×╳Can U feel it....My Little World．°[] ╮

2012 年 7 月 6 日星期五

玄之音 - 治療期，第58天，2012年7月6日，晴天	分類: 玄之音 - 治療期
今日同兩粒仲有姐姐出去食飯，之後傾計傾開好多既野，咁之後我同兩粒就落左去打機，打完之後我地番左上三樓傾計之後中尉同呀兵就黎左話時三國殺就打左陣三國殺就走嚕！心情指數：↑29%
發表時間：2012-07-09 12:20 AM [ 訪客留言(0) ] [ 編輯日誌 ] [ 分享至FACEBOOK ]

2012 年 7 月 5 日星期四

玄之音 - 治療期，第57天，2012年7月5日，晴天	分類: 玄之音 - 治療期
今日去左美容院見工，不過我成日都覺得而家D老闆都好睇人請，其實我都覺得自己冇咩機會，但希望在明天，係有咁既希望，好矛盾既係。。。D人成日都話希望越大就失望越大，咁我又可以點諗呢？我其實對於見工搵工已經好麻目，日日就係咁搵同見，都冇人肯請，咁我又可以點做？我又可以做D咩？心情指數：↑20%
發表時間：2012-07-09 12:20 AM [ 訪客留言(0) ] [ 編輯日誌 ] [ 分享至FACEBOOK ]

2012 年 7 月 4 日星期三

玄之音 - 治療期，第56天，2012年7月4日，晴天	分類: 玄之音 - 治療期
星期三我都係例牌搵工見工，冇咩特別既事發生既！。。。心情指數：↑13%
發表時間：2012-07-09 12:19 AM [ 訪客留言(0) ] [ 編輯日誌 ] [ 分享至FACEBOOK ]

2012 年 7 月 3 日星期二

玄之音 - 治療期，第55天，2012年7月3日，晴天	分類: 玄之音 - 治療期
今日開咪，仍然都係繼續講番個本書入面既內容，如何利用受歡迎既說話術。開完之後咁我就同Jimmy繼續做佢個節目，之後就一齊食宵夜，之後就番左屋企，但係心情其實都唔係好得幾多。。。心情指數：↓8%
發表時間：2012-07-09 12:19 AM [ 訪客留言(0) ] [ 編輯日誌 ] [ 分享至FACEBOOK ]

2012 年 7 月 2 日星期一

玄之音 - 治療期，第54天，2012年7月2日，晴天	分類: 玄之音 - 治療期
今日我發現自己個身體越黎越攰，決定就算十二點幾起身我都繼續訓，訓到三點幾之後起身，等到六點半左右食飯，食完之後我就沖涼，沖左涼之後就換衫化妝出去西灣河海濱公園個到散步行下，對於今日散步黎講，我既感覺由唔開心慢慢行到去最後聽歌聽到去薛凱琪既樹娃同字花，我其實真係冇人溝，但係都係算啦，如其係到埋怨，係到煩冇人溝，倒不如向前再望望一d比較好既事啦！心情指數：↑10%
發表時間：2012-07-03 02:43 AM [ 訪客留言(0) ] [ 編輯日誌 ] [ 分享至FACEBOOK ]

2012 年 7 月 1 日星期日

玄之音 - 治療期，第53天，2012年7月1日，晴天有雨	分類: 玄之音 - 治療期
今年既七一大遊行本來我都好想去，今年唔去有兩個原因：第一係因為好怕梁生上任之後我地行七一會更加多既恐怖武器我都怕我會中招；第二既係我跟本個日就有野做，所以就唔去得。今日三點半就約左呀Joe幫我剪頭髮同負離子，之後就去幫朋友手攪一攪d重要文件，之後去左搵Mary，咁我落到機鋪見到健健，之後打完一齊上番彩虹，諗住就叫Mary同佢一齊去食飯，佢唔想落之後我就叫左健健陪我落，佢陪我去左太興食飯，食飯既時候，佢借左我部電話同佢男朋友就講，聽到佢既語氣明顯就鬧緊交，不過我自己都心中有數，健仔講到分手既地步都只係想對方氹番自己，其實我都好想有咁既男朋友，可能我真係遇唔到，之後我地食完之後一齊去左食甜品，食完之後健仔陪我係等車個到傾左一陣計，之後就行左去麥記食雪糕，食完我就番去搭車番屋企了。心情指數：↓-38%
發表時間：2012-07-03 02:42 AM [ 訪客留言(0) ] [ 編輯日誌 ] [ 分享至FACEBOOK ]

2012 年 6 月 30 日星期六

玄之音 - 治療期，第52天，2012年6月30日，雨天	分類: 玄之音 - 治療期
今日黎左彩虹搵左Mary去旺角，我去左買衫，之後就一齊去左雷門食放題，食完之後我地去左信和睇野，佢買左個打喪屍既遊戲，原來中尉同呀兵都黎左信和，咁我地就一齊睇有咩game買啦，點知我見到既係已經出左pokemon既新版遊戲><”…睇黎….我又要破關啦！心情指數：↑-19%
發表時間：2012-07-03 02:42 AM [ 訪客留言(0) ] [ 編輯日誌 ] [ 分享至FACEBOOK ]

2012 年 6 月 29 日星期五

玄之音 - 治療期，第51天，2012年6月29日，雨天打風	分類: 玄之音 - 治療期
今日打風，本身都冇諗住出街，但係就約左個朋友係佐敦，之後我上番彩虹唔知做咩好，咁呆左一陣之後食完野就番左屋企了。心情指數：↑-39%
發表時間：2012-07-03 02:41 AM [ 訪客留言(0) ] [ 編輯日誌 ] [ 分享至FACEBOOK ]

2012 年 6 月 28 日星期四

玄之音 - 治療期，第50天，2012年6月28日，雨天打風	分類: 玄之音 - 治療期
打風都係留係屋企架啦，不過講起打風最近幾年好似冇試過係番工番學既日子上面出現八號風球，真係就算有好強既颱風黎，佢都會自己兜彎唔吹香港，我都想知係咩原因bor- -+！心情指數：↑-66%
發表時間：2012-07-03 02:40 AM [ 訪客留言(0) ] [ 編輯日誌 ] [ 分享至FACEBOOK ]

2012 年 6 月 26 日星期二

玄之音 - 治療期，第48天，2012年6月26日，晴天	分類: 玄之音 - 治療期
今日冇咩特別，如期開咪，不過比較特別既係今日開咪講既係宗教同同性戀，講起我既係唔開心又覺得離開係一件好事，不過講到底我都係覺得咩事都靠自己，願望先可以實現。心情指數：↑-65%
發表時間：2012-07-03 02:39 AM [ 訪客留言(0) ] [ 編輯日誌 ] [ 分享至FACEBOOK ]

« | 4 | 5 | 6 | 7 | 8 | 9 | 10 | 11 | 12 | 13 | ... | 17 | »

ebaby1061989

暱稱： Takki光兒
性別：男
國家：香港
地區：東區