好~等我由今朝講起先~
首先我今朝既早餐就係,食左一個蛋撻同四塊餅乾~哈哈~ 
哈哈~今日同Eva、三姨、煒林、阿妹、細佬去左旺角行街街~
嘩~我又買野囉~又買左件衫同外套喇~我已經係今個月內,買第二件外套喇~
大鑊喇~買咁多野呀~最近又買左好多衫、褲同鞋喇~哈哈~慘喇~好窮呀~
行完之後就約左媽咪、Idy、B父同阿婆去三姨屋企打邊爐,正呀~
我最鐘意就係打邊爐呀 ^o^ 不過因為Eva要返屋企煮飯俾我至細既姨丈食,
所以就冇去到喇~哈哈~唔知我個至細既姨丈幾時又得閒同我整頭髮呢~
嘩~打邊爐勁正呀,有我最鐘意最鐘意食既肥牛同魚皮餃食~哈哈~
但每逢同Idy打邊爐就必定有湯丸既,不過湯丸打邊爐又真係幾好食既~
都好特別~不過我都唔係食左好多咋,因為都唔想食得太飽喇~食到咁上下,
我就同阿妹、細佬去踩單車,嘩~可能太耐冇踩喇,隻腳勁累囉~
跟住Parco就打俾我,之後問我去唔去燒野食,因為佢同埋小強同埋d朋友,
入左黎屯門燒野食,但我話我唔去喇,因為我打緊邊爐,跟住佢又係到話我喇,
又話我次次都唔去,唉~真係俾佢激死呀~咁我同緊屋企打邊爐點去呀~
如果佢早d同我講,就話者~哈~哈~跟住又同我講,有好多男仔去,
個個都冇拍拖,介紹俾我識,唉~真係俾佢激死呀~又唔係唔知我見到陌生既人,
不嬲都唔多出聲,好怕羞啦~哈哈~
不過今日小強都慘喇,一大清早就收到我個訊息話佢~哈哈~佢都算唔好彩喇~
但邊個叫佢欺騙我咁衰呀~之後我做野做到累既時候,就打個offline messenger話佢~一直到我今日收工為止~哈哈~冇計~因為我太無聊~
嘩~不過今日由六點幾開始打邊爐打到成十點幾呀,好耐都冇打邊爐喇~
真係好開心呀 ^v^ 之後我就開車送阿婆同Idy返屋企~哈哈~

今日收工之後去左Eva到做facial~
去之前買左兩串魚蛋,一串魷魚上去同Eva一齊食~嘻嘻~
之後整到成九點幾呀~因為佢個客囉~遲到~搞到我地咁遲先走得~
原本打算返屋企唔食野呀,點知返到去,媽媽就叫我飲哂成碗燕窩~呵呵~
哈哈~佢仲留左個蛋撻俾我,不過我都係留番第二日早餐先食喇~哈哈~
費時再食咁多野,因為塊面真係好脹呀~個人好火呀~

今日既心情一般啦,普普通通咁啦~
不過食完個lunch之後就勁忙囉~因為原來只係出旺角整野,
知點,無啦啦又要去埋將軍澳整,所以搞到d時間勁趕呀~
我坐緊車既時候,將軍澳整野個d人又係咁打俾我吹我,問我到未~
頂~又唔係我自己開車去,坐車唔使時間咩~激氣呀~
去到之後,d人勁奇怪囉,唔係正面同你講野既,只係,係"百葉簾"一行線個到同你講野~
嘩~我真係火都黎呀~搞錯~咁做野都得既~d人唔惡d態度對佢都唔得既~
不過之後我一行出個門口,我就咩火都冇哂lu~呵呵~
之後就去旺角整埋d野,咁就搞掂哂喇~哈哈~
整完野之後,打電話俾個朋友,諗住叫佢一齊食飯同睇戲既,
點知,佢竟然同我講,唔早d約佢..........因為佢已經約左人...............唉~算啦~
之後自己就行左去"無印良品"買左幾包蘋果糖~
買完之後,打算睇下有咩衫買既,之後就入左去"super lover"到睇衫~
不過睇極都唔岩,所以我諗我行入去既目的都係等d售貨員唔使咁得閒~
因為我不停係咁整d衫黎睇,之後佢就要接番~哈哈~我都唔想呀~}
我有諗過,睇左咁耐喇,求其買番件啦,但好可惜,我過唔到自己個關囉~
因為成五百幾蚊件,冇理由件衫咁貴,買左自己又唔鐘意呀~
之後就行去坐車返屋企lu~返到屋企就飲湯,同食餅乾,咁就一餐喇~呵呵~

今日我又癲左,今日成日都好肚餓呀~
今朝早食左買塊消化餅,之後到左十一點幾就開始有d肚餓,
之後就食左粒泰國椰子軟糖,哈~哈~到左十二點幾,又食左粒士多啤梨朱古力,
冇計,太肚餓喇~之後lunch就去左扒王之王食飯,呵呵~好好味呀~
通常我每次食個餐飽,我只會食小小,飲餐湯就飲半碗,
但我今日竟然食哂成個飽,因為個飽又熱,又有香草味,幾好味呀~所以食哂~
跟住就食左個焗青咖喱雞扒意粉,又好好味喎,但當然我食個雞扒都飽哂啦~
哈哈~所以又淨番d意粉係到~但可能因為肚餓既關係,所以覺得特別好食呀~
唉~但依家好辛苦呀~因為成身都好痛呀~掂一掂到我都痛到我七彩呀~
激氣呀,無論係手又好,腳又好,總之周身都痛啦~依家簡直超辛苦呀~
再加上d智慧牙又搞到塊面又脹喎,咁又更加辛苦呀~真係依家做咩都冇力呀~
就連坐係到都覺得辛苦呀~唉~唔制呀 >,<
今日成日個心都唔知飛左去邊樹呀~雖然好多野做,不停係咁做野,
但個腦總係好似諗緊第二d野咁,都唔知自己做咩?
唔通~我真係俾個朋友講中?唔係嘛?真係唔好嚇我呀~我唔制呀~
我已經盡量控制住自己,叫自己咩都唔好諗,要諗既,就諗下點溫習樂理,
點先可以將成堆英文樂理可以記哂,但可惜我個腦好似唔係好聽話咁~
真係激氣呀~我知道自己唔可以咁呀~
因為我真係唔可以俾自己有d咩希望或者係期望呀~
因為我知道係唔會有可能發生既~亦都唔會有結果,
因為全部野都係自己諗出黎~根本冇可能係事實~
唔得~我唔可以咁~絕對唔可以呀!!!!!!!!!!!!!

唉~今日既心情真係麻麻~
今日一早同個朋友msn,佢話唔開心,我仲同佢講,唔好唔開心啦~
每一日都應該帶住開心既心情去迎接新既一天,點知...........有口話人,冇口話自己~
原本一個朝早我既心情都冇咩,都ok既~但之後知道左個消息之後,
成個人都好失落,真係咩心情都冇哂呀~真係咩心機都冇~
之後仲要俾個朋友玩我,佢仲要嚇我,話同佢個朋友講左d野,
其實起初我一d都唔相信,但之後佢講講下,又好似真係咁,搞到我都唔知點好,
個一刻真係勁無奈囉~因為如果佢真係講左俾佢朋友知,
我都真係唔知點算好喇,真係肉酸死呀~好彩,佢都係嚇我~
不過我真係唔想自己想點,我唔想俾自己有咩期望呀,
因為我真係唔想失望呀,個種感覺好難受,好辛苦~最近先覺得自己開心番,
所以唔想咁快又失望,失落,唔開心呀~唔要呀~我唔要呀~
因為我亦都知道,有好多野,真係唔到自己話事,只有一切順其自然~
唉~死火~到左依家我都係冇心情~唉~點算?有冇人可以幫到我呀?help me~

今日癲左,晨咁早就起左身,七點幾就醒左喇,好似平時返工既時間咁~
可能因為昨晚早訓啦,唔得,下次星期六都係唔可以咁早訓~
死火喇~我又有d喉嚨痛喇~唔制呀~唔想睇醫生呀~都知做咩,個喉嚨咁容易就痛既~
昨晚租左幾隻碟睇,但幾隻都唔好睇既,每隻睇左小小,我都已經冇心機再睇,
昨晚仲睇睇下訓左覺,所以搞到我咁早就訓~因為實在太悶喇~
死啦,塊面又開始脹脹地喇,我好驚呀,我唔想做手術呀~
我知道入面d智慧牙出唔到,但我真係好驚呀,上年做過一次手術之後,驚到家下~
仲有三隻要做手術呀,救命~我就快驚死我喇~
都真係唔明點解,四隻智慧牙都出唔到既~可能我d牙真係太細隻既關係啦~
即係可能本身有智慧既,都變左冇智慧~哈哈~

０１）我「喊」，無論是否你的錯，你都一定要哄我。
０２）我都唔會每秒鐘都掛住你，大家咁話。
０３）我見到靚仔都會望，這也是天生的。
０４）我「哦」你都是因為我關心你和緊張你。
０５）你唔使係有錢仔，但最好都有比較遠大的目標和理想，在未來有成為一個有錢佬的可能。
０６）同我出街時，可唔可以梳番個頭同剃鬚？
０７）我知我唔係全世界最靚，但我希望你覺得我係，時不時要讚我人靚歌甜樣靚身材正可愛溫柔同得意。
０８）當我剪了兩吋頭髮打了少少眼影穿了對新鞋時希望你會留意到。
０９）所有大時大節紀念日同生日，你必須全部都記得。
１０）我所有濕濕碎碎野都好想同你分享，例如我用咩化妝品同護膚品，雖然你未必會明，但希望你會扮聽。
１１）當你滔滔不絕地發表你對工作細節電腦軟體 NBA
英國足球聯賽等等的意見時，我其實也是在唯唯諾諾地扮聽。
１２）得閒做下磨砂同黑頭鼻貼，否則我會在凝望你時不自覺地望住你鼻上的黑頭同粗大的毛孔。
１３）你臨訓前可唔可以刷牙？
１４）你唔需要好靚仔，但一定要乾淨。
１５）我 M 時係大哂，可以大條道理發脾氣，你最好一個月忍我幾日就哂我。
１６）我會假設你懂得操控及修理任何電器，包括電腦相機電視機錄影機及
HI-FI 等等。
１７）有很多事我並不是不懂得做，只是不想做就扮唔識。
１８）每日去任何地方時都要 CALL
我話比我知你位置及同邊個一齊，比我清楚哂你的行蹤。
１９）同一個笑話同話題，可唔可以盡量唔講得多過廿次？
２０）我發脾氣 CUT 你線，其實係想你即刻打番電話來再哄我。
２１）如果迷路時，可唔可以快快趣趣向途人問路，唔好逞強拉住我走來走去行好多冤枉路？
２２）我唔介意你有少少肚腩，但盡量唔好太肥，亦唔好比我瘦。
２３）太大隻既肌肉型男人一 Ｄ 都唔 MAN，係好驚。
２４）我會好介意你有一 Ｄ
有不良嗜好的「兄弟老友」，認為佢地一定會帶壞你。
２５）在我的朋友面前，我希望你可以表現得比平時更錫我同緊張我。
２６）我煮飯比你食時，你唔可以覺得係奉旨，一定要「話」好食。
２７）琴棋書畫各類運動唱歌寫文章當中，希望你最少會有一樣好叻（打機唔算），其他最好樣樣都識少少。
２８）你要欣賞我的工作。
２９）大男人唔等於霸道。
３０）溫柔唔等於無主見。
３１）瀟灑唔等於無交帶。
３２）不羈唔等於烏 where。
３３）我鍾意你努力工作，但都要盡量抽時間陪我。
３４）唔好成日問你約會去邊度好都話「是旦」，咁唔叫就哂我只係表示你無心思。
３５）如果我有朱茵的身型，我唔介意穿得像個性感尤物。
３６）如果我同你講話要減肥，其實最想聽到你同我講：「你一 Ｄ
都唔肥，唔使減啦，我鍾意咪得囉。」
３７）我跟你說話的時候，唔知點解聲音會比平時嬌嗲同低 Ｂ。
３８）CHECK 你電話的來電顯示是我的嗜好之一。
３９）你最好唔好有任何女性朋友、紅顏知己或契姐契妹之類的物體。
４０）我有男性朋友係好正常。
４１）我希望你的女同事全部都是師奶呀嬸醜女或肥婆。
４２）我好有興趣去知道你同你舊女友的事，愈詳盡愈好。
４３）我有時都會掛住舊男朋友、以前暗戀過的男生、華 Ｄee
梁朝偉同籐木直人。
４４）無論拍左拖幾耐，我都渴望你時不時比 Ｄ 驚喜我。
４５）你要時不時對我講「我愛你」，否則我會假設你唔愛我。
４６）大庭廣眾粗口爛舌唔係叫有型。（回應＊大庭廣眾怕醜、唔出聲不叫斯文）
４７）你完全唔打扮同我去街我會驚。（回應＊你打扮得太誇同我去街我仲驚。）
４８）發脾氣時要即時哄番，唔好比時間我冷靜下，其實我完全唔需要時間冷靜。
４９）雖然已經有左你，但如果有人追我都會沾沾自喜。
５０）購物是女人的天性，請不要阻止或對我的購物行動有甚麼意見，最好間唔中資助下我。

又好耐冇寫日記喇~最近有好多令我好開心既事發生~
但亦都有唔開心既事發生..............
我真係好煩呀!好多野我都唔知自己應該要點樣呀>,<
昨日好似成個癲婆咁,不停你咁傻笑,自己做做下野又係到笑,
自己對住個電腦都可以笑一餐,嘻嘻~因為我真係好開心呀~
我足足可以笑左成日,由朝早笑到收工,心情十分之靚,好耐冇試過咁靚喇~
但到左今日,本來好開心呀,因為今日一返到公司,一開電腦,
就收到個messenger,我睇完之後都好開心呀~
雖然係好簡單既幾句說話,但都已經令我好開心喇~
可能我真係好容易就開心啦~但到左下午,我就唔係咁開心啦~
不過算啦,d唔開心既野,我都唔想再講,我依家只係想做自己鐘意做既野,
我唔想再理人地點諗,亦唔想同人講咁多,同解釋咁多,自己想點就點~

1.佢會特登同你鬧交.激你...
2.佢會成日問你借東西..
3.佢會成日在身邊出現~
4.佢會o在你同人說話的時候,又講埋一份
5.你對佢笑.佢會避開你的眼神或者臉紅
6.佢會經常問你有沒有鍾意人 ~
7.佢會在你面前扮可愛.扮型.扮勁.
8.佢會模仿你 ~
9.佢會偷望你.但你一旦被你發現.佢就會扮不是望著你
10.佢會好關心有關你的事
11.佢會找好多話題跟你談天
12.佢會講好多野逗你開心...

今日傻左,訓咁早8:30就返到公司~
唉~但一諗起昨日,我就覺得好憫喇~救命 >,<
有咩可能呀,今日下午成四點先叫人做野,聽日就立刻即刻要呀~點做呀~
咁自己本身又做緊野,又要咩都停哂手頭上做緊既野~
停哂都唔緊要呀,做都唔係問題呀,但成十幾份野,點做呀~
又要設計,又要影印,影完之後又要過膠,而且又得我一個點做呀~
都唔俾d時間人做既,而且昨日又出去做野,今日又係星期六收早小小既~
仲話要我今日做好哂,真係神仙咩,d野可以變出黎咩~
好憫呀~好憫呀~激死我喇~
嘩~好憫好憫好憫呀!憫死我喇~
人地原本心情勁靚嘛,點知,最後都要俾人激呀!
真係激到我火都黎呀
不過算啦,返到屋企同媽咪講完就舒服哂,而且自己又開車兜左幾個圈,
依家冇事lu~
不過最衰既就係,我一唔開心,一憫就會食野~
所以返到屋企又食左薯片、朱古力、糖、生果 ............今次死得喇~
實肥死我喇~而且最近又懶左,冇做運動喎~唉~  
我唔可以咁呀~