聽緊歌既我，又係呢個凌晨既時間寫日記啦，今日同媽咪食完壽司，食緊個陣我同媽咪傾開佢爸爸即係我公司既事，傾傾下個陣公公點樣辛苦，個心有D心酸，又講到公公唔係有病死左，我諗唔會有我既存在，因為公公個陣管我媽咪管得好嚴，而且跟本就唔比我媽咪出夜街，我媽咪仲話拍拖個陣，已經去到人屋企訓，因為太夜無車番屋企，唔通命運真係注定我係生於呢個世界，又要係單親家庭成長？同時間我都諗媽咪今日既一句說話，「係佢攪成自己個仔咁」，但係到底我鐘意男仔又係咪全部因為家庭呢？係都唔定既，又或者唔會全部都係，一個住石澳既人接觸人自然少左，係唔同既。就黎係謝安琪既演唱會啦，好想聽你現場版既脆弱呀，真係會好感動！你呢首歌我每粒歌詞都記得好清楚！

死啦！平時呢個日記係話明日記係一日寫一次，幾時變左一個禮拜一次架，睇黎我都係要著緊D啦>.<”！今個禮拜算係幾開心既，冇咩特別野發生，仲係期待緊謝安琪你們的幸福演唱會2012囉！聽番佢隻歌「脆弱」，突然感覺到寂寞，我的確係好需要伴侶或者朋友係身邊，但係亦要學識收放自如，希望我真係真正學識放手。

2012年終於都黎到，係到祝大家新年快樂，今年開開心心，順順利利！呢幾日我都堅持自己要用開心既心情去迎接新一年既開始，其實到而家為止，我都唔希望鍾柏霖係自己既呀哥，但係有時我都控制唔到自己，佢唔應我時我又會亂諗，佢Facebook打咩就算唔事都好，點都會扯到自己身上咁，不過都冇用丫，有時候幸福都唔係必然，我地點都要面對現實。最後玩開三國殺，幾好玩既，不過講真幾麻煩-____-+。

我真係一個聽音樂既煲歌狂，但係我聽歌都有時候睇心情，陪得我最多既亦都係音樂，情歌都係係最寂寞同感情發生問題既時候聽同唱，有D歌仲利害，一首歌可以導出社會狀況，講政治既好出名有「神奇女俠的退休生活」，講性既話題有劉美君既「私人補習、大開色界」，對於自己黎講，可能我心情最近比較差少少，其實我都會偏向聽D寂寞歌既，我就認為歌詞最重要，因為歌詞先真正令人感動。例如有：脆弱、你們的幸福、囍帖街、活著等等……

祝大家聖誕快樂呀！唔知係咪呢個Member圈子既問題，有時我又會覺得好多姿多彩，冇啦啦又可以鐘意一個人，原來唔出奇！我一路以黎都諗緊方法點去忘記一個人，24號晚我去左搵鍾柏霖去左佢屋企。對於鍾柏霖，我只會講既，我初時的確係利用佢黎淡忘王子，但係一句說話教醒左我：「人無需淡忘，只求大家相方是真心相愛」我對王子都幾乎已經心死，因為佢鐘意既唔係我，而家我都希望將個心拋開將個心放曬比鍾柏霖，突然好想同你講一句：「我愛你」不過唔係咁易，心想講，口不易出。同你上完床個日，唔知點解好鐘意攬住你。有時過左呢一日就係到諗，你唔會攪完我之後就離開我掛，我仲好記得你同我既回憶，你話：「我同你有拍拖既感覺！」當時我聽到真係好開心，唔知我同你既開心會唔會延續落去，我又可唔可以改變到你呢？

【謝安琪－年度之歌】

呢幾日掛住織頸巾都冇寫到日記，不過呢幾日，都係到忙緊D聖誕禮物同織頸巾，我重點都係想寫番今日係王家沙同媽咪傾既野，唔知係咪人大左，識得將D野反覆思考，始終人去到某個年紀或者某個階段會有好多疑問，問到底係自己心目中有咩最重要，但我認為最重要都係大家開心，開心永遠係我媽咪心目中都係無價，如果比我選擇我都仍然智選擇你成為我既媽咪直到永遠！平安夜快樂！！

【何韻詩－韻律泳】

今日個計劃原本係去北角買六合彩之後行下就番屋企等同呀媽食飯既，點知王子打黎，whatsapp番佢原來佢想約我行街食飯，我即刻上番上樓拎番份禮物，原來佢放假，於是我就拎埋所有野去左深水埗陪佢，原來佢要整拉鏈，整完就一路行左去旺角，同佢既感覺又有唔同，而家聽緊呢首歌我已經喊緊，而家聽緊呢首歌我都已經喊緊，I’m Still Loving You！行到咁上下，搭左1號巴士落尖沙咀，我見到佢織頸巾，心諗緊…應該唔會係我…咁當然我係好想佢織比我，但係現實並唔係咁，我個陣太過亂諗，亂中搵左鍾柏霖傾計，分散左注意。鍾柏霖係知既，只不過我都唔想自己太亂諗，因為我仲要對住佢幾個鐘，跟住佢又帶左我去間美容中心，同我洗左個面，之後落左妝，之後整完就去左鼎泰豐食飯，好好食呀！不過好食又點呢，我希望得到既都唔係個晚飯，食完去行海旁影相，但係始終總有好多小動作令我起疑心，我都真係好辛苦！我聽歌，超苦。。

寫左咁耐日記，其實有好多回憶，今日好想講下一期一會，有D好野永遠都只會停留一刻或者一個好短暫既時間，但係你會係當中發現要握得穩握得緊真係好難，易看難捉，正如好似另一個道理，當你唔需要既時候，永遠有好多機會源源不絕送到你既府上，但當你好需要既時候，就算點樣跑盡方法、跪求都好，都冇人比機會你，我地做人都係一樣，要識把握機會把握時勢，同埋要將佢捉得緊，就算當你唔需要既時候，就算打風儲糧食咁，有D野係永遠都唔會過期，唔係佢就好輕易係你既手中流走！

唔知點解今日打開日記好想講錢，講左十七號先啦，七點半中灣燒野食，無諗過見到呀肥同Ceci，好開心同佢地係巴士傾計，好似放低左好多野咁。其實好彩係冬天，同埋係陪Mary黎，行入中灣真係行死人，又冇仔睇，我心諗入黎做咩呢？入到去見到Mary就送左份禮物比佢！但係同時我又感覺自己同番彩虹既朋友熟落番，之後燒到十二點幾左右，因為太大風，唔舒服所以都走左，我同Ceci同呀肥一齊走，之後有個肥仔跟住一齊走，勁唔開心，原來我地只係三個人一齊出番柴灣，點知佢自己講要去鰂魚涌，之後又天后又銅鑼灣，一時一樣咁，想點呀？之後佢叫去銅鑼灣都算啦，因為呀肥方便，所以都冇同佢嘈，都未見過呢種咁既人！
「金錢與人」，而家既都市人睇錢睇得咁緊，加上通賬壓力咁，睇錢睇到好似個天咁大，講到錢就會傷感情咁，錢總比人有種誘惑同慾拒還迎既感覺，但係錢帶黎既好同壞可以係無限咁大，但係我覺得，錢唔係唔重要，但唔係最重要，對於我黎講錢只係一種止痛藥，當有野失去既時候，金錢仲會提供一個永無止境既止痛世界比你，但當你金錢缺少只有你一個既時候，問題又會再次出現，因為由一開始問題都冇被解決，只係比金錢蓋左自己眼睛姐！

抱住鬆弛熊整緊聖誕卡同聖誕禮物啦！好出血呀今日，見到一件褸好鐘意又用左480蚊啦！不過最近幾次同Mary去街，今日真係最開心了！今日懶唔打日記啦，唔多講，要去整禮物！！