今日係考試週嘅第一日,雖然仲未考試,但一返到學校嘅氣氛已經比以前唔同。臨上課室前,我一見到c,就知道今日唔會係一個好好嘅日子。
果然冇錯!第一堂係中文堂,我就已經唔記得帶書,真係黑仔!第二堂英文,我地嘅英文老師,幫我地溫咗好多英文嘅野,如果唔係我地提醒佢已經落咗堂,佢可能可以講到天黑添呢!
小息,因為課室裏面開咗冷氣,所以要關住門,間唔中我打開門,探個頭出去,睇下有冇好朋友嘅人影,如果冇嘅話就入返課室,有嘅架當然行出去啦!當女仔行埋嚟想走出去時,我就會"砰"一聲關門,廢事俾佢地咁容易就行出去,呢d係一d良好嘅教育嚟架!
c嘅朋友──關公(因為佢姓關,所以我通常叫佢做關公),成日想擋住我d去路,真係黑人憎,其實佢個樣平凡得很,但係我唔係睇佢個樣,而係佢條褲,講起佢條運動褲......真係好短、好短,簡直係我個條褲嘅一半。
接落嚟嘅課一樣照舊,數學同普通話都係咁無聊,懶得去講。跟着落嚟嘅運動堂就幾好上啦,因為成堂我地都坐係間課室裡面,聽住體育老師鬧一個將梨拋上風扇,試圖想將個梨分開成兩半嘅同學,老師講嘅野有時都幾好笑嘅,我都忍唔住笑@!
