嘩~今日心情都勉強可以啦~都可以控制到自己既~不過聽日就唔知喇~
今日都幾開心呀~因為同個朋友仔玩msn~好耐冇同佢傾計喇~
仲以為佢嬲左我,好憎我添~哈哈~原來唔係呀~所以好多謝佢呀~
因為可能大家都有d誤會啦~不過我諗依家應該冇事卦~~~~~~~~~~~~~~
不過我諗都冇咩可能會好似之前咁囉~不過好開心聽到佢話可以俾我借佢過橋~哈哈~
真係多謝哂你呀~不過可能你唔會睇到~我都會要講聲多謝你!!!!!!!!

嘩~激死人喇~做咩整唔到d相呀? 仲打諗放d相上黎添~點知整唔到~激死人喇~

嘩~又好多日冇打日記喇~唔通我個日記又變左週記???????????
其實我之前都已經想打好多日喇~不過係自己懶之嘛~
開左個電腦都唔去打~呵呵~冇計~開左之後太多野吸引我去睇喇~
算啦~睇黎我今晚$都係打唔到呀~因為家下又太多吸引喇~
我又要睇下頭先影既相,又同緊幾個朋友仔傾緊MSN~
同埋又要幫個朋友仔問電腦既野~算啦~都係聽日返黎再打過~呵呵~

< 星期四 >

哈哈~媽咪煮左我既至愛”薑汁炒牛肉”,真係超好味呀~正呀~所以我食左好多呀~呵~
yeah~換左kitty好靚呀~

【毋忘我】

我自幼直覺便是很早死
花瓣般幾片日記 讓你們容易收起
是我自覺 沒理會是否天機
像編出一套戲 亦會長映一世紀
身軀的影子仿佛有碰碎
對不起 或者應否要顧慮
若是我會早睡 像水仙只肯早點結聚(結婚?跌墜?)
來讓過早的眼淚
一一收於心裡 一一收於心裡

假使早死 但願日後世界尚想起我
想起某一刻某天這個人和作下的歌
記得起有顆水晶般的清楚
若是在這世界上消失我
你跟你都將記得我
在你心 仍默默住著我

我有勇氣 但卻怕你記不起
命衰的都有運氣 信你們仍肯想起
絕對沒說命理 蝴蝶紛飛
夢死生醉極美 難完長過薔薇
光影般的一生 假使要去也會過去
我早過得很精彩不必過慮
若是我會早睡 像水仙只肯早點結聚(結婚?跌墜?)
來讓過早的眼淚
一一收於心裡 一一收於心裡

我光陰假使不多 自問沒有錯過
絕不想結了果再開花也精采過
若記得 記憶都夠多
所爭的一點不多 我愛大家總算多
水仙有日定發放 懇請掛念並愛著我

平時如若我很衰 我當然不敢真的怪誰
如若記 要記我最美一句
若是我會早睡 讓天空捐出雨水
如能賺到了一些眼淚 放於心中
我一生不必失去

假使早死 但願日後世界尚想起我
想起某一刻某天這個人和作下的歌
記得起有顆水晶般的清楚
若是在這世界上消失我
你跟你都將記得我
在你心 仍默默住著我

好唔開心囉~其實我今日原本好開心呀~
因為今日同媽咪去左行街~媽咪仲買左四條褲俾我添~多謝媽咪 ^^
哈哈~兩日之內買左六條褲~用左都差唔多成二千蚊呀~oh~好貴呀~但係好開心囉~
不過都唔係開心得好耐咋,係我睇睇下電視時候,收到個電話,我就真係好唔開心囉~
點解要係放假既時候影響我心情?點解d野唔可以留番聽日先講?
我真係好辛苦呀~我真係忍唔到,所以我終於都走左入廁所cry………………..
因為我真係唔想俾媽咪見到我咁樣囉~雖然佢都知我入廁所做咩~
但我都唔想佢見到囉~我真係忍得好辛苦~做咩次次到錯既時候,
最後d責任全部都推哂落我到呢?永遠做錯既都係我?
但我明明係做完既時候,我真係有俾你地睇過哂,你地話ok,我先出街喎………
點解最後都係打電話黎話我唔岩?都係話我錯?話我唔俾人睇?
但我唔係做完之後已經俾你睇左咩?你唔係話可以整得咩?
點解到最後都係打黎同我講,話我做完之後唔俾人覆多次?唔睇清楚?搞到d人係到嘈?
下?唔係明明已經俾左你睇咩?點解到最後都係我一個人錯哂既?
雖然我知,係我做既,我都有責任………………但我唔係冇俾你地睇過呀~
你地有睇過,你地話冇問題,話ok我先做呀~但點解最後都………………………
唉~我都真係唔知我仲可以要點做你地先會滿意囉……………
我真係覺得好累呀~我每一日d手指都真係好痛~痛得好緊要~
兩個膊頭又痛到七彩~好累~好辛苦~不過我知道就算我同人講~係唔會有人相信~
因為佢地根本就成日都以為我只係一個文員仔~計下數,打下字~就係咁簡單~
但佢地永遠都唔會知道,當每一日由返工打字打到收工個種既累~
呢d並唔係精神上既累~而係手指既累囉~因為我試過恐怖到,連食飯既時候,
拎起對筷子,隻手都係到震囉~唉~我真係好冇心機囉~好似冇左個種衝勁咁~
唉~究竟發生咩事?點解會咁呀?邊個會明白我既心情呀?邊個可以話我知,我應該要點做?

嘩~今日係特別既一日~有幾特別?
因為簡直係我既大出血呀~oh~ help me~我又俾人搞亂哂我要做既野喇~
但今日又好開心喎~呵呵~good~

 今日原本打算係屋企整下野、練下琴啦、溫下書、睇下書、休息下咁既~
點知~突然間黎一個即興lunch~咁就足以令我又大出血喇~
今日因為心仔心情唔好~咁就搵左我陪佢去沙田食野啦~
咁食完野之後,佢就話去i.t到睇野啦~因為之前佢睇中左條褲~
咁點知未去到i.t,我地就紅過2%,之後又見佢有折,所以就入左去睇~
點知,睇到條褲又好靚喎~我一睇就已經鐘意喇~點知…………….
我話咁快就買左兩條褲囉~~~~~~~~~~~~~~~好貴呀~~~~~~~~~~
之後我地就行i.t ~但又見到好多褲都好靚囉~好多都好想買呀~
但唔得~我唔可以再買咁多野呀~我唔可以成日用咁多錢呀~呵呵~
所以我都忍住~呵呵~佢個野丫,又話要買野~點知又冇買到~~~~~~
而我就…………………之後我地就去左行citysuper同馬莎睇野食~
跟住我又係個到買左百幾蚊刺身同幾壽司返屋企食囉~呵~呵~
嘩~總之我今日真係洗左好多錢呀~你睇~食咩lunch呢????????????
一個lunch我就冇左咁多錢喇~點解明明話佢要買野既,但點知最後買得最多野個個係我?
我仲要返到屋企食完野之後,我又俾媽咪叫左我拎野落街俾人~
我落一落去,都冇左一百蚊囉~因為我又去左借碟啦~又去左買雪條,雪糕囉~
真係好開心呀~但又好肉赤喎~呵呵~

嘩~哈哈~今晚同心仔玩到癲左~搞到我原本今晚想做既野亂哂最後就咩都冇做過~
之前打算練下琴,溫下書,執下屋~但點知…………我一樣都冇做過囉~
只係成晚對住個電腦~真係唔得你死呀~衰野~呵~但又好開心喎~
點解會同佢玩左成晚????????
事原係因為我同佢講維X奶新出左隻Mocha荳奶好好飲~但係佢搵極都搵唔到邊到~
又唔知邊隻~咁所以我今日就專登去買左之後,就返屋企同佢玩眼仔喇~哈哈~
今次係同佢第一次玩呀~好搞笑囉~佢個野丫~開到眼仔,但又話開唔到個咪囉~又話個咪壞左~
所以搞左好耐~跟住又話聽唔到我講野~但我錄音佢又聽到~唉~真奇怪呀~~~~~~~~~
但之後又無啦啦我個喇叭有音樂會聲傳出~真係嚇死我呀~
因為我明明冇開歌聽,同埋就算我開左個網頁,個網頁係冇音樂嘛~
跟住之後我就聽到有人"喂"~我再望下個電腦~
原來真係佢個野係到聽緊電話~係佢個電話響~真係俾佢嚇死呀~唔得你死丫~
好彩今晚我唔係自己一個係屋企,如果唔係一定實嚇死我啦~
之後就仲搞笑,佢直接講野,我係聽到,但佢又聽唔到我直接講野~
搞到我要用錄音佢先聽到~最好笑就係..............................................
心仔問:咁你係咪聽到自己講野呀?
我:係呀~完全聽到囉~
我:仲要好似係到聽緊自己有冇講錯野咁~
不過呢個都唔算搞笑~最搞笑都係~我明明同左佢講,我完全聽到佢講野~
但佢同我講野既時候,佢都係用錄音同我講野囉~跟住之後仲要講...................................
心仔:咁其實我地開左眼仔,唔係應該可以唔用錄音咩?唔係可以直接傾就得咩?
我:傻人~我都話我完完全全好直接咁聽到你講野~咁你點解仲要用錄音黎同我講野呢?
哈哈~~~~~~~~~~之後兩個人就係咁大笑喇~哈哈~實在太搞笑喇~
我地又睇完男人之苦開始玩,一玩就玩到十一點幾~但大家都咩都未整~
之後就話齊齊去沖涼,沖完之後再玩過啦~哈哈~跟住又玩到差唔多成點~
哈哈~真係開心呀呢個晚上 ^o^
昨日唔知做咩無啦啦,又胃痛,又肚痛,又肚痾~唉~癲左~
不過最癲都係原來我昨日食得勁小野囉~昨日朝早飲左包Mocha荳奶,食左兩餅乾~
之後lunch就食左碗粥同腸粉,夜晚就六點幾食左幾塊餅乾~
跟住就到今朝先食野~所以諗番起都真係幾堅!!!!!!!!!!!!!!!!!!!!!!!!!!!
哈哈~不過今個星期隻手就真係痛得好勁~因為我不停係咁打字~返工打到收工~
同埋隻腳無啦啦條根又勁痛~今日就痛得又係好勁既~
搞到我今日行得仲慢呀~我平時都已經夠慢啦~今日仲要再慢d添~
唉~我都覺得自己今日行得真係好慢呀~唉~點解我會咁呀?真係咁快就有職業病?
唉~慘慘慘慘慘慘慘慘慘慘慘慘慘慘慘慘~~~~~~~~~~~~~~~~~~~~~~~~~~~~
痛痛痛痛痛痛痛痛痛痛痛痛痛痛痛痛痛痛~~~~~~~~~~~~~~~~~~~~~~~~~~~

今晚勁唔開心呀~咁大個女都未試過咁樣俾人話過囉 >,< 仲要係條街到……….個一刻我真係好想喊囉~頭先同個朋友仔出去啦~跟住佢個男朋友黎接佢~佢男朋友一見到佢女朋友(即我個fd),跟住就即刻話,嘩~你去飲呀?著到咁?咁因為我個fd今日都真係著到幾似去飲既feel咁囉~而我就好似平時返工咁~咪T-Shit加牛仔褲囉~但因為我腳痛所以就著左對拖鞋~但對拖鞋絕對係可以出得街既~因為係去街個d~我覺得自己咁著完全冇咩問題囉~咁當然可能我同個fd一齊行就奇怪左d啦~因為一個著到咁靚~化哂妝,好似去飲咁~而一個就好普通出街咁~但佢男朋友一見到就即刻話,你地行埋一齊好唔襯呀~仲要著拖鞋添~下?家下咩事呀?著拖鞋得罪你咩?跟住我都算~我都唔理~之後佢地就繼續行,咁我就同佢地講,我行另一邊,之後佢男朋友竟然係個潮流特區個門口大大聲講『你走啦~好唔襯呀~著拖鞋~你快d走啦~唔想見到你呀』之後我都忍住~但其實我已經火都黎喇~我真係好想好想用粗口鬧人~不過我唔會咁做~但我個fd竟然冇出過聲~只係,係到笑囉~之後我講完就行左去~因為我真係好嬲 >,< 嬲得好緊要~冇野呀化???????? 得罪你咩?雖然我知你講笑~但我覺得講笑之中,應該要有番d尊重囉~同埋我完全唔覺得有d咩問題囉~我亦唔覺得你都襯得去邊囉~之後我專登行另外一邊去搭車~我打俾心仔~佢竟然真係為左今晚睇德國對意大利,佢真係走左去訓覺~咁我就嘗試打俾蘇眉睇下有冇人聽啦~點知冇人聽囉~係個刻我勁灰囉~不過好彩當我打算收起個電話既時候,佢就打番俾我~多謝你呀~蘇眉^^不過係我坐巴士既時候唔知做咩好想喊囉~因為我覺得講笑還講笑囉~都唔好太過份囉~真係咁大個女都係第一次俾人咁話囉~同埋人地點著係人地既事~唉~總之我就好唔開心啦~同埋今日做野已經好累喇~我真係做到好冇心機呀~個人都真係好累呀~help me~