最近發生左好多事呀!有開心,亦都有唔開心!
星期五勁忙呀,因為一早就出左金鐘幫公司整野,
之後收工就去左沙田"威爾斯親王醫院"探阿爺,見到佢都好精神,成個大細路咁~
但見完之後就好多感覺出左黎~
原來人真係好化學呀,同機器一樣,但機器壞左就可以整番好,
但如果人就要睇自己身體狀況,所以真係要好好珍惜身邊既人~
探完之後媽咪就載我去尖沙咀搵草莓妹,因為我地約左去行街街~
嘻~好開心呀!因為我買左個袋,之後我地就去左睇童夢奇緣,
嘩~勁好睇呀,好感動呀!睇到我地兩個都.................哈哈~
睇完之後我地就去沙爹王食飯,好好味呀,食到好飽飽,之後佢好好人呀,
佢陪我搭車,我地一齊搭車入屯門,之後佢再轉車返屋企,佢真係太好人喇!好感動呀^^
其實原本可以同爸爸媽咪一齊去睇阿爺呀,點知,爸爸公司突然有事,
要立即返入屯門去處理,唉,發生左件大家聽到之後都唔係咁好既事,
因為有個好好人既叔叔,因為為左幫人,而搞到自己重傷,報紙都有講,
但報紙寫既野就好過份,真係好衰囉,我終於都明白,點解d藝人成日都話,
d報紙亂寫野,講既都唔係事實!

星期六,今日收左工之後就去學琴,同媽咪行左陣吉之島,
我仲係吉之島撞到個好耐冇搵既朱仔,仲同佢傾左陣,
之後就同思敏去灣仔睇阿Rain演唱會,嘩~超正呀,好靚仔呀,又型喎~
成日做埋d表情又好搞笑,搞到我越黎越鐘意佢呀!不過太快就完喇~
睇完之後思敏就話想食野,咁我地就去左食許留山,跟住就去搭車返屋企~

今日訓到成兩幾先起身,勁好訓呀,訓醒之後,就我平時放假一樣,
一起身刷完牙就開始搵野食,我又食左好多野喇~好好味呀!
之後就同媽咪去沙田探阿爺,跟住我地就去左沙田行街街,哈~哈~
又買左好多野食呀!正呀!

嘩~今日好正呀~今日同媽咪首先去左旺角搵三姨同埋佢d仔仔女女,
之後我地就去左尖東個到行一陣街,嘩~我地行去免稅店個到,勁多大陸人囉~
所以我地煒林佢地就行左出去零食物語到行陣,之後我地就去左帝園酒店到食自助餐喇~
呵~其實我訂位既時候,我係同佢講食甜品自助餐,但唔知點鮮個個同我訂左下午茶自助餐~
不過都冇所謂啦,反正都未試過喱間~嘻~嘻~就係咁,我地就由3:30就食到5:30喇~
之後我地就打算行去無印良品買野,點知去到,間野執左..........
所以搞到我地個個都冇哂心情lu~
咁之後就去左睇我想買既袋,點知一睇,超出左我既預算,所以最後都冇買,
因為我要諗下先~但依家越諗我就越鐘意呀~點好呢?

呵~呵~咁快就星期四喇~好野
今日唔知做咩,勁辛苦呀,無啦啦個肚又唔係咁舒服,
之後收工既時候又開始有d胃 ,返到屋企一邊食飯,就一邊 ,
最後都係頂唔順食左粒胃藥先冇咩事咋~
哈哈~好開心呀,食完飯之後就練琴喇~好正呀,一邊練琴,一邊睇電視,
之後勁想食雪糕啦,但死忍難忍,點知,最後媽咪落完街返黎,見佢拎住一袋雪糕,
仲話d雪糕新出,人地話好好味,之後都係忍唔住食左........嘻~嘻~
之後媽咪食左一半就俾埋我食呀~唉~ 死我喇~今次~食完之後勁飽啦~
但又真係幾好味~呵~
仲有,我要同IDY姨同埋EVA姨講聲生日快樂呀
我昨晚專登等到十二點鐘打電話同佢地兩個講生日快樂呀!呵~冇計~
因為佢地兩個都係好錫我既阿姨!

嘩~話咁快今日就係星期三喇~真開心呀~
時間過得真快呀!呵~呵~
返埋星期五就有兩日假期~好野~終於可以休息下喇~
冇計啦,d手指痛到七彩呀~而且又累喎~
嘻~嘻~一諗起聽日就星期四我就成個開心哂~

激死我喇~都唔知做咩,昨晚成晚都訓唔到呀~
原本好眼訓呀~未夠十二點就訓左喇~點知.......訓到三點幾醒左~
就係咁..........一直眼光光等天光~
之前都試下訓唔著,但都係到左五,六點就訓番嘛~但今次唔係囉~
真係由天夜望到天光呀~之後就未夠七點半就起身換衫準備返工~
之後就去左搵媽咪,同媽咪食早餐,因為三姨係我出門口既時候,打電話俾我,
話公路有壞車,所以d車停哂冇得行~唉~都唔知做咩,最近成日都係咁既~
唉~今日好累呀~成身都好痛呀~媽咪話係d火,好燥~
我唔想咁呀~好辛苦呀~我d手指又勁痛~唉~點算...........

嘩~仲未打完風呀~唉~又唔掛8號喎,掛黎掛去都係3號~妖~
嘻~嘻~今日傻左呀~因為今日不停係咁食野呀!
今朝一起身,就食左個合味道辣海鮮杯麵,嘩~好味呀~
因為我太耐冇食喇~真係超好味呀,同埋食左雲吞加通菜~
食完之後隔左陣就去午睡一陣,訓到三點幾到啦,起身又食左支雪條~
之後又飲左一大支冬瓜涼茶,又係超好飲,又係我最鐘意既~呵~呵~
咁食完我既下午茶之後,我當然又要休息番一陣啦~嘻~嘻~
咁休息完之後,我就食左包樂天熊仔餅,同埋四分一既月餅~好味道!
一邊睇電視,一邊食野~都不知幾正呀!呵~
之後突然間,我好想食芝士同煙三文魚喎~咁所以就問媽咪返屋企未呀?
咁諗住整定,佢一返到黎就有得食,咁我就將昨日淨左既半條長法飽切開,
之後再係面上放d芝士同煙三文魚,之後我就將幾塊餅乾又係咁整,
之後就用焗爐焗三分鐘,嘻~嘻~勁正呀~勁好味~最好味就係d芝士溶溶地,
d煙三文魚又岩岩好,唔太熟,哈~哈~媽咪都話好未呀!至於d餅乾都好好味呀~
雖然之前都未試過焗餅乾,哈~哈~但又幾好味喎,感覺好得意呀!
食完喱d之後,又食左幾隻蛋,同小小麵啦,之後又飲左杯荳奶同又食左四分一既月餅~
冇計~因為我最鐘意將d月餅切成一粒粒再放係雪櫃,慢慢食~好似食糖咁~得閒就係一粒~哈~哈~
所以我到左依家,我都仲好飽呀~我諗明天都唔使食野喇~哈~
今日真係開心呀,成個人好舒服,而且心情仲好好~yeah!!!

嘩~我又好耐都冇寫日記喇~
冇計啦,因為我太累喇~日日都對住個電腦咁多個鐘~
咁冇理由返都屋企都仲要係咁先得呀~呵~
同埋真係激死,公司個電腦又無啦啦中毒,上唔到網~激到我跳起喇~
同埋無啦啦又打風,  但又要打唔成個下衰喎~仲要係人地放假既時候打~
唉~真係衰呀~落雨又落下唔落下喎~
上星期中秋節有兩日假期,其中一日就去左Eva屋企訓,因為第二朝剪頭髮嘛~
原本夜晚剪呀,但點知,等到好夜,所以最後都係第二日起身先剪囉~
嘩~剪左前面,但後面就修下去囉~但依家睇睇下,我又覺得好奇怪呀!
好似有小小唔知想點咁..........同埋又整到,我塊面好脹呀
真係激氣呀,可能我自己又唔識整~唉~算啦~
唉~最近心情非常之唔好呀~成日都好似好多煩咁,心情唔係太好呀!

嘻~好耐冇寫日記添~
冇計,因為最近心情唔係咁好,而且個人又好累喎~
所以就咩都唔想做喇~
唔知做咩,我近排成日都好似好覺得好憫咁,又冇心機,都唔知自己想點?
唉~好煩呀!
好彩,今日中秋節,可以有兩日假期俾我休息下~
因為我d手指已經好似唔係自己咁,又痛,又好似硬左咁,總之就唔受我控制啦~
仲有個腦又好辛苦喎,成日都好似唔知自己做緊咩咁!唉~
算啦,俾我休息下就得喇~呵~呵~

嘻~昨日係細佬既生日呀~"生日快樂"
而我同媽咪就送左個手提俾佢,勁開心呀佢,因為佢一直都好希望有電話呀!
終於俾佢"恨"到喇!見到佢打開個時個樣幾開心呀!笑到見牙唔見眼呀!呵!
之夜晚後同IDY傾電話,傾左差唔多兩個鐘呀,勁累呀!
今日就訓到十二點幾就起左身喇!勁好訓呀!
之後一起身,媽咪就拎住d我最鐘意食既"蝦餅"引誘我,
哈哈~我當然受唔住引誘,食左幾塊,太好味喇!
今日好舒服呀,係屋企休息!好似好耐都冇試過喇!