今日同同學去踩單車。

好開心, 好耐都冇咁開心過。

今日, 我發覺缺少了某些東西, 我會更能表現出真正的自己, 我始終不是一個大方的人。

今日Chem. 補課。

Ms. 袁係放學之後拘留我, 搞到我冇得攞  M.Y  既野去影印。

之後又一個人去M記食野。

昨日的凌晨時份, 家中發生了一次危機, 差點兒令阿爸破產。

幸好無人受傷, 受傷的只有那兩隻盾背龜, 死唔眼閉的只有那條被溫度超過一百五十度的水徹底煮熟的 「 吸塵機 」。

換咗係我, 我都唔知能否由廁所中全身而退。

我所選的, 我喜歡的, 總是萬中無一的。

最近的我, 像一個不停地由夢中醒來, 但隨即又墜入夢境中的人。

無數次的「夢醒時份」。

很喜歡陳淑華的 「夢醒時份」。

***

在今日的天氣下, 我較喜歡自己一人。我很享受這天氣, 我不想在這天氣下分心保護任何人。

***

今日打風, 不過奇怪的是風力有八或九號的水平, 但天文台仍只掛三號。

阿爸決定今日休息, 是一個十分正確的決定。

M&S 補課之後, 係PHY. LAB 睇人比賽, 之後在街上, 我的傘子在強烈且方向不定的強風撕破了一條支架, 最後佢落得被我丟在垃圾桶的下場。

衫都未換就出咗去旺角跟家人會合, 去咗配眼鏡, 左眼的近視由原先的一百二十五度增至二百度, 右眼的近視由原先的一百七十五度增至三百度, 另加五十度散光。

依然不能配得心愛的眼鏡, 因為我心儀的眼鏡值 $1380  。

似乎我心中所想要的 , 我總是沒有資格取得。

我覺得我所失的比其他人多很多, 不過我卻不稀罕那些我有但其他人冇既野。

細妹今日又因事被阿爸罵, 佢幾時先可以唔駛日日被父母罵?

再係咁落去, 這個家必崩分離折。

今天發生了一些事, 令我再次找到一個證明自己是一個愚蠢的人的證據。

***

為了令我做功課時更得心應手, 我丟掉了一大堆從來沒有寫上一個字的紙及薄。

總是不能夠早起身, 總是不能在補課回家後專心溫書係度hea, 結果, 呢兩日我最專心的時段反而成為補 M&S 的時段, 好彩都可以係補課中學到野, 否則呢個星期真係浪費咗。

xanga既字無故變細咗, 不過咁反而更加好。

***

要偒害一個男人是一件很容易的事, 只要一個女子就夠了。

只需一個女子, 就可令一個男子的心靈受到永恆的創傷。

致死的痛只是剎那, 心靈的痛卻是永恆。

今天又有一個人放棄了。

那個人是否真的如他所說的已經放下了嗎?

在今天下午的M&S補課, 未知是決心要有個新開始, 還是不想在 M.Y 隔離及阿sir面前釣魚, 全場我都十分精神, 在做 Exercise 時更能夠全力以赴, 以狂風掃落葉的速度 ( 我認為 ) KO晒佢地, 好有滿足感。

在今日的下午, 我彷彿找到了Form 5 的自己。

今日近乎巔峰的狀態令我想起了去年暑假補 A. Maths 時, 同 K.K 鬥快做微積分, 當別人才剛剛離開學校食lunch時, 我已經食完飯返學校繼續做數的情景。

希望今日的表現能持續下去。

***

希望能保持這種關係, 很多謝你對我說出這句話 ( 其實我好懷疑我聽錯 ) , 你讓我明白甚麼是甜笑。

我不想誤會任何人。

由阿媽口中得知, 原來個妹係前幾日去小童群益會做義工時, 發覺原來很多同學每天都係屋企食晚飯, 而佢地亦對我地日日出街食野同成日食飯盒感到奇怪, 個妹好羨慕佢地, 因為佢地覺得成日出街食好悶, 但係佢既同學亦好羨慕我地, 因為可以食完就走人, 唔駛親自煮飯及洗碗, 令我百感交雜。

個妹問 : 「 點解人地可以日日係屋企食飯, 但係我地就唔得 ? 」

冇錯 ! 我地真係唔可以日日係屋企食飯, 係屋企食晚飯對我們這一家來說是一件罕有的事, 這是我們的宿命, 我們駐定要從小與飯盒為伍, 與茶餐廳為朋, 它們將會陪伴我們走過我們的童年及少年時代, 直至我們真的不再需要依賴家人為止。

希望個妹會早日明白, 我們這一家是一個與眾不同的家。

望著售價為港幣二百九十三元正的《 2006 Whistwatch Annual 》國際中文版, 我除了嘆氣之外, 還是嘆氣。

因為種種原因, 我總是無法得到我想要的書。