| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
2006 年 6 月 6 日 星期二  |
| 無題 |
分類: 未分類 |
|
今日同Ms 楊進行了一場一倨半鐘的對話。
當她問我有沒有對象的時侯, 我即時情不自禁地露出含羞答答的笑。
|
2006 年 6 月 3 日 星期六  |
| 校廈聚餐 |
分類: 未分類 |
今日我要係二點半去到中環大會堂既美心皇宮大酒樓幫手, 其實, 之前我都對此活動都所知不詳。
冼sir 要prefect team 除咗Karen Cheung 同我之外, 仲要另外搵多一個prefect, 於是我地就搵咗葉雯詩。
校方要我地2點半就要去到會場, 我2點2就去到, 不過我想等齊人先上, 所以一直係地下徘徊。
差唔多到兩點半, 我打電話俾葉雯詩, 問佢係邊, 佢話差一個站先到, 想我等埋佢先上去, 好, 我就順下佢意, 跟住就走返香港站搵佢, 走到去之後, Karean Cheung來電, 話佢而家係大會堂附近既美心快餐, 唔知點算, 搞到我要走返去搵佢, 途中仲俾童軍串：「唉! 連prefect都遲到!」 剛剛上到去, 葉雯詩來電, 話佢企咗係美心快餐個度, 唔知點算, 結果又要勞煩我走返落去搵佢, 返到去先知個場三點半先交到, 於是我地三個就決定去香港站上面個商場行。
個商場好high class, 全部商店都係買高檔野, 無論係supermarket, 定係book shop,都係與眾不同。途中仲見到一D個樣好beautiful, 身材又好, 英文屈晒肌既女仔。
返到去, 先知道要做D乜, 都係一D搬搬抬抬既工作。成五點幾先食野。
七點鐘先入席, 個聚餐初頭幾混亂, 之後就正常返, 跟住我地就係會場既一角hea, 而ring tone 就係一角睇唐山大地震。
企足全程, 由五點幾企到成十點幾, 散場後, 同Ring Tone , Karen Cheung , Karen Yeung, 肥恩去咗葵芳既葵涌廣場一間檔口食野。發覺裘記低form 既女仔係好唔simple既。
係Ring Tone 送Karean Yeung 上車後成班人搭235M返屋企, 我同Ring Tone 係同一個站落車, 佢話唔夠飽, 要去寶石餐廳食野, 我唔想咁快返屋企, 於是就同佢一齊入寶石餐廳食野, 期間仲見到賴sir同賴晴, Ring Tone 邀請佢地同我地share 一張枱。
最後發覺Ring Tone 這個決定係好正確既, 因為我地走個陣賴sir主動請埋我地
 。
最後我孤身一人, 忍受著強烈既失落感返到屋企。
( 係國金二期展出既法拉利) ( 由洲際酒店運黎既蛋糕)
聚餐盛況 大柆野所坐既長枱
估吓佢係邊個? 睇緊唐山大地震既Ring Tone
|
| 2006 年 6 月 2 日 星期五 |
| 畢業典禮 |
分類: 未分類 |
今日既畢業典禮好gag。
我唔知點解, 校方竟然可以係畢業禮既人仲係度綵排緊個陣叫中三同中六既同學先入場, 睇住下面D人綵排, 好冇癮。
期間仲要係坐位上聽斌叔係台上講埋晒D gag 說話, 叫台下D人做埋晒D gag 野。
也許, 裘記D學生既質素真係太差, 或者見得大場面少, 裘記既老師總是係呢種咁既場合, 係嘉賓未入場前叫全體同學練習唱校歌, 如何起立及坐下, 今日亦不例外。
聽由安柱黎既學生講, 係安柱係唔會發生咁既情怳既。
裘記禮堂, 表面高檔, 內褢低檔, 係畢業典禮期間, 禮堂上層至少有兩個地方不停滴水。
九點幾入去, 成十一點三先正式開始, 好悶。好彩個典禮都算不過不失。
畢業典禮完咗後, 有位外校既老師當正呢度係佢地頭咁, 連續三次中斷廖sir說話, 搞到佢黑面。
計埋今年, 已經參加咗三次畢業典禮, 今次係最差個次, 希望出年既畢業典禮唔好再係咁。 |
2006 年 6 月 1 日 星期四  |
| 無題 |
分類: 未分類 |
總是覺得, 遇有要寫Lab. report 既Bio. lab. , 我得到既只是挫敗感。
係Bio. Lab. 中, 你不會估到會發生咩事, 你總是會發覺事情並非如你所想般咁simple, 「迷茫裏永遠看不透」, 對於應變能力極低的我, 遇到意料之外的情怳, 會不知所措。但是, Bio. lab.便偏偏是一個充滿變數的地方。
就好似今日既Lab.咁, 弄來弄去, 都set up 唔到個實驗裝置, 原本以為會幾順利, 點知原來條橘係行唔通既。
結果搞到好灰, 係一怒之下, 決定放棄, 改為抄人地既data。成為全班唯一一個連apparatus都set 唔好既人, 仲整爆咗一個600ml既beaker。
我已經係Bio. lab.入面整爆咗一個培養皿, 一塊slide, 再加上今日既600ml beaker。
係Chem. lab., 我整爆咗起碼一支boiling tube, 一支test tube, 最經典既, 莫過於兩支水銀溫度計。 |
| 2006 年 5 月 30 日 星期二 |
| 無題 |
分類: 未分類 |
星期一及星期二都在頹廢中度過。
呢兩日我感到好灰, 呢兩日我俾Ms 袁既功課壓得透不過氣來, 一波未平, 一波又起, 我連溫其他subject既時間都冇。Main point係我交俾佢既功課又全部錯晒, 成張紙都係交叉, 我由細到大都, 未試過有份功課係咁shit 既, 當我收番個份功課時, 我成個心都頹晒! 加上有D佢俾既功課我真係好唔想做, 例如Excel, 好無聊, 同埋我係一個電腦白痴, 要我做D咁既野就更浪費我既時間。原本今日我仲要交Excel俾佢, 我一直拖延, 好彩佢到最後一刻先話唔駛做, 否則我真係唔知點算。
第二樣野係同Prefect team 有關既, 今日同冼sir傾番尋日係1C2發生個單野, 佢指出好多我係今次事件中所犯的錯誤 , 有一D仲係我已經錯咗N次, 今次又再犯, 好灰, 覺得自己心思唔慎密, 善忘, 控制唔到自已既情緒, 無主見, 處事唔夠冷靜, 又唔識講野, ......完全唔適合做一個領導者。若我可以係Prefect Team再選一個 position, 我寧願做一個普通既member, 我覺得我連做leader既資格都符合唔到。
仲有, 唔知點解我發覺我有時候同佢講野會感到好累, 究竟原因係乜, 我唔清楚。
其實, 我覺得我自己真係知道自己係知道點樣係各科獲取好成績, 或者去做一個稱職既HP, 不過我冇鬥志去將措施實行。 |
| 2006 年 5 月 29 日 星期一 |
| 無題 |
分類: 未分類 |
想不到老師飢也有閒情看我地既diary
交俾Ms 袁既功課全部錯晒。
今日同1C2同學搏鬥, 再次令我對自己既應變能力投以不信任票。
今日放學後清Chem. 既功課, Ms 楊將今日既功課發還俾我重做, shit!
我發覺冇咗佢既支持係做唔到Chem. 既功課既。
走個陣同Ms 袁擦身而過, 佢似乎認不出我。
------------------------------------------------------------------------------------------------------------------------------
我有壓力, 你有壓力, 你做乜挑釁我呀?
( You have presure, I have presure, why did you provoke me?)
我冇食飯, 係冇食飯, 你做乜問我攞飯?
( You did not eat rice, I did not eat rice, why did you ask me for rice?) |
| 2006 年 5 月 28 日 星期日 |
| 無題 |
分類: 未分類 |
今日同阿爸share 一隻稯, 佢先發現蛋黃, 但佢主動將個蛋黃讓給我。
這小小擧動, 不會令我感動, 但在那一刻, 我覺得我阿爸好可憐。 |
| 2006 年 5 月 26 日 星期五 |
| 無題 |
分類: 未分類 |
尋日Chem. 堂既差勁表現, 令Ms 袁終於對我出狠招, 要我做過份Exercise, 仲要啱晒, 今日交。
對於呢個impossible mission, 我當然唔會放在眼內。
不過估唔到既係Ms 袁居然係早上黎追我功課, 支吾以對。
今日既社際歌唱比賽, 我又犯了冇主見既毛病, 令我後悔了很久。
為什麼我總是不好好把握辛苦得來既大好機會?
不過算, 自己唔識講野, 無謂令佢討厭我。
開頭既高級獨唱水準好高, 不過之後就......。點解唔將高級獨唱擺係最尾?
為了迴避Ms 袁既魔爪, 我五點十個字就離開學校, 但係唔想返屋企住, 於是係懷著一個裝咗一大舊種既情怳下去咗M 記食野, 六點半先返歸。
之後睇咗巴士阿叔既短片, 真係好搞笑, 老實講, 我都係比較喜歡阿叔既粗口。 |
| 2006 年 5 月 25 日 星期四 |
| 無題 |
分類: 未分類 |
從前, 我對' Are you a liar? ' 這個問題一直抱保留的態度。
但是我現在發覺, 在家人面前, 我是一個說謊者。
說謊的原因, 是因為不想他們擔心我, 更重要的, 是不想聽到他們說一些我認為是不切實際的說話。
阿爸曾問我讚中六後有冇鍾意過人, 我話冇, 仲要望住阿爸回答 , 以免被佢看穿。
原來當知道一個人的真面目, 望向他的目光也會完全不同。
溫室中的花朵很想面對風雨, 擺脫幼稚的自己... 唉, 我也不知道怎樣說下去了。 |
| 2006 年 5 月 24 日 星期三 |
| 無題 |
分類: 未分類 |
呢幾日, 無論在prefects team 同班房, 都發生好多事, 而且睇黎仲有下文。
教員室每日都會發生好多事。
今日返到屋企, 終於搵到我想要既野。
估唔到! 估唔到! 估唔到!
不明白! 不明白! 不明白!
點解會咁架? |
« | 12 | 13 | 14 | 15 | 16 | 17 | 18 | 19 | 20 | 21 | »
|
