最近病左呀 >,< 仲要係病到七彩個隻呀~真係睇醫生都睇到我窮呀 >~<
我已經睇左3次醫生喇~今日去睇醫生既時候,已經頂唔順叫醫生幫我打支針喇~
因為我唔想再睇第四次呀 >,< 我唔要呀~~~~~~~~~~~~~~~~~
今日起身去睇醫生既時候,媽咪幫我打去預約,咁佢就話依家冇人,叫我快d去睇~
咁我就打算坐的士去啦~點知~~~~~~媽咪可能知道我會坐的士,
跟住佢就叫我行路過去,唔去坐車過去~咁我只好乖乖聽佢講~慢慢咁過去啦~
但真係好熱呀~太陽又超曬喎~真係人都癲呀~不過真係好好彩呀~
真係要好多謝細佬呀~因為係我岩岩行到出隧道口既時候,佢就出現左喇~
之後佢問我去邊,我就話佢知,我要去睇醫生呀~跟住我就叫佢載埋我過去~
咁我就唔洗再行過去喇~真係thx~不過佢載我過去既時候,我真係有d驚驚地呀~
雖然我唔係第一次企係佢單車既後面,但真係都有d驚~可能我個時真係唔係咁舒服啦~
但我又唔敢咁大力捉實佢,我怕我又整到佢好痛~哈哈~因為之前次次都會整到佢好痛~呵呵~

睇完醫生就剛剛好慢慢行去卓爾居搵Miss Wong同Bonnie食lunch~
我真係好開心呀~因為我真係好多謝Miss Wong呀~如果唔係佢同潘sir幫我既話,
我中三個年都真係唔知點算好呀~但可惜潘sir原來已經冇再係永隆教lu~~~~~~~~
同埋我最開心就係畢業左咁冇搵過Miss Wong,但佢都仲記得我~所以我真係好開心~

而上星期就約左Miss Yiu食lunch~我都真係要好多謝佢呀~因為Miss Yiu真係幫我好多呀~
我同佢講,我依家讀返書,但我d英文真係好差,之後佢就話俾d英文書我,
而係我拎住d書返屋企既時候,我就係到諗,真係辛苦左你喇~Miss Yiu~~~~~~~~~~~~~
要你拎住d咁重既野俾我~我都真係唔知應該點多謝你好喇~但我知,如果想多謝佢的話,
就係我會努力學好d英文~就係俾佢最好既答謝方法~總之就Thank you~~~~~~~~~

我覺得Miss Yiu同Miss Wong真係個好好既老師呀~同埋我地已經唔再係老師同學生既關係咁~
真係可以好似朋友咁,咩都可以講~呢樣野真係好開心呀~能夠做到你地既學生,真係太好了 ^0^

打下週記先~呵呵~
15/8-17/8/07
呢三日就同左媽媽、Pinky、珊珊、姨姨返左中山玩呀~呵呵~
好開心呀~雖然每日都好早起身,好早訓~同埋又落雨~但都好開心呀~
第一日就六點幾起身就去坐車,坐兩個鐘到啦~所以好早就到左中山~
跟住放低d野就出去食野同行街~跟住就返去睇碟,係到hea~
夜晚出去食飯,食完飯之後就按摩~真係超正呀~跟住返到就打麻雀~
原來珊珊都識打麻雀,但我就唔識 >,<   oh~ too bad~
不過跟住Pinky教我打~哈哈~最搞笑就係~都已經打麻雀打到凌晨五點幾啦~
但珊珊就係到話『我好精神呀~我唔眼訓呀』之後我、媽媽同Pinky都呆左咁繼續同佢玩~
真係玩到天光七點幾,珊珊媽咪都訓甦覺,我地先走去訓呀~珊珊真可愛呀~
但我地七點幾先訓,十一點幾就已經起左身了~之後就出左去買碟,食野~
但可惜丫~無啦啦落好大雨呀~搞到冇得行街喇~之後原本打算去按摩既~
但太大雨喇~所以都係冇去到~所以就返左去睇『男兒本色』真係好好睇呀~
而且仲好低睇添~人民幣$13,就可以五個人睇~而且仲要好清楚個隻添~低呀~
之後我地又再重複做番之前一晚既野~就係→打麻雀~
今次又係打到天光七點幾先訓~但九點幾就要起身,因為我要趕返去學英文呀~
因為激屎我呀~超唔想返囉~但又唔得喎~不過算啦~最後都係返左~
但好搞笑,放左學返到屋企,佢地又黎我屋企打麻雀,打完麻雀,我就同Pinky去篤波~
我覺得自己都真係幾勁呀~因為都冇咩點訓過覺呀~仲同佢篤到四點先返屋企~
跟住我就由四點幾開始訓訓訓~訓到第二日既夜晚八點幾先起身~
爸爸媽媽都收工返黎,我都未起身,嚇到佢地走入黎問我咩事~問我有冇起過身~哈哈~
原來我都真係幾訓得呀~之後起身佢地又黎打麻雀~跟住我又去篤波~
所以我呢幾日既生活就係咁過了~~~~~~~~~呵呵~~~~~~~~~~~~

之前原本決定左d野,好想好想講出黎~但唔知點解最近呢一兩日,又唔想講了~
個感覺好似怪怪咁~好怕呀~好怕唔知講左出黎會係點呀~有d驚呀~

Yeah!!!!!!!!! 今天好開心呀~所以特別想打日記呀~呵呵~
今日究竟我做過d咩咁開心呢~
其實我係今朝五點幾先訓呀~但我九點幾就起身喇~
因為今日同媽咪、珊珊and姨姨去四季酒店食lunch buffet呀~呵~
首先我地去到就行下IFC先~跟住就由12點開始食,食到2點半~
跟住就過銅鑼灣整埋d課程報名~搞完之後就去行SOGO~呵呵~
行到咁上下,就搵埋Pinky姐齊齊返入屯門了~
好好彩囉~我地行個時冇落雨呀~因為今日一起身就話無啦啦一號風球喇~
返到去,咁佢地又搵埋珍珍一齊食野~不過最好笑都係~
當昌哥見Pinky係到將d飯食得好乾淨既時候,
昌哥問: 仲洗唔洗再整多小小俾你食添呀?
Pinky: 好呀~
跟住我就突然起身,我就同昌哥講等我黎煮啦~haha~
之後Pinky就即刻好驚咁望住我喇~哈哈~仲即刻話唔洗添~
但可惜我係唔會理佢既~跟住我就跟昌哥入廚房喇~哈哈~
之後細佬、二廚、朱仔個個就望住我行埋去昌哥大廚既位置到喇~
咁當然係咁重要既時刻,昌哥就一定會係我身邊睇實我啦~
而二廚又係我身邊都睇住~細佬同朱仔就係後面到睇實~嘩~哈哈~太大陣仗喇~
跟住Pinky又行埋入黎廚房睇,但好可惜俾我鬧左佢出去~呵呵~唔準佢行入黎~
所以佢就只可以係門口睇~真係笑屎我喇~哈哈~
跟住昌哥就真係教我點煮,不過都俾佢激屎~佢專登落d油,話要等我要有d油煙味先似~
唉~真係唔得佢屎呀~不過最好笑就係,我煮一碟唔算多既飯~
但就要所有人服侍我一個~真係搞笑~
昌哥問: 準備好味? 要開火喇~
我: 得~
跟住之後佢地就負責俾d野放落去煮~而昌哥就係我身邊就叫我係咁炒啦~炒到均衡為止~
跟住我都唔識講喇~總之頭先就好好玩,好開心啦~哈哈~
但煮一煮都唔洗十分鐘就搞到我成身汗~面都紅哂~唉~
不過真係好開心呀^o^
希望聽朝打8號風球啦~咁我就唔洗去學琴了~但12點好落返3號喇~
因為我打算要去轉個新形象呀~嘻嘻~

唉~今日係黑色星期四呀 >~<
首先俾人串~跟住d人又當我屎既~
唔通我真係咁好人? 我唔發惡,真係當我屎既?
同埋今日又夾手指~痛到我標眼水呀~頂~~~~~~~
跟住同Pinky去篤波仲衰~平時個d我好有信心一定入~
但今日竟然球球唔入~仲要輸得好難睇呀~唉~究竟咩事呀~今日?

仲有呀~之前都同自己講左唔可以再在意啦~
但唔知點解呢兩日又~~~~~~~~~~~~唉~~~~~~~~~
我究竟發生咩事呀???????????

呢幾日真係好似癲左咁~成日都去篤波~
朝早又去~ 夜晚又去~  真係日又見到我,夜又見到我呀~  哈哈~
不過最近又唔知自己發咩癲~
係屋企唔係練琴就溫書~唔係溫書就做運動~
唔係做運動就乖乖咁做野~做完野就上網睇有咩課程岩自己~
但一到左夜晚,個心就好似成日都好想出街咁~
有時就好想自己一個揸住架車周圍去,有時就好想去篤波~
有時又好想搵fd出黎飲下野~吹下水咁~但冇一樣做到囉~
都有既~ 篤波咪得囉~ 唉~ 我依家究竟想點????????? 煩屎我~~~~~~

突然間好想喊呀~
感覺好似好空虛、好似成日都自己一個咁~
又覺得自己好似好多時都好在意咁一d事情咁~
但最後既結果當然係咩都冇啦~
我都唔明自己究竟係點諗既~唔通我真係個d咁易被騙既人?

嘩~嘩~嘩~~~又好耐冇打日記了~好啦~咁就等我又打打我既週記先啦~嘻嘻~
最近d情緒好唔定呀~好飄忽呀~成日都喊呀~
上次仲一喊就喊左三個鐘呀~都覺得自己幾勁呀~睇睇下電視都可以咁~
仲要係套電視冇咩喊位,可以俾我喊,但我都可以喊到個下先勁呀~哈哈~
同埋都講左啦~我真係可以一喊就唔收呀~所以連續幾日都係咁喊~真係癲左~
不過依家好左d喇~哈哈~依家都冇咩事lu~
之前真係覺得好煩惱呀~真係好似唔知自己點做好~應該要點呢~
之後媽咪俾左d意見我,咁我就好似決定左d野咁~但我唔知自己咁做,係對定錯??????
但好在媽咪都支持我~但我依家都仲十五、十六呀~點好呀? 點好呀? 苦惱呀 >,<

最近識左個新朋友仔,佢都真係幾搞笑~之前有幾晚都訓唔到好覺~
不過好在有佢咋~跟住佢就係個幾晚同我傾天光,跟住我先訓~
不過唔好真係以為佢都係天光先訓呀~只係因為佢人在外國~所以有時差咋~
但好彩咁岩大家都有d煩惱,咁所以咪可以大家陪下大家囉~哈哈~
但我諗佢應該都係一個好人黎既~如果唔係,我個fd都唔會同佢做左咁多年朋友啦~
而同佢傾左幾晚,都覺得佢個人都幾好既~所以應該係一個好人~呵呵~

個日同Alan去左篤波~最搞笑就係去個時,佢話要同我比賽邊個快d到大興~
我就揸車,而佢就踩單車~我原本一路都好順呀~不過當去到一個燈位既時候,
我就費事衝埋過去啦~不過最後當然係我快d啦~真係俾佢笑屎我呀~
佢一上到車,就同我講好熱呀~之後到左我要泊車,跟住佢就同我講,唔得喇~我要落車先~
哈哈~我真係俾佢笑到我七彩呀~再之後佢又同我講,隻腳好軟,冇哂力~笑屎我喇~haha~
跟住初初打第一板個時都冇咩問題呀~佢都話我進步左好多呀~
但到第二板開始,我又覺得好迷失喇~又好似進入左迷失世界咁喇~唉~
所以搞到我又慘敗了 >~< 好傷心囉~ 等我之前仲成日走去練~ 但我發覺真係幾難呀~
其實篤波真係唔容易呀~真係好高深既活動呀~ 所以我覺得識打個d人真係好勁呀~
而我就係個d有姿態冇實際個d囉~ 唉~ 唔知我幾時先可以好似佢地咁呢?

嘩~我覺得自己好勁呀~因為係兩日之耐睇哂兩本新買既小說~~~~~呵呵~
冇計啦~因為呢兩日比較得閒d~~~~~因為樓下裝修,所以一早就俾下面嘈甦~
原本咁快就過左大半個月喇~發覺自己真係未正式咁休息過~
唔係同屋企人去飲茶就係要去返學、學琴、係屋企做野~真係好唔得閒呀~
但我暫時都係咩都唔想去諗~我真係需要俾個腦休息一陣~

昨日學完琴去左搵姨姨~之後知道左個消息~突然好似有d失而復得既感覺~
同埋好似回到之前咁~不過我仲未落過去~仲未見過~所以都係唔知會點呢?
唔知呢~~~~~~~不過我依家都冇咩期望~我知道好多野都要一切隨緣啦~
因為有時d野係你就係你~就算係點樣,最終都會係你~
但有時唔係你既~就算俾你擁有左,但最後都係會失去既~
所以我都會明白呢個道理既~好似我睇既小說裡面咁講:
就好像緣份一樣,當你很在意地等它出現時,它偏偏會遲遲不來。
當你沒有心理準備,它又會突然出現,給你一個意外驚喜。

嘩~真係真係超耐超耐冇打日記了~~~~~~~~~~
但今次因為你，所以打日記。
首先第一件事要講既係…………..心仔『Happy Birthday』
希望你『開開心心、身體健康、心想事成』
呵呵~雖然每年來來去去都係講個d,都係咁上下,但都係個句啦→有心咪得囉~我知你唔會介意既~哈哈~

好~就等我一次過打哂咁耐既日記先~咦????? 咁呢個咪唔係叫日記??????
又唔係週記~ 應該係叫每月一篇就岩喇~yeah~~~~~~~~~~~~~
基本上由31/05/2007開始,就係我人生踏入另一個階段既日子喇~~~~~~~
因為由呢一日開始我就每一天都好得閒咁係到hea~~~~~~~~~呵呵~
個個人都話放假好悶,放左一星期就已經開始覺得好悶~好想屎既感覺~
但好可惜……….對我黎講,簡直係忙到不得了呀~~~~~~都未停過呀~~~~~~~

31/05/2007 (四)
訓覺訓到成二點幾先起身~~~~~正呀~哈哈~跟住就上網照舊同心仔、蘇眉玩msn，
跟住就同Alan傾傾下就話去吉島到食野~因為大家都係到hea緊~又冇咩做~哈哈~
之後就去左個間咩地獄拉麵到食野~嘩~d野勁難食囉 >,< 都唔好食既 >~<
食到我同Alan兩個既都表情難睇呀~哈哈~跟住我地行左陣之後就打算去睇戲~
但好可惜………竟然冇戲好睇囉~唉~~~~~就算有都係d好爛既戲~唔想睇呀~~~~~~
之後就兩條友係新墟慢慢咁行返屋企~呵呵~我果然係好遊閒呀~
夜晚就去珊媽屋企食飯，食完之後Pinky就幫我按摩~超正呀~哈哈~yeah~~~~~~~~~

02/06/2007 (六)
今日就訓到三點幾先起身，點知一起身Jeff電話就到喇~跟住佢就揸車黎接我~
我地就落吉島食tea，食完行一陣，同佢睇下d波鞋，好搞笑，係間運動舖見到兩個同學仔，
但佢地唔認得我，一個係阿龍，另一個係阿麟。Jeff仲係個到試鞋，但可惜冇佢碼………..太大隻了………
行到咁上下，佢就送我返屋企，但返左去冇耐就同珊媽又落過去吉島食壽司，
我地仲好好人咁搵埋位等Pinky黎食添~~~~~~~食完又去左珊媽屋企Pinky幫我按摩。呵呵~~~~~~~
好忙呀~又搞到成十二點先返屋企呀!!!!!!!!!!   哈哈~~~~~~~~~~~~

04/06/2007 (一)
終於都拎左自己最大既勇氣落左樓下間髮型舖剪頭髮呀~~~~~~~真係超驚呀~~~~~~~~~
突然間好似變左小朋友咁，要媽媽同我去髮型舖，但媽媽冇理到我 >,<
叫左珊媽陪我過去同個小姐講~哈哈~咁大個女都驚~冇計~因為我真係超耐冇去過髮型舖喇~
以前不嬲都係屋企剪嘛~跟住坐係到等~突然有個男人走埋黎問我係咪剪頭髮~
真係嚇屎我呀~原來佢係幫我洗頭~哈哈~嚇得我丫~~~~~~~~~~~~驚驚呀~~~~~~~~~
搞左一大輪之後，終於都剪完喇~舒服哂~~~~~~~~~yeah~~~~~~~新髮型~~~~~~~~~~

05/06/2007 (二)
今日係我人生之中第一次感受到咩叫左有家歸不得既感覺了~~~~~~~~~~原來真係好難受呀 >,<
話說今日媽媽收左之後就陪佢去置樂買野同行陣，跟住我就出旺角返學~
放左學之後打算可以返屋企休息下啦~點知媽媽竟然同我講，佢話要上黎我屋企傾計，
頂丫~個一下野，我個腦即刻係到諗………咁我依家可以去邊呢? 我唔想返屋企呀 >~<
咁我可以點算呢? 過返去搵靜雯同佢地食野? 去珊媽屋企hea? 係條街到遊? 搵Alan睇下佢收工未?
之後再打俾媽媽，跟住佢就同我講左好多野，係呢一刻我知道，我已經唔可以再逃避了，嗚 >~<
之後我就乖乖咁去排隊搭車返屋企…………係排隊既時候我不停咁眼濕濕，係個一刻我覺得好無助呀，
冇人可以幫到我………到我上左車，去左公路Alan先打番俾我………oh……….太遲了~~~~~~~
已經幫唔到我了 >~< 返到去睇左陣電視，跟住去沖涼，沖完涼出黎見到佢地係到，
咁我都盡番自己既本份叫佢地，頂丫，不停係咁【啤】住我做咩呀? 叫你又唔岩呀?
勁唔開心囉~跟住咪返入房對住個電腦囉~等佢地走左先再行出去囉~哼~憎死你地呀 >~< 衰人

06/06/2007 (三)
嘩~好耐冇試過咁早起身喇~七點鐘珊媽電話就到喇~~~~~起身同珊媽、Pinky去中環到食早餐buffet，
好開心呀~好耐冇食過咁豐富既早餐喇~因為人家通常都係飲包奶食d餅乾就算嘛~~~~~~呵呵~
食完個好滿足既早餐buffet之後就打算去行下IFC既city super啦~點知……….出事喇~~~出事喇~~~~~
經過agne’s b呀………………咁我當然要盡下客人既責任入去睇下有d咩新貨啦~~~~~哈哈~
跟住一睇到對耳環………好靚靚呀~~~~~~~~~~我鐘意呀~~~~~~~~~~而我身邊有幾個魔鬼不停叫我買啦~買啦~
跟住我就受唔住誘惑……………魔鬼win了~~~~~~~~~~之後我又睇中左隻手錶同三隻款既介子~
但好可惜個三隻介子係要做左會員先可以送既~係冇得買既~而手錶又要二千幾~~~~~~好窮喇~~~~~~
都係諗諗先啦…………….去行左city super先~~~~~~點知邊行既時候個魔鬼Pinky又話資助小小當生日禮物，
唉~玩野呀? 家下? 真係唔得佢屎呀~~~~~~~都係再諗諗先啦~~~~~~~~~~跟住行完個city super諗住當咩事都冇，
繼續行啦~點知個魔鬼Pinky又問我同珊媽,唔係買錶咩? 之後就真係走左去agne’s b門口繼續考慮考慮~
但最終都係天使敵不過魔鬼~~~~~~~~唉~食個早餐咋~~~~~唔洗三千幾咁貴呀?????????? 小姐?????????
真係收穫豐富呀~耳環、手錶、介子、褲鏈、agne’s b鉛筆，哈哈~~~~~行完之後佢地就黎我屋企食飯。

07/06/2007 (四)
一早起身就練琴，跟住就去學琴，學完之後去左搵姨姨吹水，吹完水就返屋企訓陣，
跟住又要準備出去尖咀同心仔去州際到食buffet喇~呵呵~又食喇我~~~~~~~想唔肥屎都幾難呀~~~~~~~
又有大大既龍蝦、長腳蟹、刺身、螺、西班牙火腿、甜品…………………正呀………………………oh~~~~~
我又食左好多喇~哈哈~yeah~~~~~~~好開心呀~同埋我又俾左驚喜心仔呀~~~做左樣好老土既野~
就係送左份生日禮物俾佢呀~~~~~嘻嘻~~~~~~~係上年既七月一日我就係州際到送左份遲來的生日禮物，
而今年又係州際到上一份早早的生日禮物，哈哈~個傻人又笑到傻左喇~~~~~
係佢又要控制下自己d情緒既時候，我依然都係好似上年咁，唔理佢，繼續出去拎野食~嘻嘻~~~~~
食到飽飽好滿足，傾完計，時候都唔早了…………又係時候回家了……………………
當我地剛剛分開，我去等拎車時候，我望到一位女士好性感，咁我就望下啦~望望下，
點解佢身邊位男士咁熟面口呢? 哦!!!!!!!! 原來係草孟既蔡一智，哈哈~真係唔認得~唔認得~~~~~~
同係電視見到既簡直兩個人呀~~~之後我就自己一個揸住車，聽住歌咁回家~~~~~感覺好正!!!!! Good呀!!!!!

09-10/06/2007 (六、日)
呢兩日都連續係九龍灣個mega box到做part time，真係超辛苦，超變態，雖然話要做既工作好簡單，
但個環境真係差到不得了，最唔掂就係負責個個人成日做埋哂重複又重複既野囉~
返9:00a.m放10:00p.m.跟住仲叫我地唔好走住，做多小小先走，最後都做到十一點半先走，
嘩~累爆呀~第二日又係要咁早，之後係咁做，做做下頂唔順，行出去，見到張敬軒係到表演緊，
咁我就睇左陣先再繼續返入去做野~真係累屎我喇~~~~~~~做到隻手又好痛喇 >,< 嗚…………….嗚…………..
仲要Alan打黎串我 >~< 激屎我喇~佢個衰野丫!!!!!!!! 之後原本收八點呀~條茂李又要我地做到十點先收工~
唉~呢d真係我既辛苦錢呀~~~~~~~~~真係辛辛苦苦先賺到呀~~~~~~~~但係呢個時候，
我就收到心仔既電話，佢話知道隻westwood耳環幾錢~oh~即係我兩日辛苦搵既錢，有一天係白做既~哈哈~

12/06/2007 (二)
一早起身就同爸爸、媽咪去左飲茶~飲完就返屋企訓覺~跟住就去返學~呵呵~~~~~~~~

13/06/2007 (三)
今日就去海港城做part time，呢份part time真係超正呀，唔太多野做，只係坐係到hea，
食lunch就食兩個幾鐘，返十點收六點，十二點幾同媽咪、Pinky去左食豬扒拉麵，正正正呀!!!!!!!!
食完就行到三點幾先返去再做野~但返到去做到四點都未夠就做哂野係到溫書，
溫溫下我就訓著左了~~~~~~~~~~~哈哈~但只係訓左一陣咋，因為d冷氣太凍喇~跟住就係聽下歌，
打下機係到等收工~我終於明白係傢俬舖到做既人係幾咁辛苦喇~哈哈~冇野做,係到hea到收工~
真係好難頂呀~哈哈~跟住hea到五點幾就收工喇~~~~~~~~~之後就同媽咪、Pinky去左珊媽屋企做節食飯。

14/06/2007 (四)
起身冇耐Alan就打黎叫去食野，跟住咪落左樓下食小小野，之後就去左篤波，篤完波之後落到樓下勁大雨囉，
真係搭的士都濕呀~頂~~~~~點知返到去發現原來冇拎鎖匙呀~又要去返搵媽媽拎先得呀~~~~~~~
之後夜晚就有我、媽咪、珊珊、珊媽、珍珍一齊同Pinky慶祝生日，哈哈~
我做左好多佢估唔到既行為呀~嚇到佢呆哂囉~
咬佢塊面、用沙律同佢洗面，錫佢、咬佢耳仔、用cream同佢洗面等等~~~~~~~~~好多好多~
不過最搞笑到係，佢點估都估唔到，我同珊媽送左幾個安X套俾佢~嘩~哈哈~笑屎我地喇~
佢一睇到既表情真係勁尷尬呀~佢都估唔到我地會玩得咁癲呀~呵呵~~~~~~~真係笑屎我喇~~~~~~~~~~

15/06/2007 (五)
爸爸一早入黎我間房第一件事要做既係熄左我冷氣，跟住就叫我起身去飲茶，
oh~~~~~~熄左冷氣即係成個人甦哂啦~~~~~~~~~之後就去左流金歲月到飲茶，飲完行一陣就返屋企喇~
跟住係msn同Alan傾傾下又即興去左篤波，唉~真係好唔開心囉 >,< 因為輸得真係好難睇呀 >~<
我唔制呀~我要學好d呀~

16/06/2007 (六)
一早九點幾起身約左Pinky去篤波，哈哈~叔叔真係教我呀~好野~~~~~~~~果然係朝早冇咁多人呀~
佢真係由基本再教我，首先係姿勢，跟住就點篤直線，再黎就睇角度~哈哈~多謝你呀~叔叔~
學完之後就趕返屋企換衫出去尖咀搵心仔~哈哈~因為約左心仔買耳環呀~呵呵~
原本我地開開心心咁入去westwood專門店呀~但俾d大陸人搞到我地冇哂心情咁買完就走囉~
人家仲想睇下d銀包同介子嘛 >~< 不過算啦~今日我又有豐富既收穫~呵呵~
跟住夜晚又返入屯門同姨姨食飯~之後就返去hea到十二點幾先返屋企~哈哈~

17/06/2007 (日)
今日訓到點幾就俾Pinky叫甦去篤波，哈哈~因為佢都知我想打好d，唔好再輸得咁難睇，
所以就捉我去練喇~但可惜真係我地晏左，波樓多人呀，同埋今日叔叔都唔得閒教………..
冇計啦~自己練啦~哈哈~篤完之後就去左大興花園食野~好回味呀~因為以前返學成日去食呀~
好耐冇去食過喇~所以覺得好好味呀~呵呵~~~~~~~~

18/06/2007 (一)
今日十一點幾又俾Pinky叫甦，不過今次係去旺角行街，因為佢放半日假~
哈哈~好開心呀~因為我又買到三款agne’s b介子喇~因為上次專門店送個隻，係做野既時候唔小心整爛左，
嗚…………嗚…………..唔開心呀~人家好鐘意嘛~~~~~~~不過唔緊要~依家又有隻新喇~呵呵~~~~~
同Pinky行完之後就去左尖咀搵媽咪、珊珊、珊媽，因為我地又去州際食buffet喇~呵呵~
今日又食左好多隻龍蝦、長腳蟹、刺身、螺、甜品，又係好多呀~真係回本呀~哈哈~~~~~~~~
同埋今日又係朗豪坊見到鄧麗欣，佢都ok既~不過以前我都成日見到佢啦~~~都係冇咩特別~~~~~~嘻嘻~

嘩~我打左超級勁長篇既日記呀~我足足用左兩個幾鐘打呀~真係覺得自己好勁呀~
唔忸之得隻手仔又開始痛痛地啦~同埋依家都差唔多三點喇~又係時候休息了……………………………