大家應該好耐都冇見我打blog,咁係因為某d令人困擾嘅問題。但係我而家已經拋開晒所有煩惱啦!
係我冇打blog個段時間裏面,我調咗位,我跟一名係全班最高嘅女仔一齊坐,我必須承認佢真係好暴力,我一過佢界,佢就打我一下,同c根本就冇咩分別。
c就係我之前話十分痛恨佢嘅一個女仔,因為我費事又提到佢個真名,所以只好用一個代號代替佢。
之前我係msn裏面同第二個人講c嘅壞話,講咗d唔係咁乾淨嘅野,我地兩個決定唔將呢單野話俾其他知,尤其係c,但係我個口實在大得制,唔小心口疏講咗比隔離個位知。
我一早已經叫佢唔好講俾c聽,但係佢比我更唔守祕密,不出24小時,就講咗俾c聽,我開始後悔話俾隔離嗰個知了。
托福托福!c雖然坐咗係我前面再前面,但係成日都好少同我講野,真係神庇佑啦!不過佢坐得我個行,一定會傳功課呀、傳簿咁,有一次,我前面個個人唔得閒去接c俾佢個d簿,於是我就上前去接,當我接到本簿後,c話俾我知,佢啱啱咳完,未洗手,所以搵我本簿嚟抺手!
天殺嘅八婆呀!我要調位呀!!!!!!!!!!!!
