終於將 Jupas 的25個 choice 排好, 將 Poly 的視光學放在第一位, HD 都選咗二個。

不過其實視光並不真是我心中的那杯茶, 中大的藥劑及心理學才是我心中的首選, 可惜的是它們都要攞幾條 A 先入到, 不過我還是將它們放進我的選擇內。

我第一次感到我的色弱對我造成的不便, 原本放射學都可以說是我的首選, 不過  Jupas guide 中放射學的 Special requirement 中的一句 Applicants with visal colour deficiency will not be eligible for the radiation therapy concertration 令我不能將佢放進25個 choice 中, 很可惜。

***

今日影班相, 個攝影師好 rude , 不過我相信最終所得到的會是一張很好的相片。

原來那部相機叫 「哈蘇」(Hasselblad)

當我認真地看 Jupus guide 時, 我才發覺, 原來我的選擇真的少之又少。

有興趣的不是沒有, 不過幾乎全部都至少要係2AL入面有一條 A 先入到, 根本係冇可能既事。

至於教院, 嶺大同公開, 我都唔想入。

不知道怎樣填滿 25 個志願。

今日 lunch 返來學校之後, 蔡 sir 抓著我, 希望我可以報名參加陸運會義工的攝影, 不過由於已答應冼 sir 若 prefect 個邊唔夠人我會提供幫忙, 故此拒絕。

直到那一刻, 我才發覺原來 prefect team 除了令我失去自信及時間外, 還令我犧牲了自己的興趣。

不過算, 不過我希望可在星期五前得到 「需不需要我幫忙」的答覆。

算啦, 其實以我既 DC 仔的實力及我的技術, 最多只可做駐守頒獎台的二流角色, 而且我都唔多知可以影乜, 其實我唔擅長將人變成相片中的主角, 陪襯就可以了。

今日選擇同同學出街食晚飯, 原因是我喜歡和同學一起多於和家人一起。

今日終可完全跑完三千米, 完成的那一刻的感覺真是難以形容。

期待日後的進步。

高考的日子愈來愈近,

成功的人會愈來愈成功, 失敗的人也許會愈來愈失敗。

***

頭先終於逼到自己去練跑, 發覺自己似乎已忘記應怎樣跑長跑。

我認為我有體力跑足全程, 不過失缺跑足全程的鬥志。

無錯, 我現在欠缺的除了方向, 發自內心的信心外, 還是發自內心的鬥志。

有人經歷挫敗後會奮發圖強, 為何我竟愈見頹廢? 是否趺得不夠痛?

***

睇咗咁多集肥田, 我始終認為只有身材苗條的人, 才可穿得好看。

我始終認為, 一件高貴的衣服並不能使穿上的人變得高貴, 反而, 是有高貴氣質的人穿上去才會散發出衣服的氣質。

你能幻想一個農村模樣的女孩, 穿上價值連城的晚裝的可笑情景嗎?

我始終覺得, 女主角真係好樣衰, 假如唔係我地成日係播肥田時出街食飯, 我根本唔會睇, 劇情荒謬, 女主角又樣衰。

也許我對樣衰的人有偏見。

***

「該拿起的要拿起, 該捨棄的要捨棄」(節錄自經濟日報對 《三峽好人》的故事簡介)

我覺得這句話很有意思。

我不相信 「天生我材必有用」這句話, 有些人生下來係完全無用的。

我始終相信, 這個世界上有一些人, 你會找不到你可在任何一方較他優勝。

今日同明天我以捐血為由, 不去練跑。

今日出奇地可以4:30分離開學校, 不過我真的不想咁快返屋企, 有人話我傻, 不過算, 佢都唔明。

這篇日記比也許會比較混亂。

直至目前為止, 我還對自己將來的路不清不楚, 趙 sir 教我地選科時要遵守「趣之所致, 力所能及。」這個要訣, 既然我連自己將來想往那兒發展都不知道, 我都不知道怎選科。

我只知道我暫時對攝影有興趣, 我對住一本攝影雜誌, 會比對住 Chem. 專心, 可惜, 我覺得攝影不能成為我的正職, 這一圈子是燒錢的, 而且我覺得我的性格和見識不允許我拍得一張好的相片。

英文堂輕常拿來做 Past paper, 其實我較為 prefer 中五時, Day 6 放學後限時做 Past paper 的方式, 不過若果真係咁樣做, 我都未必上心, 因為我很累。

陸運會, 我報了三千米, 不過我還未有心去練跑, 星期三我以下雨為由不去練跑, 不希望再有下一次。

其實我都唔知自己點解要報三千米, 可能是最後一年的關係, 我唔報會覺得唔舒服, 不過報咗之後會對自己有要求, 要求自己要比上一次跑得更快, 難道我要要求自己要在十三分鐘內完成賽事嗎?

直至目前為止, 我只對中化的 Listening, UE 的 Section A, C, E 有要度, 會較為認真做, 其他的都是得過且過。

其實有些事情的發生是意料中事, 不過其實我都想這些事情發生, 我只是擔心自己會否應付得來。

不過其實咁都唔錯。

對不起, 我不知道原來我打波是那麼矛的, 我承諾下次會作出改善。

看來我還要學習一下對不同的人做不同的事。

***

每日起身返學, 只會等放 lunch, lunch 之後等放學, 放學等食飯, 食飯等瞓覺, 每天起來最想做的事是睡覺。

我返學的平均時間一年比一年遲。

昔日的鬥志去了那裡?

近呢一個星期, 細妹要測驗, 所以不去補習, 留在家溫書, 故此冇機會, 而家佢地睇緊電視, 給了我一個打日記既好機會。

今個星期我成功得到我張成人身份證, 張相都算ok.

其實我要出去兩次先可以攞到張身份證, 第一次以為五點半先關門, 五點去到, 先知原來係四點半關門, 於是去了附近一間書店看書。

第二次係 Day 3, 我以前所未有既速度爆完份 lab. report, 即刻衝出學校, 4:20去到入境事務處, 取得身份證後, 在街上遊蕩, 成八點先返到屋企。爸媽出乎意料地冇對我的晚歸作出責備。

Day 4 , 肚子不舒服, 故此不上游水堂。

似乎 Chem. 真的令我產生不少負面的思想, 想法及幻想, Day 4 的 Chem. 補課也不例外。

返到屋企後流鼻血, 止血後落鋪頭同同學食野。

星期六參加 Ms. 既婚禮, 原來女士穿上婚紗的那一天真的是最漂亮的。

攝影, 真的可以讓我不能好好感受身邊的一切。以及讓我感受錯過寶貴機會的失望。

之後同咸豐及幾位舊同學去機鋪打機, B恆玩射喪屍既 game完全屈咗機, 令原本放下硬幣跟隊既人都收起硬幣走人,七點幾歸家。

今日起身開始便發覺自己沒 mood 做野, 直到而家先精神返。

和 M.Y. 的誤會終在幾天前解決, 好。

***

自從卸任以來, 今日我第一次同同學係 canteen 食野, 不過我地係係安蔭買飯後再返 canteen 食, 大乳牛坐在一旁......食飽。

今日的 Chem. Lab. , 似乎大家都不太小心。

先有 Ringtone 打爆 pear shaped flask, 搞到佢無朋友之後, 阿鬼又係 Ms. 袁面前打爛野, 也許 Ms. 袁教咗三十幾年書, 見慣大場面, 表情無變過。

而我係將 NaOH 倒進 Measuring cylinder 時不覺意地將一支Dropper 既NaOH濺到我的左手上, 令左手中指的一處隱藏的傷口爆裂, 之後再用右手徒手移走係完成 reflux 之後不久既三腳架, 結果起咗幾處水泡。