5/11(日)
昨日同Alan篤完波,所以可以訓晏小小先起身~正呀~
不過都係點幾就起左身喇~不過都好過冇~自動甦既~呵呵~
今日心仔黎左我屋企~之前佢都已經講左話黎睇電視~
因為佢屋企冇電視睇壞左~但我屋企個電視都唔係好佢好多~
都壞壞地~可能因為太耐冇睇電視既關係啦~哈哈~是但啦~
心仔黎到之後我地就係到邊食野邊睇”超級無敵獎門人”喇~
真係笑到我地七彩呀~好耐冇睇過喇~而且好耐都冇試過笑得咁開懷喇~呵~
睇到咁上下~我地就落左去樓下食飯~哈哈~
我不停係咁夾d野俾佢食~哈哈~搞到佢好飽好飽~好滿足 ^o^
之後十點幾就送佢去搭車~呵呵~咁又一天喇~時間過得真快呀~

6/11(一)
今日唔知做咩呢,真係癲左呀~明明食左早餐呀~
但做做下野,無啦啦個胃痛到我唔止七彩呀~九彩都黎緊添喇~
跟住我就趴左係個影印機到~郁唔到~超辛苦囉~
跟住休息左陣,諗住都冇事啦~點知做做下野,我又開始痛喇~
之後都係頂唔住,走左去睇醫生~唉~又唔見百幾喇~好貴呀 >,<
跟住搵左Alan食粥~食完之後好搞笑囉~佢爸爸係咁叫我地過去搵佢吹水~
我初初以為得Uncle一個,咁咪話冇所謂啦~反正都識既~咪吹兩句囉~
但點知……….原來佢媽媽都係到呀~嘩~真係嚇屎我喇~
因為我都唔識佢媽媽既~之前都係見過一次咋~
之後就我、Alan、佢爸爸同媽媽四個人坐係到~跟住同Uncle吹左兩個就閃人~
嘩~真係嚇得我丫~但感覺真係好奇怪~好搞笑呀~
真係連我自己都唔識點講呀~總之就好得意,好好笑啦~
之後就去左打兩舖機~跟住就屋企訓喇~因為太累了~

今日好似冇咩心機咁~個人覺得好累呀~可能食左d藥啦~
算啦~都係唔講喇~反正今日都冇咩特別呀~都係返工收工返屋企~
唔打喇~訓覺先~~~~~~~~~~~~~~~~~~

2/11(四)
嘩~都唔知發生咩事~未返到屋企都已經幾廿個電話喇~
唉~為左個小小事嘈喇~直唔直呢?
最搞笑既係……原本十點半都未夠,我就走左去訓覺~
點知………….到左十一點幾,我個姨丈就打俾我喇~跟住就開始同佢傾電話~
之後同佢傾到十二點幾~收線前佢話過一陣再打俾我~
跟住咁我咪費時訓啦~所以係到玩電腦~之後爸爸沖完涼,
入黎我房~跟住就到媽媽入黎~佢地切黎我到傾計? 咁搞笑既?
所以我就俾佢地搞到我成二點先訓呀~too bad~

3/11(五)
唉~問題仲未解決~真係好煩呀~都唔明做咩搞成咁呀~
總之就有好多問題啦~個個都問我應該點解決~個個都同我講~唉~
咁我又可以點呢? 我又可以同邊個講呢? 所以我返去食完飯就走左喇~
到左十一點幾十二點,我就同左阿麟出左去深井食糖水~
食完之後就去左黃金沙灘到坐左陣,係到傾計~真係好搞笑~
因為我成日對住個海,我就不停係咁話有鯊魚~哈哈~冇計啦~我睇得大白鯊多呀~
傾傾下突然間即興就話去篤波喇~所以兩條友就走左工廠區篤波喇~
點知………我地一玩就玩到成四點先返屋企喇~哈哈~
哈哈~到走既時候,我又係到捉住佢個頭,不停係咁fing~同埋又係到咬佢~
呵呵~太好了~冇得反抗~yeah~

4/11(六)
今日收左工就要趕住出去佐敦整MPF既野~
頂~明明都已經講左話會早小小啦~點知又要我等~too bad~
跟住就約左Parco同小強食飯~嘩~好耐冇見了~見番既感覺好得意呀~
但我又等左佢地成兩個鐘囉 一一” 等到我坐係到訓著覺~
仲要係真係訓著左~之後我就諗諗下~唔係喎~尖咀好似有間機舖喎~
所以就走左去打機~突然間覺得發明遊戲機既人好勁呀~呵呵~
所以我就打住等佢地兩個~到左差唔多七點先到囉 =,=
之後就去左食沙爹王~勁呀~叫左成枱都係野食~掂呀~但又食得哂喎~勁!!!!!!!
食完就去左行街街~呵呵~好yeah~又有收穫喇~我終於都買左部MP3喇~
用緊個部都有問題左好耐喇~所以我就買左部平平地,而又夠我用既MP3機喇~
同埋又買左唔知有咩用既Hellokitty紙仔~哈哈~又買無謂野喇~
但唔知點解,我覺得好開心呀~心情好靚呀~呵呵~
之後返到去,明姨同珊姐姐都黎左食飯~而我就好衰咁,係咁串明姨~
冇計~邊個叫佢無啦啦話我先呀 >,< 所以佢講咩,我就不停係咁串佢~
激到佢屎下屎下~我仲要學埋小霸王既態度同眼神黎串佢~哈哈~激屎佢呀~
哼~邊個叫佢一見到我就話我呀~我都唔想咁呀~呵呵~
跟住返到屋企放低左d野~就過去搵阿麟篤波喇~激屎我喇~
因為我一落到樓下就俾隻衰狗嚇我喇~搞到我大叫~大叫完之後,
我仲要好大聲咁”嘩~嚇屎我喇”之後個男仔見到,都係到笑呀 一一”
咦~好肉酸呀~肉酸屎呀~
因為我一開波就入左個白波喇~頂~激到我彈下彈下~之後我就成晚都入哂白波囉~
我明明係住個紅波打,但入就入白波~仲要係成晚入得個兩個顏色波~
其他就所有都入哂白波~真係激屎我喇~激到我飛起呀~
而阿麟就笑到七彩啦~過份呀~有咩理由入哂白波呀~shit~
之後我就當然又唔放過咁~就捉住佢黎咬啦~發洩心中既不奮呀 >,<
哈哈~今晚好早,玩到點幾就走喇~返到屋企先二點~呵~

31/10(二)
呢日係萬聖節,咁我就同心仔一早就約好出去玩~
仲係bar到book埋位添~呵呵~個日我地大家都帶著好開心既心情~
首先我地個日就去左旺角行陣街先~哈哈~我又買埋d無謂野喇~
買左兩本kitty薄仔~買完之後都覺得真係幾無謂~呵呵~
之後我地就坐地鐵過去尖咀~油麻地個邊~
去到之後就有d失望囉~因為個感覺同我地去之前想像既差狩遠喇~
不過都ok既~見到d人既打扮~
哈哈~最搞笑就係,有d唔知咩酒係送既~
咁我就同阿心就不停係咁話,好想好似人地拍戲咁,
一次過飲哂~但阿心話呢d酒都幾勁下~所以我地就冇咁做喇~
同埋我平時都唔鐘意飲酒既~我覺得太苦喇~
但唔知係咪因為氣氛同節日既關係呢,我都飲左半杯呀~
不過好彩冇事~只係覺得個人好熱,面仔都有d紅~哈哈~
之後玩到咁上下,我就要走喇~因為要返去呀~
返到去~就等阿麟哥收工~佢收工仲要返屋企沖涼換衫~
咁係呢段時間,我就載Eva返屋企~點知係載佢之前,我就同爸爸嘈左兩句~
我真係火都黎呀~無啦啦係到話我呀~所以之後就同佢嘈左幾句~
跟住我就冇理到佢,揸車走人~送完Eva~諗住阿麟哥搞掂啦~
點知佢竟然同我講,佢仲係屋企樓下,未返上去整野~
之後我過到去,佢都仲未返屋企~咁我就等左佢一陣~佢終於黎到喇~
但我見佢咩都未整~咁所以我都叫佢返屋企沖埋涼先~我係車到等佢~
佢初初都話唔好既~要我等咁耐~但唔知做咩~我竟然出奇地冇發癲~
我仲叫佢上去沖涼整野~我係到等佢~
可能我想順便等自己冷靜下啦~因為去搵佢前,打俾佢,自己d態度有小小唔太好啦~
之後我地就揸車去左黃金沙灘到坐~係到傾計~哈哈~咁大個女都未試過半夜係沙灘坐呀~
我地傾左好多野~我覺得好搞笑囉~感覺好得意~
大家唔係識左好耐,都係識左兩個月多d~但有好多野傾~
我發現原來半夜係沙灘傾計個feel好正~冇咩人~好靜~感覺好舒服~
不過就做左d小昆蟲既宵夜囉 >,<
哈哈~傾到兩點幾差唔多三點就走喇~
因為佢第二日要一早五點幾就起身~而我都要返工~
跟住送到佢返到屋企樓下~我終於都忍唔住咬佢幾啖~
哈哈~因為由我第一次見到佢,我就已經好想咬佢喇~
因為佢太可愛喇~又搞笑~而且又青靚白淨~不過最變態既係??.
我咬完佢隻手,再咬佢塊面~哈哈~冇計啦~因為我都幾鐘意咬人塊面~呵呵~

01/11(三)
昨晚開心完之後,今日簡直係黑色星期三呀~
總之就好多野煩啦~跟住返到去食飯~
細佬同Uncle唔係到,真係好唔慣呀~好靜~個個都冇咩心機~
見到昌哥都冇咩心機~而我就食完飯都返屋企喇~
跟住上網同細佬傾左陣~之後佢講左點鮮佢地要走既原因我知~
之後我就頂唔順,喊左~因為我已經忍左成日喇~
同埋我覺得佢地好慘呀~唉~我都唔識講呀~
之後細佬都叫我去吹水~但都係唔去啦~都真係冇咩心樹呀~
跟住我好早就訓左喇~嘩~係呢兩個幾月之耐最早訓既一天呀~
爸爸同媽媽返到黎都覺得好出奇呀~呵呵~
冇計啦~我真係好down~好唔開心~好冇心情呀 >,<

哈哈~最近發生左好多搞笑野~要我講先下~

(五) 我就照常咁收工跟住就落左去食飯~
之前就同Alan係到吹水話等佢收工入西貢滿記食糖水~哈哈~點知係真既~
跟住到左十二點佢收工就去左元朗B仔到食糖水~
之後就係到玩到差點幾先返屋企~哈哈~真係超搞笑~

(六) 今日就同蘇眉去睇何詩詩~原本蘇眉又話要行街~又叫我早d到~
點知到我好早到喇~但佢又未收工~好彩有心仔陪我咋~
蘇眉個衰野之前又係咁不停話我實遲過佢,要佢等我~點知係佢自己遲得最多~
真係好彩好彩有心仔咋~如果唔係我就要自己一個人等佢兩個鐘喇~呵~
之後我就同心仔邊食野,邊等佢~之後我就行葵芳個個新都會廣場~同另一個商場~
嘩~真係超多人囉~行到我最後都放棄喇~但最搞笑既係~
我地竟然行咁耐都冇收穫囉~行到咁上下,心仔就要返屋企lu~
而我就同蘇眉坐地鐵去尖東~哈哈~我地兩個累到差d唔識落車~
因為我地上左車冇幾耐我地就訓左~呵呵~
嘩~何詩詩個演唱會真係好正呀~最正係由一開始已經全場佐哂起身喇~
但最正都係最後sammi既出現~嘩~簡直開心到爆呀~哈哈~真係好開心呀~
之後我地就帶住好開心既心情齊齊坐車回家~我地上到車就係咁訓喇~呵呵~

(日) 今日就係我開工既日子喇~原本打算九點幾起身落去返工呀~因為我叫左媽媽夜假嘛~
但點知我訓到成十一點幾先起身落去開工囉~哈哈~點知竟然有好多搞笑既事發生~
首先就係,我入去廚房幫手拎野出黎啦~我右手拎住碟飯,左手打算拎多盒飯啦~
點知………....細佬拎盒飯俾我既時候,盒飯d汁整左落我隻手到囉~
嘩~熱到我七彩呀~我不停係到叫好熱好熱~熱到我係到彈下彈下呀~哈哈~跟住隻手紅哂 >,< 好痛呀~
過左陣,細佬就打俾我叫我去睇戲~但好可惜時間唔岩,所以冇睇到~
跟住就話第二日睇早場~哈哈~之後到左四點幾,我就開始中眼訓喇~
我就見到佢落場~咁我就唔俾佢走,捉左佢同我去”桃源島”食個下午茶~
哈哈~真係慘呀~冇得訓覺~俾我捉左佢~食完之後佢就問我係咪踩番轉?
之後我就話送我返屋企啦~哈哈~點知………行到一半上唔到個石級~哈哈~
跟住就………咁喇~呵呵~之後我就要佢整野俾我食~哈哈~
因為搞到我損手爛腳~(但其實一d事都冇~哈哈~)
跟住到六點幾蘇眉就黎左陪我返工~呵呵~但我地由七點幾開始食飯~
就食到成十點幾囉~oh~我地又食左咁多個鐘喇~哈哈~
細佬真係整左d餐牌冇既野俾我地食~呵呵~岩哂我食~
因為我最鐘意就係食雲吞皮~但佢整個個係肉崧要用生菜包住食~
雲吞皮做個底~呵呵~食到我地兩個都非常之滿足囉~哈哈~
蘇眉陪到我成十一點先走呀~哈~真係多謝你呀 ^0^
不過就要同Parco講聲唔好意思喇~因為我去唔到燒野食呀~sorry >~<
跟住到十二點細佬收工~就同佢去左買宵夜+遊車河~哈哈~超搞笑囉~
我地又玩到三點先返屋企~笑屎我喇~總之就好搞笑啦~

(一) 今日一早差唔多十點細佬就打黎叫我起左身喇~哈哈~
點解? 因為我地真係去睇早場呀~不過大家都唔知甦,所以就改為十二點半喇~
首先佢就過黎我屋企樓下搵我~去左”椰林閣”食早餐~
之後就坐輕鐵去新墟買飛睇”卧虎”,係未夠鐘既時候,我地就去機舖,打舖機先~呵~
跟住先再慢慢行番去睇戲~睇完戲之後超搞笑囉~
佢話佢屋企人打俾佢,話佢家姐就生,要佢拎d野出去俾佢家姐~
咁所以我就返左屋企拎車,之後就同Eva一齊載佢出去喇~真搞笑~
載完佢之後我就同Eva去尖咀行陣街~之後就去機場喇~呵呵~
好開心呀~因為買左兩樽kitty水呀~好靚呀~yeah~~~~~~
去完機場返黎食完飯之後就返屋企休息陣~
就落去同Eva、細佬、昌哥、細佬爸爸、雪姨一齊去工廠區打麻雀~
跟住睇左佢地打一陣,咁我就同細佬去左篤波~
哈~哈~好搞笑呀~我地兩個亂黎呀~玩到二點幾我地就返落去睇佢地打陣麻雀,
睇到二點幾到,細佬就送我返屋企~哈哈~超搞笑呀~
咁大個女都係第一次俾人咁樣送我返去咋~就係踩單車送我返去~
好搞笑呀~我不停係佢隻耳都叫好驚~哈哈~而佢就不停話放鬆d~
不過都好彩,安全到達返到屋企~哈哈~真係唔該哂呀~

嘩~我又超超超超超耐冇打日記喇~今日真係超搞笑呀~
今日三點幾就去左等阿麟哥仔收工~跟住就搭的士趕去睇戲~
原本打算想睇”世貿中心”呀~但好可惜,竟然滿哂,就算有位既都好前喇~
所以最後就睇左”放逐”,起初唔係好明套戲講咩既~但好彩睇睇下都知~
而且仲覺得有d慘,同想喊既感覺添~因為最後個個都屎哂既 >,<
睇完之後就去左新墟食好耐冇食過個間既車仔麵~冇食咁耐都仲幾好食 ^0^
跟住就由新墟最同佢行返去返工~哈哈~真係超耐冇試過由新墟行返去喇~
總之我就覺得好好笑啦~嘻嘻~之後就返屋企睇”美女廚房”,
我又係好耐冇睇過電視喇~所以真係幾正~呵呵~睇完跟住就落街搵拉姨~
之後就揸車載佢同至細既姨丈返屋企~點知送到返去既時候~
就叫左我上去幫我剪頭髮喇~哈哈~yeah~又有新髮型~very good~
我真係發覺自己越黎越勁呀~之前剪頭髮就剪到半夜四點幾~
而做facel就做到半夜三點幾~真係掂呀~哈哈~

哈哈~今日太好了~因為好耐都冇試過訓左成日喇~
昨日點幾鐘就訓喇~點知一訓就訓到二點幾~之後就起身整野~
跟住就食冰皮月餅同埋傳統月餅~呵呵~太好味了~真開心呀~
之後邊整野,邊睇電視,跟住又走左去訓覺~呵呵~又訓到差唔多八點就起身喇~
哈哈~其實好想再繼續訓呀~但驚夜晚訓唔著,所以就起身落去食飯~
跟住再到夜d,十二點幾就同明姨、拉姨同埋至細既姨丈去置樂,飲野傾計~
呵呵~太好喇~太好喇~真係好耐冇試過咁好訓喇~太開心喇~yeah~

嘩~真係超耐冇打過我既日記喇~之前就變左週記~
咁依家成個月先打一次,咁唔知應該叫咩呢? 哈~哈~
唉~呢排真係真係超累呀~累到我唔只係七彩呀~簡直係九彩添呀~
日日都成二點幾三點先訓~超多野做~超忙呀~
d朋友叫去街,食飯,都要預早同我講定先~哈哈~
Carol就預早成個禮拜~而心仔就兩星期同一個月之後~勁呀~哈哈~
不過最近又有勁多趣事發生~真係好搞笑~真係呢個世界咩人都有呀~

好辛苦~好辛苦~我就快癲喇~已經做到成個人都呆呆滯滯喇~都好似唔知自己做緊d咩咁~
首先今日一返到公司就不停係咁做做做~完全冇停過囉~仲要做到兩點半先有得食lunch~
真係好煩好煩好煩呀~不斷係咁問人明唔明? 又話要用呢隻色~又話要分開d……………….
咁想我點呀? 一樣野未做完,又俾另一份野我又話要改~咁我可以做得邊樣呢?
跟住呢個又吹我,個個又問我幾時有個數? 咪玩啦~我d數做到四月一號咋~點交呀?
而且手上又有幾廿份野又話要做左先~我夠想計下d數啦~要做到先得呀~得我一個做,點做呀?
基本上由佢地返黎咁耐,我就忙足咁耐~停都冇停過~樣樣野都話dirty,再做過~
你就真係叫得簡單呀~有冇諗下做個個做唔做得切呀? 一Fax上黎,就要即刻要做好~咪玩啦~
做唔洗時間呀? 我本身好得閒,冇野做既~你話做就可以即刻做呀? 根本就做唔切~
都真係唔知想我點呀~個個講就好容易呀~我都識講啦~叫人做野有幾難呀~我都識啦~
但問題係,人地做唔做到先呀? 你一次過拎咁多野上黎重新再做~都要做得切先得呀~
原本我d數之前都可以做咁d呀~但你搞一搞我就咩都亂哂啦~
之前都仲可以話做完之後就做一星期數,跟住先再做~依家? 有排啦~點追呀d數?
唉~我真係好辛苦呀~做到個人好冇衝勁呀~原本之前好開心,諗住做完呢d,就可以做下數喇~
點知…………又有一份野等緊我改囉~係做左野咁多年~我從未試過好似今日咁辛苦~
我都未試過自己會辛苦到喊呀~更加令我想喊既原因係~
我發覺原來,當我真係好需要朋友既時候,佢地永遠都係唔得閒囉~不過算啦~
反正都唔係第一次啦~我都做慣聆聽者~人地一定會搵到我~但我就通常都搵唔到佢地~

首先就要講既野係:
爸爸:生日快樂呀!!!!!!!!!!!!!  I Love You~~~~~~~~~~~~
希望你可以身體健康,唔好成日為左d事而咁煩惱~
跟住就係:
朱朱:生日快樂呀~~~~~~~~
亦都希望你可以開開心心啦~

好講完哂我要講既野喇~呵~雖然我仲未買禮物送俾爸爸~但我都會補送番既~呵~
但我昨日都已經做左乖乖女,同佢預早慶祝生日喇~昨日請左佢食飯呀~嘻~
好味道啦~真係好耐都冇去食喇~所以特別好味道~
同埋加上最近真係有好多野都要忙呀~所以搞到個個都好辛苦好累呀~
希望可以快d搞掂哂就好喇~

唉~今日唔開心啦~都未見過d咁冇品既人囉~你個賤女人,衰女人丫~係到扮哂勁~又係到扮哂外國人~去死啦~有本事就呢世都唔好講中文啦~死人臭女人 >,< 又唔識專重人~咁大個人連咁簡單應有既態度都冇~都唔知佢點做人既~不知所謂~賤女人,衰女人~臭女人~好憫呀~好憫呀 >~< 火都黎呀~激死我喇~搞到我咩心情都冇哂喇~
都唔明點解d人咁鐘意搵我黎出氣既~唔通我真係好蝦d咩?????????? 你自己衰左,關我咩事呀?做咩要搵我黎發洩呀? 一係就好似當我真係講極都唔明咁~係咁勁教我應該要點要點~我夠知點啦~洗你教咩~d野我自己一手一腳整呀~我會唔知點整咩? 都有病既~講野都唔經大腦既~好憫呀~好憫呀~