哈哈~頭先食飯好搞笑呀~頭先去左間新開既餐廳食野~
坐我隔離個個大嬸到先過我地既,點知到我地有得食,佢都仲未有得食,
等得勁耐呀,之後個大嬸係到嘈,跟住隔離枱個大嬸又係到彈d野唔好食,又話睇個樣都已經唔好食,
頂~人地食緊丫嘛,咁即係叫人食好定唔食好呀~但我又唔覺得真係咁難食,
只係d野整得"傑"左d,同唔太夠味之外都冇咩問題啦~
咁同埋最近我食野又唔係食得咁多,所以我一定會食淨既,之後個侍應就行黎問我地,
d野係咪真係咁難食,之後佢就話送碟豬軟骨小食俾我地食,嘩~我食完之後仲滿足~
其實我食完d意粉,飲埋杯野都已經岩岩好啦,仲要放多幾件野係個肚到,
搞到我家下真係呢...........哈哈~

唉~我今日真係超級冇心情做野呀~完全提唔起勁做野呀~個心都唔知飛左出邊樹..........
又好似有好多野煩咁,但又唔知煩咩~但個腦就好似好多野諗咁..........煩...........呀~
但又真係唔知自己煩咩~就係咁先煩呀.........點算.............我依家咩都唔想做~
唉~聖誕節下星期六就到喇~星期六就係24號平安夜喇~咁快就到聖誕.................
唉~聖誕節真係唔開心啦,我身邊既個個朋友仔都有佢地既情人陪佢地度過,而我就..........oh~too bad~
唔知我既真命天子又會幾時出現呢?如果真係出現既,我真係真係好希望佢係最後一個呀~
因為感情喱家野呢........我真係玩唔起,而且當我鐘意一個人既時候,我就會真係好鐘意好鐘意佢,
真係會一心一意呀~除非佢對我真係唔好啦,否則我都唔會玩玩下既~
因為我覺得感情係唔可以玩玩下呀,咁樣一d都唔好玩.........浪費大家時間,最後又傷感情............
算啦,不過有好多野都唔到自己話既,都要大家岩feel先得既~唔岩既又係冇用.........算~隨緣~
不過好彩,我同草莓妹約左24號一齊出去玩,去睇下燈飾,影下相,行下街咁啦~哈哈~
如果唔係..........咁就真係一個Lonely Chirstmas喇~嘻嘻~

唉~真係唔開心呀,頭先一起身就俾媽咪話喇  
佢話我做咩昨晚唔將d湯放番落雪櫃,唉~我都唔想呀,我原本係記得呀~
但當我整完哂d野又唔記得左~我又唔係有心既.........咦~影響哂我今日美好既心情~
跟住昨晚又唔知做咩喎,又失眠喇~我已經唔係早訓啦,返到屋企都十二點啦,
沖埋涼,打埋日記都成點先訓啦,但又唔係即刻可以訓得著,訓著左,
之後到左五點幾又甦左,之後就訓下甦下,咁就起身返工喇~唉~激死呀~
哈哈~昨日仲以為睇"如果愛"會喊添,因為之前聽收音機講話,好多人睇完都喊呀~
但我竟然冇喊喎,我仲係到笑~哈哈~可能套戲太有深度喇~嘩~我有勁多戲都想睇呀~
我超想睇金剛呀~又想睇情癲大聖喎~呵呵~唉~我都唔知呀~好似有好多野都想咁~煩呀 
我發覺自己最近食野好似好浪費咁,叫野食,食左幾淡之後,我就已經飽左喇~哈~哈~
其實我唔想咁浪費呀~但真係食左小小就已經飽lu~呵~

哈哈~原本打算聽日先打日記既~不過岩岩洗完頭,但又未乾,所以都係打埋啦~
嘩~昨晚超早訓,未夠十一點半就訓左喇~不過到左四點鐘就甦左喇~激死..........
起碼到五點幾先訓番呀~同埋我又唔係蓋好多張被,而且都係冷氣被,
但都唔知點解訓訓下,出哂汗,真係激死人喇 >,< 但今日又好精神喎~呵~
今日同草莓妹,小強,Parco去左旺角行街同睇戲,哈哈~睇"如果 愛",都ok啦~
不過我覺得就長左小小囉~如果短番小小就好喇~雖然套戲係講下依家,
又講下以前,但好彩我都知佢講咩,但真係好長呀~成兩個鐘~好耐都未試過睇戲睇咁耐,
對上一次都係同Jeff and Tony係元朗睇"3X",成三個鐘,仲耐.........不過好彩個時,
我係坐中間,我可以兩邊胳頭靠落去佢地到,先冇咁辛苦咋~哈哈~不過都好耐lu~
之後就去左無印良品,哈哈~喱個係一個指定去既地方~呵呵~
我又有野食喇~今次又係我既至愛"士多啤梨棉花糖",係小強買既~
因為佢上次話買俾我食既~呵呵~之後佢地就叫我聖誕節26號去西貢燒野食,
玩天光...........哈哈~我初初都冇諗會咁遠.........而且仲玩天光.............
我一定頂唔順啦,因為我以前就算玩天光,都係同Idy佢地係屯門篤波,
而且篤篤下,篤到三點幾四點個段時間,我就會自己坐埋一邊唔知自己係到做緊咩,
呆呆滯滯咁,人地同我講咩我都唔知,我都係到亂答一通~哈哈~
不過最盡個次都係篤到朝早五點幾就返屋企..........哈哈~所以我依家都唔知點好呢?
不過都唔知媽咪俾唔俾我去到咁遠玩就真.............哈哈~

OH~今日成日都係屋企冇出街~哈~哈~我已經連續三個禮拜日都冇去街喇~
呵呵~係屋企睇下碟,玩下電腦,傾下電話,咁又一日喇~
時間過得真快呀~嘻~嘻~今日下午同阿Nat傾電話,足足傾左兩個幾鐘呀~
嘩~真係耐呀,好耐都冇同佢傾咁耐喇~我地傾左好多野呀~哈~
我地已經係到開始計劃緊出年去邊到旅行喇,呵~真開心~
因為我真係好累呀,成日都周身骨痛,不過最痛都係d手指同手指骨呀 >,<
唉~真係唔開心呀,原本上星期講好左今日可以去整頭呀,點知.................
我至細既姨丈冇返香港............所以我又要等下星期喇~唔制呀~
我想可以快d整呀,我想整黎過聖誕呀~唉~希望黎緊喱個星期可以整啦~
哈~哈~終於都俾草莓妹恨到星期二去睇"如果 愛"喇~呵~
佢已經好想去睇好耐喇~哈哈~但我又好怕自己又睇到喊呀~哈哈~
因為我真係好眼淺~一睇d好感人既場面,我又會忍唔住呀~呵呵~
不過最搞笑都係我阿媽,佢竟然同我講,叫我今個星期都唔好出街,
要返屋企食飯,我問佢點解呀,佢話,世貿危險呀,同埋屋企有好多野食,
所以要返去食,哈哈~唔係嘛~阿媽~我都知世貿........但我又唔係去銅鑼灣個邊,
而且就算我食,我食得幾多呢?我都唔會食得多啦,因為我依家又開始努力緊,
因為我仲想再瘦d呀~雖然磅出黎係輕左,但睇落都唔多覺既~呵~
所以我要再努力呀~哈哈~不過我喱個阿媽真係搞笑呀~真係唔好玩我啦~
有時我都想同朋友出去行下,輕鬆下嘛~哈哈~

依家得番自己一個係公司,唔知點解突然間好想喊呀  
算啦~家下冇人理我喇~

嘩~激死人喇~激死人喇~你個野丫~想玩死人呀~真係唔得你死呀~
真係俾你個Parco玩死呀~打黎叫人出街,咁人地要學琴丫嘛~
今個月又請左一日假喎,都唔可以再請呀~叫佢等我學完琴六點先,佢又話要返屋企,
真係俾佢激死呀~好啦~到我依家返到公司冇哂人可以走得喇,問佢係邊,諗住去搵佢啦,
佢又話我打去潤佢~激死人喇~激死人喇 >,<   唔制呀~ 唔制呀~  真係唔得你死~

哈哈~真開心,因為今日咁快就星期五喇~咁快又一個禮拜 一,一
係星期一既時候仲覺得好慢,點知今日一睇,嘩~咁快就星期五喇~呵~
今日果然係暖左呀~哈哈~因為我今日著左件短袖衫,加件薄薄地既外套就算,
唔相天氣報告呀~呃人既,搞到我昨日咁熱呀~返到屋企仲出哂汗呀~呵~
不過真係都幾搞笑下,因為我都未試過可以係元朗行咁耐,而且仲要係唔係早個隻,
搭車個時都十一點幾,返到屋企岩岩好十二點~哈哈~但又好似唔係行左好多地方咁,真奇怪?
哈~哈~算啦都係,反正昨日個個都有收穫~呵~反正我又有新衫著~呵呵~不過到月尾找數個時就.......唉~
今日整體黎講,心情都ok既~但返到屋企就麻麻喇~返到去,媽咪又話唔記得左拎野,
又要我走番落去拎,之後好啦,岩岩返到上黎,間影視店又話套"再說一次我愛你"返左,
咁我又再走落出,唉~真係好好玩咩?好累呀~之後打算有得食我最鐘意既雞啦,
點知一睇,媽咪竟然整左"竹絲雞",係黑色個d,咁我既情緒開始就有變動喇~我就即刻黑起塊面,
唉~其實我都唔想咁呀,但唔知點解真係好奇怪,我一見到唔係我自己想要既野,
我就好不自覺咁黑起塊面,之後將d雞係到整黎整去先食,但又唔可以唔食喎,因為得我同我媽咪食,
咁先激氣呀,因為我阿媽一見我咁整,佢就開始有火,而我就更加有火,所以我成餐飯都冇講野,
因為我知,如果我一講野,我就會同佢嘈~唉~我唔想嘈呀,咁所以咪食左幾件雞,同幾條菜咁就算,
哈哈~我咁就又一餐飯喇~非常之好呀~呵呵~我又成功左一大步喇~因為我想再瘦d呀~
d智慧牙搞到我塊面又脹脹地喎,咦~我唔鐘意咁呀~所以我又要開始努力過~呵呵~
草莓妹睇左我昨晚同佢地食d咩之後,話我食得非常之小,哈哈~但其實我覺得我真係食得好多喇~
已經係超出左好多好多喇~哈哈~我要努力呀~yeah!!!

昨日真係搞笑,收工當我排緊隊搭車返屋企既時候,
Parco突然打俾我,叫我去元朗同佢食飯,起初我都覺得佢會唔會玩我呀?
之後我問左好多次,咁佢都話係真既,咁所以我最後都落左去元朗,
但最搞笑就係,當我差唔多去到元朗既時候,小強竟然打俾我,問我係邊?
之後我就話左佢知,跟住我就叫佢落埋黎元朗一齊食飯添,哈~哈~
可能佢地兩個都知道我冇飯食,所以叫我去食飯,其實我原本打算返到屋企,
飲包荳奶就算,咁就係我既晚餐,嘻~跟住佢地都冇咁快到既,
因為係荃灣個到入元朗點都耐過我係上水入去既,所以我就去元朗廣場行陣,
點知...........一行就衰左喇~我又買左件衫...........唉~又冇左幾百蚊喇.........點算?
咁岩,我買完衫小強就打俾我問我係邊,之後我就去搵佢,行行下Parco就打俾我,
叫我去千色到等,但之前我明明叫左小強一直行,咁就會見到我,
但我行行下就覺得好似唔係好對路咁,之後打俾佢,佢就話佢行緊千色,
唉~真係俾佢激死呀~所以佢又俾我話佢喇~哈哈~邊個叫佢唔話我知呀~
之後佢就行黎搵我,再一齊行過去搵Parco,嘩~行到我勁熱囉,早知唔信天氣報告啦~
搞到我又著左件厚小小既外套,但入面個件就係好薄既T-shirt,唉~激死~
之後我地就行左千色同元朗廣場,行行下,阿Yen就打俾我,同我傾左陣,
因為佢好唔開心呀,其實我都知道,我一邊同佢地行緊街,一邊講電話,
好似唔係好尊重咁,但冇法啦,佢岩岩生完,而佢又咁唔開心,
我真係怕佢有產後抑鬱呀,所以就同佢講左陣囉~之後就俾Parco話我喇~
真係唔得佢死呀~哈哈~行完之後我地就去左田中食壽司,
不過食個時都已經成九點幾差唔多十點lu,跟住就等埋Parco個女朋友一齊食,
哈哈~不過我都已經超級叻喇,食左兩件壽司,一隻炸蝦同炸蕃薯,
其實我係食左一件壽司既時候已經飽左喇...............哈哈~
而且超出哂我包荳奶既份量喇~哈哈~所以真係超飽呀~
之後Parco仲話要去甜品,嘩~真係嚇死我呀,哈哈~不過之後都係冇去到,
跟住,Parco就送佢女朋友返屋企,因為佢女朋友住元朗,而小強就送我去搭車~
返到屋企都十二點喇~返去沖完涼之後,媽咪又要我接埋d衫先俾我訓覺,
真係激死我喇~我最唔鐘意就係涼衫同接衫,我都話聽日先接,
之後又俾佢話左幾句,最後都係要我接完先有得訓,激死我喇~唔制呀~
不過昨日阿爺又入左醫院呀~唉~唔知佢點呢?希望佢冇事啦~哈~哈~

天氣報告又話今日凍過昨日,但我又唔覺既~
昨日同今日,我著既衫都係一樣,一件薄既T-shirt加件外套~呵~
昨日就行幾步路都出汗,但今日就唔知做咩,塊面勁紅囉~真奇怪~
我真係發覺上水特別多怪人呀~昨日係我食lunch既時候,
坐我對面既大嬸佢食完野,見佢塗哂唇膏,但冇啦啦之後,
又見佢係個口都吐d野出黎,我都覺得奇怪,明明佢已經食完哂野啦,
仲點會有野呀,仲要咁大舊添,點知一望過去,原來佢吐副假牙出黎,
嘩~嚇到我即刻望去第二邊,都唔敢再望呀~痴線呀,吐副野出黎洗,
洗都唔係問題呀,去廁所洗啦,人地仲未食野呀~但好彩,我地個時仲未叫野食~
之後我叫左碗粥食,但食淨左半碗係到囉~哈哈~已經唔想食喇~
真係俾個大嬸嚇死喇~哈哈~
唉~我發覺有時d野真係好奇怪呀~當你下定決心放棄既時候,
又會無啦啦又好似..............唉~唔識講呀~算啦~雖然係有小小開心,因為好似有d意料不到咁,
但我知道根本係冇可能發生既事,所以我都係放棄喇~嘻嘻~
我知我一定可以做得到~
不過我真係好開心,原來有好多人關心我呀,因為我一話唔開心,
我有d朋友就會打電話俾我,睇下我有冇事,有d就msn同我傾,安慰我~
有d就把口成日講野都好似蝦我,話我咁,但我知道其實佢都好關心我既,
同埋我d表弟仔,因為我有咩事佢地實撐我既~
所以真係好多謝你地,錫哂你地呀~

我已經覺得好累好冇引喇~唔玩喇~放棄喇~
算啦,反正一開始我都已經知道係冇可能發生既事,
只不過係自己抱住一個希望既心態之嘛~
真係覺得自己好無聊呀~算啦~我決定放棄~一切順其自然~