好耐我都冇上黎打日記啦!!

唔係我懶呀!!係因為我每日都做相同既事,就廢事打啦!!!

差唔多4月啦...點解我仲未收到圖書館既信???

我前幾日係勞工處搵到一份臨時工,做7日

由25/3~31/3,$40hr,但我打黎打去都打唔到俾間公司呀!!!

如果我做呢7日,一黎可以冇咁悶,二黎可以等圖書館消息...

但都打唔到,點做丫??唉!!

 呢期好多新聞都講流感....仲有細路仔死左....

**大家真係要小心身體呵!!~~

我家姐佢都病左1個星期,都仲未好番丫!!唉!!

希望流感快d走啦!!!!

 今日下午去食lunch...我地差唔走個陣,有個怪人超大声講野...

嚇到全部人都即刻望住佢丫!!

我都被佢嚇左一跳丫!!!

我見過佢好幾次啦,次次佢都講d無厘頭既野!!

話咩國家總理中風呀,李嘉誠呀!!總之好笑啦!!!

揸住個電話以為佢同人傾緊計啦...其實係自言自語呀!!!

真係一個怪人呀!!!!!

 我琴日係屋企好無聊,咁我打左電視睇啦!!

點知播緊肥肥既追思會既節目...

我聽到肥肥d好朋友講左d好心酸既說話個陣...

我自己都會流下幾滴眼淚...

我個人好感性架!!!好易流淚...

所以你地唔好講d我會喊既野俾我聽呀!!^^

 今日我9點幾食完早餐就搭車出去lu...

搭左個幾鐘車先到..好累呀!!!

我去到就11點幾左右啦!!之後我整理好自己就去活動窒等in啦!!!!

我去到個陣都已經有好幾十個人係到等in啦!!!

佢係5個人一齊咁in架!!好簡單咋,佢問我地3條Q...

第1,你覺得圖書館助理係做D乜??

第2,如果有人係圖書館電話响左,我地應該點做??

第3,問我地有咩興趣??FOR ENG!!

我覺得我自己答得唔錯丫!!~~希望呢次得啦!!!

但要等成一個月咁耐...唉!!!!