不要再做傻事了。
***
望向明天要交的講稿, 我突然覺得這篇文章寫得很好。
的確, 這篇文章沒有一句假話, 沒有一句話是「作」出來的。
講了要講出來的, 不該講的暫時或永遠地收在心底, 這是我一直努力地訓練自己要去做的事。
***
最近晚飯時沒有胃口, 不但食飯前沒有肚餓的感覺, 食食下就唔想食, 飯前同飯後的感覺都是一樣。
這種變化, 是否因心理上作出了變化所致? |
| 2006 年 8 月 13 日 星期日 |
| 2006-08-13 |
分類: 未分類 |
對自己很失望。
而家先溫到 「自養營養」, 仲有成百幾二百頁筆記未清。仲有Chem. 既quiz, 上次中化份功課又唔見咗......
原來以我咁低既資質, 要清晒而家既 Bio. 筆記, 真係要用成個禮拜專心KO佢至得。
聽日既Bio. quiz, 4成分都唔知有冇。
有好多野都未做...... |
| 2006 年 8 月 11 日 星期五 |
| 2006-08-11 |
分類: 未分類 |
難道我真的要如我阿爸所料, 一到十八歲便要自力更新嗎? |
| 2006 年 8 月 10 日 星期四 |
| 2006-08-10 |
分類: 未分類 |
新眼鏡取得。 |
| 2006 年 8 月 9 日 星期三 |
| 2006-08-09 |
分類: 未分類 |
今日是會考放榜的日子。
今朝上網check成績, 發覺B卷攞咗D ( EDDE )
雖然這是我預期中的成績, 但其實我心底裡是想攞C, 所以成績顯示係個芒上的一刻, 望見那個D, 我感到有些失望。
D人係卷三攞到既成績唔係D就係A , 似乎我又再次墜入卷三既Part B其中一個未知的陷阱。
希望以後既日子可以好好溫習。 |
« | 8 | 9 | 10 | 11 | 12 | 13 | 14 | 15 | 16 | 17 | ... | 21 | »
|
