尋晚原本諗住專心pre. lab. , 點知一時心血來潮, 開咗電腦,發覺Mandy Yeung搵我, 於是同佢傾吓, 由佢個度得知Ring Tone 係 adaptation of hillside 出咗問題, 於是去搵佢, 於是係icq上同Ring Tone 傾到成一點鐘先瞓。Pre. 唔到lab.

今朝返到去無乜特別, 只係Volcab. quiz再次肥佬, 要係聽日lunch再補測。

上游水堂時發覺自己有進步, 已能用自由式游大約半個池, 可惜仲係學唔到點換氣, 希望下堂可以學曉。

原定係lunch個陴盡最後努力pre. lab. 點知對住張lab. menu, 發覺一個字都入唔到腦, 好耐都concentrate 唔到, 於是作罷。

不過個lab. 同份lab. report最後都係係幾乎毫無阻滯既情怳下完成, 係我既印象之中, 呢次個lab. 好似係咁多個lab.之中最易完成既。

6:00再次弧身去M記食野。見到Karean  Cheung, 不過見到佢同成班friends係度吹水, 所以無同佢講野。

我愈來愈覺得Ms 袁既教書方法唔適合我, 我比較接受對住本書既教學方式, 但Ms袁就俾筆記我地, 加上筆記內容艱深, 以我既資質係焦可能明白份筆記邁乜。反而本New Way Chemistry for Hong Kong A-Level既內容同用字就淺易好多, 較易明白佢講乜。Ms 袁話個New Way 既3A 同3B好廢, 但係我係星期六買咗佢地返黎, 但就一D 都唔覺得佢廢, 我反而可以對住本 Chem. 書成幾粒鐘都唔覺得累, 同上Chem. 堂時既昏昏欲睡有天壤之別。可能我覺得份筆記對我冇乜用, 所以放完假之後我完全冇心機上任何一堂Chem. 。仲有我覺得而家除咗Bio. 係處於半自修既狀態之外, 其餘各科都係自修既, 因我最近發覺自己完全提唔起勁上任何堂(Bio. 堂除外), 而係放學之後我就落library溫書。之後返到屋企就一事無成。

尋晚同k. Fung 係icq chat 咗好耐, chat 來chat去都未 sure可以係邊度做project .

結果今朝早件事變得明朗化, Ring Tone 突然肯俾我地上佢屋企度做, 於是同k. Fung 一齊上咗佢屋企做, 途中K. Fung見到有人結婚, 好羨慕佢地, 但我就冇愉feel, 我只希望佢地結咗婚之後唔好發覺選擇錯誤。有時婚宴的完結, 便是噩夢的開始。

好欣賞Ring Tone 處時既方式: 有條理, 快速應變, 絕不拖泥帶水。上去唔夠一個鐘, 我同k. Fung 都好清楚自己要做D乜。

由於Ring Tone 要係中午出去觀禮, 故此又我去咗k. Fung位於青衣既屋企做我地負責個part。佢詬佢屋企好亂, 但我上到去就一D都唔覺亂, 而且仲有三部電腦(若果我屋企有三郭電腦, 咁我就唔駛同個妹爭電腦用啦)

係3:50分收工, 跟住去咗佢屋企附近間大排擋食野。

由於係呢個時候返屋企都會俾阿爸叫去幫手, 都係溫唔到書, 故此同k. Fung 食野個陣, 我已經諗緊之後去邊度hea。

結果, 同k. Fung分道揚鑣之後, 我搭車出咗去長安村, 再行去青衣城, 幫張八達通增值, 再入商場走走, 最後進入三聯書店, 走去青少年讀物個書櫃, 攞咗一本《球場與現實的距離》黎睇, 一口氣由頭睇到尾, 睇完已經5:30。

好鍾意 print 係青少年讀物既封底既文字。書中有D句子道出咗我既心聲。

之後搭MTR出去葵芳, 由於未夠六點, 所以又到附近走走, 仲買咗一杯辣魚蛋食。最後搭235M返石蔭, 結束今日既旅程。

其實, 尋日並唔係一個好開心的既日子。

尋晚阿爸阿媽出街食飯, 留低我地三個係屋企。妹妹之前租咗一套「浪漫滿屋」既DVD, 點知佢忍唔住係阿爸阿媽出咗去食飯之後攞DVD出黎睇, 我發覺佢地真係幾笨, 竟可以係唔sure父母幾時返黎既情怳下開電視, 我係中一時既呢方面既技巧都不知好佢地幾多! 結果佢地睇到父母返黎先急急忙忙地關電視返埋位, 阿爸一返到黎就發覺有唔妥, 經過一輪既擾攘之後, 阿爸發覺佢地睇「浪漫滿屋」。唉, 當堂穿咗煲, 呢個時侯阿爸阿媽已經有點火, 跟住阿爸發覺原本裝住三條攞黎餵龍吐珠既蜈蚣個瓶趺咗落地, 阿爸孰起佢黎檢查, 發覺少咗一條! 跟住阿爸即刻發火(若看官知道蜈蚣係有毒牙既話就會明白我老豆點解會咁嬲) 。 最後, 事件演變成阿爸阿媽之間既爭吵, 阿爸仲打咗我妹妹, 當然, 同妹妹關係疏離既我冇一刻同情過佢地。自己攞黎賤, 俾人打係活該既。

雖然爭吵只係持續咗十幾分鐘, 但已經足以令到全程縮係一角上網, 同時作為旁觀者既我既心情趺入谷底。

其實, 我認為阿爸阿媽的爭吵係我對緍姻冇乜信心既主因。故此我曾經諗過唔結婚。

佢地之間既爭吵, 理由差唔多, 我由細聽到大。

其實, 我覺得阿爸係因為本身性格同埋我地三兄妹先唔同阿媽分開( 其實, 阿爸個年代唔興離緍)

阿媽有個我覺得幾有錢既親戚, 佢個女既婚宴可以係香港會展隔離既一間五星級入面舉行, 個婚禮係我所去過既婚宴之中最豪華, 最有氣氛既一次。

點知, 該對伴侶既婚姻亦係我所見過既夫妻之中最短暫既。

唔夠一年, 我由父母得知親戚個女因為覺得老公貪佢D錢而同佢離婚, 仲已經懷有另一位男士的骨肉。 原來, 豪華的婚宴背後係咁黑暗既。 任何婚姻只要一加進錢呢個字, 就會完全變質, 上述事件便是一例。

有好多野想講, 但係基於自己差勁既expression skill , 講出黎可能會詞不達意, 遲D有機會先再同大家分享。

今日過得幾開心, 朝早係門口捉咗起碼十個人。 跟住返到課室, 獲 Ms Choi 批准同柱調位, 令我又坐返係luby隔離, 而且個位乃全班最偏僻既位, 上堂個陣做乜都好少人會留意到, 正。

之後得知M&S唔駛補課及quiz令我可以係空堂溫Bio.

跟住成班去咗睇社際辯論比賽, 初頭紅社同黃社勢均力敵, 不過之後黃社失準, 結果屈居第二。黃社社長同SU chairman搞咗好多gag,  爆笑連場。第一次留意咸豐親戚眉, 佢戚眉既 frequency真係好高, Carman數到佢係conclusion 個時戚咗成七十幾下眉!

我建議qooza改善下佢天氣個欄, 因為今日早上天晴, 離開學校個陣時卻刮大風, 兼且落毛毛雨, 俾細細粒既雨點不停咁打絛面上既feeling 真係難以形容。

放學之後去咗M 記食野, 之後就返咗屋企。

可能係狀態未完全回復, 亦可能係尋晚夜瞓, 亦可能係唔適應7:00起身, 今日好彩呀媽係7:52叫我起身, 否則必定遲到。

好多人欠交中化功課。

今日一切如常, 好好。至於聽日既 Math. & Stat.  既quiz, 我唔想溫。

今朝8:45返學校補Chem. 一返到去即測Acid-base equilibrium . 好彩Ms 袁話可以睇住d notes黎做, 可以令我的起心肝, 好認真地做呢份卷, 寫咗成三張SU紙, 咁多次test都係第一次用咁多紙黎完成。

之後食 lunch, 又係自己一個人食, 不過今之冇走上Pope Paul附近, 走咗去石蘺商埸既美心快餐食。食完之後又特登兜咗好大個圈先返到學校。

之後測Redox equilibrium, 唔知點解我忽然完全冇心機做, 剩係用咗一張紙。

之後對卷, acid base個份41/100, redox個份返而比我想像中高, 15.5/90。 跟住一個人去咗M記hea, 直到7:00先返到屋企。

總括來講, 我冇係呢個復活節假期得到重生。

唔知係我經常高估自已既能力, 定係自己定下既目標實在係冇可能完成, 假期前set好既目標冇一個可以達到。

歸根究底, 時間其實好充足, 只係我缺乏鬥志去達成我既目標。

當人地係度好努力咁清chem. 既past paper 既時侯, 我竟然仲係度hea, 不過我真係提唔起勁。

仲有我發覺我越黎越想自己一個出街走走, 以前成個月唔出街都冇問題, 不過今時唔同往, 我今次竟會為我係今個假期所去過既離屋企最遠既地方只不過係Pope Paul 附近既一間茶餐廳而感到無奈。好少有。

今日將所有時間放係本Prefects既會議記錄上。

一大堆未經處理既文件, 加上本會議記錄又大本, 寫會議記錄時又要參考番之前兩屆既會議記錄, 三本厚厚既會議記錄, 加上一大堆亂七八糟既文件, 令我真正明白到一張又大又整潔既書桌係何等重要。

好彩妹妹被同學約咗出去圖書館, 先可以用佢地個張二人共用既桌, 或者可說是二人共用既板, 雖然都係唔夠位, 但係我已經好滿足。

由於我好重視呢本野, 加上本人既效率又特別低, 直到現時為止, 都未finish.

諗返起轉頭, 自從我知道書桌時什麼東西後, 我從來未擁有過一張我滿意既書桌。

係我眼中, 一張好書桌, 不單要好大既面積, 可以俾我擺野, 仲要可以同時擺埋部電腦都唔覺擠迫。而且係要俾我一個人用。

當然, 好既書桌要配合一個好既書櫃先得。

若果可以既話, 我當然想擁有一間屬於自己既書房。

但係我自從有記憶以來, 我連一張完美既書桌都冇, 更何怳係好書桌+好書櫃甚至自己既書房。

好唔甘心, 不過屋企既環境真係唔容許我擁有上述既每一樣野。

或者, 我有一日會post幾張屋企既相上黎, 俾大家見識見識。

p.s. Sorry, Karen Cheung, 由於我覺得陸運會既事後檢討唔夠詳盡, 所以我諗要傾多一次, 唔好意思。

今日九點鐘左右起身, 原本諗住再瞓多半個鐘, 點知電話響起, 提醒阿媽叫我地起身。

今次我既直覺再一次應驗, 電話中既人係黎搵我既, 我已心知不妙。Shit!原來Chem. 今日補課, 我以為係禮拜五補課, 諗住今日起身溫Chem. 但係我冇諗到禮拜五係公眾假期, 冇可能係個日補課, 唉!

根據過往例子, 若果真係就黎遲到, 起身之後7分鐘就可以返到學校, 但係我知今次遲到唔會好大件事, 所以就以平時既速度梳洗, 遲到咗成9個字。

係未溫書既情況下, test 肥佬, 完全跟唔到Ms 袁講乜係意料中事。

1:40先出去食飯, 原本諗住去石蔭間M記食野, 去到之後發覺太多人, 唔想係咁既環境下一個人食野, 於是一口氣走咗去Pope Paul 附近一茶餐廳食飯。我想係度澄清一點, 我唔係有心走上個度食飯, 連我都唔知我點解我要山長水遠咁去個度食野, 我其實知道點解, 不過唔識講出黎。

食完飯返去hea 到6:30分先返屋企。

Form 5 D人真係好野, 竟可以係臨近會考之時返黎hea!

我發覺升咗上黎中六之後, chem. 同 bio. 既test係冇一份過攞到超過5成分, 包括埋考試個份, 有點灰。而家我對每一科都冇晒信心, 對自己既信心都冇埋, 唔知點算。

可能我係屋企既生活實在太沉悶, 所以我冇乜特別野可寫, 禮拜六及日我都冇打diary.

今日返學校補Bio.  今日雖然補足全日, 但係都俾平時上堂精神, 起碼冇釣魚。

lunch個陣同同學及Ms Yeung去酒家食野。

之後返學校做concept map, 無喇喇俾Ms Yeung叫我出去畫個concept map出黎。寫少咗好多野。之後既 quiz得13點幾分, 雖然唔合格係意料中事, 但係見自己寫咗好多野出黎, 先得咁少分, 難免有d失望。特別係第一題得個一分, 有d 意外, 原本憝住全炒既第四題又俾我攞到七分, 亦令我有d意外。

放學後弧身一人去麥當勞食咗個9號餐+熱朱古力奶, 之後係鋪頭幫咗一陣手就返咗屋企。

今日原本想趁住係假期前最後一個上課天, 去巡吓樓, 點知一返到去就接獲通知要去特別週會, 主要講求職陷阱, 仲搵黎校友作分享。

我想 , 令該校友真正心痛既唔係金錢, 而係在毫無防備既情怳下被朋友出賣。

好彩係邸sir做主持, 唔係我一定瞓著, 個週會去到第二堂先完, 搞到小息無咗十分鐘。

放假返黎之後, 我發覺我變得更加孤僻, 就係咁, 我尋日明知bio. lab. 有野食, 但就特登一個人走咗去麥當勞既一角食野, 亦令我今日冇去同班同學陪葉 sir食飯, 結果lunch都冇食, 好多謝Mandy Yeung 俾我既餅乾。

覺得自己好冇主見。

Bio. 堂要畫出腸,  亂畫一通。D   Drawing 愈來愈差, 都唔知點算好。

尋日既re test又肥咗, 搞到今日放學之後要tri test.

跟住同Karen Cheung去咗麥當勞傾prefect 既野,  已經係連續三日食麥當勞, 不過朱古力奶依然係咁好飲。

希望放完假之後, 我可脫胎換骨, 重獲新生。

p.s. 姓梁既男prefect, 破鏡難以重圓, 請小心你的言行。

p.s. 好唔滿意新的位置。