嘩~無啦啦又凍番呀~癲癲地既~由廿幾度又跌到十幾度~傻既~我昨日仲著緊短袖衫呀~聽日又要著番件長袖衫~哈哈~不過我今日又成日都冇出過街喇~冇計,我太懶喇~今日一起身都唔夠十五分鐘就食lunch~我都仲未清醒呀~之後我就開始玩電腦,又食零食~哈~好味道~但我喱幾日都牙痛囉~超辛苦呀~又瘇喎~仲要係出唔到智慧牙個個位喎,仲要係幾隻一齊痛~真係死得~但我都係唔理,照食野~嘻嘻~但係依家塊面就有小小瘇囉………...shit~不過我今晚都冇食飯,只係食左一細碗糖水就算喇~因為都唔肚餓呀~但睇睇下電視,我又走左去開包米通食喎,真係超好味呀~哈哈~

昨日同蘇眉去左食雲南米線~好好味呀~呵~但我個日先同心仔食完咋~嘻~不過我同蘇眉都一樣係好鐘意食米線~哈~哈~之後我地去左行街街,佢個野呀,係咁勁引我去台灣………..作死…………之後我地就去左飲野~跟住我就去搵媽咪,再同佢行左陣,咁就返屋企喇~返到去都冇食飯喇~因為飲完野我都已經好滿足喇~所以就唔食喇~呵~原來有得去整頭呀~但係因為私人髮型師冇返………….所以就冇得整喇~唉~

haha~今日好搞笑,同左心仔去旺角行街街,之前都冇約定既,同佢傾傾下,佢又話唔想返學,所以我地就即興去左行街、食飯喇~呵呵~真開心呀~首先,我地又去左無印~嘻~正呀,我又買左好多野食呀~哈~大鑊喇~咁多零食............但真係好好味呀~見到就想食喇~唔得,我唔可以咁呀,我要努力,我要靚~哈哈~之後我地就去左食雲南米線~好好味呀~又係我最鐘意食既~我最鐘意佢夠濃味~好味道~之後我地就行去睇野,我見到好多都想買囉~我見到把hellokitty雨傘好靚呀~勁想買囉~但心仔係咁拉我走,唔俾我買...........哈哈~都好既,如果唔係我又買左d唔等使既野,因為屋企都有好多~哈哈~之後睇衫,我又睇中左件衫,我又係好想買,但我又俾心仔拉走左~哈哈~真搞笑呀~總之我地今日就真係行街啦~只係買左d筆同野食~哈哈~好開心呀~

嘩~幾日冇寫日記喇~因為我真係勁累囉~最近都唔知搞咩呀~返工個時不停係咁中下中下,係到中眼訓,真係癲左呀~我都未試過,朝早都要食香口膠黎提神既~又要不停咁洗面~哈哈~

今日一早基仔就黎左上水搵我食早餐,跟住食到九點半到啦,咁佢就送我返工~哈哈~佢果然係叻呀,竟然買我最鐘意食既薄荷朱古力俾我~呵~原本我仲以為食完個早餐會精神d,點知做做下又開始中中下喇~哈哈~
昨日去左Eva到,好搞笑,佢竟然幫我修甲,佢話突然間諗到d新野,想幫我試下,哈哈~原來係幫我油指甲油,哈哈~真搞笑~

嘩~今日落雨呀,成日都冇出到街呀~哈哈~真係舒服呀,訓到成十二點幾先起身,正呀~今日又傻左,又食左好多零食添,所以夜晚都冇食飯~呵呵~今日成日都係屋企睇碟、打機、聽歌~呵呵~ very good~不過Jeff又飲醉左打俾我呀.............唉~搞咩呀?唔好成日都係咁啦,成日都玩到咁夜先返,唔好要人擔心啦~好冇?

昨日同左阿Nat去tea,哈哈~即慶嘛~之後又行左陣,唉~又買野喇~又買左d唔等洗既喇~買左個hellokitty香燻座~呵~不過真係好香喎~依家成間房都好香呀~哈哈~

我真係要學下控制自己既情緒,我真係唔可以咁呀,我唔可以再為喱d事而搞到自己咁呀.............我以前都唔係咁既............我以前係開開心心嘛~點解依家會搞成咁呀??????唔可以~唔可以呀~我要控制~控制呀~我大個女呀~唔可以再係咁呀~我唔可以再令到身邊既人咁擔心我呀~

今朝一起身就發左癲,一開眼就好似痴左咁,不停係咁流..........一邊刷牙,一邊洗頭,一邊換衫都係咁,簡直完全唔係自己咁~我已經好盡力咁控制自己既情緒,但可惜............完全係唔可以,原本以為出左屋企門口,落街就會好d,點知...........原來係仲衰,我咁大個女從來都未試過咁樣既,感覺好得人驚,好可怕,我連行路都唔敢望人,坐車又係咁,行返公司又係咁~唉~真係癲左~但我發現左一樣野,原來我搵唔到一個地方可以俾我發洩出黎,屋企?我唔可以嚇親佢地~公司?更加唔可以~因為我係佢地面前就算點都好,我都只係會發脾氣,雖然我d情緒係大起大跌,但從來都未試過咁呀~個心好似有針刺落去咁,真係覺得好痛好痛~痛到就快裂開,而且個人覺得好飄浮,行步路都好似冇力咁,手軟腳軟,就快死既感覺~簡直想一野打暈自己~

<星期二>今日打完波,之前基仔講左話會好夜返,所以唔打俾我,叫我早d訓,點知係我岩岩訓左落床既時候,基仔打俾我,哈哈~個時我當然係開心啦,因為之前佢話唔打嘛~但同佢傾傾下好似...........有d唔係好對路,講多兩講我就知咩事喇~哈哈~跟住聽下佢講咩.........唉~聽到有d唔係咁開心啦,有d心痛既感覺啦,同埋聽完有d想喊囉~不過之後佢講左d野又令到我勁開心喎~呵呵~不過我又哄左佢成個鐘,佢先肯訓呀~哈哈~

<星期三>今日真係好開心呀,簡直係勁開心到爆呀~哈哈~首先同心仔、蘇眉由尖沙咀行落去山林道食日本野,之後就再行落去廟街睇野同埋又玩下d八妹仔野~真係好搞笑囉~哈哈~又去左食糖水~好味道~呵呵~不過今日心仔同蘇眉兩個野呀,見我唔多出聲呀,係到勁玩野呀~作死~哈哈~跟住又傾左好多計,真係開心呀~同埋今日又同基仔勁傾電話~真開心呀~呵呵~總之今日真係勁爆開心啦~嘻嘻~不過今日唔知做咩囉,勁多人望囉,食lunch個時,我個同事已經話發生咩事呀?咁多人望既?其實我都唔知點解喎~我平時都係咁著啦,又冇咩特別~之後收工一邊行,一邊同基仔傾電話既時候,仲變態~有個男人迎面行緊黎,佢勁望住我,咁我咪望一望佢囉,點知佢............竟然對我做d好不知所謂既動作囉~嘩~嚇到我死呀~基仔問我,佢有冇跟住我行,我驚到都唔敢望喇~嚇到我就快得番半條人命呀~唔得你死~都唔知喱兩日做咩呀,成日都遇到d變態佬~唔通我真係咁好蝦? oh ~ too bad~

今日又好凍喇,不過冇昨日咁凍喎~呵呵~今日心情又好好喎,不過今日個心由我講第一個電話開始既時候已經飛走左喇~哈哈~very good呀~雖然今日多野做到我爆呀,但都冇影響到我既心情喎~呵~不過時間就難過d囉~哈哈~

嘩∼今日真係好累呀，因為昨晚整電腦整到點幾呀，沖埋涼，回埋ｅ－ｍａｉｌ，成二點幾先訓，真係累到我爆呀，今日成日都冇精神呀∼不過就好過昨日囉，今日係累，但昨日簡直好似唔係自己咁，勁辛苦囉，個人勁憫呀，跟住又唔知做咩，個腦勁多野諗囉，不停都有野諗，突然諗下喱樣，又突然諗下個樣，都唔知做咩，總之就冇得停啦，但到左三點幾就冇諗野，不過就頭痛到我七彩呀，超辛苦啦！真係想死呀！所以今日係好過昨日既，不過都係小小咁多咋∼呵呵∼不過昨日有人黎整電腦，媽媽竟然叫爸爸幫我執好張枱喎，佢又唔話我，到我打返屋企既時候已經太遲喇，佢已經執左喇，真係激到我七彩呀，我最唔鐘意就係人地執我ｄ野，整到ｄ野都唔知去哂邊，有ｄ又放落櫃，真係火都黎呀，如果比著係我以前，我一見到，就已經即刻將ｄ野掃哂落地呀，整爛哂ｄ野都係咁話呀，不過我依家已經好控制緊自己既情緒喇，睇到當睇唔到，不過ｄ野又係我面前喎，我依家心情真係差得好緊要呀∼

最近有好多野都想買呀，我有三對鞋都好想買呀，都唔知點算好呀，不過我我今日都忍唔住，買左一對，哈哈∼不過好貴呀，差唔多＄６００呀，唉∼最近真係用左好多錢喇，真係唔可以再係咁喇，因為我個日係到計自己仲有幾多錢，原來我真係清哂袋囉，唔制呀　＞，＜　我返工好辛苦呀，所以真係唔可以再亂買野，要控制下自己先得呀！唔知係咪轉天氣既關係呢？身邊既朋友仔有ｄ都病左，基仔又病左∼聽佢把聲仲好似好辛苦咁，唉∼你快ｄ好番啦∼好耐冇同你講電話喇∼不過連我自己依家都有小小開始感覺到喉嚨痛呀！唔制呀∼我唔要喉嚨痛呀＞∼＜

昨日買左副搭羅牌玩,其實自己本身都唔識既,但一邊睇書,一邊跟住做,但玩完之後,我覺得真係真係好堅呀~唔怪得心仔話,佢之前玩完之後好驚啦~驚到佢唔敢再玩,連我自己玩完之後都覺得有d驚呀~因為講d野都真係幾中呀~所以都真係有d怕怕喇~跟住夜晚同基仔講完電話收線之後,唔知點解個一刻好想喊,真係超想喊囉~但我都係喊唔出囉~跟住係到諗諗下野就訓著左lu~呵呵~依家既心情都冇咩事喇~好似平時一樣咁~good呀~

都唔知喱兩日做咩呀,坐車返屋企個時又暈車浪,坐車返工又暈車浪呀,一定係癲左~哈哈~昨日我又衰心軟喇,係返屋企個時,有人sale我野,我又衰左,幫左佢做個皮膚測試,哈哈~因為佢不停係咁求我,所以我就心軟喇~不過是但啦,反正之前都試過~都知道係咩黎既~哈哈~

昨日又有人打電話黎玩電話喇~佢又叫我估佢係邊個喇,但我今次好有心情咁同佢講,我話,我依家唔得閒同你玩住,我依家好忙,你遲一個鐘先再打黎啦,我先再同你估過~哈哈~不過佢之後都冇打黎喎~呵呵~可能佢聽到我咁講,佢已經冇左個種新鮮感?哈哈~我做得實在太好喇~