嘩~最近呢幾日既心情都真係幾低落呀~有開心~有唔開心~
首先講下d開心既先~昨日星期六,咁我就同心仔一早已經約好左,我地去街街~呵呵~首先就約好左十二點係尖沙咀既SOGO等~但非常之唔好意思,因為我遲左十五分鐘~kekekekekeke~我知你唔會介意既~跟住我就同佢講,
我:地首先就要做左樣好重要既野先~
心仔:重要?食野呀?
我:係呀~係好重要呀~你估唔估到係咩?
(但我地係一直向住洲際酒店既方向行)
心仔:你唔係同我去開房嘛?
我:係呀~我就係同你去開房呀~要book定今晚同你睇波嘛~哈哈~
心仔:你唔係同我去食buffet呀?我:唔知呢?去開房嘛?
心仔:做咩呀?我地去邊呀?你想點呀?
(我地已經入緊去酒店大堂)
我:冇~呢份係我送俾你既生日禮物~咁我又諗唔到送咩俾你~
心仔:下?真係呀?
我:係呀~我請你食buffet呀~咁實際d嘛~
(我地已經落到去地下)
心仔:下?你真係講真呀?我真係冇諗過喎~好驚喜呀~
(到我地坐定左既時候)
心仔:真係好驚喜呀~我冇諗過呀~我要冷靜下呀~
我:但係我好肚餓呀~我要食野呀~咁你自己慢慢冷靜下啦~
哈哈~真係笑死我喇~真係睇見佢個樣真係好搞笑呀~佢好似好真係難以置信咁~之後佢真係要坐係到冷靜~到我拎完野食返去,心仔先去拎野食~哈哈~心仔~你好搞笑呀~之後我地兩個,係食第二碟野開始就拎甜品食喇~呵呵~真係好好味呀~最好味就係有意大利芝士餅雪糕~嘩~真係好好味呀~好有口感~又有好特別既薑汁橙味雪糕~又係好好味~好特別~我鐘意呀~呵~之後我地就拎左好多好多甜品~總之就好好味啦~雖然我送左一份好驚喜既禮物俾佢,但心仔亦都送左份好驚喜既禮物俾我~就係佢又送左份Hellokitty精品俾我呀^0^多謝你呀~心仔~我地食野既時候見到一個藝人,但唔知佢叫咩名~之後我地上去大堂又要家英哥~呵呵~真人同上鏡冇咩分別~哈哈~之後我地就行街街~但我地行左一陣就好累咁~要搵地方坐囉~哈哈~但原來我地由SOGO行去新港城都行左成個幾鐘囉~哈哈~我地真係好休閒呀~跟住就去左商務到睇書~原來我地一睇,又睇左成個幾鐘囉~哈哈~但好勁囉~我地竟然街咁耐街,都只係用左$5~哈哈~仲要唔係食野~係用左黎買波~我地每人夾左$5買英格蘭對葡萄牙~買左一比一和~點知,係就係和呀~不過係零比零打和囉~唉~原本我地打算去bar到睇波呀~但因為太貴喇~都唔低睇既~百幾蚊兩杯野飲~一係就差唔多成二百蚊半打啤酒~咁所以我地最後都係決定返屋企睇~哈哈~不過昨晚返屋企最辛苦既就係,竟然冇位坐囉~要企返去屯門呀 >,< 勁辛苦呀~真係想死既感覺呀 >~< 不過整日黎講,係開心呀~呵呵~好正~
唉~不過當我返到屋企開電腦既時候,我竟然收到個訊息囉~我睇完之後都幾嬲呀~問野之嘛~洗唔洗send番個咁既訊息俾我呀?我覺得send訊息俾我個個人都真係幾冇品囉~竟然連咁既說話都可以講得出~都唔知係咩男人黎既~因為我完全覺得呢d咁既行為都真係好低劣囉~好似講到全部野都係我既問題咁~冇野呀化?算~我都費事再講呀~講起我就火都黎呀~影響我今日既心情呀~
唉~昨晚英格蘭輸波,我已經好唔開心呀~碧咸又俾人整到隻腳,要被迫離場~唉~睇到真係勁想喊囉~幾唔開心呀~
今日原本打算訓晏d先起身嘛~但點知~~~~~~~~都未夠一點就俾爸爸入黎我房叫我起身~佢仲要熄左我個冷氣添(因為佢知道,如果一熄冷氣,我就會起身)跟住佢就開風扇俾我,但個風扇絕對唔係吹住我囉~係吹住個衣櫃既~唉~真係俾佢激死呀~跟住佢見我仲訓係到,佢又走入黎話整好野食喇~之後我就乖乖咁起身刷牙洗面~起身食我既第一餐喇~哈哈~之後到三點幾,我就係廳到睇我既至愛日劇喇~但我睇睇下又訓著左喇~哈哈~原本仲打算練琴添~但一訓就訓到六點先起身~其實我仲想繼續訓呀~但………………我怕我再訓,今晚就唔洗訓喇~哈哈~所以就起身不停咁食零食~跟住夜晚就唔洗食飯喇~呵呵~very good~yeah~~~~~~~~~

嘩~累死人喇~累死人喇~累死人喇~好辛苦呀~我d手指就快痛到七彩喇~超累囉~就快連食飯拎起對筷子都冇力喇~help me~~~~~~~~~~~~~~~唉~呢兩日我又癲左喇~我又開始發癲喇~我不停係咁勁食野囉~昨日就不停係咁食零食,連飯都唔洗食~而今日就係咁食糖同雪糕囉~食完飯之後同媽咪去左ok買雪糕食~哈哈~之後又發現左新既糯米滋,跟住又買左黎試~嘻嘻~太好味喇 ^o^ 冇計啦~我一心情唔好,我就會好想食野~因為最近心情都真係好差~大起大跌~情緒太唔穩喇~成日都好冇心機囉~唉~

嘩~我d手指好痛呀~help me~~~~~~~~~
今日超累呀~因為今日出左去灣仔做野呀~又勁多人囉~唔知做咩呢兩日係咁勁想食野呀~我諗我一定係癲左~~~~~~~~~今日去左三聯書局到睇書~我發覺自己好掂囉~因為我足足係個到睇左差唔多成兩個鐘呀~時間過得真快呀~係完全唔覺咁快就睇左咁耐?????????因為我睇睇下,我發覺點解我隻腳咁累呀???????再睇下隻錶~oh~我要返屋企喇~kekekkeke~真係快樂不知時日過呀~呵呵~
我睇左一本法庭既書~我覺得好搞笑~好好睇~因為係講,法庭入面發生既趣事~係我印象深刻既係……………
法官:點解你要偷野,你已經犯過好多次?
犯人:我輸過兩次血,而兩輸血俾我個個人係一個慣賊。

另一個係………

法官:你因咩事要偷車?
犯人:因為我個日飲醉酒,我唔想撞自己架車。
我睇完之後覺得好好笑囉~因為真係咩人都有,咁都得………..掂呀~不過呢d都係發生係外國既~
死啦~打打下我又好眼訓添~但我又真係好想打呀~唔得,我要打埋先~我想講番昨日先~昨日真係真係要多謝心仔呀~多謝你俾左我一個咁好既晚上喎~呵呵~(真係唔得你死呀~引我~俾你個奸計成功左)但我好開心呀~首先我地就約左係旺中等~之後我地就例牌shopping啦~kekekeke~睇到有好多野都好靚呀~又好想買喎~但忍住~唔買~哈~跟住就去左夾糖食~yeah~好耐冇夾糖喇~同埋唔知做咩我超想食軟糖囉~所以就夾得勁多囉~都未試過夾咁多既~哈哈~但行行下,突然間我個電話響………我一睇來電顯示………我得一反應就係,係到諗,下?咩事呢?佢係咪打錯電話呀?因為佢好小呢個時候打俾我嘛~咁當然最後我都係聽左啦~哈哈~我點會唔聽先得呀~其實個電話係阿峰打俾我~原本佢要過去上水,所以佢就打算過黎搵我~哈哈~咁我就同佢邊行邊傾左一陣咁啦~唔好意思呀~心仔~之後我地就去左食雲南米線~呵呵~想食左好耐喇~因為我好耐冇食喇~所以勁想食囉~食到飽飽之後,我地就要去消化一下,咁心仔就話,佢個日行街,佢睇到樣野,好想買俾我~咁所以我地就去左個間野到睇喇~呵呵~原來係hellokitty呀~我既至愛呀~哈哈~多謝你呀~心仔~我好鐘意呀~係一d既擺設黎既~以前我同媽咪都有儲呀~所以我真係好鐘意呀~kekekkekekekke~yeah~跟住我地仲行左去木田園買雪糕食~呵~好味道~好搞笑囉~我地兩個人,邊行邊食雪糕,仲要係行到去一個地方………………………之後兩個不停係咁勁笑,笑到收唔到聲囉~哈哈~依家諗起都好笑呀~跟住又去左無印入貨~唉~冇計啦~我d糖食哂喇~所以都係時候喇~嘩~d收鑊真係豐富喇~又買左衫,又有禮物,又有野食~簡直係very good呀~呵呵~
但其實有開心,有唔開心啦~頭先個d當然係好開心添啦~唔開心既係………..我d手指好痛呀~oh~too bad~點算????????同埋最近自己都真係諗左好多野囉~我成個腦都不停係咁問自己點解?點解?點解?唉~我自己都唔知呀~只要好煩咋~同埋最搞笑既就係,之前心仔有煩惱,聽佢講完,同佢傾完之後~跟住就到基仔既煩惱喇~其實我都真係唔知可以幫到d咩~(其實係咩都幫唔到)我只係唯一可以做既就係,聽佢講,因為佢既煩惱係要靠自己去解決~冇人可以幫到既~因為如果可以幫到既,我都會幫既,因為幫人之嘛,都冇壞既~但可惜我今次幫唔到佢喇~我只能夠聽佢講~聽人講野,我最叻~嘻~但係聽得出佢係唔開心既~不過真係要靠自己~嘩~打左好多喇~頂唔順喇~周先生係咁吹我喇~

呵呵~首先要同天下間所有既爸爸講聲”父親節快樂”呀~~~嘩~四年一次既世界杯已經開始左喇~嘻~我記得係四年前呢個時候,一向唔鐘意足球既我竟然會去個朋友既屋企睇世界杯~嘻嘻~因為有碧咸嘛~所以每逢有碧咸既賽事,我都會去睇~但今年就唔同喇~因為我最近鐘意左睇波囉~呵~同埋都真係幾緊張呀~而且又可以同爸爸既話題增加左~因為佢會係我間房同我一齊睇波嘛~又會一齊講下邊對嬴咁啦~哈哈~
同埋都要同我既好好好好好好朋友仔→心仔講”生日快樂”呀~希望你願望成真啦~yeah!!!仲有呀~唔好唔記得我地既重要約會呀~呵呵~

唉~唔開心啦~明明做之前俾人睇過嘛~我都已經驚自己睇唔清楚做錯野喇~但點知,出左黎之後就真係錯囉~因為我打小左個字~唉~之後就不停係咁懶我~話係我既錯~咁我都已經出份野之前俾人睇過先出啦~又係佢自己話可以出得既~點知依家又話番我~今日又係~我都已經講左個時間,我知道係打錯左~之後仲要不停係咁話我錯~話我唔岩~唉~咁究竟想我點呀?我都已經講左,我知道係打錯啦~仲要不停講~我真係好憫呀~我好辛苦呀 >,< 我真係唔知有d咩可以俾我發洩下呀? 我又唔知可以同邊個講,我真係好憫好唔開心呀 >~< 究竟想我點呀? 我喊又喊唔出~
以前你都會同我傾下計呀,但依家…….我地既話題好似已經越黎越小喇~好似講黎講去都係個d………我唔想咁囉~點解會搞成咁呢?早知係咁既話,我之前就唔講好過講啦~唔講你知仲好啦~不過算啦~呢d野我諗我以後都唔會再同任何人講呀~你係唯一既一個,你亦係最後一個~因為我都係覺得呢d野唔應該由我把口講既~呢d說話,我之前都好似同你講過~但唔知你記唔記得呢?
唔知點解次次都係我做人地既聆聽者,咁邊個做我既聆聽者呀? 唉~不過其實有時真心對人,人地都真係未必會肯接受既~其實我對每個朋友,我都真係真心對佢地呀~但好可惜…….有d都真係唔會當你係d咩一回事~有事就搵你~冇事就唔見人~不過算啦~人就係咁喇~
頭先明姨黎我屋企食飯~當佢要走個時,佢係都要拉住我,要我載佢返屋企~唉~俾佢激死呀~我都話俾五十蚊佢搭的士啦,佢又話貴~同佢足足拉左差唔多五分鐘呀~之後媽咪就話載佢~點知一個電話到……….唉~又要我……….不過都幾開心呀~可能耐冇揸車~所以個感覺幾好~幾正呀~呵~好累喇~訓覺先~如果唔係聽日又唔知甦喇~唉~最近成日都唔知甦呀~too bad~

嘩~好悶呀~落雨落足兩星期喇~唉~真係搞到個人心情都麻麻呀~作死~不過我呢幾日既心情又好好喎~呵呵~但可能聽日開始又唔係喇~唉~算啦~開心埋今晚先啦~嘻嘻~好搞笑,個日同左基仔去聽審~原來拍戲同現實真係好唔同呀~所以俾我既感覺係拍戲既人比現實誇張好多~現實既人好似冇咩特別既感覺~就算知道自己要判刑既時候都好似冇咩感覺咁,但有一個俾我印象深刻既,係一個由越南偷渡黎香港做野既男人,為左要養屋企,所以就偷渡黎做野,但係一次搭輕鐵就俾人捉左,因為佢個張係假既身分證,所以就俾人捉左~而且仲俾個官判左佢入獄添~之後佢就同個官講,佢想寫信俾佢越南既屋企人知~當我聽到佢咁講既時候,我個心係個一刻,我覺得真係好慘呀~而且有d心酸既感覺~為左屋企人而偷渡黎做野~其實已經好慘喇~但依家仲要俾人發現左~唉~其實呢個世界真係有好多人比我地更慘,更需要我地去幫助同關心~同埋真係要珍惜身邊既每一個人~不論係屋企或者朋友,我地都要珍惜~朋友係呢個世界咁多億人口裡面,我地都能夠相識,其實一種緣份,要好好珍惜~而能夠成為親人既就更加係一種緣份同福氣,所以就更加要珍惜同愛錫佢地~但基仔超搞笑囉~不停係咁勁問我悶唔悶?因為佢怕我悶~但其實我真係覺得一d都唔悶囉~因為真係睇到好多唔同既野~不過可能因為太靜既關係,所以搞到我係有d想訓覺既感覺囉~哈哈~但我覺得做人真係唔可以犯錯呀~由其係咁大個人,就更加要識諗~因為做錯左,就要自己負責番個後果~同埋有時d野錯左,咁就一世喇~
嘩~今日超好訓呀~昨晚十二點就訓左喇~而今日就訓到成點幾先起身~起身跟住就食野,食完野就再訓過~呵呵~太開心喇~yeah~跟住睇下電視,睇下小說,練下琴,傾下電話,玩下電腦,食下零食咁就一日喇~呵呵~非常之開心呀~太好喇~yeah~但我今日不停係咁食零食囉~唉~放假一係屋企我就好似癲左咁~係咁食~哈哈~今日又食左半包芝士圈喇~我至愛呀~但我好辛苦先忍住唔食埋個半包呀~哈哈~留番聽日先食~嘻嘻~

我也數過　排著隊等討好你有幾個
還未有新空缺　來容納我
正選只得一個　候選經已太多
我細心想過　停在今天這一處也不錯
越過知己的親密　然而未有擁吻過
共你這麼的曖昧　已得到甚多

無論你喜歡誰
請你記住留下給我這位置
時常在內心一隅　空出幾吋為我堅持
同渡半生　亦有張椅子
是否愛還是其次
只想你依然　亦想得起我不是任你處置
(比不上戀人　但廝守一輩子)

女友一走過　鄰坐空位都可以坐一坐
若你珍惜我　不如從來沒有愛戀過
互有好感的尊重　更加可貴麼

無論你喜歡誰
請你繼續留下身邊這個位置
時常在內心一隅　剩低幾吋留給這女子
誰共你好　都不礙事　我都會衷心支持
未必所有關係　亦受得起刺激　但我可以
虔誠地熱戀一輩子　共你也許真的不容易
喜歡你最好不要講　安守這位置

好搞笑~我昨晚係咁同阿城傾電話,仲同佢傾到好夜添~同佢傾完之後我覺得好搞笑,好開心~因為好耐都冇點同佢傾~同埋都真係幾擔心佢呀~因為佢屋企發生左好多事~但都幫唔到佢~所以都真係幾擔心佢呀~同埋佢都大個仔喇,都會識到好多唔同既人,而且又真係唔知佢識左d咩人? 係好? 係壞? 都真係唔知~所以我都真係幾擔心~因為我真係好擔心佢會識到d唔好既人~好擔心佢有事~但今日見完佢之後,我就更加擔心佢~因為我真係唔知佢同我講d野,係真定係假囉~我成個腦都好多問題出左黎??????????????? 下????????? 點解會係咁呀?????? 我唔明呀??? 我真係好驚佢俾人呃呀~所以有d唔係咁開心囉 >,< 唉~點算?我依家又好頭痛喇~唉~痛死我喇~食左頭痛藥都唔得既~妖妖妖~玩野~好辛苦呀~點解當我每次想搵人傾既時候,個個都唔見哂人呀~但佢地唔開心,就一定實搵到我既~究竟點解呢?係咪我真係咁唔好彩呀?唔係化?唉~算吧啦都係~

嘩~我又好耐都冇打日記喇~哈哈~懶呀懶呀~但其實我唔懶呀~我都勤力呀~嘻嘻~因為星期日放假,我都返左工做野呀~所以都唔懶呀~呵~首先講下d開心野先~就係上星期六27/5,我就同心仔去左睇周慧敏演唱會~嘻嘻~好開心呀,因為我地睇尾場,所以就睇到倪震扮公仔個場喇~真係超級勁sweet囉~如果我係周慧敏,我諗我一定喊到七彩呀~因為太感動喇~而且周慧敏真係好正呀,佢唱歌都真係保持到水準呀,而且佢講既野又好死感人喎~搞到我成晚都眼濕濕呀~哈哈~但真係好開心呀~同埋個日,我同心仔好癲左咁囉,買勁多野呀,好似唔使錢咁,買野都唔使睇價錢咁既,係咁買衫~不過我最開心既係,我終於都買到件外套喇~我想買好耐喇~不過一直都睇唔岩之嘛~呵呵~但我地個日睇親個d都要成二、三百蚊呀~好彩我地大家控制住大家咋~如果唔係咁就大鑊喇~起碼洗左最少千幾蚊添呀~呵呵~我地個日好似唔洗點食野咁,去到只係食左燒賣同魚蛋,之後就係咁行街、買野~到五點幾六點先去買杯野飲~呵呵~好開心呀~因為去Godva到買杯純朱古力野飲~呵呵~真係超好味呀 ^^ 跟住我就帶心仔去左海港城既citysuper到食墨魚丸~哈哈~太好味喇~真係我既至愛呀~因為我真係超鐘意食囉~呵~之後原本我地打算去食雪糕呀~但因為我地行到去LCX到掛住爭取時間睇野,所以搞到冇時間買雪糕食,但係LCX個到,我又睇中左幾件背心囉~而心仔又睇中d衫,好彩我地大家都控制住咋~哈哈~跟住我地又行左去買好好味既麵包,買完之後,我地經過間餐廳,我一望入去,我見到兩個男人幾型,跟住又見到個女人好熟口面,之後我就問心仔係咪超儀呢?哈哈~點知真係喎~原來陳子聰真人都真係幾型呀,又高大喎~都唔算話上電視咁肥囉~但真係好型~咁當然睇完型仔之後我地就勁趕咁行去紅館睇show啦~呵呵~行到我地出左一身汗囉~但真係超開心呀~個show又好睇喎,我地去到時間岩岩好~因為岩岩好開場喇~哈哈~心仔多謝你俾左我咁開心既一日呀~哈哈~
但開心完之後就要星期日乖乖咁返工做野囉~因為實在太多野做,而且我真係唔夠時間俾我做呀~全部野都要我由頭重新再做過,我點做得切呢?而且得一個星期時間都冇,真係做唔切~但我最唔開心既就係,竟然我做完d稿之後,聽到d我唔聽既野~咁我就係到諗喇~咁我咁辛苦星期日都返工,咁我究竟係為左d咩呀???????而且我返同唔返人工都係咁多~而且我做完之後,都唔會有人識得欣賞~同埋都唔會覺得你做到野啦~咁點解我要咁呢?唉~算數~家下咩都唔想諗~
真搞笑,今日係端午節,正常黎講,今日係應該要做節既,但我阿婆為左去食buffet竟然將做節提早一日做~哈哈~阿婆真係掂呀~所以我今日就同左阿婆、拉姨同拉姨丈去洲際到食buffet~呵呵~好開心囉~又有甜品食,又有刺身食~全部都係我既至愛~嘻嘻~而且食完之後去左拉姨屋企,拉姨丈幫我整頭~呵呵~好開心呀~但無意間俾我知道左個壞消息,我知道左之後成個人呆左,成身係到震,手軟腳軟冇哂力~心情180度轉變~咩心情都冇哂~超級勁唔開心~原本今日開心指數去到九十既~當知道個壞消息之後就一跌就跌到零喇~唉~希望真係冇事啦~好心痛呀~又好擔心~唉~

唉~今日落雨落左成日~真係搞到個人都冇咩心情呀~too bad~係落就落埋今晚一次過落哂~聽日唔好落喇~因為我唔想拎雨傘呀~仲要朝早趕去搭車返工呀~返到公司都濕哂喇~等車又等得耐喎~行去坐車條喎又遠喎~唉~所以都真係…………
唉~死啦~個喉嚨唔係太舒服呀~唔知係咪昨日一次過食哂成包芝士圈既關係呢?所以搞到我好辛苦添~因為我昨日突然間好想食芝士圈,所以就走去買左包~呵呵~但真係好好味呀~我真係好鐘意食呀~嘻~媽咪又係到引我喇~又問我星期三去唔去洲際食Buffet喇~唉~呀~人地要keep fit嘛~仲引人呀 >,< 明知我最鐘意就食甜品啦~所以搞到我家下又心郁郁~又好想去食喇~點算好呢?好煩呀~