唔知點解, 我竟然會為了pre.今日既Chem. lab. 而搞到成三點幾先瞓, 好奇怪。

今日上今個學年最後一堂游水堂, 可惜既係始終學唔到點換氣。

再次體驗到有pre. lab. 既好處, 我好有confidence 咁走進Chem. lab. , Ms 袁講既野, 我大部份都聽得明。

當人們係度寫緊procedure個陣, 我已經寫緊discussion . 不過用Quickfit set 個陣依然雞手鴨腳。

結果我成為第一個交lab. report 既人。事後, 我覺得pre. lab. 雖然辛苦, 但仍然係值得既。 

頸先同屋企人落街食飯, 餐廳既TV正播出TVB既公益金籌款既電視節目。

我個人認為個節目好fcuk, 唱得好既歌唔係我杯茶, 但係個D係我杯茶既歌, 歌手就唱得唔好。

曾志偉唱 Right here waiting, 真係唱衰咗首歌。

唔知係人生經驗豐富, 定係對呢個世界感到灰暗, 大人們總是在抺黑捐款者。

不知點解, 我係裘記讀咗5年幾書, 今日先第一次留意到校內既木棉榭。

聽人話木棉花會係考試季節散播種子, 不過我認為今年未免遲咗 D 。

試想想, 眾多會考生站在我校三樓的小操場上為一會兒後的考試作最後衝刺, 突然一陣強風吹過, 木棉榭上的木棉紛紛隨風飄下, 落在小操場的地上, 落在考生們的書本上, 落在一些考生傍惶得發抖的手背上, 也落在一些自信十足, 抬頭望天的考生的臉上。

也許, 當考生們魚貫地進入gym時，會見到漫天木棉。在某位考生的桌上，一團木棉正躺在那張寫有他名字的貼紙旁，木棉中有一粒種子．．．．．．

－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－

Ms 楊:「Ben Chung, 你究竟係度睇緊乜?」

C(指住3樓): 「睇緊D人踢波。」

Ms 楊:「咁將你睇到既野描述返出黎。」

C( ) :「黃社既學生向前帶波向前推進 , 紅社既學生出迎, 之後黃社既同學鈕過紅社既同學, 並用左腳將個波射咗入網。」

Ms 楊:「咁將你頭先所講既野加以分析, 然後作出結論。」

C:「黃社既學生盤球技巧幾好。」

Ms 楊:「呢個只係conclusion, 唔係分析, 好好諗一諗, 放學之後講返比我知。」

(放學後)Ms 楊:「講係既分析俾我聽。」

C:「當紅社既學生出迎時, 黃社既同學好冷靜地鈕過紅社既同學, 並用左腳將個波射咗入網 , 所以黃社既學生盤球技巧幾好。」

Ms 楊:「咁將你頭先所描述既事連埋分析完完整整地講返比我聽。」

C:「黃社既學生向前帶波向前推進 , 紅社既學生出迎, 之後黃社既同學鈕過紅社既同學, 並用左腳將個波射咗入網, 當紅社既學生出迎時, 黃社既同學可以係一剎那間作出應變, 好冷靜地鈕過紅社既同學, 並用左腳將個波射咗入網 , 所以黃社既學生盤球技巧幾好。」

Ms 楊:「非常之好。」(接下來是一大堆道理)

呢排成日俾Ms楊捉咗去傾計, 今日小息同午飯時間又走去見佢, 不過好彩冇俾佢串。

最近我發覺到Bio. 同M&S 都有improvement, 不過仍未足以應付考試 , 而中化同Chem. 則毫無起色, 情怳令人擔心。

聽某位同學講話有一個男仔第一年考UE得F, 之後因為要溝女, 故此努力向上, 最後UE得A。 想不到愛情的力量可以如此強大。

不過我相信我絕對唔係故事中既男孩。

今日週會既sing for joy , 6B班屈晒其他參賽者肌, 名正言順地攞咗冠軍, 相信所有在場人士都會同意這一點。

看中四級的參賽者既表演風格, 我覺得今年既中四同我個屆好唔同。

整體上, 我會比較喜歡中四個年既sing for joy, 不過若論今年表現, 則係今屆最好。

今日幾開心。

Did anyone take my unbrella which is deep blue in colour away? If your answer is ' I am. ' , please give it to me tomorrow.

在會考放榜當天, C 感到如釋重負, 心情十分輕鬆, 感到自己正踏上一條康莊大道, 前途一片光明。

中六迎新日當日, C從師兄口中得知中六及中七生活的非人生活, 但他仍相信他能應付得了。

但是在開學後, C卻發覺他完全地高估了自己。

今天, C累了。他覺得自己真的改變了, 首先, 他在會考前的鬥志已消失得無影無蹤 。

從前, C將學校當成他真正的家, 不過, 升上中六之後, C無可避免地更深入地了解他的中學, 而且, 外校生亦使他的眼界擴闊了, 在此兩個因素的作用下, C發覺他已經沒有家了。在學校, 他不開心; 在家中, 也不開心。

C認為從前的他會為家庭的生意擔心, 不過到了今日, 他已對此漠不關心。

從前的C, 總覺得自己總有一點長處, 但在這一刻, 他左思右想, 總是想不出他有什麼長處, 缺點, 他卻隨口可以說出數個。

現在的C覺得自己是一個廢物。

現在的C, 很討厭他的家庭, 很不喜歡自己就讀的中學, 而且十分憎恨他自己。

他很想讓自己的人生重新開始。

C很清楚自己正面對一個巨大的考驗, 一個自他有記憶以來最大的考驗, 他亦明白, 一旦成功地克服這個考驗, 便會雨過天晴, 若不, 他便會陷入萬劫不復之地, 不知何時才可翻身。

但, 他有能力 ,信心及勇氣去面對這個考驗並戰勝它嗎?

今天, 我的心情十分低落。

今天, 我十分頹廢。

今天, 我被CHEMISTRY這九個英文字徹底地擊倒了。

面對著中化的問答, 化學科的 past paper+ GCE question, M&S的功課, 生物科的筆記, 以及領袖生的事務, 我終於明白什麼是力不從心了。

在今天, 我發覺我已經沒有了意志及自信去完成我的工作。

在今天, 我只完成了中化問答。

我有一個與眾不同的家:

1) 家中會養有數條錦鋰一條龍吐珠兩隻紅耳龜兩隻盾背龜很多麥皮蟲, 以及一條走失了的蜈蚣。

2)家中會有很多水松碗, 膠匙, 竹籤, 膠袋, 一大包一大包的黃豆......。

3)十分擠迫及凌亂, 家中惟一比較整齊的地方就是廁所。

4)可以在晚上十時才吃晚飯, 全家可在凌晨一時也未上床睡覺。

5)全家沒有一人是開心的。

在星期五的晚上, 爸媽無故對我說一些意料不到的說詁 , 是否有人在我背後向我的爸媽說出我在學校中的情怳?

今日屋企無早餐食, 阿媽俾咗十蚊我, 叫我只己落街買麵包食, 不過最後我都係係枱底攞咗一支葡萄適, 諗住當係早餐及lunch, 一返到學校, 即刻飲咗半支。

係M&S 堂時俾蔡sir串, 係break 個陣時佢無端端問有冇人想唔讀 M&S, 個陣時我已經覺得佢講呢番話既對象係我, 跟住佢見反應冷淡, 便竟然問我想唔想job M&S, 我話大吉利是, 跟住佢話 : 「我又唔係叫你唔讀中六, 只係叫你Job  stat. 啫, Ms 楊話你Bio. 唔係好掂 , Chem. 又唔掂, 科科都唔掂, 不如job咗 stat. 佢, 俾多D 時間落兩科AL 度啦! 」我惟有以微笑回應。

 PE堂仲係學唔到點樣換氣, 仲俾K. Fung話我既泳姿好核突, 好似一個遇溺既人。

PE堂後飲埋剩低既半支葡萄適, 不過似乎無乜起色, 睇黎下次要參考虧康既意見, 攞支寶礦力返學。

之後既Chem. lab. 無端端心情低落, 完全唔知做乜, 最後交咗一份有史以來最hea既 Chem. lab. report.

老實講, 今日過得幾開心。

今日既Chem. 堂同Bio. 堂習中唔到精神, 但係係M&S堂突然狀態大勇, 兩堂都好專心。仲好明白蔡sir講乜, 之前無心機上M&S堂時所忽略咗既野恍惚係呢兩堂完全明白晒, 好。

之後以full team 看Form 1 lunch。

跟住成級出咗去參觀位於沙田既香港文化博物館, 好無聊。原定參觀完畢後同Karean Cheung傾崗位表, 不過佢話要同人shopping, 咁惟有就此作罷, 之後去咗沙田市廣場四圍走, 走到成5:50先走。

今日冇食早餐就返學看門口, 終於體會到唔食早餐既害處─令到我全程呆滯加腳軟, 冇心機捉人, 只捉到一個。

好彩小息時走落去3樓canteen飲咗一包朱古力奶, 跟住就精神返。

中化既quiz, 慘淡收場, 我覺得中化既文化篇章真係唔係我呢種人讀, 佢成日問對某事有什麼感想, 有乜感想? 咪就係冇感想囉!

我真係好唔明D同學全程憤筆疾書, 但我完全唔知寫乜。其他人交卷時張紙寫滿晒字, 但係我淨係寫得個幾行宇。

看Form 1  lunch 既時侯發覺到D人係Day 1 放我飛機既情怳依然嚴重, 計埋我先得個5個人, 不過我當時俾一種好奇怪既feeling籠罩著, 所以對於此情怳冇乜特別感覺。

空堂用晒黎溫M&S, 個quiz  考得幾好。

由於Bio. quiz  failed  既關係, 以後每日都要溫Bio. 溫到7點鐘, 時間方面, 我冇異議, 但係冇乜自由。

返到屋企, 終於收到咗我期待以久, 由經濟日報所出版既《名錶誌》, 阿爸每日去酒樓飲茶後帶返屋企既經濟日報令我對此世界知道更多, 其中一點, 係令我了解到原來端士既錶係咁屈肌既。

好開心, 我下個月唔駛再為了解係今年既BASEL及　S.I.H.H中出咗乜野新錶而再攞三十幾蚊買一本am:pm了。