2005 年 10 月 5 日  星期三  

我可能就係發左一場夢......但係我係夢裹我識左一個好靚好溫柔的女仔,佢又識畫畫,又識煮飯,又好溫柔.....我都不知不覺地被佢的吸引力深深地吸引著......之後我就無時無刻都好想見到佢,好想聽到佢把聲.........我愈見得佢多我就愈想同佢講......終於有一晚,我同佢講左......自始之後,我就冇見過佢,見到佢個陣時,我都係冇同佢傾計,因為我覺得我地就好似兩個世界既人,而且我根本就配唔起佢。直至到中秋節,佢突然add我,我個陣時真係好開心呀!!開心到自己明明累到動都動唔到,都成個人精神晒。直至到前個幾晚,佢info寫@等佢一生說愛我@我睇到個陣都唔知開心定係傷心。之後我就問佢,但係佢態度好冷淡哩.................睇黎我個夢都係時候醒,係發呢段夢的時候,有開心的,有好warm既,又有好掛住佢........但係我覺我我同佢簡直就係兩個世界的人,而且我覺我根本就配唔起佢,但係我好想同妳講一句『!!!!我愛妳!!!!』

2005 年 10 月 4 日  星期二  

其實我係比賽果陣時,真係認識左自己好多好多..........我認識到自己好多好多,就好像我自己的不滯。係呢個比賽,我覺得我自己真係好唔掂,我覺得我自己真係一個負擔,我好似拖慢左成隊的進度,我覺得我自己真係好似一個女仔,又易流淚,或許我個樣真係好似好堅強,可以值得信賴,但反而我才是最需要別人關心的那一個。係隊中,個個都有一d好好的表現,就好似何禕琦,佢eq真係好高高,佢係比賽前講過,我唔會鬧你地每個人一句話,結果無論我點做錯事,佢都真係冇鬧過我,而且係佢的帶領下,我地先可以暫時搵到第3名。之後都波比,佢雖然成日都講笑,但係成份報告書,都差唔多係佢一個人通宵做晒.....而且佢又唔覺得我好煩地答我既問題。都左羅兆龍,雖然係比賽果陣,我真係好唔鐘意佢d語氣,但係佢真係好勁,真係咩野都識做......仲創做了用1枝火柴起左成個爐的神話,如果唔係佢咁快起左個爐,我地都冇可能可以用19分鐘煲起d水佢。仲有阿康,如果唔係佢用手拿起d煮熱了的食物,可能我地既food已經燒焦了。最後一個係馬嘉恆,佢雖然真係係成個比賽裹好懶懶閒咁,但係如果唔係佢最後一次最後檢查果陣時跑返黎拿水俾我地,我地可能又會唔知冇左幾多分。係比賽中,佢地果果都有好好的表現,但係我就.............我就竟然係最後辛苦到哭左出來........我終於知道了自己的不滯,我覺得的真係一無事處........................

2005 年 10 月 4 日  星期二  

上次講到入camp做左好多檢查。之後檢查完左就開始紮野喇~~~其實講真果句我去到果度,我係未訓醒再加上我又好鬼累,所以做野果陣時,我都係靠潛意識做野,我有好多野都係憑直覺去做,有好多都係冇經大腦。係果陣時我地發覺我地原來冇帶一大卷麻繩呀!!!差d就圍唔到營區,好彩我地剛剛夠繩用....之後我地都差唔多的時候就開始偷x係度煲湯,點知都係俾人發現左,好彩我地夠醒,識得倒左盤小水既,特燈收埋壺大的係個營。

之後我地就慘啦.......煮個晚飯唔夠時間果度應該俾人扣左好多分>~<到左夜晚我地就用左我地的機智黎演出一個豪無練習過既話劇,結果都ok既。不過我好欣賞果主持人,佢唔去做電台就真係浪費(因為佢真係好帶得到個晚會氣氛出黎)返到去營區我地就那那淋整晒晚檢d野,好彩我地都趕得到。之後我就冇短短扮訓,扮到真係訓左....訓到大約2點度我就俾bobbie抄醒左,因為我阻住佢做野(而且我都係時候起身做野)結果我就又果陣時,一直做野做到早上。到左煮早餐點知我地係最高分果隊,真係happy>u<。

之後就做晨檢,足足做左3次,其實原本仲有第4次既,不過原來俾人點錯左......到到原野烹飪,果度真係成日最辛苦但我個人覺得最好玩的一個環節啦~~不過我地又冇帶隔熱手套,為有靠我地既手直接拿係火爐裹而d野(真係好危險呀)講左點解辛苦先,因為我地要係30幾度的高溫下對著個熱爐2個半鍾頭.....真係好辛苦,係果度我地隊有6個人裹面有4個人中暑(包括我在內),果陣時真係好辛苦....個頭又痛,又唔夠水,又曬,又尖寒尖凍..........真係最辛苦的一個項目,不過好玩的地方就係我地隊有人真係好鬼勁,大會俾10支火柴我地起火,我地用一支就起左個火喇~~~之後人地叫我地20分鐘內煲到d水起泡,我地就用左19分40幾秒就煲完d水(真係串嘴)~~不過我地隊真係好有諗頭煮左好多其他組都冇諗過既food。隊長真係醒目~~之後我地就勁慘囉.....我地要用90分鐘收拾所有野,包括袋,紮作,執晒d垃圾啦仲有要做埋份報告書(我地就係通宵做報告書)講起通宵,原來女仔真係變態嫁.....十八鄉d女仔好似唔洗休息咁,成晚係度做野,第二朝仲咁好精神,個d就真係好似玩鐵人耐力賽咁(真係痴線),不過講到執野,個度真係超辛苦,又要咁曬,又要唔夠水,又要中暑。果陣時我又因為去camp辛苦而流下男兒淚,不過我一心諗著佢我就開始冇流。雖然我地最終都係over左,但係我地都真係好累,所以都算啦..........到左報到完後,真係xysdf佢呀!!!!無短短落晒雨,真係早唔落,早少少落就冇冇辛苦啦!!!最後我地的結果真係出奇,我地竟然拿左個第3名呀!!!雖然我地仲有3項未計分,但係我果陣時真係好開心呀!!!!!!!而我地亦都決定我地係下下個星期日的先峰工程果度一定要努力狂練,誓死要keep著果第3名!!!

2005 年 10 月 4 日  星期二  

我而家終於有時間寫日記啦~~~原本諗著尋晚返黎打既但係就尋日去完比賽超累而且部機有load得好慢,so咪冇打囉~~

先講番星期五d野先~星期五我原本可以去打波嫁!!!!(好想打波呀.......)但係就因為要去做比賽原野烹飪的練習,但是就冇去到呀!!!去到果時,我以為我會遲到,點知就原來係我最早。到左5點度終於等齊人。我地正式練習,果陣時好彩都唔係好辛苦。我地用左大約20分鐘就起左個火(至於果火點起,遲d先講),之後我地就各至返左屋企執野。到左大約九點我先到ym。點知我發覺我執漏左件營火袍,所以我要踩車返去屋企拿........之後就返左ymca.............返到去我地就開左個會仔。原來我地係有好多野都未做同未執但係聽日就比賽喇播.......之後我地就決定左01:00去阿sir鋪頭度過夜執野~~之後我就因為執漏左好多野,so我就返左屋企然後等埋羅兆龍一齊過去鋪頭~~去到鋪頭我地就開始執野等等的工作結果我地就做到唔知幾多點就訓左訓到又唔知幾多點先起身又再執過野.........點知到左出發先我地隊長仲未到,因為佢就通宵趕份計劃書(其實果陣時我就係好佩服佢,至於點解都係遲d先講)。

結果我地就去左上水展能運動中心進行比賽。去到個度大約1點度,我地就係度等,果度好鬼曬呀!!!!!果度我估最小都有32度,我地就係要係呢個地方比賽呀!!!你話拿唔拿命!!!!到左2點度我地就正式報到!!入到去真係正如monkey講,個度d草真係靚到冇無得頂呀。入到去我地就係度排隊做檢查,我都唔知點解,我地成隊座晒係d竹袋上面,好游閒地係度唱歌吹水又影相,但係其他隊就企晒係度....真係唔知佢地點諗~~到左檢查果陣,又要量體重等等等等好多野..........之後就寫著咁多先......聽日再寫~~

2005 年 9 月 28 日  星期三  

我而家真係咩都唔想做.........我覺得自己真係超廢.........仲廢過條柴...........我覺得自己真係人地的負累.........自己咩都唔識,成日都要靠人,唔靠人自己就咩都做唔到。自己又冇長處,書又讀唔好,童軍又做唔掂,真係佢搵我係唔係真係一個明智的選擇呀......仲有,我自己都顧唔掂,咁又點顧埋佢呢.............可能真係又而家開始,我還是不要愛妳..