真係太對唔住啦!因為之前唔記得咗密碼,所以一直以嚟都冇打blog,由而家開始,我會重新再打過!

     今朝一起身,我發覺今年嘅除夕有d唔對勁,因為以前嘅家人都會係早餐到食飯,但今日嘅早餐只有白粥同餅乾。

     食過早餐後,我決定走去圖書館借書睇,因為係屋企實在太無聊啦!一定要搵d娛樂先得。圖書館離我家都唔算遠,但要搭一架免費巴士過去。但今日我決定行路過去,因為我希望撞到幾個同學,同佢聊一陣計。

    但路上一個同學嘅影子都冇,我開始後悔自已點解唔搭車去了。終於走到圖書館前,我走得好熱,諗著入面可以有d冷氣,但迎面吹來嘅,唔係冷氣,而係暖氣。

    我馬上將身上嘅外套除下來,以為可以涼d,但仍然都係咁熱。我草草選咗幾本自己鍾意嘅書,再選咗兩本英文書,因為呀媽指定要借的。當我走到借書處,發覺排晒長龍,我等咗好耐,心中暗忖遲返屋企,千其唔好俾呀媽鬧。

    走出圖書館後,我唔敢再唔搭車啦,我馬上上了車,向回家中的路奔去。

    一整天我都係度睇書,或者睇碟,又或者上廁所,其他都乜野特別。今晚嘅團年飯似乎唔係咁好味,因為有髮菜(我成日都以為係人嘅頭髮)、雞(我最憎就係吐骨),同理潤腸(好難食,唔敢點)。

    就係咁啦!在此祝大家新年快樂!