| «‹ September 2026 ›» | | S | M | T | W | T | F | S | | | 1 | 2 | 3 | 4 | 5 | | 6 | 7 | 8 | 9 | 10 | 11 | 12 | | 13 | 14 | 15 | 16 | 17 | 18 | 19 | | 20 | 21 | 22 | 23 | 24 | 25 | 26 | | 27 | 28 | 29 | 30 | |
|
| 2005 年 9 月 7 日 星期三 |
 | |
非常之開心既生日!  |
嘻~好開心呀,因為岩岩Jeff陪我過生日呀,係踏正十二點呀,嘻
因為佢過左黎搵我,之後我地係樓下到傾計,由十點幾開始傾,傾到差唔多十二點,
咁我就陪佢去搭車,之後佢就踏正十二點同我講"生日快樂",好開心呀^v^
竟然佢係第一個同我講生日快樂既人呀~嘻~之後到佢臨上車前就錫左我塊面一下,就走喇~
嘻~係我今日收到既第二份禮物黎呀~勁開心啦~而我第一份禮物就係
"草莓妹"送俾我既禮物,嘻~係我估都估唔到既,實在太開心喇!
多謝
|
| 刊登時間︰2005-09-07 01:28 AM [ 訪客留言(3) ] [ 編輯日誌 ] [ 分享至FACEBOOK ] |
| 2005 年 9 月 6 日 星期二 |
| |
失眠  |
唉~好辛苦呀,昨晚成晚都失眠呀,昨晚成十二點先訓,
但訓到二點幾就起左身喇,之後就到天光成五點幾先可以再訓得著呀>,<
勁辛苦呀,之後就不斷係咁醒下訓下,醒下訓下咁~唉~辛苦死我喇~
之後搭車返工個時,又暈車浪喎~唉~ |
| 刊登時間︰2005-09-06 09:46 AM [ 訪客留言(0) ] [ 編輯日誌 ] [ 分享至FACEBOOK ] |
| 2005 年 9 月 4 日 星期日 |
| |
| 迪士尼 |
嘩~今日同舅母同埋表弟仔去左香港迪士尼
 到玩~
因為我地有飛去嘛~嘻~嘻~
不過我覺得香港喱個迪士尼,係非常非常之細,真係同日本、法國個d仲差好遠好遠~
而且入面斬冇咩行,行黎行去都係個d,間間野都差唔多~半日都可以行得哂成個迪士尼喇~
但日本個d唔係呀,行兩日都行唔哂啦,但我地今日十一點幾去到,都可以行得哂有多呀~
所以如果香港喱個叫我俾三百幾蚊入場費,我就覺得好唔值喇~二百幾蚊我都覺得有d貴呀~仲要三百幾~
入面又冇咩玩既,食野又貴,咩都貴~但如果香港開,都可以算係咁啦~
但如果俾我選擇海洋公園同迪士尼,我會選擇海洋公園,起碼海洋公園都多野玩d~
不過好彩,今日我地都有睇巡游同埋放煙花,都ok啦,不過巡游個d就小左d囉,得好小公仔~
不過都好呀,因為睇巡游個時冇落雨,之後到我地入去精品店到睇野既時候,就落好大雨喇~
但又好好彩,睇完之後就有陽光~都好呀~起碼唔使拎雨傘咁麻煩呀!
今日都玩得好累呀~但原來由屯門搭車去都好快咋~但返黎既時候就仲快,因為有巴士直接返入屯門~呵~
但我今日係搭車去既時候,我就諗左好多野呀,
我記得之前Duff同我講過"付出同收穫係唔平等"呀~起初,我都好唔認同佢所講既野,
但係最近,我就覺得好認同喇~因為原來就算我肯付出幾多都好,但收穫真係唔會平均呀~
因為可能就算你肯付出既,但人地都未必肯去接受同認同,亦可能都唔覺得係d咩一回事~
不過我認為,依家起碼至少我有付出過,我有踏出過我既第一步,人地接唔接受都係佢既事,我都冇法控制~
只有隨緣啦~有時d野,係冇得迫既,我都明白既~因為當自己擁有既時候又唔去珍惜,
到左依家,有時d野後悔都太遲喇,我依家只可以做既就係,做好自己,做自己想去做既野,同埋自己認為開心既野,
可能人地未必會接受,但我唔希望自己成日都唔開心,因為最近我覺得自己好似真係成日都唔係咁開心!
順其自然啦 |
| 刊登時間︰2005-09-05 12:34 AM [ 訪客留言(0) ] [ 編輯日誌 ] [ 分享至FACEBOOK ] |
| 2005 年 9 月 3 日 星期六 |
| |
| 有d失落 |
唔知做咩,我無啦啦又有d情緒化喇~
有d唔係咁開心~其實依家已經係凌晨4:00,但我仲未訓得著>,<
我明天仲要去"迪士尼"玩,唉~都唔知夠唔夠精神呀~
但喱幾日,我覺得自己好似唔係咁開心咁~有好多野都好想同人講~
但又唔知可以同邊個講,因為都冇人得閒,肯陪我傾~
有時好想打俾d朋友仔,但我又唔係咁想阻住佢地,因為佢地都要陪男朋友嘛,有d又要去街,
唉~我都唔想煩佢地喇~因為大家都咁忙~而且我個d都唔係d咩大問題~好小事~
因為全部都係自己既情緒問題~
我 要多得自己 更加多謝你
你將我磨成利器 ← (我要做個堅強既人)
當我無情無恨望過去 還是笑中有淚
抓緊愛侶只靠寬容不靠淚水 ← (我係唔會喊既)
不錯 過得到自己 便可體諒你
也許都因我自卑 ← (都講得我幾岩呀)
希望我係淚中帶笑,而唔係笑中有淚啦!!!
|
| 刊登時間︰2005-09-04 04:21 AM [ 訪客留言(0) ] [ 編輯日誌 ] [ 分享至FACEBOOK ] |
一生中最愛^^  |
如果痴痴的等某日
終於可等到一生中最愛
誰介意你我這段情
每每碰上了意外不清楚未來
何曾願意 我心中所愛
每天要孤單看海
寧願一生都不說話
都不想講假說話欺騙你
留意到你我這段情
你會發覺間隔著一點點距離
無言地愛 我偏不敢說
說一句想跟你一起
如真 如假 如可分身飾演自己
會將心中的溫柔獻出給你唯有的知己
如痴 如醉 還盼你懂珍惜自己
有天即使分離我都想你 我真的想你
如果痴痴的等某日
終於可等到一生中最愛
 |
| 刊登時間︰2005-09-04 03:59 AM [ 訪客留言(0) ] [ 編輯日誌 ] [ 分享至FACEBOOK ] |
| 阿麟演唱會 |
嘩~今日好開心呀,因為今日同媽咪去食自助餐同埋去睇演唱會呀~
食甜品食到好飽飽呀~好好味呀~嘻~實肥死我喇!
之後就去左"無印良品"買文具俾我d表弟妹開學~因為新既一年嘛~
當然要有新既文具用先得~嘩~我都買左好多呀~真係!
行完之後,我地就去左"深水步"買野~呵~買完之後就返去尖沙咀行陣,同埋去左影貼紙相~
嘻~好開心呀!因為好耐冇同媽咪影過喇!之後影完,我地就快步咁行番上去睇演唱會~
我地去到岩岩好開場~唔使等~幾好呀!
今晚d"家"賓就正喇~有我鐘意聽既"溫拿",我覺得成個演唱會好睇既部份,就係溫拿五個人既時候,
其他我就覺得一般啦,因為好多時都係音樂大聲過佢唱既~所以都唔係好知佢唱咩~
同埋有"黃伊文"伴舞囉~不過佢真係好瘦呀~
而其中有一part我覺得都幾有意思呀!我覺得都幾正~
今天憶當初 我只愛你一個
心裏有句說話 要對你說清楚
可否息風波 你對我已不錯
心裏也暗暗認 我也有一點點錯
同埋佢講左句野好正就係→ 『你最愛既人,就係成日同你嗌交既人』 |
| 刊登時間︰2005-09-04 03:49 AM [ 訪客留言(0) ] [ 編輯日誌 ] [ 分享至FACEBOOK ] |
| 2005 年 9 月 2 日 星期五 |
| |
| 好累呀! |
頂~激死我喇~頭先明明打好成篇日記,但確定左之後就冇哂d野~
激死我喇~搞到我依家又要由頭再打過~好嬲呀~
今日人地已經好累啦,仲要咁樣玩人,咦~
今日又唔知做咩喎,成個人都唔知自己係到做緊咩咁,個腦一片空白,而且又好似成身都冇哂力咁~
唉~都唔知做咩會咁呀~好似成日都係到呆下呆下咁~
今日放左工之後就去左荃灣媽咪、IDY同埋EVA去配眼鏡,咁當然我就係負責睇太陽眼鏡個個啦,
而媽咪就係配眼鏡個個啦~哈~不過我就睇唔岩喇,因為都冇我想要個d呀~
不過就有一副帶左都幾好睇,都ok既,而且又百幾蚊,咁所以咪平平地買黎帶住先囉~
之後我地就去左食"刀削麵",好好味呀,因為我地每次去荃灣,都去個到食呀~
食飯個時,IDY就問我返唔返大陸玩幾日,但我就話唔去喇~
點去丫,我都好想好想去呀~去休息下都好呀,但我6月個時先去完韓國咋,
仲點請假先得呀,而且我仲有大把野要做呀,點放先得呀~我都想呀~
如果俾我有得放,我唔貪心呀,俾我放兩星期就好足夠喇~
因為一星期用黎去旅行,之後個個星期就係去完旅行返黎休息下~哈~咁幾好呀~
不過我諗我都係發下夢好喇~都會有咁長既假期先得呀~
除非我唔使做啦~哈哈~否則我諗都冇咩可能會俾我咁做~
不過最近好累就真~周身骨痛,成個老人家咁~唉~依家先得個廿歲女,都唔知幾時先得黎幾廿歲呀~
咁快就周身骨痛~唉~我唔想咁快老呀!
 |
| 刊登時間︰2005-09-02 11:28 PM [ 訪客留言(0) ] [ 編輯日誌 ] [ 分享至FACEBOOK ] |
| 2005 年 9 月 1 日 星期四 |
| |
| 心情靚靚的一天~ |
哈~真係開心,話咁快咁又一個月喇,咁快就九月要開學喇~暑假咁快就放完喇~
不過我都好耐冇放過咁長既假期喇,如果有就好喇~哈哈~
但如果我有咁長既假期咪即係等於我失業?咁又唔係好得喎~呵~
前日夜晚同左Jeff and Tony去左睇"活死人地帶"
 咦~入面d人真係好肉酸呀~
不過好彩我坐係佢地既中間,有咩驚嚇場面既時候,隔離都有兩個人俾我捉住~哈~哈~
同佢地睇完戲之後,就去左"燉奶佬"到食糖水,嘻~好耐冇試過咁夜去食糖水喇~實肥死我啦~
今朝好早就起左身喇,之後就同Duff去大興食早餐,哈~好耐冇同過佢食早餐喇~
可能因為太耐冇食既關係,所以今日覺得特別好味道
 嘻~ |
| 刊登時間︰2005-09-01 09:19 AM [ 訪客留言(1) ] [ 編輯日誌 ] [ 分享至FACEBOOK ] |
| 2005 年 8 月 29 日 星期一 |
| |
| 今日心情非常之好呀! |
嘩~昨日非常之好訓呀,我又訓到成點幾先起身呀~
起左身之後就食lunch,食完lunch之後睇睇下電視就訓著左~呵~
訓左陣,之後就玩左陣電腦
 跟住又走左去訓陣~哈哈~我放假就係咁喇~
日訓夜訓,冇計啦,唔夠訓,黑眼圈太大喇~嚇親人就唔好啦!哈~哈~
跟住我就去左三姨到燒野食,嘩~又有勁多野食呀,有我最鐘意食既雞翼、雞扒、沙律、腐竹雞蛋糖水......
嘩~太多野食喇,太好味喇~但我就當然係受唔住引誘,所以又食左好多野呀~
好彩,我都做左小小運動,燒完之後同左表弟、表妹佢地去左踏單車~呵~
之後返番去再同佢地玩陣"大富翁",可能我太耐冇玩既關係,所以唔記得左點玩......要佢地教我點玩......
嘩~玩到成十二點幾先走呀,之後我仲要留底左個銀包係架車到,搞到我今日咩都冇咁返工~
要等到今日IDY拎番俾我~呵~呵~
講完昨日就講番今日~嘩~今日一大清早就勁開心啦~
因為Duff買左d我最鐘意食既"cake"仔同糖
 俾我食,呵~呵~同埋送左一份我意料不到既禮物俾我~
呵~太開心喇~原本都冇咁快有得收到呀~
因為我今朝去睇醫生既時候,我經過佢落下,但又唔見佢等車,咁所以咪打電話俾佢囉~
唉~原來佢岩岩先起身,咁所以佢就拎埋俾我喇~嘻
都唔係好明點解喉嚨痛都要睇三次醫生,唉~不過又冇辦法既,因為入面d龍仲未清~
所以今日又打針喇,好痛呀
 希望睇埋今次就好番啦~
又唔知做咩今日下午既時候,做做下野,無啦啦條脹勁痛呀~
搞到我坐又唔係,企又唔係,都唔知想點,仲之就勁辛苦啦~ |
| 刊登時間︰2005-08-29 10:56 PM [ 訪客留言(1) ] [ 編輯日誌 ] [ 分享至FACEBOOK ] |
« | 18 | 19 | 20 | 21 | 22 | 23 | 24 | 25 | 26 | 27 | »
|
