×╳Can U feel it....My Little World．°[] ╮

ebaby1061989 : 個人主頁 - 相簿 - 訂閱 [ QOOZA - 論壇 - 登入 ]

2013 年 4 月 17 日星期三

玄之音-治療期，第393~397天，2013年4月12~4月16日，陰天

分類: 玄之音 - 治療期

我享受「最好的時刻」
世界總是有愛

仲記得之前隔日就會打一次日記..
但而家就已經少左打好多...其實並唔係因為自己特別忙..
而是我覺得冇咩好打...但係今日聽到首歌所以特別有感而發
個陣打多日記又或者係可能自己心事或者心情太差太負面掛...

打得少左日記,係咪證明左而家既心事又少左?
可能啦...不過最近心事都好少好平靜...

之前既事我都放低左好多..
最近我聽到呢首謝安琪最新既作品<最好的時刻>...
第一次我已經覺得好感動,睇埋歌詞...我感覺到係一個廣闊既世界
而且我覺得最近香港社會好需要呢種能量<最好的時刻>。

-----------------------------------------------------------------------------------------

我愛「I Have A Dream」

最近被呢兩首歌感動到, 而且為左失業問題煩左好多...
但係聽到呢首歌,我覺得唔需要放棄
為夢想繼續走我既路!!

發表時間：2013-04-17 01:52 AM [ 訪客留言(0) ] [ 編輯日誌 ] [ 分享至FACEBOOK ]

2013 年 4 月 12 日星期五

玄之音-治療期，第202~392天，2012年11月28~2013年4月11日，晴天,雨天（轉釆都仍然忽冷忽熱咁..）

分類: 玄之音 - 治療期

如果我話比你知我唔想寫日記係假既,咁我相信我會連今日寫番既動力都冇...其實我係跟本完全冇動力做任何野,因為我覺得做咩都係冇收成既咁,幾個月冇寫日記,發生既事當然有好多,有D好既野仍然留係身邊,唔好既就由得佢隨水而去...呢幾個月同樣咁冇野做,周圍去散下心,想拍拖既心原來一路冇放低過,而且我係呢幾個月有過男朋友,同時我覺得男朋友係唔重要,重要既係我認為工作唔係人生最大既任務。

呢個社會唔通真係咁冇地方可以比自己生存? 點解我搵工寄過咁多次信都冇一封可以有人請我? 唔通我真係咁冇用?

呢個男人話我唔上進,咁有冇人比過機會我,你又有冇比過機會我做過?

曾經有一個老人家同我講過,如果你想人地比機會你,你要落比100更加多既苦工,我可以落好多苦工,咁但係點解冇一個就職到既機會比我?如果比我有得揀或者有得希望, 我唔會希望個社會咁唔融立到自己,有邊個唔希望自己有野做,成日要靠人比錢自己?

最近呢幾個月發生左好多既事,尤其係自己朋友同感情,發生左好多又變化好大,令到自己有好多想法都改變左,以前未懂事個陣只係識諗點樣去搵男朋友,覺得有男朋友就會咩都做到好順利,但係而家覺得同朋友相處比起同男朋友相處既感覺好得多,而且同某D朋友相處覺得佢地只係在於自己,一來好唔尊重自己朋友,二來點解朋友相處一定要係人地打電話做主動,做朋友係互相唔係只有一方既態度。仲記得之前同Mary既關係遠離左,而家同佢大家相處係好親密,大家都識得點樣互相照顧,我始終覺得呢種感覺係最實在。

最近我屋企個樓發生左兩次火警,第一次就係電錶房短路之後又堆積左好多雜物所以引起火警既,第二日都係一樣,但情況係整好開番電制既時候14樓因為電線太舊又發生短路所以引起火足....走火警既時候...

我諗番起好多野,尤其係諗番起住我對面既一面姓葉既哥哥,其實我唔係刻意去諗,但係我記得10年前入住和興樓做過一件事,係將一封示愛既信放左係佢門既信箱入面,然後就連一句說話都冇講,可能自己個陣太單純,唔敢向對方正面示愛,但係人地而家始終有女朋友,我仲點開口再講話真係鐘意人呢?!

最後我都係個句,如果有人想請文職....介紹我啦~!

(唔知有冇人睇到呢?)

發表時間：2013-04-12 01:40 AM [ 訪客留言(0) ] [ 編輯日誌 ] [ 分享至FACEBOOK ]

2012 年 11 月 28 日星期三

玄之音 - 治療期，第150~201天，2012年10月6~11月27日，晴天,雨天（開始轉凍啦！）	分類: 玄之音 - 治療期
最近只係講返幾樣野，我體會到人既興趣與潛在既學習能力同適應能力，而且當係與到危險既時候，人既潛在意志會上升，我係民間電台開咪咁耐，我認為我既學習比預期中快，我係入面都開左兩三年既電台主持，我仍然會繼續學習，做好自己風格既節目。另外對朋友方面，我最近的確同Mary係距離遠左，但係我仍然冇忘記同佢一齊既日子，佢有麻煩我都照樣會幫，但係最近發現我自己開始錢唔見洗，所以都冇同Mary一齊去玩去邊到，錢真係對我黎講係一種好重要又唔可以缺失既關係橋。係呢個日記入面，今次主題講到係治療期，但係人點都會有寂寞既時候，又或者見到舊情人難免會有好多既回憶同傷感，不過都已經過去，我容許自己只係為呢d事唔開心一陣，但係我唔會比自己一直咁唔開心落去。最近我接觸白米佢比較多，對於佢我有一種好放心傾訴既感覺，仲記得當日同志大遊行，何韻詩佢係台上面講「我係同志！」呢句既時候，我內心感覺到又興奮又傷感又激動，心入面夾雜住好多既感覺，但係係一個好難忘既日子，對於我黎講佢所講既每句說話我都好難用說話黎形容咁好，因為太觸動到我個心，之後落bar同白米佢地去，白米因為佢愛既人而唔開心，我就做左白米身邊依靠，身邊借喊既人，我自己好突然將自己既所有失去得到所有事都同白米講，數番轉頭原來自己有好多野好唔應該，我都應該開始要識反省呢d缺點… 我最近做既野係每日都打開本招聘書睇邊到有請人，然之後就係得閒打jubeat同英雄聯盟，我jubeat既進步人人都睇得出，由我打4,5level開始，到而家打10level S到為止，我都下左唔少功夫，而家打jubeat既成績都可以見得下人架！而英雄聯盟方面，我自問就冇彩虹佢地班人既實力咁好啦，不過遊戲玩得開心對我黎講就已經好足夠，我已經唔希望再因為遊戲已令到我會有不必要既失去，而且而家呢個遊戲我玩得好開心！心情指數：↑180%
發表時間：2012-11-28 04:28 AM [ 訪客留言(0) ] [ 編輯日誌 ] [ 分享至FACEBOOK ]

2012 年 10 月 6 日星期六

玄之音 - 治療期，第134~149天，2012年9月20~10月5日，晴天（時雨時晴啦…）	分類: 玄之音 - 治療期
最近一直都諗緊自己既生日，成日都淨係諗住一個問題，點解人地可以咁多人同佢慶祝，咁我呢D叫咩？到左自己生日既時候，我諗番起其實我一路以黎都好似唔係開心咁過，同埋我一直對自己既懷疑同冇信心，你地成日就叫我識得開心，但係你地係我身邊所做既野都令我唔開心，咁我點樣唔開心呢？我都一直好想對你地有好大既希望好想去比信心，但係我唔想我咁大既希望換黎更大既失望同失信心。其實真心有幾多個人會肯陪我過生日既呢？可能真係數埋手指十個都冇，心入面就永遠有魔鬼同天使係到掙扎，魔鬼就話：「跟本你就一直都好希望人地記得你，而你亦都好想有人同你過生日，你希望有好多朋友。」；天使就話：「其實朋友呢D野，重質不重量，唔緊要啦，下個會更好呢。」但係我永遠都抵抗唔到魔鬼既說話，所以成日都唔開心，係到喊。。。人生行到第23年，我唔知自己下一步仲可以點，我仲嘗試希望自己係開開心心，令到身邊既朋友都一齊開心笑。。心情指數：↓76%
發表時間：2012-10-06 04:37 PM [ 訪客留言(0) ] [ 編輯日誌 ] [ 分享至FACEBOOK ]

2012 年 9 月 19 日星期三

玄之音 - 治療期，第114~133天，2012年8月31~9月19日，晴天（開始轉涼啦。。）	分類: 玄之音 - 治療期
最近冇寫日記上黎並唔係因為我偷懶唔想寫，而係覺得冇咩特別野好寫，不過今日寫番係因為我覺得太耐冇將自己既近況PO過出黎，而我最近覺得自己既生活好多高低咁，正如女人一個月悶悶地咁，我係有唔開心，不過最近都有兩粒佢地陪住我，令我個種唔開心既心情，慢慢平復，回想起以前我咩都收埋唔講，咪更加令自己辛苦，睇番以前同大家影既貼紙相，我有感動又有開心，同朋友影既當然開心，尤其係Mary既一張真係影得好靚^^.. 心情指數：↑90%
發表時間：2012-09-19 08:25 PM [ 訪客留言(0) ] [ 編輯日誌 ] [ 分享至FACEBOOK ]

2012 年 8 月 31 日星期五

玄之音 - 治療期，第107~113天，2012年8月24~8月30日，晴天	分類: 玄之音 - 治療期
其實呢排我好好地咁反思左好多野，除左我好忙完成第二季流行榜之外，另外我反思左人同人相處同埋朋友之間應有應無既問題，其實係我身邊真係冇幾多個好既朋友，個個都係自私既，唉…呢個世界既人再係咁，我真係好難接受得到，搵野做個到已經夠辛苦，而家話搵個可以陪下我既朋友都冇，唔通真係咁難咩，最近聽一首歌叫「親愛的維多利亞」，一首講回憶既歌，腦裡面浮起一面一面既兒時回憶，好似消失既海一樣，冇可能搵得番，捉得番… 心情指數：↓77%
發表時間：2012-08-31 03:22 AM [ 訪客留言(0) ] [ 編輯日誌 ] [ 分享至FACEBOOK ]

2012 年 8 月 23 日星期四

玄之音 - 治療期，第100~106天，2012年8月17~8月23日，晴天	分類: 玄之音 - 治療期
最近我都係冇咩做過特別野，只係最特別叫左蚊蚊幫我分期買左個I-PAD，我終於有得打JUBEAT啦，之後我就買左好得意既袋同保護殼，呢排我鐘意左個男仔，佢上個雜誌又有事業又識煮野食，又幾靚仔。。。唔知我可以成功呢＞＜！呀。。。係到我仲要記得祝大家七夕情人節快樂！唔打咁多野啦，因為岩岩做完流行榜，雖然未做曬，不過要慢慢做/___\！… 心情指數：↑103%
發表時間：2012-08-24 02:28 AM [ 訪客留言(0) ] [ 編輯日誌 ] [ 分享至FACEBOOK ]

2012 年 8 月 16 日星期四

玄之音 - 治療期，第87~99天，2012年8月4~8月16日，晴天雨天	分類: 玄之音 - 治療期
呢段治療期我唔知有冇終結既一日，但係都黎到差唔多100日啦，轉眼間又有成十幾日冇打日記，打番發現原來冇做野既一排可以係生活時間顛倒非常，呢排唔係係屋企就係見工之後就係打JUBEAT，再唔係就係落SAUNA識仔，最開心既一次就係同雪花同蚊蚊仲有呀型去唱K，我第一次唱多過幾乎二十首歌，去左Red Mr唱，好開心呀！最近我發現係街上面或者係公共交通工具上面都見到好多唔同既事物，令自己開心同悲傷既都有，但係當我自己睇到既時候，發現原來我比人幸福，但同時又覺得別人比自己幸福，原來我覺得自己既唔幸福，係屋企人成日借我係GAY既黎借題發揮，其實我屋企得我媽咪，點解都要咁呢，而且我覺得我加得我媽咪FACEBOOK，點解仲可以咁唔比面，覺得我唔好就拎我係日記入面講既野黎鬧我，我覺得好唔尊重我，所以我十幾日都唔敢想打FACEBOOK，突然我諗通左，既然我公開得，我就係到直接講，無論佢睇定睇唔到都好，我覺得呢D始終唔係咩大不了既事，講左又冇影響我，我心諗其實我都好想有老豆，而且老豆老母都認同自己個仔係GAY，雖然冇咩可能，但係我覺得咁樣先係最幸福既事，但係而家幸福既觀點改變啦，只係開心就係快樂，簡單一D，而且我覺得人永遠都係活在當中，我地唔會知道後來，我地知道現在，我既然而家係咁，冇咩要改變點解仲夾硬去改變呢？呢排同兩粒又或者自己去打16格，我唔見左一次卡，之後買番張卡又同番兩粒過歌，又多左好多歌玩啦，我又開始首首歌慢慢玩啦！呢十幾日話開心唔係算好開心，不過唔係唔開心，只係工作搵得好唔順利，但係我仍然係唔會放棄，我相信自己一定會有支持自己既人，大有人在，我既希望留係到！心情指數：↑77%
發表時間：2012-08-17 01:48 AM [ 訪客留言(0) ] [ 編輯日誌 ] [ 分享至FACEBOOK ]

2012 年 8 月 4 日星期六

玄之音 - 治療期，第80~86天，2012年7月28~8月3日，晴天	分類: 玄之音 - 治療期
呢幾日都冇咩點去寫日記，星期六就例牌去機鋪蒲下打下麻格同JUBEAT，唔係就去下SAUNA咁啦，星期日就一定係婆婆屋企，唔會點變。因為我真係好唔開心，第一既係我朋友對我既態度差，而且我喊既時候又冇人理，然後既係，我所對我既朋友做既一個月自閉行動有結果，結果證明係我班舊朋友一個都唔會記得我，證明左一樣野，我認為朋友係只會在於利用不在於關心，而且我覺得自己係卡巴個班朋友一樣都係假，我唔係話所有都係，但絕大部分係身邊既都係假仁假義，用佢對工作同事既態度，同於朋友身上，朋友唔等於同事，同埋就係發生咩事就將所有矛頭指向我，誤會唔係只有一個人攪得出黎，一定有兩個人以上先有，我覺得對我真係好唔公平，所以我決定就算佢地點樣對番我好，我依然去絕情咁去做，我唔會因為佢地對番我好，我要去原諒，如果有第一次係咁偏幫既話，我唔敢肯定冇下次，所以我寧願呢d事只發生一次，我唔想再有第二次。最近我都沉迷係JUBEAT呢個機鋪音樂機到，我發現自己開始對佢上手啦，打6,7LV既歌有明顯既進步，一打就打到有A或者S嚕，而且最近同Mary拉近番，其實我從來冇懷疑過Mary對我係點，因為佢始終都係我好朋友，無論我同佢有冇錢都好，我地就係珍珠般、溫暖而破不掉既關係，仲有既係最嬲係facebook有一d人，連人地改咩名都要罵，真係食飽飯冇事做走黎激我，乜咁幼稚既野都仲有人做，真係估佢唔到既姐，仲有一點既係，我脫離左佢地之後，發現左自己做人既方針，對人既態度睇得更清楚，呢d人真係可免就免嚕，重點係兩句說話「你對我好，我自然對你好」「如果你開槍打我，我都一樣對你開槍，你唔好怪我」！心情指數：↓39%
發表時間：2012-08-04 02:57 AM [ 訪客留言(0) ] [ 編輯日誌 ] [ 分享至FACEBOOK ]

2012 年 7 月 27 日星期五

玄之音 - 治療期，第79天，2012年7月27日，晴天	分類: 玄之音 - 治療期
今日就約左SA姨佢地去左街，首先我地去左深水埗，去完之後就去左動漫節，我地係入面行左好耐，途中我見到我自己舊男友既狐狸精，真係好心痛，我地仲係動漫節入面抽左獎，拎左好多鬆弛熊同雞雞番黎^^ 心情指數：↓66%
發表時間：2012-08-04 02:57 AM [ 訪客留言(0) ] [ 編輯日誌 ] [ 分享至FACEBOOK ]

« | 1 | 2 | 3 | 4 | 5 | 6 | 7 | 8 | 9 | 10 | ... | 17 | »

ebaby1061989

暱稱： Takki光兒
性別：男
國家：香港
地區：東區

MORE...