昨晚, 家中的 「昭和三色」無端端彈出魚缸, 頭先著地, 即時昏迷, 鰓部出血, 放回水後一小時後死亡, 係毫無徵兆下, 咁就死咗一條十八寸長, 市價值幾千元既錦鯉, 我仲未好好地為牠拍照。

***

今日政綱大會, 每一年的這場合, 都會帶給我不同既感覺。

中一, 覺得這場合很有趣。很記得有三個侯選內閣, 分別為 躍能閣, 忠閣及龍騰閣, 最後躍能閣勝出。「弱能閣」是班中同學為該內閱所起既花名。

中二, 禮堂維修, 政綱大會改在 Lecture Hall 進行, 只許中四級現場觀看, 其餘人士只許透過全校廣播 「收聽 」, 帶給我另一種感覺。

中三, 坐於禮堂上層, 居高臨下。

中四, 開始覺得侯選內閣好廢。

中五, 首次得一個侯選內閣參選, 由於在政綱大會表現不好, 結果不能於投票日取得足夠信任票, 要改組內閣才能當選。

中六, 眼看自己的同學上台, 特別有親切感。

中七, 機緣巧合下成了負責遞咪既工作人員, 以前輩身份觀看及參與政綱大會, 看到及感受到另一些觀眾看不到及感受不到的事物。

不經意地將所有功課放在學校課室中, 反令我得到了做 Chem. 以前既 Past paper   既機會。

今日 Ms. 楊來電, 對話內容雖已沒有 「退學」, ' Ive ' 既字眼, 卻多了幾個新 term, 例如 「留級」和「出來搵工做」。

晚上 M.Y. 再來電, 請我通知大乳牛先生 Day 1 要測 「循環系統」

尋日去咗長洲旅行。

準時去到荃灣公眾碼頭, 搭咗成兩個鐘既船先去到長洲。

由於係船上拍咗幾段片, 令我係落船那一刻開始擔心 Memory 會唔夠。

下船後, 一時同一大群人一齊, 一時獨個兒上山影相, 係山上發覺 Memory 未用完, 但電力已差不多用完, 於是惟有落返市中心買返一排 AA 電芯。

最後我都係同一大班人一齊食lunch, hea 到兩點幾上船走人。之後同成班人一起去機鋪打機, 同 M.Y. 搭 31 號走, 八點七先返到屋企。

用新既相機影既相比我想像中少得多, 我反而覺得我所拍既片更有意義及更有滿足感。

有時我會覺得部相機個鏡頭唔夠闊, 以及 Load 相有些慢。反而所拍既片真係唔錯, 不過要係電腦入面先出到聲。

或者, 下次再有同類型活動, 我要帶兩張1GB 記憶卡, 以及兩排電芯。

 也許要加一個廣角鏡?

為什麼家長總是要求我把自己加進相片中? 我拍的相可不是給他們看的。

昨晚, 細妹唔知係有心定係無意, 同我講 : 「 我地個位 Head P. 入咗中大 。」......

做 Head P. 做到好似個位兄台咁都唔錯, 我想。

***

十分鄙視自己做lab. 既速度。

今日係 Chem. lab. 度坐到八點鐘自走得, 假如我已經係昨晚 Pre 咗 lab. 的話, 我就唔駛咁遲先走。

俾功課同測驗壓著, 想溫好書都難。

Bio. 既 quiz 愈來愈少字, 我所能寫既字亦愈來愈少。

原來當你認為自己唔得個陣, 你一定會唔得, 今日我認為自己一定會肥, 結果真係肥咗, 在五十多個格仔中, 我只填上了八個, 真係屈指可數。而且仲唔肯定對不對。

 打返呢兩日做過 D 乜野。

星期六, 參觀科大, 意料之外, 成為了最遲到達科大 canteen 個位。

之後同串燒三人組以及 yanyan 同 carman 四圍行, 發覺 Bio. Group 的人似乎俾 Ms. 袁搞到對 Pure science 冇晒興趣。

不過我覺得此行意義不大, 大學開放日既目的, 係俾人對佢想入讀既科目有更深入的了解, 了解校園的氣氛等, 而且更是為有心讀大學既人而設的, 本人不但唔知自己可以適合讀乜, 我唔想好似中三咁再次選錯科, 更何況我對入大學仲係未有信心, 我諗我唔會再去任何大學既 open day.

之後兩點幾返到屋企, 原本諗住做 Chem. past paper, 不過有心無力, 瞓咗, 之後又發生咗一些事, 令我無法溫習。

第二日成家返大陸探望仍然躺在病床上, 仍昏迷不醒的爺爺。

去到深圳海關個度排隊時先知細妹既回鄉證已過期, 於是阿媽帶佢地返香港, 我同阿爸上去。

點半鐘去到鄉下, 前往醫院的途中, 發現一間魚檔, 原來入面既龍吐珠既水準同金魚街既龍吐珠有得揮, 而且價錢仲平咗, 一條係香港要用四萬多元先買到既辣椒紅龍係個度用三萬多元已可買到, 有些意外, 間鋪頭令我想起隱居山林的世外高人。

在醫院的 ICU 中, 望著昏迷不醒的爺爺, 我忽然間, 自我出生以來, 我第一次想成為一位醫生幫下爺爺。不過香港既醫學院要幾條 A 先可以入到......

之後返回香港, 呢兩日, 完全冇溫過書。

呢兩日, 有好多唔開心既野發生咗。

我知道了家庭中一些秘密, 當然是不好的。

證實了我其中一個長久以來既想法是正確的。

在金錢面前, 父母既婚姻真是不堪一擊的。

在父母的爭執中, 我們三兄妹總是成為他們既磨心及棋子。

我有預感我始終會面對那些事情, 奈何家庭既責任總是令我感到害怕及逃避。

打返前個幾日做乜。

星期日同阿爸阿媽出咗去旺角買相機 : Powershot A640, 老實講, 我唔多夠膽入電器鋪買相機, 因為對呢種地方唔多熟, 故此入去買野要搵人「照住」, 人生經驗豐富既阿爸當然係我既首選, 事後發覺我既決定係正確既, 因為若我自己一個人去買相機, 一定會攞少好多野。

首先, 阿爸以出色既說話技巧令個位個樣好狡猾既售貨員除咗一張 1GB 既記憶卡外, 仲額外送多張 32 MB 既記憶卡, 之後仲肯送腳架, 掛繩, 最屈肌既係阿爸識得一位係隔離買緊相機既人, 打轚招呼後, 個位仁兄同售貨員講 : 「 部 A640 有冇得平 D 呀? 」 之後兩位售貨員經一大輪計算及討論後, 決定將售價降低一百元, 以 $ 2880 成交, 另加百七蚊買充電器。

咁大個人未試過一次過駛成二千八百元而面不改容。

第二日係出 trip 既日子, 七點半係荔景站等埋其他人先出發, 臨行前咸豐仲係電話中俾 Ringtone 串咗兩鑊。 之後去到中環既港外線碼頭搭快船去到長洲。

去到之後, 我好後悔我冇帶相機, 因為實在有太多既靚景了。

有一間叫陳震夏中學 ( EMI )同另一間不知名既 EMI 一齊參加今次 camp

聽咗一大輪野, 下午出去考察, 幾好玩, 不過成對鞋徹底地濕了。

6 點幾食晚飯, 可能係記憶中最早既晚飯。

之後由 Ms. Yeung 口中得知, 原來得我地一間學校觀星, 另外兩間唔係淆底就係根本冇參加, 不過咁反而仲好, 因為唔駛 share 望遠鏡, 吸引著眾人目光既, 有講解員 ( Magazine ) 本身, 仲有佢個支用來指星既 lazar, 仲有一副幾餅野既天文望遠鏡, 以及一位企係好遠處既阿婆...... 我同lucy仲見到一粒出現咗唔夠一秒既流星, 過程比我相像中充實, 無悔。

之後返到營舍後做 report 做到兩點幾先瞓, 連涼都冇沖。

第二日八點起身, 梳洗一輪就食早餐, 之後做 lab. 及沒準備 presentation, 之後食lunch, 直至兩點半先開始 presentation, 最經險既係到我地 present 個陣大乳牛發現個 file 唔見咗, 之後惟有俾 Ringtone 個組 present 先, 之後先搵返份 file先可以順利地 present , 不過我好緊張, 我都有些不明白點解我會咁緊張。

最後, 影咗幾張合照, 就搭一架慢船走, 再次後悔冇帶相機, 因為有好靚既日落。

今次既 camp行程由頭到尾都咁緊湊, 去完一處地方, 就即刻去另一處, 冇任何比我地 hea 既時間, 不過我覺得我係事前準備同傾 report 個陣都係完全唔投入。 結果我冗咗, 做咗冗員, 似乎係組入面我都係一個可有可無既角色。

十分期待明天的 trip,

期待即將到手的新相機。

昨晚七點幾時上緊網, 我那隻放在桌上的左手突然 Feel 到振動, 當我確定那振動並不是由我引起後, 我沒有即時以為發生地震, 反而以為是塌樓......

之後再 Reject 咗呢個想法, 轉而懷疑發生地震, 但此時震動卻停了, 我仍看到放在櫃上的水瓶中的水有漣漪, 令我想起 「侏羅紀公園 」

由於振動已停止, 加上我已確定生命冇受到威脅, 所以沒有將此事放在心上。

到後來, 在新聞中得知, 原來數小時前的振動真是由地震所引起......

***

今日上午天晴, 點知放學時才下大雨.....

首堂 PE 堂, 以一敵二, 不過最終因唔夠氣而俾 K.K. 同德德屈咗肌。

仲差點踩爆副眼鏡, 以後我再也不會把它放在地上了......

***

今日借 lucy 既手提係小息時打俾阿爸, 問佢將我既 P.E. 衫擺咗係邊, 點知阿爸除了答我將件衫放係我張桌上, 仲話一陣間之後會返大陸, 原因係爺爺有事。

所以造就是今天阿爸不開鋪的原因。

我想都冇想過我會由這途徑得知這消息。

在收到消息時, 我沒有太大的感覺, 這是我意料之中的, 我反而想起阿爸曾同我講過要珍惜同爺爺相處的日子, 因為阿爺成八十幾歲人, 見得一次得一次咁話。

之後我開始猜想一旦爺爺去世了, 阿爸究竟會平淡面對, 還是欲哭無淚? 我亦猜想一旦爺爺去世了, 我究竟會傷心起來, 還是向阿爸裝出一副傷心的表情。

這消息令我心亂了數十分鐘。

幸好阿爺既病情冇我想像中咁嚴重, 阿爸亦看起來很輕鬆, 不過對於他返大陸時的心情及表情, 我便不能想像了。

今日係鍋貼食 lunch 個陣或許太過肚餓, 或者慣咗自己一個人食, 令我係其他人既食物未黎到之前就先行開飯, 唔好意思!

***