嘩~真係超好訓呀~昨日一訓就訓到下午四點先起身~
原本一點鐘要去青松觀呀~但竟然冇人叫我起身喎~~~
所以最後都冇去到呀~~~~~~~~~~~~~
起身之後就落左樓下食野~因為伯娘佢地係樓下食野~
輝哥哥個仔好得意呀~搞到我抱住佢都唔捨得放手呀~
所以搞到隻手都軟哂冇力喇~
但竟然俾我發現,我個個cheap阿叔係大陸包二奶~
oh~真係令人難以置信呀~佢咁”度叔”咁”孤寒”咁都會呀?????
真係呢個世界咩人都有呀~但更估唔到既係~~~~~~~~~
竟然阿嬸唔出聲呀~當咩事都冇發生~唉~咁又難怪既~
有好多野都唔到自己控制既~感情就更加唔洗講啦~

嘩~好累呀~累屎我喇~
因為前晚昌哥帶左我出去玩呀~有昌哥、細佬、阿雪、朱仔同埋佢地d朋友~
咁大個女都係第一次落D咋~哈哈~
感覺好搞笑~原來香港既D場係咁既~~~~~~~~~
最好笑就係細佬竟然係去之前同我講,間唔中玩下好喇~
原來佢地係同朱仔慶祝生日~唔怪得之要選擇個日去啦~
去到之後坐左陣,跟住昌哥就話出去跳舞~
昌哥行前,細佬拖住我隻手行後,之後佢地就教我跳舞~
但好可惜我手腳唔協調~嘩~哈哈~但原來阿雪好放呀~
個個都話佢”保刀未老”嗯~我都睇得出呀~呵~
跳左陣之後,就返去坐,跟住細佬就去左跳舞溝女~
好搞笑,佢地個個都驚我悶~驚我怕嘈,又驚我唔慣~
所以成日都問我悶唔悶? 而問我累唔累? 哈哈~
所以我去邊,佢地都會拖實我~坐左陣之後,
昌哥就拖住我出去跳舞,阿雪、朱仔行後~哈哈~
總之我去邊,佢地都會拖實我~真係好屎搞笑呀~
細佬拖我出去跳舞個時,就不停叫我放鬆d~
下??? 我已經好放鬆喇~只不過我係唔識點跳之嘛~
佢係咁郁我隻手,但我就點都唔肯郁~哈哈~
玩到朝早六點幾先走~跟住朱仔就送我返屋企先~
之後再送細佬同阿雪佢地~
我一返到屋企,就連衫都唔換,就訓係梳化到喇~
因為要爭取時間訓覺嘛~好彩都仲有半個鐘俾我訓~哈哈~
玩個時,真係一d眼訓既感覺都冇~
但一close隻眼,就可以訓著~.所以我昨日不停係咁中眼訓~哈哈~
竟然連企係到都訓得著呀~幾勁呀~坐係到就梗加唔洗講啦~
同埋昨日我又食左藥,所以就勁眼訓喇~
所以昨日原本約左心仔出街呀~但因為太累~所以就冇去到~
真係唔好意思喇~心仔~不過好多謝你體諒我呀~~~~~~~嘻~
我一放工返到屋企,又係衫都唔換,又訓係梳化到喇~呵呵~
一訓就訓到九點幾,差唔多十點就俾姨姨叫甦左,落去食飯喇~
食完飯整下相就涼沖訓覺lu~~~~~~~~~oh~時間好充實呀~~~~~哈~
落D俾我既感覺係………………原來係咁既~冇咩特別~
只係覺得個到d女好開放~可以三唔識七,岩岩識既都可以俾人攬~
玩女既人,睇中就走去撩人,而被撩既人,就好享受俾人攬既過程~
時下d年青人真開放呀~其他都冇咩特別~我都接受到~
就係咁樣~我既第一次就俾左佢地喇~呵呵~

Oh~真開心呀~
因為昨晚同左蘇眉去吉島食米線~真係太好味喇~
已經想食好耐喇~太耐冇食了~所以特別好味~呵呵~
原本諗住返屋企食麥皮減下肥呀~~~因為去完日本返黎之後肥左好多~
但一聽到有米線食~又忍唔住喎~呵呵~
食完之後就去左行陣吉島~行到咁上下~我地就左仙跡岩飲野~傾計~
我地傾左好耐呀~傾到成十一點幾,人地收工,我地先肯走呀~
太耐冇一齊坐低傾計喇~所以感覺幾好~幾正呀~
唔知我地下次再坐低傾計會係幾時呢?

唉~最近心情又唔知點咁喇~又好似down down地咁~
同埋屋企有d事發生左~我唔識得應該要用d咩心情去面對~
咁大個女都未試過~~~~~~~~~不過都已成過去了~~~~~~~~~
因為星期六同星期日已經都搞好哂喇~
不過當然我最後都係忍唔到啦~因為我唔識得好似人地咁堅強~
因為我唔係一個堅強既女仔~而且仲好眼淺~~~~~~~~
原來忍住唔喊~真係好辛苦~好辛苦~但自己又衰~
一喊就收唔到聲~又會不停咁喊~又會諗好多好多野~
不過算啦~我要學識勇敢面對~

其實我都唔明點解d人咁鐘意放飛機既…………………….
唔通我真係咁好蝦? 我唔出聲,咩都冇所謂,就代表我好蝦?
其實如果到時唔去既~講聲都得啦~我又唔係話一定要去~
最憎d人就係連講都唔講~打電話俾佢連電話都唔聽~頂丫~
講一聲都唔係真係咁難呀? 都唔明依家d人點諗既~

好~等我總結下今次既旅程先~
其實今次既旅程真係好開心~而且係一個好好既體驗~
因為每次都係跟團~第一次自由行~仲要同好好既朋友仔去~所以特別開心同興奮~
有好多好多既第一次就奉獻左俾我呢朋友仔喇~哈哈~
1. 第一次係機場到狂跑~
2. 去到之後自己要好似係香港咁睇搭邊條JR線去目的地~
3. 第一次去旅行買野買到要成日講『我有錢、但我有心無力』
4. 每次返酒店既時候都係到唱陳小春既《犯賤》
5. 掛住行街唔食野~唔去廁所~去咁多次旅行~今次都係第一次食得最小地道野既一次喇~
6. 最早上機~變成最後上機個個~哈哈~
7. 每朝都走去拎人地d茶包~(因為每日當我地出房門口,都有架車仔係我地門口)
其實仲有好多好多既第一次~但講唔哂~
最好笑就係我地成日都會講既係~當人地望住我地我就會咁講喇…………
心仔: 喂~望咩呀?
我: 再望中你呀~
哈哈~我地就係成日都一人一句係咁不停話人~仲要有時係大大聲咁講~
真係笑屎喇~嘩~哈哈~同埋我每次去到d舖頭~
我都會話『agnes’b、gucci我黎喇~錢呀~你又離我而去喇』嘻嘻~
同埋我地唱左好多首歌~但發覺都係小春既犯賤最岩我地~
因為每次當我地手上拎住幾大袋野既時候~就會好不期然會唱起呢首歌~
而呢首歌就係已經做左我地今次既主題曲喇~嘻嘻~d歌語太好了~
又要買野~又要話好重~又要話咁多野點拎呀? 呵~女人~~~~~~~~~~
係食餃子既時候,突然有人開門嚇到心仔屎下屎下~
之後個男仔竟然叫我地『唔好笑』咁當然佢講完之後,我地笑得仲大聲啦~哈哈~
真係唔得佢屎呀~之後當然我地又唔會放過話人既本色啦~
心仔: 喂~咩事呀?
我: 笑下都唔得呀~中你呀~
嘩~哈哈~真係兩個傻人呀~成日都用廣東話係咁話人~唔知人地真係識唔識聽呢?
同埋係日本影貼紙相真係平到不得了~我地影左幾張最新既相~
先等於香港影一張既價錢~oh~~~~~~太平了~
同埋我地去到歌舞伎丁一見到d靚仔又會話~
心仔: 嘩~好靚仔呀~
我: 嘩~真係太靚仔喇~ 
心仔: 咁靚仔企係條街到~
我: 唉~做警察都咁靚仔~
心仔: 下? 靚仔唔做得警察?
我、心仔: 嘩~哈哈~ (又傻笑)
而每朝當我地一踏出房門口,d茶包~牙刷等等都會叫我地帶佢返屋企~
哈哈~而我地個時就會比平時更加特別合拍既~
一個負責睇水,另一個負責帶佢地返房~哈哈~真係依家諗起當時情景都覺得好好笑呀~
同埋去到既第二日,當我地手上拎住幾大袋野既時候~大家都話,『我以後唔會再同你一齊去旅行呀』
一直係咁講到返黎香港~但返到黎香港既第二日,我地已經係msn到講,七月再去過~哈哈~
女人變得真係快呀~唔通買野同行街真係女人既本色?
不過其實今次既旅行整體黎講~真係好開心~雖然日日都拎野拎到隻手好痛~
行街行到隻腳痛到不得了~而整個身體由其係兩個膊頭痛到七彩~
但我都好多謝心仔~多謝你帶俾我呢幾日開心既旅程~thx~
講樣野你知~每晚係我入睡之前,我係好想打擾你,等你冇得訓~
但好可惜~當我想咁做既時候~我已經累到比你早入睡了~哈哈~
不過點都好啦~多謝你~心仔~~~~~~~~~~~

嘩~打呢篇既日記,係我有史以來打得最耐既一日~足足用我三晚既時間~
忍受手指同手腕既痛楚~同埋寒冷既天氣~凍到d手指都郁唔到~
但我都覺得係值得既~因為當中真係有好多好多美好既回憶~yeah~

Oh~係時候又打下日記喇~因為太耐冇打了~
同埋又俾心仔串我添~話我過左咁耐都唔打~哈哈~冇計啦~唔係我唔想打呀~
而係我真係好唔得閒呀~因為我有好多好多野要做呀~而且又手痛呢~
點解我緊張一定要打番個日記呢???????????
之唔咪就係,因為我岩岩放完我個大假囉~岩岩去完渡蜜月返黎呀~
一月一號我地去睇叱咤~ 而一月十一號我地就飛左去日本喇~嘻嘻~

11/01/2007
我地一早七點半就要去到機場喇~嘩~仲早過我返工起身呀~
但我一d都唔累,而且仲識起身添~嘻~嘻~因為我真係好開心呀~
因為係我咁大個女,第一次唔跟旅行團,自己去自由行~所以心情特別開心同緊張~
之後去到機場check完in ,我地就去左食左個豐富既早餐~
但其實我地係check in排隊既時候,已經一人一半咁食左個”芝士火腿豬仔飽”喇~哈哈~
所以入閘後食既早餐,已經係第二個喇~食完之後,我地就開始發揮女人既本色~
就係…………唔放過任何機會Shopping……..GUCCI…….Dior………
哈哈~之後我就做樣,去咁多次旅行,都未試過咁既野~同埋我地既搞笑旅程將要開始了~~~~~
就係…………最後一刻先去到登機閘囉~~~~~~哈哈~而且當中仲要發生左樣好搞笑既野~
當我地去登機閘口時,見到個鬼佬推住架BB車係到跑,咁我地就講喇~
我: 嘩~咩事呀? (笑)
心仔: 係啦~跑得咁快既~(笑)
我、心仔: 好危險喎~(笑)
之後當我再行前多幾步,我就轉個頭行快兩步同心仔講:
我: 我知道點解要跑喇~~~
跟住心仔都行到去閘口見到發生咩事~
之後我地兩個傻人,就互相望完對方之後,就不停咁向前跑~
因為個閘口改左係隔離個行呀~哈哈~之後我地就不停係咁笑笑笑~笑到收唔到聲~
真係未試過係機場到跑,真係好瘀呀~哈~好彩~唔只我地兩個,有大把人陪~嘻~
之後上到機就食我第三份既早餐喇~又食野喇~~~~~~~今次一定肥屎我啦~
平時我一上到機第一件事要做既,通常都係訓覺,但好搞笑囉今次~
當我地搞完一輪野之後,正準備入睡,竟然聽到中央廣播話已經到左日本,將要落機~
係呢個時候,我同心仔又不其然望住對方又笑到七彩喇~哈哈~搞咩呀真係…………
今次我地住新宿,所以我地一去到check完in之後,我就開始第一天既旅程喇~~~Shopping~
我地行左酒店附近既一個商場~嘩~我地已經一袋二袋~大家都滿載而歸喇~呵呵~
我就買左衫同外套~平呀~低呀~之後我地就行到唔知時候~
到人地關門,我地先去食第一餐係日本食既晚餐~去左間餐廳食意粉~好好味呀~
仲有食左個朱古力蛋糕同芝麻(季節限定)既甜品~真係超好味 ^0^
食完飯之後返酒店放低d野,之後我地就落左去歌舞伎丁睇靚仔~呵呵~
歌舞伎丁果然係唔同d呀~d鴨仔都真係特別靚仔d呀~嘻嘻~

12/01/2007
第二日一早起身就去左食牛肉飯+烏冬~嘩~好豐富呀~好味道~
跟住我地第一站就係銀座~我地去到之後~d舖頭仲未開~咁我地就周圍行啦~
點知……….晨咁早我地就買左幾把雨傘~哈~哈~癲呀! 一大清早買雨傘~呵呵~
之後我地就去左Sanrio行~嘩~好多好靚kitty呀~ I like it~~~~~~~~~~~
我地一行就行左成個幾鐘~就係咁樣~我就奉獻左我好多既金錢俾佢喇 >,<
行完之後就當然要去Gucci Café到嘆番個甜品啦~呵呵~真係好好味呀~
我仲買左盒Gucci朱古力添~yeah~之後就去台場~嘩~大出血呀~~~~~~~~
我地只係行左兩個商場咋~已經一大袋二大袋喇~首先一黎就狂掃agnes’b喇~
我地冇食野~冇去廁所~不停係咁爭取時間行街~唉~女人呀~女人~真係名副其實既女人呀~
之後我地見到間食泡芙既舖頭~我地就坐低每人買左個黎食~我地一坐低就不停係咁笑囉~
因為我地放係我地旁邊既,全部都係名牌,但我地就坐係到食個泡芙~而且仲要覺得好好味~好肚餓~
哈哈~之後我地就帶住疲倦既身體返酒店放低d野~我地又再落去歌舞伎丁睇靚仔~哈哈~
但係睇靚仔之前,我地就係街邊到食左個好有地道特色既車仔拉麵~
雖然我地都好累好累~累到七彩~但我地點都要堅持~~~~~~~~~睇靚仔~嘩~哈哈~yeah~
可能我地既樣子太可愛了~所以竟然有個靚仔走黎問我地幫唔幫襯~嘻嘻~
之後返去執今天買左既野~但我竟然發現個喼已經逼滿哂野了~即係所謂既”逼爆喼”~

13/01/2007
第三日我地就去原宿、澀谷同埋新宿~
好開心呀~因為我買左兩對高根鞋呀~而且仲要係我好鐘意既牌子~
仲要係超平~平到不得了~同我係香港買既差太遠了~~~~~~~~~~oh~~~~~~
行完之後我地就去左原宿行~不過就有d失望囉~
但我就係原宿食左個”斑cake” 呢個野真係我有生以來食得最多cream既一日呀~
我諗我有排都唔會再食呢樣野囉~因為我一向都唔太喜愛食cream既~
之後就食墨魚丸~好好味~果然係唔同d呀~正呀~
而係澀谷我地就去左食鐵板燒~好得意呀~要自己整呀~好好玩呀~呵~
但今日係原宿同澀谷竟然一d收穫都冇~只係得朝早係新宿買既野囉~
當然雖然今天只係齋行同埋食野~但我地都覺得好開心呀~因為當中有好多搞笑呀~
好似我地係食鐵板燒到咁~望到隔離枱既一對情侶~我地既對話係………………
心仔: 嘩~你咁瘦呀~
我: 係啦~好心你啦,食多d野啦~
心仔: 咪係~食咁小野~
我、心仔: 哈哈~~~~~~(笑)
對情侶食完,到兩個女仔坐低食~我地既對話係……………
我: 嘩~兩個人叫咁多野食既~
心仔: 你食唔食得哂呀你~分d過黎啦~
我: 咪就係~俾一件我地兩份分都得呀~
我、心仔: 嘩~哈哈~~~~~~(笑)

14/01/2007
今日去上野同池袋~
嘩~上野d手信真係超平呀~所以我地一開始就買左勁多野~
心仔仲勁~買到要pack箱~哈哈~勁呀~我就冇佢咁誇張喇~
但我都有兩大袋野喎~呵呵~之後兩條友邊行邊係咁食野~
但兩隻手都係拎住幾大袋野囉~但都唔理,照食~
士多啤梨超甜囉~又超大粒喎~真係好好食呀~
原本買左一串兩份食~但最後都係買多串食~
變左一人拎一串食~之後我就仲買左兩盒返香港俾媽咪同爸爸食~
原本我見到d長腳蟹,超平超大隻,超想買返香港~
但真係超可惜,我唔係第二日返香港囉~如果唔係~我一定會買返黎囉~呵~
係上野買左一大堆野之後,去到池袋就租左個locker放低d野先~
之後就去左sunshine city行~嘩~真係超唔夠時間行囉~哈哈~
因為個到有間Sanrio專門店係專賣和服kitty既~第二到既Sanrio係冇得買既~
咁當然我又係唔會放過呢個大好既機會啦~嘻嘻~又買左一大袋~呵~
之後就去左ice-cream city食雪糕~個到真係超多雪糕呀~
我地邊行邊食~岩岩放低一個雪糕,又即係走左買另一個雪糕~正呀~
我最鐘意就係巨蜂提子雪糕~真係有個種味係到~之後仲食左好多雪糕~
最搞笑就係~我竟然係呢到見到我個客人囉~唔知呢d係咪叫做”離鄉別井”
之後就見到識既人,所以個種心情係唔同d呢? 哈哈~ (傻婆呀)
跟住我地又去左個個咩餃子館到狂食餃子~哈哈~真係超多呀~
又係過百種~好好味~果然又係唔同d~唔同香港個d咁油膩~正呀~
食飽飽之後我地又走左去繼續行街~點知好衰唔衰~
竟然俾我地見到superlover專門店~而且仲有折添呀~
嘩~我又係呢到奉獻左好多俾佢喇~我邊睇既時候超開心~
仲選擇左好多件添~但當我俾錢既時候,佢一路入機,我個心就不停跳得好快囉~
哈哈~又拎住個最大既袋走呀~之後邊行去坐車既時候,我就已經開始諗,
我應該要點樣拎返香港呢?????? 我個喼已經爆滿了~~~~~~~~~~
但唔理喇~買左先算啦~之後我地返到酒店已經累到爆喇~
初初我地仲話要落去睇靚仔呀~但好可惜~我地有心無力喇~
靚仔~~~~~我下次再黎見你呀~呵呵~
係ice-cream city個到我地見到個女人同小朋友望住個洞~咁我地又有以下既對話喇…
我: 咦~有咩咁好睇呀? 要將個頭咁中落去睇?
心仔: 你睇住呀~跌你落去呀~
我: 咪係~睇住啦你~跌你落去冇人救你呀~
心仔: 都叫你小心d呀~跌你落去呀~
我、心仔: 都話唔聽既~我地唔會救你呀~嘩~哈哈~ (大笑)
而係賣宮崎駿個到我見到心仔走左去睇個隻黑猫~咁我地又有以下既對話………
我: 心仔呀~你唔係話要買個大咩? (係大猫+大猫籠)
心仔: 我買個細既得喇~
我、心仔: 嘩~哈哈~~~~~~(笑)
因為去之前我記得佢講過話要買隻大呀~

15/01/2007
oh ~今日要走了~真係超唔捨得走呀~
今日一早我地就唔放過任何機會~首先第一站就係醫肚先~
我地終於都去左食吉野家喇~又係同香港好唔同呀~
我覺得兩個都有唔同囉~香港有香港既整法好食~日本都有日本既好食~
因為日本係用燒汁去整呀~所以係唔同囉~咁食飽飽之後,
我地又去行agnes’b~哈哈~agnes’b係我地每日必行既地方~
哈哈~因為我地每日都經過嘛~跟住我地又行左個商場~
而心仔就買左好多FANCL~而我就比佢好小小我只係買左幾支唇膏~哈~
之後我同佢都話唔好再行喇~唔好再買野喇~行超市算啦~超市唔會有野買既~
點知我地一行超市就大鑊喇~因為我係個超市到,又可以用左好多錢囉~
因為我買左六塊神戶牛扒~而心仔就買兩塊~
咁當然~我依然都係,見到d價錢係咁上升既時候~我心都係跳得好快~
好緊張囉~哈哈~算啦~爸爸媽媽鐘意食~
買完之後,我地又話,唔好再行喇~返去算啦~早d去機場check in喇~
好搞笑囉~我地由酒店行去車站,平時我地行都係要用六-八分鐘既路程~
但我地今次竟然用左半個鐘~因為我地行兩步就要休息一下~
我就拉住一個大喼~拎住兩大個行李袋~仲要係最大個隻~另一隻手拎住d神戶牛扒~
而心仔就拉住一個大喼~拎住兩大個行李袋~行行下我地又有咁既對話………….
心仔: 不如我地行去前面xxx到等啦~
我: 下? 咁遠? 我唔得呀~ (但其實行過去只要一分鐘就到)
心仔: 咁呀~~~近小小啦~前面個到啦~
我: 唉~是但啦~
我、心仔: 嘩~哈哈~~~~~~(狂笑)
終於都去到機場喇~好奇怪囉~原來要自己check in~但我地唔識~等人黎幫~
我地d行李果然係過哂磅呀~但好好人呀~佢由我地呀~真係唔該哂呀~
之後我地又係唔放過機會~繼續係duty free買野~我又買勁多野喇~
買完之後就去左食天婦羅~真係超好食~又平喎~
食飽飽入閘lu~諗住入到去唔買野啦~點知又癲左~
又買左兩大袋野囉~哈哈~唔通我真係癲左???????? 連心仔都呆左呀~哈~
但心仔買既野就唔重唔買~因為佢買左幾盒拉麵呀~
好~終於都上機喇~初初諗住早d排隊上機啦~
點知~最早上機~變成最後上機個個囉~我幾驚呀~嚇屎我呀~
因為佢唔俾我行呀~佢話我拎住咁多野~又話我d野入面有酒~有煙~
佢都傻既~我入面全部都係草餅、白之戀人同kitty野之嘛~
之後搞左好耐~嚇到我就快眼淚都出埋喇~想點呀???????
搞左一輪都夠鐘飛機要飛喇~但我仲未上機囉~
好彩~最後都上到機安全返到黎~真係嚇屎我喇~幾驚呀~
一上機我就不停係咁訓~因為真係好累呀~返黎既時候時間真係過得好慢呀~
成五個幾鐘~太耐了~但有個空中少爺好搞笑呀~係到講埋哂d搞笑既野~笑屎我喇~
落到機~媽咪一見到我就已經呆左喇~第一句就同我講『d野唔係全部都係你呀?』
哈~哈~因為我一個人去六大個行李返嘛~返到屋企都成十二點幾喇~
而拉姨就上左黎話要睇下我既agnes’b喎~之後執下呢樣整下個樣~
都整到成三點幾先訓呀~第二日仲要俾個至細姨丈嘈甦我呀~激屎人呀~
不過是但啦~因為我一起身食既早餐就係神戶牛扒喇~呵呵~開心哂~

咁快就聖誕喇~好快一年咁就過去喇~時間過得真係快呀~
最近發生左好多事~有好多好多既唔開心~
但都好彩~當中都亦有小小開心既事發生既~
開心既事發生係我身上既~真係唔多~
不過冇計啦~做人就係咁喇~開心又要過~唔開心亦要過~
之後試過做做下野~不停係咁喊~喊到竟然收唔到~仲要係直到收工為止~
個一刻既感覺真係…………………..好難頂~
之後仲要返屋企既途中仲要不停係咁眼濕濕~唉~究竟咩事呀? 家下?
不過算啦~都過左去~唔想再諗~
有一個朋友教我同我講,叫我訓甦覺就冇事喇~咩都唔好諗~
訓甦覺就咩都唔記得喇~其實唔係個個都可以既~要睇下自己點睇啦~
不過我都真係好多謝呢位朋友仔~
佢係我唔開心既時候同我傾啦~出黎陪我啦~去遊車河啦~
真係好多謝佢~不過好可惜依家已經再冇同佢聯絡了~~~~~~~~~~~
諗番起都真係有d可惜~

今個星期就聖誕喇~我邊到都唔想去~我想係屋企訓覺~
咁我就最開心喇~哈哈~真係我真係咩都唔想諗呀~
不過今日好開心~因為收到一份意外驚喜既聖誕禮物~
因為我真係冇諗過呢位朋友仔送俾我囉~大家都識左咁耐~
係一兩年前已經冇再好刻意咁去送禮物~只係隨心而行~
想送就送~唔送都冇所謂~但突然間佢拎份野俾我,
我真係意想不到囉~之後佢男朋友又送左朱古力俾我~
跟住我又可以買到自己想要既野~個d心情真係好開心~好開心~
已經好耐好耐好耐冇試過咁開心喇~我諗都起碼有兩個月了~~~~~~~~~
同埋之前又無啦啦收到個朋友送個左kitty公仔俾我~
我真係勁開心囉~未到聖誕就已經有禮物收~仲要係冇諗過~
哈哈~真係好多謝你地呀~真係好愛好愛我既好朋友仔~

哈哈~今年聖誕我又係同草莓一齊過呀~~~~~~~~~~~~~~~~~~~~
上年又係~今年都係~其實咁樣都幾開心丫~自己鐘意想點就點~~
不過都係個句啦~有好~有唔好啦~

最近既天氣真係好難預測呀~搞到我計埋今日睇左三次醫生呀~
希望快d好啦~睇醫生好貴呀~~~~~~~~~我情願將d錢用黎食左去仲好呀~哈哈~

我究竟想點呢? 連我自己都唔知道……………………
只知道咩都唔想諗~所以呢兩日好早就訓左喇~~~~~~~~
真係冇咩心情 >,<  算~係時候自閉一下喇~
feel so bad~~~~~~~~

又係時候打下日記了~~~~~好~開始~~~~~~~~~首先講下昨日先~

12/11 (六)
昨日原本同心仔一齊同蘇眉行街街既~但點知………………
到最後都係得番我同心仔兩個行~oh~~~~~~~~佢太忙了~~~~~~~
昨日原本心情好差既~之後我仲話要入元朗食壽司~
跟住心仔都話見我唔開心就入黎元朗陪我既~個時真係幾感動~
但最後我都係冇做得咁殘忍~我出左去旺街行街~
哈哈~之前我話左要食米線或者元氣壽司~但點知元氣壽司太多人了~
我地就打算行去食元綠,但點知行行下見到間café又好似幾吸引咁~
所以就入左去喇~但入到去竟然係兩回事囉~我地等左好耐,
都係黎左一碟難食既意粉,好大杯既朱古力~食完碟意粉,另外碟飯仲未到,
咁之後我就同心仔扮好趕時間埋單走人~哈哈~真搞笑呀~
我地邊行就邊忍唔住笑到七彩呀~呵呵~落到樓下我地就去左買雪糕食~嘻~
食完之後我地就開始掃貨喇~呵呵~又大出血喇~點搞呀 一一”
第一站就行聯合, 第二站就花園街, 第三站就旺中既新之城~
到第四站就元綠壽司~呵呵~太開心喇~有壽司食~正呀~兩條友仔~
又食野喇~哈哈~食完之後就到第五站信和~好耐冇行過了~
到最後終點站瓊華喇~哈哈~我又買左好多野喇~買左四件衫,
仲買到我好鐘意既外套呀~真係好開心呀~之後又買左d無謂野喇~
真係好耐冇試過買野買得咁暢快喇~多謝你呀~心仔~~~~~~~~~
行完之後,我就去沙田搵小霸王~哈哈~原本打算係沙田睇戲既,
點行到去之後佢就問我,睇完有冇車返入屯門?
咁呢d野我邊識呢~咁我再睇下個有錶,仲有大把時間,最後都係返左入屯門睇~
我地返去凱都睇十二點二十分~佢個傻人丫,又聽錯時間~真係好似未訓甦咁~
以為買飛個時係十一點幾~真係俾佢激屎 =,= 所以之後就同左佢去食野~
因為原來佢未食野~之後就去睇”死亡筆記”~哈哈~我竟然睇得明呀~
因為之前我都未睇哂第一集只係睇左小小~依家我就睇第二集喇~勁呀~
睇完都二點幾喇~之後就坐的士送我返屋企喇~咁又一日喇~
我今日真係好開心呀 ^0^

嘩~之前我都未試過有一種超悶既感覺呀~
因為我由星期一開始放左工我就返屋企喇~到星期五都係咁~
所以我真係悶到七彩呀~個日我仲不停係咁同我d朋友仔講,
我好悶呀~悶到七彩呀~返到屋企又咩都唔想做~真係個種感覺,超辛苦呀~
不過好彩,經過一日既大出血之後,心情就好番好多喇~呵呵~
好~講完之前喇~講番今日先~
今日星期日,原本諗住陪蘇眉行街既~但點知…………佢又放飛機囉~
等我仲推左阿其唔去食飯添~哈哈~不過我都明既~星期日都要返工~
仲要返到夜晚~太累了~所以我都明既~所以我今日都乖乖係屋企做埋d野喇~
到左夜晚就同良哥哥去新墟買蟹返去整黎食~呵呵~好搞笑呀~
我又俾d魚嚇喇~可能我太多年冇行過街市喇~真係數數下都有成十年喇~
行行下,係無啦啦有條大魚係地下到彈下彈下~嚇到我即係捉住良哥哥~呵呵~
佢都俾我嚇番轉頭~真搞笑~