今日我又係如常咁起身用電腦搵工之後做埋自己Blog既野啦，之後就打左電話落樓下整wifi，點知整完之後話比我知係連接唔到出面既時候，我心碎左之後又要我再買過個wifi既接駁器，勁唔開心囉！之後整完，我就換衫出左門口去左筲箕灣食下午茶，之後就去左搭叮叮，係叮叮上面我都諗番同王子一齊既回憶同事，去到西灣河一路行過去太古城個海濱長廊，一邊聽住呢幾首歌「一天一天、一撇、剩下的幸福、天使的決定、寧缺勿濫、十七度、囍帖街」我一邊聽一邊麻目咁流眼淚，流到連我自己都感覺唔到有濕既feel，我淨係知道旁邊既路人同跑步人士不停望住我唔知做咩，其實咁我又可以點呢？…

我好鐘意自己用青綠色黎做字既底色，因為我覺得呢種顏色有一種清新同埋重新既感覺！唔知呢個治療期要幾耐先可以痊癒呢？我今日睇番我之前既日記，由一起身到而家我真係覺得自己係好多愁善感，不過我咁樣都冇錯姐，只係理性得黎有種憂鬱好似幾好咁，今日同呀風佢地打麻雀，令我諗番起王子，同佢係屯門個個夜晚，呀哥突然好嬲點解我去左同佢攪野，佢出賣左自己其實佢鐘意左我，但係問題係其實佢個樣太唔好睇而且我唔鐘意肥人，我自己咁有條件又點解要揀個咁既人呢？男人真係難搵，不過打完牌之後同呀風、Dennis傾計傾八婆野係好開心，不過而家我覺得搵到男朋友比自己真係會係最開心解脫到自己既一種良方。

 係呢段治療期期間當我自己一個人既時候，我的確會有胡亂既思考，不過我發現自己真係有樣野不能缺少既係音樂，電話冇電我真係會死，因為會冇歌聽，當自己一個人既時候，音樂就係我最好既朋友，永遠佢係無形地幫我解脫左一d我自己都放鬆唔到既低落情緒，尤其係最近不停聽番Lady GAGA同某類型既英文舊歌，令我尋回左好多失去既回憶，特別令人有珍惜既感覺，不過始終失去就失去，當今日Mary問我發生咩事既時候，我只係問左一句問題，呢個世界得番幾個正常人咋咩？數黎數去對自己真心既得….十隻手指數得曬既人…唉~!

19日先再一次寫番日記，突然有種唔知點既感覺，又好唔想回憶起有好多唔開心既事，但係當自己領悟到又或者係發現到d咩野既時候，我地好自然就會衝破到某一d既事，開咪有一日講左一句說話我到而家都仲記得「要一齊就一齊，要分開就點都要分開」，係咪預料我知我準備都要分手既呢？係分手前兩日同自己呀哥係電話講其實我預料到我會分手，點知係兩日之後結果真係分手，今次分手令我覺得同性戀係1係0都一樣咁醜惡，樣子好既時候，心同想法都未必係好，但係好樣衰個d就反而相反，點解世界既定律要咁呢？點解有D人永遠感情只為自己，唔為對方而諗下，拍拖唔係一個人既事，係關係到兩個人既心同感情，我好唔明既係暗轉關係刻意被人知道，要分就分囉，唔洗做咁多小動作掛。