在愛情領域裡，努力耕耘，不保證就會有豐碩收穫。 

一分耕耘，一分收穫，在任何方面都行得通，
唯獨在愛情上，未必盡然。

多數女生都潛存著一種信念，她們以為，
只要盡心盡力地對喜歡的男生「好」，必然會打動對方的心，
進而獲得美麗的愛情。
更甚者，為了討男友歡心，不惜委屈自己，一時忍抑，曲意承歡，
認為只要扮演好一個不計代價、無盡付出的小女人，便能擄獲對方的心。 

結果—存疑、未必！

這並不是說，不必對心愛的人好，
而是這好必須建立在某些基礎之上，方能令對方受用，
那好也才有轉變成愛的可能性。

第一個重點，
在於對方是否真心的能夠欣賞你、接受你、喜歡你、愛你。
也就是說，對方的愛意，是自發性的，
還是形成性的，抑或是墊檔性的。這一點非常重要。

每個人都有自己喜歡的典型，遇見契合的對象，
不由自主地愛上，是自發性的情感。
由於工作、同學長久相處，日久生情，屬於形成性。
若只因一時寂寞，或是性滿足對象，就是所謂墊檔性。 

除了第一類最具愛情條件外，
第二、三類，基本上只能算朋友，要形成愛情，
還需要相當心力和相互調整。

世間事能勉強成就的，本就不多，其中最困難的，當屬兩性關係。
在眾人眼中各方面都優秀的好男人，卻未必得到女友的青睞，
被視為美女的美女，往往抓不住男友的心。

一位失戀的男子困惑地說：我對她那麼好，事事依她，
處處遷就她，為什麼她還要離我而去？
原因是：那個女孩喜歡強悍些、跋扈些的男人，
她覺得他太窩囊，軟趴趴不像個男人。 

一個男朋友移情別戀的傷心女子哭著說：
我願意為他做任何事，他要我怎樣都可以，
為什麼他不領情，為什麼這樣狠心？ 
理由是，她不是他欣賞的女孩，
在沒遇到真喜歡的女孩前，還可以接受，
一旦找到心儀對象，便不再留戀。 

被否定的一方，自覺自尊受到傷害，
認為對方負心、無情，卻不知真正關鍵在於自己，
在尚未認清狀況前，便以為愛上對方，
便一廂情願地對人家好，表面上是無怨無悔的付出，
內心卻隱然有所期待，希望得到愛情，
一旦盼望落空，自是滿心酸痛。 

對一個好，是情誼，不是愛，那好或許會轉變為情愛，
卻不是絕對的必然，想用好來換取愛，就是妄想了，
因為，世間唯一無法爭取、換得的情感，就是愛。 

愛包括了好，但是，好不等於愛。
在心情順序上，應該是先有愛，再生好，
若以為對一個人好，就能得到愛，只怕會失望咧。

愛一個人就對他好，
對一個人好卻未必能得到對方的愛，因為好不等於愛。

遇見你，讓我懂的什麼叫做喜歡。
碰見你，讓我懂的什麼叫做緊張。
愛上你，讓我懂的什麼叫做愛情。
離開你，讓我懂的什麼叫做想念。
忘記你，讓我懂的什麼叫做痛苦。

呵呵~咁又一日喇~時間過得真快呀~咁快聽日就星期五喇~好似咩都冇咩點做過咁呀~今日我又用左好多錢喇~哈哈~冇計啦~因為我見到d野有折嘛~所以我就買左好多喇~呵~真開心~

嘩~好累呀~因為今日同昨日都出左去灣仔同金鐘到做野呀~其實係d文件好重,所以就搞到我好累~同埋兩邊膊頭好痛呀 >,< 但我今日好開心呀~因為我今日食左一個超豐富既lunch呀~呵呵~好耐冇試過喇~食一個lunch$120~哈哈~有西蘭花忌廉湯、三文魚沙律、龍蝦汁帶子意粉、熱檸蜜同埋我既至愛甜品”葡撻”一個~呵呵~所以我真係好開心呀~
嘻~今日同個朋友仔傾計~佢話,佢同佢男朋友講,今年去唔去旅行~之後佢個男朋友仔就話,唔好想去喇~因為佢想儲錢結婚~嘩~我聽完佢咁講之後,我覺得好開心呀~好替佢開心呀~因為真係好sweet呀~我覺得一個男仔肯同自己咁講,即刻代表對自己一種承諾~所以我聽完之後我真係覺得好感動呀~呢位朋友仔,你真係要好好珍惜呀~你知啦~佢係一個絕種黎呀~呵呵~
呢幾日遇到d怪人囉~個日一早行去搭車閎時候,無啦啦有個男人行過我隔離,無啦啦同我講”早晨”~但我係唔識呢個男人既~唉~我都真係唔明,點解我成日都遇到呢d無聊人呀~但真係嚇到我七彩囉~因為個日成條路得我一個人行~因為條路好靜呀~所以真係嚇死我喇~同埋個日坐車返屋企既時候,有個男人坐係我隔離,佢又成個人坐埋黎囉~妖~仲要佢老婆坐係佢對面,佢都係咁~妖~乞人憎~都唔明點解d男人咁鐘意抽水呀?好討厭呀 >,<

嘩~今日係母親節呀~咁就當然係要同我至愛既母親大人講聲”I Love You”啦~嘻嘻~今日都冇咩點同媽咪慶祝過~因為唔係只係要一定今日先錫媽咪嘛~咁錫媽咪既野,係平時日日都要啦~所以唔係只係今日既~不過我今日都做左乖乖女喇~今日原本唔係好想出街既~因為真係太累喇~但我都陪左媽咪去吉之島行左陣~陪佢交野,之後就買左隻杯佢~跟住就請佢食壽司~呵呵~我都冇送d咩俾佢呀~因為我之前已經送左個Gucci袋俾佢~不過我自己都整左張卡送俾佢~嘻嘻~獨一無二既~哈哈~
個日同心仔睇Joey演唱會好搞笑囉~因為我地全場好似唔係睇Joey咁,係睇坐我地前面個對情侶~因為佢地不停係咁打車輪~~~~~~~~~唉~真係見到都想嘔呀~我唔想睇呀~都變態既~又未開場就錫到完場~唉~都唔知依家d人搞咩既~咁都得~跟住仲搞野~坐心仔隔離個個唱歌勁大聲~而坐我隔離個個就講野d口水飛黎我到~妖妖妖~唔得佢死呀~不過都ok好睇既~但好搞笑一開場就無啦啦係到喊~我同心仔都呆左~都唔知發生咩事~之後原來因為Joey感動,所以就喊~哈哈~真搞野呀~
昨日去左阿婆屋企食飯同佢慶祝~都幾開心呀~有好多人去~我地搞大食會有好多野食呀~不過我就只係食左d沙律同豬手~因為我已經係去之前係屋企都食飽飽喇~媽咪整左杯朱古力紅豆冰俾我飲~之後姨姨又整左豬手熱辣辣~超好味~哈哈~真開心呀~之後又有芒果蛋糕食~好好味呀~呵呵~不過昨日見到d表弟表妹,佢地個個都大個哂喇~個樣都唔同喇~睇黎我都要真係又要睇下佢地依家係玩d咩多,同追d咩多喇~如果唔係都真係同佢地冇咩話題好難溝通喇~呵~都係時候等我呢個大表姐做番d野既時候喇~嘩~哈哈~

嘩~我真係超累呀~累到我七彩呀~而我每一日既工作就永遠都做唔完既~唉~點搞呀?我真係好累呀~日日都不停係咁打字~打到我隻手都拎唔起喇~d手指又勁累冇力囉~又成身累喎~好辛苦呀~依家隻手又唔知做咩,又係咁震喎~我連食飯拎起對筷子我都冇力喇~唉~想點呀?我真係好辛苦呀~有時係到諗,我都好似唔知自己係到做緊咩咁~因為就算我做得更好咁又點呢?根本就唔會有人識欣賞你~d人只會識欣賞一d返工最少遲到半個鐘~早d收工去扮靚~係人面前扮到好勤力既人~而其他既人既就會覺得好唔勤力~做唔到野~所以就要叫你勤力d喇~咁其實每日咁辛苦,做野做到手指勁痛,冇力為左咩呀?同人講,人地只會覺得你誇張~有冇咁勁呀,打字打到冇力,手痛~搞笑咩?通常人地就會咁諗~所以有時做人都幾心淡呀~但冇計~因為要生活~所以先會唔出聲~由得人講~唉~邊個叫自己唔識擦鞋咩?出黎社會做野就係咁喇~你識擦鞋既就可以唔使做得咁辛苦~唔識既就為有不停咁做啦~呢d就係出黎社會做野既道理?
唉~最近呢一兩日我又好情緒化添~無啦啦坐係到做做下野,突然間覺得個人憫~好嬲~好想鬧人~哈哈~唔通我真係有問題?但好彩我可以控制到自己~只要去洗個面俾自己清醒一下~咁就會好d啦~呵~最近自己睇到或者聽到身邊既朋友有唔同既事發生~有d會令我覺得好搞笑囉~有d我就會覺得唔係化……咁大個人自己應該識處理啦~突然間諗到樣野~唔知係咪拍緊拖既人真係會冇左自己既思想呢?有時連好簡單好簡單既一個問題,其實係自己都可以處理到既問題~但都要問過對方,咁先可以做個決定~其實我覺得呢d唔係叫做尊重~講得好聽d既就叫做依賴~講得衰d既,就會俾人話冇腦、白痴、低能~因為真係真係一個好簡單好簡單既問題~但咁都要問?唉~真係唔好玩啦~咁大個人,唔通你真係冇腦既咩?不過有時人就係咁喇~可能呢d就叫做互相珍惜對方啦~但總好過有d人冇左先黎後悔~到左個時先黎話會珍惜對方,肯為對方付出~咁就已經太遲喇~因為有時d野,冇左就係冇左~並唔係話你用時間去等,等到對方返去你身邊既時候咁就叫付出~呢d只係叫做浪費緊自己既時間~亦都可能同自己朋友講番,人地都可能會覺得自己好偉大咁~我真係有用時間去等對方呀~不過係佢唔返黎我身邊咋~咁起碼我有付出過~咁我就唔會後悔喇~但其實呢d野可能講番俾d朋友知,d朋友都真係會覺得你好偉大~你真係好珍惜呢段感情~你真係一個好好既情人~但其實呢d既朋友只係會睇到好表面既野~但實則根本就唔知道,其實呢個所謂既好好情人,之前做過幾多傷害對方既野~講過幾多傷害對方既說話~問人借野,借完又唔還~只係識一個月拖一個月啦~講過既野又唔算數~其實呢d野朋友根本就係唔會知道~所以之後呢個好好情人,就係朋友心中既好情人~而俾佢傷害過既人就會係呢d朋友既心中係一個衰人、賤人、不知所謂既人~所以話丫~有時做人都真係幾難呀~同埋有d人又會好自以為事~以為自己所諗既野就係事實~同埋睇下人地既野,就可以話知道人地依家諗緊d咩~又或者依家係咪拍緊拖啦~等等等等~之後就會判斷自己所諗既野完全係正確既~而且仲要係一d都冇錯~但其實會唔會搞笑左d呢?只係睇下人地既野就以為自己岩哂~但其實有時d野唔係應該個個當時人係最清楚咩?所以依家成日都有好多人講一句說話,我覺得都幾岩聽既,就係→呢個世界真係咩人都有←

嘩~今日同昨日都好開心呀~首先講左今日先~今日十一點就起身同媽咪、爸爸出去尖沙咀洲際到食lunch buffet~嘩~真係超好味囉~勁正呀~哈哈~但我今次就唔係食甜品多喇~今次真係勁食雪糕囉~嘻嘻~因為係我最鐘意食既Haagen Dazs士多啤梨雪糕呀~呵呵~所以我今日食左四個士多啤梨球、一個cookie、一個cherry、哈哈~總共食左六個球呀~呵呵~又食左好多西冷扒、泰式龍蝦、蟹虸沙律帶子~總之就好多好好味啦~仲有杯朱古力好好飲呀~呵~不過今日食完之後,聽日就又要開始努力過喇~聽日開始又唔可以再食咁多野喇~因為我真係好辛苦先可以減到呢個磅數呀~而且我仲想再瘦d呀~所以我真係唔可以放棄呀~我要靚靚呀~呵~不過今晚返到屋企,我都冇食過野~嘻~但真係開心呀~因為今日我真係完完全全休息囉~勁正呀~yeah~
昨日同蘇眉出左去旺角~原本我打算去買支hellokitty筆呀~點知…………我去到間野竟然賣哂囉~唉~幾唔開心呀~之後就邊行住等蘇眉黎囉 >,< 之後我地就去左食野~食完野之後我地就見到間韓國牌子既雪糕店~咁所以我地就…………呵呵~買左杯士多啤梨食喇~yeah~好味道 ^o^ 好搞笑~最近同d朋友仔行街買野,都會一齊買埋同一樣野囉~呵呵~上次就同心仔買westwood耳環一人一隻~今次就同蘇眉買介子一人一隻,仲刻埋自己個名添~呵呵~靚靚呀~其實呢d既介子,我之前已經好鐘意喇~但次次都冇我size既~因為我d手指太細喇~人地帶尾指,我先帶公指呀~所以好難買呀~而且呢d多數都係男仔帶多既款~但好好彩~今次我竟然買到喎~呵~所以真係好開心呀~跟住我地又去左夾糖~同埋我又見到好多衫都好靚~我又好想買囉………但諗諗下,我最近真係買左好多野~而且好似大洗左好多呀~所以我真係要控制下自己先得喇~呵呵~

Oh~兩日假期咁又放完喇~真係好快呀~但唔知點解我覺得好似好忙咁~但我又唔知自己忙咩喎~呵~昨日去左三姨屋企燒野食~其實初初都唔打算去既~但諗諗下都係去啦~反正媽咪又放假~但我之前一晚同拉姨打機打到三點幾囉~之後我就成四點先訓~到左第二日又唔知做咩晨咁早就起左身~真係激死我呀>,< 跟住入到三姨屋企我就開始係咁喂蚊食野呀~個d咁既死蚊係咁咬我~搞到我家下隻腳幾紅呀~個三姨仲同我講,平時d蚊日日都咬佢~但今日冇蚊咬~咁就當然啦~因為我都喂飽哂佢地啦>~< 激死~雖然有專人服務唔需要自己動手~但唔知點解我始終都係唔太鐘意燒野食~可能我覺得太麻煩啦~同埋我都唔知自己已經幾耐冇試過自己落手真係去燒野食喇~呵~
嘩~今日屋企勁大風囉~吹到我頭都暈呀>,<搞到我原本同緊個朋友仔係icq到傾緊計,都走返上張床到休息呀~都癲既~都唔知做咩咁大風呀~我個朋友仔仲同我講好熱,但我就同佢講,我俾d風吹到我暈~都唔知有咩理由呀~我都未試過吹到我真係要訓係到休息咁耐呀~傻既~唉~最近我發覺自己真係好似越黎越懶呀~咩都唔想做呀~我其實個心好想打日記,但唔知點解,一開完個電腦之後就都係永遠打唔到既~因為都係掛住睇呢樣睇個樣既~但都好似冇睇過d咩咁就好夜喇~跟住就要訓覺喇~呵呵~同埋我都真係咩都唔想諗囉~我好想簡簡單單~我唔想咁複雜呀~所以就算我知道人地對我講大話~我都唔會拆穿佢,亦都冇打算拆穿佢~又或者唔開心同嬲佢~我就當咩事都冇發生過~其實我覺得有時做人真係冇咩必要講大話囉~而且仲要係個d”無關痛樣”既大話~但既然佢要講既,我阻都阻唔到~只要佢覺得講左會好d既~我都冇所謂~我會接受~因為有時可能會係美麗的謊言嘛~同埋有邊個人會未講過大話呢?不過我自己岩岩都對個朋友講左個美麗既大話~點解我會咁做呢?其實我唔想佢浪費自己既時間~因為時間真係好寶貴,有時一錯過左,就返唔到轉頭~到時後悔就已經太遲喇~到左個時只會埋怨自己點解當初會咁傻呢?所以真係希望佢會明白點解我要咁做~
嘩~最近我又發覺自己好似練仙咁~成日都唔係好點食野~而且又要乖乖咁做運動~冇計~因為夏天又到喇~雖然我唔係好鐘意去游水~因為我唔係好識游水~但我都想可以買多d靚靚既衫~呵~所以又要開始我既地獄式既方法喇~真慘~不過昨日三姨同明姨都問我係咪瘦左既時候~我都覺得開心呀~雖然我自己一d都唔覺~但都好既~係一個好既開始嘛~呵呵~不過真係好辛苦呀~唉~ 

嘩~今日好舒服呀~今日成日都係屋企,好正呀~呵~今日一起身就食lunch,食完之後就玩電腦,傾電話,之後就睇睇下電視,就訓著左喇~呵呵~起身跟住就食飯~食完飯之後就做運動~正呀~呵呵~今日真係可以休息下~yeah~
昨日去左睇鄭中基演唱會,好搞笑呀~有張達明同張學友做嘉賓,達明講d野真係好搞笑呀~而學友唱歌真係好好聽呀~呵呵~最搞笑係當鄭中基唱<愛情當入樽>既時候,個鏡頭竟然影住阿Sa喎~哈哈~原來阿Sa同阿嬌都有去睇囉~呵~好搞笑,我發現左樣野,就係我每次睇演唱會都會見到阿Sa同阿嬌一齊去睇囉~我想見個d,又見唔到,唔想見個d又見到~妖妖妖~哈哈~最近唔知做咩好鐘意講妖添~嘻嘻~不過昨日個演唱會都幾好睇既~
最近唔知做咩,真係累到我七彩呀~唉~我真係每日都超累囉~同埋日日都好頭痛呀 >,< 唉~真係激死呀~同埋真係好多野做呀~做黎做去都做唔完……….所以真係超累呀~真係一返到屋企,咩都唔想做~唔想郁呀~連說話都唔想講多句囉~唉~help~

嘩~好耐冇打日記喇~其實都好想打呀~但有時開左個電腦之後,又懶得打喎~呵呵~所以就冇打喇~嘻~但今日俾蘇眉話完之後,所以我依家就乖乖咁打日記喇~哈哈~唔通我真係要俾人話下,我先會去做???
唔………由幾時開始講起好呢?好~就由今日開始講起先~今日幾好訓呀,訓到十二點幾先起身呀,不過九點幾既時候,就俾媽咪一個電話嘈甦囉~之後隔左陣睇睇下電視又訓番,跟住一起身就見到電視係到做緊多啦A夢~咁我就訓係張床到,睇到做完先起身整野食~哈哈~但其實我一起身就覺得非常之肚餓喇~肚餓到仲有小小胃痛添~嘻~但我都係想睇埋先起身喎~呵~因為我昨日又下午五點幾開始之後都冇食過野,所以一起身就好肚餓喇~哈哈~之後就整左個杯麵食,跟住就睇碟,呵呵~之後媽咪收工返黎,佢就話落去吉之島同阿婆行一陣,咁我諗諗下,咪陪佢落去囉,因為反正我都要幫個朋友買野~咁所以我就做個乖乖女同乖孫女喇~行到咁上下,爸爸就黎接我地返屋企喇~yeah~但返到屋企食完飯之後,我就唔知做咩,個肚超唔舒服囉,痾到我七彩呀 >,<
昨日訓到十點幾基仔就打俾我,叫我幫佢整d野~所以訓多陣就起左身喇~之後我見到爸爸都起左身,咁跟住我就同佢講,”不如我請你去飲茶啦”之後爸爸就去左洗車,我就執下屋企,到差唔多十二點就落去吉之島”元氣”食壽司~哈哈~因為我都係想食壽司多d~嘻嘻~食完之後幫基仔整埋野,跟住就返屋企睇電視同訓覺~哈哈~真開心呀~
之前同Carol行旺角好搞笑囉~行行下見到2R既Race同劉心悠,之後又見到人地應該係拍緊廣告,所以真係超搞笑囉~哈哈~我個日同Carol行街好忍得手呀~冇咩買野,但都係忍唔住夾左包糖囉~最衰都係Carol呀,我都話唔夾啦,又係咁引人~玩野~之後我地就去左食日本野~哈哈~好味道~呵呵~食完之後再行過~之後入左間賣精品既舖頭,我又買左三支HelloKitty筆~哈哈~好開心呀~因為好靚呀,我好鐘意呀~呵呵~我地個日都行左好夜呀~行到都差唔多十二點呀~返到屋企都差唔多成點喇~嘻嘻~但好開心呀~哈哈~
再之前又同心仔行旺角~哈哈~首先我地就去旺中,因為心仔要買泳衣~而我又買左件衫~哈哈~但我地竟然係個旺中到都行左好耐喎~之後我地就行左去食串燒同韭菜餃~嘻~真係好好味呀~兩樣都係去旺角掃街必食既食物~呵呵~之後行到去潮流特區門口街邊檔買左條皮帶同幾條褲仔~哈~之後就坐車去尖咀~去坐車之前心仔仲係到問我有冇野買~真係唔得你死呀~仲買?我都話左唔好買野啦~就算買都只係可以買一樣嘛~但點知就買左咁多野呀~跟住我地就去左agne’s b睇野~因為心仔要買野~哈哈~跟住我就話過去隔離美麗華到去個洗手間,點知去完之後出黎,心仔又話想睇間野因為佢話個間有好多野賣,個到賣既Westwood係日本板既~但點知間野就冇左喇~Westwood專門店就有間~咁我就話入去睇下好喇~唔好買野呀~點知一入到去睇d耳環我就話,對耳環我鐘意好耐喇~但一直都冇人同我一人一隻呀~跟住心仔又係咁話喎~哈哈~跟住我地就當然係忍唔到手啦~嘻嘻~所以又買左隻耳環喇~呵呵~之後我地仲話下次一齊買dior~呵~好開心呀~之後我地一邊行,就一邊係到話,”都話唔好買野啦~又買野”嘻嘻~但又真係買得好開心呀^o^ 跟住我地就去左廟街間松記食糖水~呵呵~超好味呀~跟住就去左玩搭羅牌~嘻嘻~好搞笑囉~因為講d野都幾中呀~但個日真係好開心呀~雖然就真係用左好多錢,但我覺得真係好耐冇試過買得咁開心喇~yeah~
上星期同左拉姨去左洲際食lunch buffet,又係超好味~呵呵~我又係勁食甜品,因為真係好好味又好多款囉~同埋又勁食刺身同牛扒個d,又係好好味,呵~真係超開心呀~,但食完之後夜晚都冇食野,就到第二日先食野~哈哈~所以個日成日都係食得一餐~哈哈~正呀~好味道^v^
我發覺自己最近都唔知做咩呀~個人好似好懶咁呀~咩都唔想做囉~唉~都唔知搞咩呀~做咩都提唔起勁既~總之我就覺得個人好似好辛苦咁呀>,< 個腦成日都諗好多野呀~唉~我真係唔想咁囉~咁樣好辛苦呀~我幾時先可以變番之前既我呢?