今日心情唔好呀>,< 麻麻地呀~好差呀 >~<
昨晚聽左個朋友電話,佢同我講左d野,唔知點解,我覺得好想喊呀............
其實佢同我講既時候,我已經忍住喇~之後我就成晚都訓唔到喇>.....<
所以我選擇左逃避...........我知逃避唔係一個好既方法.........但...........
因為我唔係好明點解會搞成咁囉??????可能我真係講錯野啦~
如果係既,我係到同你講聲"sorry",如果係因為之前我係到講既個件事,
而令到你唔開心既,我亦都可以講聲"sorry"~因為我都唔知道真係會令到佢唔開心~
其實我都真係真係知道係玩,係同我講笑~但係個一下真係............sorry呀~
我諗我睇黎真係唔可以再咁小朋友喇~我真係唔可以再玩下玩下咁喇~
真係要學下做人成熟d,大個女d~可能我真係俾爸爸媽咪寵壞我喇~
佢地咩都好就我既,我鐘意點就點,就算佢地唔想俾我做或者係買野既,
只要我哄多兩哄,佢地就會順我意,由得我去做........嘻嘻~所以我真係唔可以咁喇~
朋友??????我真係有珍惜呀,因為我覺得朋友係一世呀~所以我真係有好好珍惜呀~
但有時我真係唔知自己應該要點做呀??????????所以我亦都係選擇逃避~~~~~~
但我有樣最唔好既野就係........當一唔開心既時候,我就會不停係咁食野食野~就算飽都照食~
好似今日咁,我不停係咁食,食左好多野,又食左好多芝士蛋糕同甜品,又食刺身啦,麵,牛扒,點心,
朱古力,而食完唔係好耐之後,到六點幾七點又食飯,去左食泰國野,
我又係食好多野,食鐵板蠔,炭燒豬頸肉,椒絲腐乳通菜,釀雞翼,炒牛肉粉,
之後就食甜品→芒果椰汁黑糯米、椰汁西米糕、椰子糕~
總之今日食既野,就係全部都係我既至愛,但係食晚飯既時候,我都仲係好飽飽,
但我都照食好多野,因為我覺得真係好唔開心呀~因為我珍惜大家係朋友既關係,
但我聽到佢咁講,我覺得真係好心痛呀,而且我真係好怕聽到人地咁樣同我講野呀~
我真係超級勁驚呀~通常我一聽到之後我就會忍唔住,忍得好辛苦,而且覺得好心痛~
因為點解會咁????????我唔明~我真係唔明呀??????????

咦~真係激氣呀~一大清早就俾隻貓嚇  
人地原本心情仲好靚靚嘛~激氣呀~無啦啦嚇人既~
一返到公司,點知見到對面有d野咁,再行近d睇,之後有對眼望住我  
真係嚇死我喇~之後我開門既時候,隻野又係到望住我~真係呢...................
跟住昨晚訓訓下真係甦左呀~因為昨晚食飯既時候,我飲左杯青蘋果綠茶,
我飲個時都諗緊會唔會訓唔到覺呢?之後小強又話唔會,點會呢,訓唔著咪打電話俾佢囉,
咦~點知我係訓到呀,不過訓訓下之後甦左之嘛...........算啦~反正我覺得今日都ok呀~呵~

haha~Happy~very Happy~
今日真係好開心呀~因為我終於都買左阿Rain個套劇喇~
因為我想買好耐喇~但仲未捨得去買~頭先終於都去左買喇~yeah!!!
頭先同左小強去旺角行街同食飯~嘻嘻~我好耐都冇行過旺角喇~呵~
行左好多地方呀~哈哈~我又去無印良品買野喇~不過今次唔係買俾自己~
而係買俾Willam,因為佢就快生日,咁我又唔知買咩俾佢,
因為我都成日買野俾佢啦~所以頭先去買左d文具俾佢~買左超多囉~哈哈~
之後我就同小強去左食日本定食~嘻嘻~大鑊喇~我又食左好多野喇~
原本打算請佢食飯補番數嘛~點知.............我做左d好白痴既野~
我仲要係當時自己都唔知道,而係我搭車返屋企既時候,先發現既............
唉~點解我可以咁白痴呀???????算數啦~呵~總之我覺得今日都ok呀~Happy~嘻~

嘩~今日好凍呀~簡直唔想起身呀~
今日同阿Tao去左食飯,之後我地就去左天龍篤波,哈哈~
真係好呀,又有人教我篤波,因為阿Tao叫埋佢男朋友落黎,
咁所以就佢男朋友教我喇~呵呵~唉~呀~都唔明點解,我成日睇黎睇去,
都睇得唔準既???????即係明明知道應該係點打會入,但一打出去就唔會入喎~
唉~唔制呀~我唔要咁呀 >,<  不過玩得都幾開心~嘻~Thx阿Tao同佢男朋友呀~
 唉~不過又有d唔係咁開心囉~因為我覺得我個朋友開始玩得有d過左火喇~
佢成日一同親我講野,就叫我"死x妖"、"x妖"、"死x豬".................
佢初初咁叫當佢玩下講笑,我覺得唔係問題,因為玩之嘛,但當每一次咁叫既時候,
我已經開始覺得真係唔係咁開心喇~因為我會諗,我係咪真係咁呀?????????
同埋,我都係女仔黎呀...........基本上每一個女仔聽到人地咁叫,
都會覺得好hurt,好唔開心,而且之前我都已經同佢講過,夠喇~唔好再咁叫喇~
因為每一個人都會有個底線呀~而我既底線都已經去到中間喇~
咁我自己都清楚,自己係一個冇咩所謂既人,而且好小會發脾氣,
容忍力都幾大既人,雖然有時係成日話唔開心,但好快就會冇事既~
唉~都係算啦~我自己都唔知呀~

嘩~今日出左去灣仔同金鐘整文件呀~
變態呀~冇食早餐之嘛,一上到車,又唔知做咩架巴士超凍喎,
之後就開始胃痛喇~痛到我七彩呀~痴線呀~
之後個人又好似傻下傻下咁,跟住坐車返公司既時候,
我竟然轉錯地鐵,搞到我又上又落,唉~癲左~之後坐火車個時又勁好訓喎~
由九龍塘一上車就訓到返去上水呀~呵呵~
跟住頭先同草莓係msn用咪傾,好搞笑呀~哈哈~之後又同Jeff傾電話,
跟住又再同阿基係msn用咪傾左成個幾鐘呀~哈~昨日又同佢傾左陣長途電話~呵~好搞笑~
即係今晚成晚都係到傾計,冇做功課~唉~大鑊喇~我依家又好眼訓添~
好想訓呀,但又未做完音樂d功課,咁點算呀???????????????

嘩~好累~好眼訓呀今日~
原本今日打算陪媽咪既,點知...........佢突然同我講話,
佢要同爸爸一齊出去拎請貼,因為爸爸個朋友派貼,
之後打算去同小強慶祝既,點知..............係差唔多收工既時候,
Parco就打黎話我知,小強今晚要加班,所以冇得去食飯~oh~真可憐呀~
生日都要加班~好慘啊~不過都希望佢今曰都過得開開心心啦 ^o^
哈~哈~而我自己今晚好似癲左咁,唔知點解,今日好開胃呀~
今晚既晚餐好豐富呀~食左我至愛至愛既芝士圈、合味道海鮮杯麵(加左榨菜)、
同埋又係超級勁愛既胡椒豬肚湯~正呀~之後就同拉姨傾左成個半鐘電話,
但同佢傾完之後就食左個薑汁豆腐花,好好味呀~但我真係好開心呀~
哈~哈~大鑊喇~我之後又要開始我既地獄式減肥喇~嘻嘻~
跟住好無聊咁玩下自己d頭髮,玩完之後就去沖涼,沖完涼之後,
就同草莓傾左成個幾鐘電話~哈哈~真係好開心呀~yeah~
今日又好搞笑喎,我今日聽萬王之王,咁我聽到個主持曾淑儀話send個message俾佢,
因為佢想快d可以收到500個message,咁我咪send囉,點知.............我send完之後,
佢竟然回覆我呀~哈哈~第一個佢回既係:"oh~thanks you~",而第二個係:
"oh~love you~"哈哈~真係好搞笑呀~我都冇諗過佢會回呀~上次就係電台到講,
而今次就係icq到回覆~呵呵~真係得意呀~不過我見到自己個頭都................
覺得....................幾搞笑....................囉...................唔得等我自己轉下去先~

嘩~好眼訓呀   真係超累呀  
昨晚整埋野,再同Parco傾左陣電話,都差唔多成點先訓~
所以依家好累呀  咩都唔想做呀~

haha~very very happy~Yeah!!!!!!!!!!!!!!!!!!!!!!
因為我終於都整左頭髮喇~呵呵~真係thanks至細既姨丈~
仲有拉姨煮左餐海鮮餐俾我地食~哈哈~好好味呀~
不過我整完個頭之後,媽咪就話我好似日本個d咁,拉姨就話我個樣好得意 =,=
唔係嘛~我完全唔覺得,我只係覺得唔似自己多d囉~哈哈~
今日收左工之後,就同Parco去左元朗買"咪",買完之後,我地去左打陣機,
唉~我太耐冇打過喇,咩都唔識 =/\= 俾佢係咁串我~激死呀~
之後我地去左篤波,哈哈~我又係太耐冇玩過,都唔係太記得喇 =0=
不過都好彩,都唔係離譜得咁緊要,好彩有d都俾我撞彩入到~
如果唔係................實俾佢笑到我.............七彩.....................  一,一
之後就去左食野,食完野就搭車返屋企lu~跟住就等到十二點鐘,
就打電話俾小強同佢講生日快樂~之後同佢傾左陣,依家就吹埋個頭就訓喇~
好累呀~今日~但都幾開心呀~我覺得我由一月一號開始個日,
我喱幾日都好開心,所以我希望有個好既開始啦~哈哈~
最後要同媽咪、小強講聲"Happy Birthday",
希望你地都開開心心!!!!!!!

嘩~今日好開心呀~雖然又係訓得仲小過平時返工~嘻嘻~
昨晚成四點半先訓呀,今朝十一點就俾爸爸叫甦左去飲茶喇~
嘩~好耐冇請爸爸媽咪飲茶喇~所以今日我做乖乖女請飲茶 =0=
之後就返到屋企落下,就同媽咪去左OK買雪糕食,正呀~呵呵~
不過食完之後飽到我七彩呀~haha~返到屋企冇耐,我就訓著左喇~
之後四點幾就起身,係到睇左陣電視,吳君如真係好搞笑呀~
跟住就同媽咪出左去尖沙咀行街街~都好耐冇同佢出去行街喇,
我地去到就行citysuper,原本打算行一個圈之後就行第二到睇野,
點知............我地見到d三文魚、劍魚腩、甜蝦、吞拿魚腩 刺身好靚,好新鮮,
所以我地就買左黎食,之後仲買左日式燒墨魚丸食,嘩~真係太好味喇~
始終都係尖沙咀citysuper喱間既日式燒墨魚丸最好食~但我地只係食左幾樣野,
都食左二百幾呀~呵呵~但真係真係真係真係真係超好食呀~
同埋我地又去左GODVA買我至愛既酒心朱古力 同 糖心朱古力食~
之後我地就去影左幾張相,跟住我地就去GUCCI專門店睇野,
咁我見媽咪咁鐘意個個袋,於是.........我就買左俾佢,作為佢既生日禮物喇~
呵呵~終於都唔使我諗喇~不過之後我就真係要慳d喇~唔可以再買野喇~
真係冇咩錢喇,好窮呀~因為Jeff、William、小強份生日禮物我仲未買,哈哈~
好難諗呀..............諗唔到呀.............可唔可以俾d提示我呀????????????????
之後我就聽到個好消息,就係............我聽日終於都可以有得整頭髮喇~yeah!!!
因為係我食緊d好好味既野個時,拉姨就打電話黎話聽日有得整呀~呵呵~
真係超開心啦,等左好耐喇...........之後就同媽咪行LV專門店、JC同馬莎,
跟住我就開車返屋企喇~哈哈~我都係鐘意行高速公路多d,
因為唔覺唔覺就開到百幾米~hehe~真爽呀~返到去泊位個時,
我通常泊個個位一手就可以泊好,但第二個位就唔知啦~我泊完之後媽咪就話喇:
"你睇你........泊到斜哂喇"   →跟住我話"你打開門睇下先講啦"  →跟住佢話:
"你個靚妹竟然可以一手搞掂............我就要轉多兩手先得.........哼。"
哈哈~阿媽你真搞野呀~仲有,我要同Carol講聲"唔好意思呀",
我聽日要放你飛機喇~因為我要去整頭呀~呵呵~

Happy New Year~~~~~~~~~~~~~~~~~~~~~~~
嘩~咁快就一年喇~哈哈~不過我好累呀~依家~
因為岩岩返到屋企唔係好耐咋~今日係除夕~但我要出沙田同阿爺食飯.............
係同所有親戚...................唉...................不過好彩,我今年見唔到d cheap精~呵~
不過當我知道今日要同阿爺慶祝生日既時候,我就已經同媽咪講:
"個日除夕喎..........31號喎............食飯.............咁好興致呀.............."
但媽咪都話冇計,因為唔係我地決定,係佢地決定既~唉~算啦~
反正都兩年冇見過d親戚,因為上年阿爺生日食飯,我都冇去到,
所以今年唔出席都唔得啦,而且仲要係一定一定要出席添呀~
但竟然俾我發現左一樣野,原來我d親戚最近有喜事呀~首先係我大嫂,
佢岩岩生左個仔,所以我就做左人姑姐~唉~我竟然咁快做人姑姐..............
依家我表姐同家姐都有左,睇黎兩個都就快生喇~因為個肚都幾大下~
今日我都係第一次見我家姐個女咋,原來佢都開始識識地講野,
不過都係唔知佢講咩個d囉,不過睇落都唔似女仔既,似男仔多d~
但我估唔到今晚都有咁多人到呀,表哥,表姐,哥哥佢地都有出席喎~呵~
不過我都係冇同佢地講野喎,我都係負責坐係到聽佢地講野,同負責食下野咁,
哈哈~我不嬲都係玩自閉呀~嘻嘻~
頭先岩岩返到屋企,沖完涼,小強就打俾我問我出唔出去灣仔唱K,
之後我話唔出喇,跟住過多半個鐘Parco就打俾我,問我出唔出去唱K,
原本我都係話唔出既,之後俾佢叫多兩叫,打算出既時候,咁就諗住叫佢黎搵埋我,
先一齊出啦,點知..........到我打番俾佢,佢就同我講,佢岩岩上左車,
之後我就打去九巴check下,仲有冇車出啦,點知..............唉..............