唉~呢兩日唔知做咩~個心好似好亂咁……
成日都好似諗住個個人咁…但其實我唔係已經忘記左咩???????
點解……究竟點解????? 其實明明係我既記憶裡面已經好<蒙胡>
但點解都好似仲有佢既存在咁既??????? 我究竟搞咩呀????????
唔好玩我啦~好嗎? 我唔想再煩~唔想再諗……真係好屎煩呀! 頂~
同埋個人又唔知做咩燥燥地喎~覺得仲好似有好多野都未做~
原本plan好左做既野，但又咩都未做……好燜~好燥呀 >,<

同埋自己又無啦啦整到條腰喎~唉~ shit~ too bad~
咁就更加仲燥~仲燜~想點呀? 我唔要咁樣呀……help me~~~~~~~

嘩嘩嘩~真係超耐冇打日記喇~冇計啦~真係忙到爆呀~
日日都勁多野做呀~勁多project同presentation做呀~
又超夜訓~所以個樣勁殘呀……點算……

不過好彩剛剛放左三天既假期~而我就同阿心、Pinky去左中山玩同休息~
真係好正呀~我地又係去左按摩~雖然好痛~但真係舒服左……
初初去到又係落雨囉 >,< 好在落左車之後就冇雨~同埋只係走個時先落左陣雨~
如果唔係下次真係唔再俾Pinky去呀~因為次次同佢去都落雨 >~<
我覺得今次都幾搞笑~因為初初去玩既原因係阿心唔開心~
心情好失落~但當我地坐車去緊既途中，佢就收到電話~
心仔~真係恭喜哂你呀 ^v^
我地三天既行程超簡單~就係每日起身就食杯麵、蝦條同薯片~
之後就出去行街~食野~跟住就去按摩~按完之後又去食野~
咁就過左三日喇~我地又試左d香港麥記冇<椰子批同菠蘿批，仲有個火腿蛋酥>

oh~真係肥屎我喇~之後又去肯雞雞試左<七蝦堡同木瓜葡撻>
           
不過我都係覺得香港個d好味d喇……哈哈~
之後到我地坐車返到去深圳~我地就去左食<味千拉麵>

呵呵~真係超好味呀~又平喎~我地又係叫左勁多野食囉~不過今次終於都食得哂~呵~
但話咁快三天既旅程咁就完結左喇~唔知幾時再去呢???????  哈哈~

最近我既心情有d好得意既感覺~就係覺得自己好似就快中五畢業咁……
因為我好快又要搵野做了……但都好既~因為可以幫輕下屋企嘛……
不過我知自己有好大壓力就真……其實你地個個唔講~我自己都知呀……
但冇法啦~我真係唔想媽媽爸爸咁辛苦呀~見到佢地咁辛苦~我真係好心痛~

明天就係Alan既生日~突然又令我諗起好多野……
點解會咁? 我真係咁差咩? 點解會搞成咁? 點解唔可以俾我開開心心?
點解我想要既，永遠都冇我份? 點解? 點解? 點解?
不過算啦~都已經過左去~同埋之前都已經冇諗好耐啦~唔應該再諗既~
(永遠講就好容易……做就真係好難……)
不過點都好啦~生日快樂~希望你開開心心~搵到個真係適合你既人啦!

好~係我依家仲有小小力氣既時候就打下我呢幾日假期做過d咩先~
由五月一號開始就正式放連續4天既假期喇~呵呵~開心開心~
通常人人放咁多假期都會開開心心去呢到玩,去個到玩咁~
而我就……由五月一號開始就係咁訓到今日(五月3號)……
兩日有48小時,而我係48小時裡面我起身既時間都唔夠十小時~
冇計啦~因為我終於都捱到病左了……
所以我既活動就係起身食野,食藥,訓覺~如果今日唔係要再去睇醫生既話,
我諗我連琴都唔學,繼續係屋企訓訓訓~
因為我可以由夜晚十二點幾訓,訓到下午二點幾起身,食個杯麵,跟住食藥,
食完之後三點幾又走返上張床到繼續再訓到七點幾起身食飯,食藥,
之後十點幾又開始再訓過,跟住又訓到第二日既下午二點幾三點先起身~
跟住我所做既野同我之前所講既野冇咩分別~哈哈~幾日假期我就係咁,就渡過了~

今日去學琴既時候,MISS仲係到話我,點解會彈到咁?
我幾想同miss講唔好玩啦~我食左藥~我家下望住d音符好眼花呀 >,<
我仲要係用哂我全身既力去彈呀~ 我仲要感覺到自己一邊彈,成身一邊振囉~
之後miss仲要用拍子機喎~我即係呆左~miss……你真係玩我……
你係我咁既狀態……仲開拍子機????????? 唔係化???????????
我完全感覺到成個人係暈暈地,飄下飄下既感覺囉……唉~~~~~~~~~

快d好番啦~唔該~劉小姐~你仲有大把野未做呀……
星期二仲要考導遊呀~你把聲咁沙點講呀???????

愛需要傻勁，但不能傷害別人

愛需要耐力，但不是一再的騷擾愛人

愛有許多的能力，能使人快樂，亦能使人痛苦。

時常補給自己愛的知識，讓愛人與被愛都有福。

你不能決定生命的長度，但是你可以控制它的寬度

你不能左右天氣，但是你可以改變心情

你不能改變容貌，但是你可以展現笑容

你不能控制他人，但是你可以掌握自己

你不能預知明天，但是你可以利用今天

你不能樣樣勝利，但是你可以事事盡力

(但我覺得有好多時d野都真係唔到自己控制的.......................)

最近成日都喊呀 >,<
因為我真係覺得好心痛呀 >~<
點解? 點解要爸爸媽咪咁辛苦? 點解呀?
見到佢地又要一早起身返工，又咁夜先收工，有時仲要唔返屋企訓添……
因為第二日又要一早就趕起身搭車返工……
點解? 究竟點解要咁樣呀? 我真係好心痛呀 >/\<

個日上完堂之後，就諗住返屋企~ 點知突然間又收到個電話~
咦? 原來係昌哥~ 之後佢就出左黎搵我~
跟住我地就去左旺角行街、食飯、睇戲……
最搞笑就係……我地又唔肯排隊買飛~又要學人用電腦買飛~
點知搞左勁耐先買到兩張飛囉 =,= 勁攞呀~ 哈哈~
排我地後面個對情侶都已經唔耐煩呀~haha~
睇左最新劉德華同洪金寶個套既<三國之見龍卸甲>
不過套戲又ok好睇喎~連唔鐘意睇呢d戲既我，都覺得可以直得一睇~

嘩~家下超累呀~昨晚成晚冇訓過覺……
因為媽媽今日返6:30a.m.咁所以打算同佢出去,等佢唔洗咁趕住去搭車~
同完佢返工，返到屋企都六點幾lu~ 跟住就即刻覺覺豬lu~
之後未夠十二點就要起身練琴~跟住就去學琴~簡直想屎呀 >,<
仲要打風掛埋三號風球添~ 但超變態囉~ 勁大風呀~
學完琴走個時，落到樓下，我連對門都推唔開囉 =~=
之後有個男人係出面，但佢勁cheap精呀，仲要用d好衰既態度望我~
跟住仲要自己開完就行左去~呢d咁既賤男人丫~不知所謂~
但我一行出去既時候，我又好似上一次咁…俾d風吹住我行囉(超無奈) =~=

昨日搭地鐵既時候，通常去到金鐘站都勁多人，跟住有個男人竟然<打尖>
我再望一望，竟然係<八兩金>囉~跟住有車黎既時候~
佢就好似d大陸人咁衝去爭位坐~唉~真係超cheap呀~
又著埋d貼身衫同褲，真係超肉酸囉~唉~點解依家d男人咁不知所謂呀?

蘇眉:
生日快樂呀~希望你今年可以開開心心咁過啦~
唔好既野全部都走哂~(真係唔好意思，我出席唔到你個bbq)
但點都好啦~希望你心想事成~快d搵到個岩你心水既男朋友啦!!!!!!

今日有個好消息就係上星期個份報告，做得好好，又係最高分~呵呵~
不過我真係付出左好多時間同心機既~哈哈~所以都幾開心啦 ^0^

星期六同蘇眉去左食飯~好耐冇見喇~好掛住你呀~蘇眉~~~~~~~~
食飽飽我地就去左影貼紙相~同行街街~真係好耐冇同你影喇~
我記得上一次同你影都係幾年前既事了~同埋我地又傾左好多野~
雖然我地唔係成日見~但我覺得咁樣都ok既~因為一見面真係可以講唔停~哈哈~

其實有時我都好想成日都可以搵d朋友仔食下飯~吹下水~
但我真係忙到爆囉~連訓覺既時間都冇~我仲點可以好似之前咁得閒呢?
仲有心仔、其其、思敏、阿雞、靜雯、阿yen、昌哥、朱仔、阿超………
我都好掛住你地~好想得閒同你地食下飯呀~但我相信過多幾個月就會好d呀! 呵~

最近見到媽咪返工好似好辛苦咁~我覺得好心痛呀 >,<
有好幾次我真係忍唔住…喊左出黎……
見到佢日日都要去咁遠返工~好辛苦~好累~跟住我個心就好痛喇~
點解? 點解? 點解要搞成咁?
(係你地做成呀 >,< 你地班人係唔會有好結果呀 >~< 你地等住有報應啦~賤人)

最近好忙呀~忙到我七彩呀~唉~真係想屎呀~
晚晚都做到最少成2:30先有得訓呀~唉~真係做屎我喇 >,<
都唔明點解咁屎多野做呀~都癲癲地呀~

今日超黑仔囉~因為我好日都唔坐960出銅鑼灣~
今日同媽咪一坐出去~竟然係中途壞車囉…… 超無奈……
不過好彩我今日返十一點半,時間岩岩好~哈哈~如果唔係就大鑊喇~
但呢兩日都超黑仔囉~昨日就無啦啦俾人話~
之後坐地鐵又俾個阿姑整黎整去~跟住坐巴士又俾個阿婆不停推我~
唉~點解d阿毛咁Q煩呀??????  希望d黑野快d遠離我啦~唔該~

但今日我好開心喎~因為今日我放8:30~跟住昌哥就黎接我喇~哈哈~
同佢係旺角食飯、行街、影貼紙相~哈哈~真係超搞笑呀~
佢仲買左件衫送俾我~跟住我地仲話下次一齊著酊好似情侶裝咁出街,之後去影貼紙相~哈哈~
不過時間過得真係快~之後就返屋企lu~終於都心情好番d了……

我發覺自己原來都真係開始好似自閉咁~因為我真係可以一整個星期唔出街~
日日係屋企都得~但我又唔睇電視~唔睇碟喎~只係係間房入面~對住個電腦~
咁就一日呀~我真係除左去飲水同廁所之外~我都真係可以留係間房入面……

我發覺自己越黎越大壓力了………………

好~依家突然間好有心情~好想打日記~哈哈~
一連四日的復活節假期完了~~~~~~~~~~~~~
而我……就依然繼續放假~呵呵~
係個四日假期，我就同Pinky返左中山玩~但實質應該係休息先岩~
原本大家都話返去溫下書~因為我要溫日文嘛……
點知……我地每日既溫書就變左去按摩~哈哈~太舒服了~
每日起身就食野,食完野就出去行下,跟住就去按摩~
跟住就返去睇碟~睇睇下訓覺~哈哈~到第二朝起身再睇過~正呀~
但話咁快呢幾日就完了~就要返黎香港了~

返到黎第二日,我一訓就訓到超晏先起身……仲要係俾人嘈甦囉……頂丫 >,<
跟住就起身食野，之後就開始搵下d資料喇~如果唔係我怕趕唔切呀……
唉~返到黎果然係繁忙d……

劉小姐呀~劉小姐~你又無啦啦喊咩呀????????????
又發左癲呀!!!!!!!!!!!!!!!!!

寧願從來沒有開始……
便不會有結束……

(突然間既感覺)

突然間有小小感覺就係……其實我真的放得低嗎?
點解我既開心、快樂、笑容好似已經冇再出現咁?
就算有…都好似好勉強? 又好似好假咁?
非常唔真既感覺……其實我依家究竟想點???????????
好辛苦~成日都好想喊……但點解我要喊? 我為咩喊呢?
最近成日都好想飲酒~好想試下飲醉既感覺係點……
係咪真係醉左就咩都唔需要諗呢?