星期日同星期一都係頹廢之中度過。

明明係第二日開放日返返去課室扲野, 但我返到屋企, 卻搵唔到我想要既野, 於是係冇 pre. lab. , 冇pre Math..  & Stat.  quiz既情怳下返學。

Ricky 返返黎, 冇乜大礙。

Math.  &  Stat. 既quiz一定食蛋。

自從中五後第一次上游水堂, 感覺良好。(Ring Tone 同 Ricky 係池邊pre. lab. )

原本諗住係食lunch 個陣 pre. lab. 但係一個字都讀唔到入腦。

結果個lab. 係輕鬆既情怳之下完成。我仲將手頭上既 test tube 改姐, 而家支支 手頭上既 test tube 都係同一牌子, 唔會再有高低不一, test tube底部孤度不一既情怳出現。

全日輕鬆度過, 好。

尋晚繼續睇「靈異專區」, 成二點幾先瞓。

臨瞓前唔記得叫阿媽叫我六點半起床, 瞓覺時發夢, 發發吓夢突然覺得自己要起身, 一起身, 已經唔記得夢境, 不過就知自己遲咗到, 我同人講話要8:15分設黎, 而我原本諗住係8:00返到學校, 但係隻表所顯示既時間係8:41! 跟住即刻落床梳洗, 換杉時發覺條褲唔見咗!原來係阿媽係早上攞咗佢去洗, 要勞煩阿媽搵返條夏季既比我著, 搞到9:05先返到學校。

好唔開心, 成日叫d  prefects 準時返黎 , 但係自己又遲到, 仲要遲成一個小時零五分鐘 , 好荒謬 , 從來未試過遲成感 , 打呢篇野個陣個心都好唔舒服。 去到之後我又話要請佢地飲野, 結果又不了了之, 好憎做一個言而無信既人!以後唔知點面對d prefects.

由於犯咗一連串既錯誤,  搞到幫Form 2點名時出了混亂。食lunch之後返屋企攞豆漿, 搞到又遲咗二個字。

幫Form 1點名時好蜴順。

2:30  prefect  team 完成晒佢係open day 要做既野, 功成身退, 同Karean Cheung, 霍建文, 馬仔企係門口望向校園, 我有種難以形容既feeling,  也許是疲累, 也許是輕鬆, Karen Cheung 可以輕鬆落黎 , 佢一返到屋企, 就可倒頭大睡, 但係我唔得, 一來chem. lab. 個邊仲要幫手, 二來即使返到屋企, 家中情怳亦不容許我睡覺, 更何怳我唔想返去。

去到chem. lab. 先知原來尋日製作的二百幾支酸彈係上晝已經用晒, 新整個d又好耐都射唔出。

收工後走咗落去gym 食野, 點知d 野比人食晒, 得番d凍咗既蛋撻, 仲要係我唔鍾意既酥皮蛋撻 , 食咗幾舊已經唔想再食, 我忽然發覺我同依度格格不入, 我忽然發覺我唔想留係呢求, 我走咗出去三樓小操場, 見到d人係度打籃球, 我一出咗去, 就唔想返入去, d校友同一班初中學生打籃球, 氣氛好融洽, 校友隊的隊員好有默契, 我唔係打籃球之人, 我唔識形容, 總之好有默契, 令我大開眼界, 班初中既學生俾佢屆咗機, 但我知係學生心中, 勝負係唔重要既, 最重要既係從校友身上學到野, 從而增進自己技巧, 以及得到肯定。而且大家都互相欣賞對方, 真係一場好溫馨既球賽! 一個1C2既學生, 佢學業成績唔好, 簡直不堪入目, 但係佢可以係打籃球得到滿足感, 這比一位打住紅領帶, 戴鐵校章返學既, 又無論係學業上. 家庭上, 人際關係上, 公職上, 以至愛情路上都得唔到滿足感既中六學生好好多, 讀中六, 但係得唔到滿足感, 又有咩用? 高form既心境, 低form唔會明, 佢地好仰慕d高form既同學, 誰不知佢地高form卻羨慕佢地擁有一d佢從來都冇或曾經擁有, 但已經失去咗既野。如可各取所需, 豈非兩全其美?

睇波睇到6:20先走, 個心好失落, 唔想返屋企, 若果身上有錢, 家人唔理既話, 我諗我會搭車出去四處遊蕩, 直到想歸家為止。但係我通通都冇, 結果特登兜咗好大段路, 先返到屋企。

係開放日得到既野: 未知

係開放日失去既野: 失去溫書既時間(成個禮拜冇溫書),  失去讀書既鬥志, 失去prefects 對我既信心, 失去咗好多錢, 失去咗好多文具, 失去對自己既信心(雖然本身已經冇乜)

Conclusion: This open day is do more harm than good to me.

尋晚上咗討論區既「靈異專區」睇咗好多恐怖野。

今日9:05返到學校, 發覺原本係門口檢查校服既prefects 唔見咗, 原來係佢地唔知點當。

跟住俾林惠玲鬧, 話我係佢 瞓緊覺個陣打電話俾佢。

之後去咗轉角位度等prefects, 冼sir 都有黎, 講咗一d 我好認同既話。

個對講機收得唔清楚, 好在係調校後回復正常。

之後入咗hall 觀看校慶典禮, 范徐麗泰俾面出度, 仲係台上致詞, 佢不愧為一位政治人物, 公關技巧好好, 一開始, 佢向台上嘉賓打招呼後話有一位來自上海裘錦秋實驗學校既校長, 故此用上海話打招呼, 跟住佢真係用十分流暢既上海話向該校長問好, 博得全場掌聲。而學校既音響系統不嬲都有問題, the worst of all, 范太講緊野個陣個咪突然short咗, 但係佢十分淡定, 不愧為見摜大場面既人,  當時佢講到「遇到挫折亦千萬不要放棄, 趺倒了爬起來, 再接再勵, 永不言敗」, 佢之後表示既然個咪壞咗, 就惟有大鼙d講, 仲話:「就好似我而家咁, 個咪壞咗都要撐落去」再次獲得全場既掌聲, 好野!

之後Ring Tone上台on behalf of SU 送禮物俾學校, 佢穿上校樓既樣真係好唔順眼, 我覺得佢唔係好適合著校樓。林沛德校長講野時個咪發出刺耳聲音, 長達十幾秒, 我諗校方今次會痛定思痛, 著手改善學枚既音響設施。

而個位校友會主席一上台, 我就發覺佢見慣大場面, 佢d動作好流暢。之後仲播咗聽講由吳sir製作既「光輝四十年」既影片, 由Ms 吳同陳作明vice pinciple做旁白, 睇咗一d好經典同好靚既相, 不得不佩服攝影者既功力。k.k:「將四十年既光陰濃縮係三十分鐘入面, 咁即係每一秒8日啦!」

有d感動, 原來裘記都有一段光輝既歲月, 有老師話由於d70年代既畢業生上咗位, 所以校方好鍾意show 佢地d相, 但我話70年代先係裘記既光輝歲月, 我相信邸生唔係為咗係社會上建立地位而創立裘記 , 而係真係為咗紀念佢既亡妻, 所以佢好盡心地辨好佢, 係佢既領導之下, 裘記校務的確蒸蒸日上, 上下都好團結,而且七十年代末新校舍建成, d學生由舊校舍轉到新校舍, 當然會增強佢地對學校既歸屬感, 但係邸生身體日差, 間學校就交咗俾佢個仔打理, 但係我覺得佢冇佢老豆既熱誠, 係舊年既畢業禮, 學生代表致辭時向佢鞠躬, 但係佢同人講緊野, 完全當個位學生冇到, 我睇到都把幾火!間學校已經變質, 變得gag咗, 現今既裘記畢業生大多對佢冇乜歸屬感, form 7 畢業既大多都係由外校黎既, 你話佢地鍾意著住一套Band 1中學既校服定一套裘記既校服呢?佢地只會對佢地form 5畢業既母校有歸屬感。同以前有好大分別,真係諗起都覺得唏噓。(當然, 裘記變得gag咗仲有其他原因)

之後既表演環節十分無聊, 不過不得一提, dancing個班女仔都幾ok.

係表演環節之後叫班prefects出去, 我諗住集合佢地再叫佢地去唔同既地點度當值, 點知尋日既「流動會議」令到d prefects自動自覺地去到佢地既position, 好野!

點知, 8樓既禮堂側門突然打開, 成堆人擁晒出黎, 我當時呆咗係度, 好彩我地安排係個度既人都幾識做, 好快就搞掂咗。

原來係禮堂上層既正門冇開, 摛到form 3要係側門出黎。

再次證明我係一個完全無應變能力既人。若果將自己比喻成一隊球隊, 我諗我會係車路士, 而唔係巴塞隆那。

食lunch 之後返去準備form 3 點名, 點名過程十分順利, 好!

之後上返chem. lab.幫手, 完來隔熱物料個度完全俾人ignore, 跟住我遊走於chem. lab. 幾忙。

為咗解決酸彈數目不足既問題, 完咗之後同其他人製作酸彈做到好夜, 但係好開心。

今日學校為了俾學生能夠有更充足既時間準備開放日, 特登俾咗成日我地去prepare for the open day.

8:10返黎同prefects 開會, 原本諗住d人會準時返黎, 點知d人照舊遲到。激死!  之後冼sir同我地一齊去巡視各地點, 都勉強收到我想像中既效果。不過冇咗冼sir 就會好混亂。但係佢將d人既崗位完全更改, 令到我同Karen Cheung 大感意外。

9:50分返上Chem. lab.幫手, 今次係最好既一次集會, 個個人都有野做, 諗返起轉頭,過程都幾剌激。

1:00, 我, Form. 6同學+一個 Form 1仔+江sir 去酒樓食野, 江sir請。

2:00返到Chem. lab. 即刻孰野準備綵排, 係進行緊內部綵排時校長上黎, 酸彈個張枱d人即刻淆底, 搵咗個讀art 既人出黎講野, 淆底既人被趕返上去之後又緊張到手震, 咁緊張做乜唶?

之後再黎一次內部綵排, 跟住收工, 周圍巡, 係天台俾大乳牛影咗d　ｇａｇ相。

最後係Bio．　lab.   hea到６：３０　半先走。

對於今日既prepareation，　我幾滿意。

對於聽日既open day，　我感到十分剌激。

今日係門口捉咗10個人, 好!

尋晚做 chem. lab. 既野, 做到成兩點半, 返到黎先做中化習作, 其實好彩返黎先做, 因為我返黎先知要交社評, 唔係作文。

今次既社評有d 特別, 要從中國文化既角度去評論件事, 初頭毫無頭緒, 好彩係drawer 搵到一本《中國文化導論》, 先可以係bio 堂k咗佢。(bio堂俾攞黎俾人做open day 既野﹞

chem. 堂, 繼續釣魚; stat. 堂, 繼續發夢; 中化測驗, 繼續唔溫書, 繼續肥佬。

呢個ester holiday 真係要好好把握, 否則, 必定永無翻身之日。

係去chem. lab. 做野時見到 d Form 1 搬返d野落去, 我諗佢地一定會好難忘, 畢竟, 11樓通常只有中四 , 中五, 中六同中七同學既足跡, form　１　既同學想重回１１樓？　等多兩三年啦！

係中一個陣時亦試過搬上１１樓，　當時１１樓既裝修同其餘各層冇乜分別，　反而更為殘舊，　７A既班房中既枱全部生锈，枱面好dirty, 有D連drawer都冇埋。不過風景都係一流。

今日chem. lab. 既工作就好好多，　做得幾開心。

走個陣撞到1B1飯長，　同佢同路，　不過我刻意同佢保持距離。

p.s. 今日見到校長係天台踱步沉思，　唔知諗緊乜，　若果用相機影低，　效果會幾好，　不過我冇相機，　即使有，　亦未必夠膽。

p.s.慢慢地飲苦既中藥係一件十分painful既事。

p.s.普京曾經諗住同少林寺武僧砌嗟？唔係掛？

今日係門口捉咗6個人。

D Form1係今日開始搬上黎, 對prefects 既duty冇乜影響, 食飯時都幾順利。真係好多謝d prefects 咁準時on duty.

空堂跟Karen Cheung傾open day prefects 既duty.

放學後又去chem. lab. , 我發覺我都係比較合適做d細既。我只適合listen to commends but not send out commends.

I will be very busy at night.

大家都開始為open day作最後既衝剌。

今日放學後又要去到chem. lab. 做野, 不過, 我去到之後發覺自己完全唔知自己應該做d乜野, 而且d人又古靈精怪。傾崗位時又差d 嗌交。

我發覺我完全唔係做leader既材料。

隔離bio. lab. 就好好多, people are quite normal!

最後, 係一輪混亂之後, 草草收工, 之彼同d同學去食豆腐花。

返到屋企, 阿媽叫我以後逢係超過8點就唔好bring人黎食野。

今日係Day 5, 上晝冇乜特別, 不過放學後同d人係chem. lab. 開會, 商討open day 既野, 大乳牛同Ms 袁既出現, 將原本好hea既局面完全改變過來。

Ms 袁對 江sir既proposal諸多意見~

當傾緊Ca+水既實驗時, Ms 袁話:「我認為呢個實驗好危險......」

當傾緊氯酸納既實驗時, Ms 袁話:「我認為呢個實驗好悶......」

一段令人o咀既對白~

Ms 袁:「D實驗咁鬼無聊, 我都唔知整咁多黎做乜!」

江sir:「啊, 不過我地都要跟返個主題......」

Ms 袁:「跟個主題做乜呀! 個主題有乜野好啫!」

江sir(苦笑)

我, 阿蘇, 菇, 鬼影, 吳淑:

同埋有d人都好唔掂。

返到課室, 發覺把遮唔見咗!

走個陣時好灰

本班的課室因開放日而被迫暫時搬上11樓的課室, 我想在此抒發我對11樓的感覺。

我認為11樓是一處非常美好的地方。

首先, 它遠離煩囂, 我們原本來的課室位於7樓, 該處是一龍蛇混雜之地, 不論是任何級別, 任何類型的學生. 在日常的校園生活中都無可避免要經過7樓, 故此在小息, 午飯時間時, 7樓會變得十分嘈吵, 而我級經常會於放學留校測驗, 當其他級別的學生經過時所發出的聲浪都會影響我們的狀態。 但11樓則不同, 試問有多少學生會走上11樓? 如果你在回校時由1樓走上11櫻, 你會發覺你身邊的學生數目會隨著層數的増加而減少, 當你走上11樓的時侯, 你有時甚至會發覺你已是弧身一人, 與1樓的肩摩接踵成天壤之別。而其他級別的學生大都會在小息時向下走, 到白枱, 到圖書館, 到7樓等, 只有極少數學生會走上11樓, 故此, 在一天中的任何時間, 11樓都是全校最靜的地方, 它與下面的各層, 是兩個不同的世界. 11樓是天上, 5-9樓是凡間。而11樓的景觀十分好,不論是晴天, 陰天, 雨天, 大霧等景色, 都能使我駐足觀看, 這也是我喜歡11樓的其中一個原因。

當然, 凡事也有兩面, 很多同學投訴11樓離校園的中心部分較遙遠, 來往有不方便, 而且早上由1樓走上11樓也是挺累的, 但遠離煩囂不好嗎? 在鄉村與城市來往是很不方便, 但身在農村, 能遠離受污染的空氣, 遠離那擠擁的人羣, 也是很好的。

所以, 我認為11樓是一處非常美好的地方。

今日係Day 3, 上晝就冇乜特別, 個vocabulary quiz 係我發力溫書之後, 應該可以合格。

點知下午做lab.行去chem. lab. 既途中, 見到cwk, 佢話我既vocabulary quiz肥咗, o咗咀, 老實說, 我對今次既quiz抱有好大期望, 因為我唔單止事前有溫書, 而且我完全係靠自己力量去完成,cwk既說話, 無疑係一盆照頭淋既泠水! 係以前中四中五個陣時, 呢件事係冇可能發生既, 所以我當堂灰咗!

今之個lab. 又要用water bath, 當然又要用mercury thermometer to measure the temperature of water and the reactant, 個lab. 幾順利, 但係係洗野個陣時將支mercury thermometer 放落裝咗水既breaker 度攪拌, 點知令返佢出黎發覺佢裝水銀個位爆咗! 於是我即刻將支thermometer同條毛巾放入煙櫥度, 再通知lab. assistance. 跟往我去搵泄漏出來既水銀係邊度, 原來係裝咗水既breaker 度。好彩佢係成舊浸咗係水入面, 而唔係暴露係air, 否則後果難以想像。

之後個lab. assistance好熟練地用sulphur cover the mercury, 我就好無奈。希望下次打爛野都好, 都唔好打爛支mercury thermometer!