哈哈~昨日好無聊呀~係屋企由朝睇碟睇到夜晚訓覺,
一起身就食左個肯得雞,食完之後就去再訓過,訓左之後就落街買野食,
嘻嘻~買零食呀~買我最鐘意最鐘意食既芝士圈同朱古力~呵呵~
可能太耐冇食,真係超好食,超正呀~一邊食零食,一邊睇搞鬼甲蟲車,
原來都幾好睇喎,唔知係自己既問題丫,定係套戲太感人呢?
唔知做咩我又睇到好感動呀~哈哈~跟住就一邊同Parco傾電話,
一邊睇魔幻賭船,不過我覺得麻麻好睇喇~跟住就開始我既晚餐,
我既晚餐就係燕麥荳奶一包~呵呵~咁就係我既晚餐喇~yeah!!!
之後又睇左霆鋒同達明一派既拉闊,跟住又睇左許冠文既talk show,
睇完之後就睇日劇~哈哈~之後就訓喇~嘻嘻~真開心既一天呀!!!呵~
不過唔知做咩失眠呀,成三點幾四點先訓到呀,隻手指d骨又勁痛喎,
激到我彈下彈下呀~

今日返到公司食完個麥皮早餐之後,唔知做咩開始個頭有小小赤赤痛喇 >,<
之後都差唔多lunch時間就有小小胃痛,唉~今日都唔知做咩,
不過lunch去左食定食,食左個咖喱龍利柳飯,不過食左小小就飽喇,
都冇咩胃口食呀~哈哈~因為我唔想食咁多呀~跟住到訌唔多放工既時候,
頭痛同胃痛就超級痛呀~幾辛苦呀~之後行去搭車,唔知做咩,排我後面個幾個男仔,
係咁望住我,都唔知有咩咁好望,我今日又唔係整起左d頭髮,
只係用個夾,夾住前面d頭髮之嘛,都唔知有咩問題?一係就覺得好出奇,
點解我仲可以著咁小衫,因為今日我只係著左一件好薄既長袖衫,
同一件唔係太厚既外套,今日無啦啦跌到得個十二度,但我自己又唔知做咩,
竟然唔係好覺得凍囉,行出街著埋件外套,都出汗既~一定有問題呀~
返到屋企只係食左小小麵咋,食食下又胃痛到我頂唔順,即刻去食左粒胃藥呀,
唉~都唔知搞咩................................好想放假呀~

今日一早就出左去中環整野,唔知做咩,個人好似傻下傻下咁~
又好似遊暈咁~明明要去既地方係前面,但都仲要走去問報紙檔個大嬸,
真係覺得自己都幾奇怪,睇都唔睇就走去問人~哈哈~唔怪得佢個態度咁衰格啦~
之後今日去學琴,真係俾我估中,當然係俾miss鬧啦~哈哈~
佢話"咁多個學生,都冇一個唔記得,只係得你一個唔記得,你真係咩都唔得"
車~唔記得之嘛~今次報唔到咪下次囉~又唔係我想既~使唔使咁呀~
但原來俾我發現左樣野,就係因為佢病,所以就咁燥~唉~
好心啦,有病就請假嘛~又唔係唔知,依家d流感幾勁先得呀~
頂~之後,一路教,一路係咁勁彈我d野囉,又話我作曲作得唔好,喱樣個樣~
激死~幾想講,如果我真係咁叻,我就唔使你教啦~白痴~我仲使跟你學咩~
都冇腦既~忍得我幾辛苦呀~又話,如果就想俾我報到考試,我都會唔合格,
頂~激都我都冇聲出~佢又黑起塊面,我又黑起塊面~雖然我知道今次係我既錯,
但我都認左錯啦,而且我都唔出聲啦,但都唔使咁講野呀~真係火都黎呀~
但出奇地,我一行出左個門口,我又冇事喎,心情又回復好好喎~呵~
之後就去租左隻劉德華既童夢奇緣睇,好彩上次冇同小強再睇多次咋,
因為我自己係屋企睇又喊呀~上次同草莓睇又係咁~哈哈~
但唔知係咪,自己覺得個心,好似有好多野咁,好想喊,但平時真係喊唔出,
但睇戲既時候就可以一次過喊哂出黎,幾舒服呀~呵~

嘩~激死我喇~我唔記得左報名考音樂筆試呀~唉~
實俾miss鬧死喇~今次~勁無奈呀~我只係唔記得左寄咋............唉~
算啦~都冇辦法~等遲多幾個月先啦~呵~
昨晚同Parco傾電話,同佢輸賭,話佢今朝返工既時候唔會遇到小強,
點知我今朝整野既時候,佢打俾我,之後俾左個人聽~
個個人竟然係小強................激死............咁我就輸左餐自助餐喇~唉~
唔制呀~我下次唔玩喇~次次我都估唔中既~
上次等小強既時候,又同Parco估佢邊班車到,點知我又輸左,
要請佢食朱古力~今次又輸~次次都輸............唔制呀~
最近唔知做咩成日都好鐘意諗埋d無聊野呀~簡直係超級無聊呀~
不過我又諗得都幾開心喎,哈哈~
今日勁搞笑,咁五點幾既時候,收音機就播緊萬王之王,
咁係到播緊梁奕倫以前既聲帶,我聽到之後,我就send左個icq過去話,
"嘩~聽到起哂雞皮呀",點知我一send完之後,另外個主持曾淑儀就即刻講番出黎~
哈哈~真係搞笑呀~搞到我做做下野又係到傻笑~
我已經成日都傻笑呀~家下又傻笑~不過我真係估唔到佢會講出黎囉~嘻~

哈哈~昨日一朝早就聽到個好消息~
就係阿Yen生左個BB喇~係仔黎呀~呵呵~真開心呀~
不過就得四磅幾咋~好輕呀~不過母子平安~Good
起初我仲以為佢咁早打俾我,想約我食Lunch添~點知唔係~嘻嘻~
Parco俾左個好主意我,佢叫我收左BB做契仔,哈哈~非常之好主意呀~佢最叻都係今次~嘿嘿~
不過真係好開心呀~所以搞到我又癲左~不停係咁食野~
我昨日食左好多野呀~我昨日竟然一次過食左大半包小強買俾我既提子朱古力呀~哈哈~
不過都係唔可以食咁多呀~都係一日一粒好d~嘻嘻~ 
之後又食左糖啦,lunch又食什錦拉麵,下午茶就零食,晚餐就食南乳炆豬手,
加洋蔥豬頸肉粉,嘩~簡直超好味呀~d豬手又唔肥喎,全部都係瘦肉~正呀!
之後又食左朱古力同咖啡雪糕~哈哈~真係開心呀~不過今日開始就唔可以再係咁食喇~
否則我就變大婆喇~唔制~我唔要呀~好~我又要開始我既減肥大計先~嘻嘻~
跟住我又收到個好消息,就係我至細既姨丈返左黎,佢仲話幫我整頭呀~好野~
簡直開心到爆呀~我又可以轉下個新髮型喇~今次打算電髮呀~哈哈~我都未試過~唔知會係點呢?
真開心呀~之後又同草莓傾,我地聖誕有咩搞好~因為我地打算搵日,一齊去行街,
買份聖誕禮物送俾自己~嘻嘻~冇計啦~冇情人係咁上下啦~哈哈~所以咪自己送俾自己囉~呵~
同埋又有人上黎屋企裝NOW寬頻電視,好野~有得睇我最鐘意睇既日劇~Yeah!!!
總之昨日真係勁開心呀

今日既心情非常之唔穩定~好飄忽~
突然間會覺得唔係好開心,突然間又好似冇咩野咁,
又好似咩都諗通左咁~一係就覺得好似好多野煩咁~
唉~人真係奇怪呀~呵~算吧啦~一切順其自然~

我發覺原來當自己唔開心或者好想搵人傾計既時候,
想搵個朋友傾,真係好難呀,因為通常都搵唔到,到我心情好番哂冇咩事既時候,
佢地通常就係個時回覆番我呀~唉~真係奇怪~都唔都做咩會咁呀??????激死人呀 >,<
最搞笑係,坐車既時候,唔知做咩,勁想喊囉~d眼淚係可以自己流得出~
但我當然唔會咁肉酸啦~當然係死忍難忍啦~哈~哈~
但如果問我點解喊?對唔住,我真係答唔到你~因為我真係唔知點解,
我只知道自己係個一刻係好想好想喊~算啦~反正依家都冇咩事喇~
心情又唔可以話好開心,但又唔可以話好唔開心~今日既心情都係一般啦~傻下傻下咁啦~
依家係咩感覺呢?又好似咩感覺都冇咁~哈哈~
可能真係冇期望就唔會有失望啦~嘻嘻~我今次好叻女呀^o^ 冇咩失望~

哈哈~今日朝早去左三姨到食早餐,食左d點心~好飽飽呀~
頭先~去左荃灣搵Parco,同佢行荃豐中心,佢想睇間野,
點知間野執左,之後就去坐地鐵唔記得左邊個站到等小強,
再一齊去尖沙咀~今日好似遊地鐵河咁~傻左~哈哈~
去到尖沙咀間Gucci專門店睇野,竟然見到阿欣呀~好耐冇見喇~哈哈~
之後又去左免稅店,Dior,LV同周生生睇野,因為Parco要買禮物呀~
行完哂之後,我地就去左沙爹王到食飯~
真係搞笑,小強對住我講野,竟然對住我叫左第二個女仔名囉~
唉~hurt爆囉~真係~我都唔知應該好笑定好嬲喇~哈哈~真係俾佢激死呀~
不過同佢地去街,真係好搞笑,係唔需要點講野,只係聽佢地既對話,
已經覺得好好笑呀~哈哈~

哈哈~依家我心情好好多喇~都咩野~
因為有阿Yen同Parco同我傾左陣,哈哈~
真係奇怪呀~都唔知自己做咩呀~奇奇怪怪!!!!!!!!
算啦~繼續打機先~

死火~突然間傻左添,突然間聽聽下歌好想喊呀~
咁奇怪,聽聽下歌,打打下機都可以咁???????????
唉~唔通我又開始情緒化?唉~我都唔知自己想點呀~好煩呀~
總之我覺得個心好似唔知點咁啦 >,<

嘩~好好訓呀~訓到岩岩先起身~正呀~勁舒服呀~
定下我一起身,就好似平時每逢星期日既起身既習慣咁~
一起身就搵野食,嘻嘻~岩岩食左幾塊麥餅,飲左半杯燕窩,食左一粒棉花糖,
三粒提子朱古力係好細粒既~之後又食左三塊朱古力餅,因為夜晚通常都唔食,
跟住依家就開始又睇阿Rain既"浪漫滿屋"喇~呵呵~真係好鐘意睇~
睇極都唔會悶既~可能因為真係覺得佢地好開心啦~
可以同鐘意既人一齊,因為我覺得有時感情既野,真係好難講呀~
有時真係唔係自己話想點就點,而且感情並唔係單方面,而係雙方面,
並唔係話,我自己鐘意佢,我就可以同佢永遠係埋一齊,而係都要佢鐘意我,
又錫我,關心我,對我好,同埋溫柔體貼,
咁我地先可以開開心心咁係埋一齊既~
但我覺得可以搵到個我又鐘意佢,佢又鐘我既人真係好難呀~
所以我就成日一得閒就睇"浪漫滿屋"俾自己發下夢都好呀~呵呵~