番去老地方我以前番學既將軍澳回憶番好多野，仲記得只係讀左兩年中四中五，番去佢地歌唱比賽做嘉賓唱歌，唱番男孩像你，台下有個評判係我以前既藝術老師，佢話今日既你不論造型、你揀歌、唱既感情同技巧，已經超越左我自己，雖然技巧唔係好準繩但係感情豐富番真係唔會大問題，突然間感動差d成為左參賽者，不過當我唱男孩像你既時候，我自己放曬成個心去唱，因為其實首歌講緊既跟本就係自己，同性戀就係自己行緊既路。最近我為民間電台寫緊一個愛情廣播劇，已經係寫稿階段嚕，希望我可以搵到人一齊去做啦，我個願望其中之一都好想自己創作一個咁樣既劇，好興奮呀，唔知出黎既效果同反應係點呢=]？

我以前成日都以為做0仔就跟本依賴又或者依靠身邊既另一半，而家我真正學識拍拖入面既真正意義，其實我跟本就係有智慧有能力既一個解鎖器／解碼藍圖，只係在於個鎖附近出現左一D我面對唔到既影子，Mary係同我食野既時候講：「你又借錢比佢呀？你借得幾多次呀？」，到我諗番轉頭其實我自己真係衰心軟，我好多野都唔敢決絕去做，我唔希望到我做完之後見到個情景係隔住個玻璃拎住個電話一路喊住咁同佢講野，到個陣我後悔我真係太遲，我個陣未同我朋友同Kelvin講呢件事既時候，我第一樣野就係諗其實件事有得兜既，應該未咁快做得咁絕掛，點知我到最後連我後備既佢都拎走，可能係連個天都唔想比機會佢，個日同Kelvin講完比佢狠狠咁話左我好多野，真係好多謝佢，然後既係白米，佢冇介意過我喊又或者其他事，因為佢知道我都好多事壓住好辛苦。

我以後唔會再問愛唔愛，因為我要以行動證明呢樣野既真正存在性！- Kelvin。。

我同佢拍拖已經有一個月多d啦，尋日睇到有句說話我真係唔開心左，「我不嬲都多角度思考啦V V" 買個保險ma (微笑ing)」，之後我就係我既facebook同Kelvin打左以下既呢段說話：「我同你既關係唔想多角度思考，我希望一心一意既對你，我唔想退貨，我地憑我地自己既能力去維繫；我唔想保險，因為承諾過一世愛護；我唔需要保險唔需要其他任何野，只需要我自己無條件既愛。」其實尋日除左呢件事之外，今日番新工都好唔順利，比新老細呃左我一日既時間，叫我聽日先再番，睇黎做呢份工真係會好多野束縛自己，好辛苦，我今日直頭辛苦到我自己喊左出黎，我又可以同邊個訴苦呢？我男朋友又係澳門，點同佢傾呢？

29號係我媽咪生日呀=]，祝你生日快樂，今年要健健康康，我希望你可以繼續係我身邊，當我有咩事既時候，都最起碼我都有人支持同扶持。生日個日就同左媽咪、Jenny、呀東同佢老婆去左食太古城囍宴，真係好好食呀=]。30號Tank哥就放左我飛機冇得去食鮟鱇魚套餐啦，之後就去左彩虹先，放低左d野，去左旺角拎底底，再去上環買去澳門既船飛，之後再番旺角去潮流特區買左個企鵝花束送比baby，之後番番彩虹玩三國殺再同佢地打台灣牌，打到第２朝6點幾，咁我就搭左的士番屋企，第二日起身之後就去左彩虹先，之後7點5出左門口，去左搭船過澳門搵Kelvin啦，不過都幾趕下- -“，去到之後我就搭左的士去新馬路大三巴搵baby啦=]，原來佢唔得閒接我，咁就叫我兩個同事即係佢兩個女接我，佢地見到我叫Kelvin就知道係我啦XD，之後去到佢鋪頭d同事都大叫Kelvin，攪到我都有d唔好意思^^”，之後就坐低坐到11點幾12點一齊去食宵夜，中途佢地係鋪頭拍片，笑死我，哈哈=]，果然係爆笑既一晚，不過真係要睇住baby既飲食先得，佢成日同同事咁食野真係有排都未好得番-.-“，之後同佢個女一齊番屋企，我地上左宿舍見到佢兩個室友，原來仲未訓XD（唔通真係等我黎咩，哈哈），之後入左佢房，我地一路訓一路………..唔方便講啦XD。之後第2朝起身又攪過，12點3出門口去左佢朋友個畢業禮，之後baby就同我去左食水觸粥，食完之後我地因為太攰所以番左宿舍覺覺豬，之後又攪過……-.-“，（去左一次澳門都沖左三次涼XD），訓到差唔多7點左右出門口，點知本身話同我地食飯既兩個呀女放左飛機，之後就同baby去拎佢送比我既手鍊同頸鍊，好有心思既禮物呀^_^，之後我同佢就番左佢鋪頭放低d野就去左新帆船食葡國大餐嚕，真係好好味呀=]！我地食完之後去左大三巴影相啦=]，結束左我地澳門既甜蜜二人世界之旅，其實我真係好希望個刻時間停頓可以永遠都係大三巴個個位。

27號個日，Kelvin黎左我屋企Enjoy左我地兩個甜蜜既二人世界，我同佢係自己屋企甜蜜既回憶我永遠都唔會忘記，同埋第一次同自己男朋友著情侶衫感覺真係好甜蜜好浪漫，我好希望同你一生一世，永不分離！

其實尋晚我的確有D嬲點解媽咪好似唔多關心我而且自己個男朋友又好似關心朋友多過自己咁，我仲驚我打完尋日日記怕Kelvin睇完之後佢會反而嬲左我，點知佢睇完之後冇怪我之如，仲問番我轉頭係咪佢唔夠關心我，之後仲同我道歉忽略左我，我想講：Baby你唔洗同我道歉，因為我地係埋一齊，我已經視你為我心目中最重要！仲有呀你最近喉嚨痛又牙痛我都不知幾擔心，我又咩都做唔到，Mary曾經都同我講過，我都擔句唔黎，而且我擔心你時，你又會擔心番我轉頭，之後Mary同我班好朋友又會連鎖性咁擔心我，我媽咪更不在話啦，我係好唔識照顧自己，但係我覺得有時候我唔識照顧自己咪更加令對方擔心。我最近聽番呀Kay既歌，我覺得我又搵番一種感覺，例如：脆弱、載我走、囍帖街、少女瑪利亞、晚睡早起、愛情預購等等，開心只有一種感覺就係幸福，創造你們的幸福！
Endless Love Kelvin，2012年3月22日！