私のBlog【第1~8242天】
Day 8218~8242 鍾情一個人真係唔洗講理由，由我深愛你個一刻開始，就已經開始將自己成個人投入左係你既身上，唔知你感唔感受到，但係我身邊既所有朋友係真正既感受到我對你異國愛情既感受。有時候真係唔理大家有咩嘈都好，我都係依然愛你，因為我覺得你係鐘意我既人。我希望你係我永遠既伴侶，好像蜜糖的甜蜜，守望都永遠，但願人長久。
Day 7639~8217 都有好耐冇打日記啦,今日已經係2011年,2010年過左我冇理由再帶住D唔開心既野黎新既一年,鋼鐵係點樣煉成架?我好想做番以前既自己,回想番以前當然有開心有唔開心,但我終於明白到媽媽既角色有幾辛苦,當我係呀樽身邊既時候,每樣野都為佢設想,但到頭黎聽到佢做d我唔想佢做既野既時候我突然覺得好似呀媽唔鐘意我做d唔知咩野咁,有時候真係幾矛盾。番工番左差唔多1個月,新工其實已經習慣左上曬手,但係有時間真係要同自己講聲對唔住,因為有時間真係會覺得好攰…好想休息….。而家番工既時候每日都對住部電腦真係可以將所有唔開心投影左係入面,不過話時話,頭個一兩日我既用途都好似係部碎紙機咁- -||….我個位之前個個同事走左之後,留低左太多既手尾- -….麻鬼煩-口-!...呀!唔做都唔知原來勞工處d機構都有幾多既課程讀架bor^.^!好好笑..有一次CHECK資料既時候,發現有個名叫朱玉蓮…佢呀媽個名叫鄧麗珠, 不發其想就幫佢呀媽改左個名叫……碧麗珠XDD….笑死我！我終於都同佢講左我鐘意佢,但係佢11年10月就結婚, 諗起都係仍然唔開心既, 不過我冇後悔過我話要去飲, 因為佢開心既話我自然開心, 傷口當然係好難回復正常,但係我相信終有一日我會變成真正既鋼鐵人。
Day 7626~7639 當人見到別人傷心別人受苦既時候,總之回想自己有冇曾經受過一D既逼害,我仲好記得8月23號係馬尼拉遇難既咁多位香港同胞,我睇完一次我喊左幾日,我真係唔知道可以講D咩又或者可以做D咩黎幫助佢地可以填補番心入面既既重大創傷,見到佢地咁我自己所受既小小傷又算得係咩,一對小小既兒女一日之間冇左爸母,呢種痛係我地有父母/單親既黎得更加傷更加悲。係近呢幾日我突然間去諗左一個問題,我行同志呢條路到底正唔正確,冇錯的確我跟本就係鐘意男仔,但係我發現我行左呢條路之後我會失去左一D係教會既朋友,真係兩難,我永遠都唔知道我既未來會係點,我既未來係由自己去決定會發生咩事,但當我決定呢樣野既時候我真係做左一個非常之唔好既決定,到而家我仲諗緊呢個問題,到底係岩定係錯我自己都冇辦法去判斷。由學校時期既我開始已經覺得自己既人際關係唔好,我已經盡力去做好架啦,點解都係唔得既,唔通真係要好既時候真係要做D我認為不必要既野?我真係唔想再生活係一個咁攻心計既一個世代。我好辛苦!
Day 7561~7626 (03/09 update) 人到底有幾多想做既野,有幾多開心有幾多唔開心,係數之不盡但係認真諗下,有咩開心同唔開心既經歷係真係好深刻呢?我相信到而家為止一定有既,但係冇人會估得到呢d野會係幾時發生而發生左唔開心事既時候,往往都係唔識點處理,如果係你,你會揀一個咩方法去解決一d你唔識處理既唔開心事情呢,我相信你地都會揀一樣令自己或者大家都開心既解決方法。
Day 7547~7561 (29/06 update) 當屋企有人整家具既時候,又係我寫日記既時候。我最近聽緊好幾首歌都好好聽,但係我都唔知點解由我聽完幾首歌開始我覺得我開始改變左自己既諗法咁,好似短罪、改造人之戀、灰伯爵的忌廉遐想、苛索咁,都係講有關愛情感情之類既作品,但係我喊左出黎,因為可能係自己身上既野太多啦,我都冇辦法承受到,壓力太大都想搵個辦法去發洩。
Day 7434~7547 (15/06 update) 唔知點解今日突然間想寫日記,都真係有好耐冇寫啦 睇番個日子都有成4個月左近冇打日記啦。呢排發生左好多事,但係當我回頭望既時候 我發現原來呢D只係好小既事,反而到我自己做到一D以為自己做唔到野既時候 反而會覺得好開心好滿足 原來呢d就叫做幸福既世界。呢段期間已經學識埋人與人既相處唔係在乎與日日見面,日日既msn同電話,我覺得而家感情已經可以放低到落黎,反而朋友,屋企,工作先係我人生入面最重要既三樣野,之前Maggie佢講得我岩既一樣野 當我冇野做好靜既時候我會諗野有時仲會亂諗左tim,但係我都改變唔到我想做既野 但當自己係一個普通冇咩特別既人,我會生活得更加開心。拍拖?我冇諗呀 不過有既當然好啦 有邊個唔想番完工有個伴侶係隔黎陪下丫,翻兜自己愛過既人 唔知大家覺得好唔好笑,但係我覺得好想大叫,其實都幾辛苦,不過都值得丫 因為都曾經開心過。黎緊我就要去睇王菀之同張敬軒既音樂劇嚕,開心期待佢地既高八度演出。以前過去左既事 朋友也好 什麼都好 由呢到重新開始新既一頁。
Day 7420~7434 (22/02 update) 好耐都冇寫日記嚕。 今日有D特別野想寫,唔知有冇人覺得回憶唔重要呢?!或者可能有人會覺得唔重要,但係我自己覺得好重要,佢記載左我地既童年,過往點樣由錯誤中得到學習同結果,反過黎睇番原來咁樣係唔岩,但同樣地回憶亦可以帶比我地有仇恨,我自己有一個好深好深既經歷,當冇左親人家庭既小朋友長大後,腦入面仍然遺留住一d令到呢個家消失既人對佢既僧恨,會好想佢唔存在係面前,但係結果都係念在曾經係家人既關係都打消左呢個念頭,我想同各位分享一樣野係放低仇恨 成為向前既正能量~
Day 7415~7419 (星期三~星期日) 我呢幾日有種感覺,我好似鐘意左彩虹新黎既一個大學生~唔知結果會點呢?我都希望將寬限期慢慢咁發生落去^^
Day 7410~7414 (星期五~星期二) 有時候朋友問起我咩係寬限期,偶然我都問自己一見鍾情會唔會真係咁理智有諗到寬限期呢樣野,人為左生活咁大壓力好似好多野都好唔開心咁,生活唔通就係為左唔開心?生活既定義係去享受而唔係真係辛苦。
Day 7408~7409 (星期三~星期四) 星期三我去民間電台開咪既時候,播歌播到去一半我自己係SLOWNESS大碟入面又體會到少少野,有時候真係覺得慢歌太多,又唔會話真係去揀番快歌聽,因為自己發現到自己聽歌係睇歌詞而唔係只係曲風…呢點先係最重要。
Day 7403~7407 (星期五~星期二) 上天比左好多野我,但係同時亦都拎走左我好多既野 唔知當中有冇d野我係真係好唔捨得咁比佢拎走,當然我知道一定會有 我亦知道係d咩 但係奈何呢d野跟本對我黎講想要但係冇益處,我點解仲要繼續問天拎番呢!!! 天使的決定都決定了很多問題,我現在要靠著你的指點了。
Day 7397~7402 (星期一~星期四) 我覺得呢幾日真係好似M到咁 得罪好多人~算啦 我聽完呢首歌真係覺得冇咩啦~~有一種快樂^^!!
Day 7394~7397 (星期四~星期日) 呢幾日我最深既體會我諗都係要忘記傷痛,其實呢樣野真係幾痛做到既事,當被人提起,問起既時候真係會啞口無言,但係過左之後你又會回憶到好唔開心為咩要咁做,而要知道愛情要有寬限期,每一樣野都好似變左要做到好恰當先有人讚賞,我好怕到左呢個時候我睇野會越黎既越清楚,會令到我冇太直接,冇人再喜歡我。
Day 7387~7393 (星期四~星期三) 我咩都唔講啦 只係講我今日開咪都算係好成功^^ 希望有D改進既位可以有待改進^^
Day 7386 (星期三) N/A!!! 真係冇咩特別發生 好開心!^^
Day 7378~7385 (星期二~日,星期一,二) 話咁快就2010年啦 總結番其實好多野都詔得好快,我做樂壇成績表既時候都覺得係時候都應該搵番D慢既歌,黎調和一下呢個咁快既節流^^。
Day 7376~7377 (星期日~星期一) 冇咩特別呀^^ 呢兩日都好開心~
Day 7371~7375 (星期二~星期六) 有時候真係覺得唔只時間可以弄淡一樣野,連遊戲、音樂、工作、做野做野做野、食野等等都可以忘記唔開心既野…等大家都試下丫XD..星期一買左謝安琪既新碟《SLOWNESS》入面十首歌都係用緩慢黎做主題,成個禮拜都係聽住佢個首歌,我個心情唔知點解因為呀Kay而開心左好多。多謝你呀~Kay^^。
Day 7370 (星期一) NIL~冇咩特別….
Day 7365~7369 (星期三~星期日) 呢幾日都幾開心丫,將D心情放曬入伊希歐之夢呢隻遊戲入面 未見得有幾煩惱 好開心^^
Day 7362~7364 (星期日~星期二) 有時候做既野未必如意 我都覺得好辛苦 呢幾日我都係諗住同一個問題 我真係好掛住你。!
Day 7361 (星期六) 人若然受創既時候 講咩都覺得自己冇錯或者做得好錯...但係我自己覺得我冇權亦都冇能力去解決任何事... 但我點都有能力去做我想做既野...我事實係好鐘意你就係因為鐘意你我先咁激動去問你呢件事..女共男均等競賽 感情冇得爭...亦都唔係必然 要辛苦就由我一個承受啦... 我只係想你開心 我唔想你嬲我而唔想因為咁而關係變差..因為由頭到尾 都只係想你開心... 受左傷既傷口都有永遠既疤痕 係冇辦法補救 唯一既辦法就只可以令自己唔去望到個疤痕 而且我亦冇諗過得到d咩 我只係諗既係我付出未必有我想要既結果 但係我仍然會繼續落去。因為我知呢d就係愛情..愛情真係可能唔長久 但係人人既想法都唔同 因為愛情得失 失去自身...咁樣更加唔值得 所以我就算見到任何不如意既事我都自己收埋,我係唔會大鬧情場。
Day 7358~7360 (星期三~星期五) 星期三,四都晾樣係同d同學一齊去做報告啦~唉…做到日日都要開夜伯8手好辛苦呀!!!! 尋晚終於都可以休息番一日,去左飲 終於都有得係屋企休息下啦~今日星期五又係去左彩虹開吹水會,今日得好少人咋 我真係希望大家除去對彩虹既偏見上黎丫。
Day 7353~7357 (星期五~星期二) 都唔知點解黎黎去去既感覺都咁奇怪,唔肯愛情就係咁既事~?!?!...近排鐘意左D懷舊既歌,聽聽下心境又好似轉換左去另一個地方咁,而家諗到既只有原來過得很快樂,但我有可能做到改造人之戀嗎^^?!
Day 7352 今日你SD過黎既SMS又多左啦,到底你想我對你點架?!而你又想我離開你定係繼續去愛你,我真係好想知道個答案到底係咩,你可唔可以話我聽呀,係咪因為真正既愛情就變得好唔穩...近排我對呢幾句歌詞好有感慨「誰會以真心的對我 如若說出口可信麼 人無須許下承諾 只怕甜言蜜語出錯 用我雙眼看會否清楚 問那位真心的對我 直覺推測應該會是沒有錯」。對住呢幾句歌詞我會覺得我可能做完都冇結果,都要繼續做,因為呢D就係叫做真正既愛情。
Day 7351 你地真係好令我唔知點,點解你地有事既時候就搵我傾,當我唔開心想搵人傾計既時候你地就個個走曬去,因為我乞人僧,我好討厭?我唔直得人愛,我唔想自己做一個咁既人呀！
Day 7346~7350 (星期五~星期二) 呢幾日都冇咁得閒同心情去寫我既日記 到今日再寫番既時候發生原來都已經發生左好多事架啦。而家諗番香港彩虹而家同以前既時候,真係發現係呢半年黎彩虹咁耐,當而家去彩虹既時候,冇左當時既靈魂係到,真係突然既感到失望,但亦都唔希望因為發生事而令到佢地既活動有所停止,因為彩虹係屬於大家既地方,感情事進展..雖然他對我仍然的忽冷忽熱,但我知這只是一時刻的事,我會好好繼續努力。
Day 7343~7345 (星期二~星期四) 預其得唔到既野不如享受其中,我呢3日所講既只有5個字 我愛你.蕉仔！
Day 7339~7342 (星期五~星期一) 人心難測,都唔知人既心理點估,如果比我揀,我當然會揀一條比較順利D既路去行啦,但係愛一個人就係咁辛苦,咁刺激,又咁緊張,真係想永遠記起呢D時刻佢,因為我知道一走左,呢D時刻好快會過,但係我點都會記起呢D又凍又暖既回憶,因為我知道呢D都係人生既回憶,最重要既回憶記錄冊!
Day 7338 今日星期四照樣係去左彩虹當值,唉...遲到左,因為真係超唔開心,聽到呀奇話呀蕉對我冇feel,但係我都照樣SD左個SMS過去比呀蕉同佢講我真係好鐘意佢,但係係咪因為一個SMS而關係變差我自己都唔知呀,我只係知如果我唔咁做既,我就永遠都唔知個答案係點架啦。所以我好想知道答案,我就好打左好SMS過去話我真係好鐘意佢,想同佢拍拖!我不求可以得到你,只求唔拍拖都可以做好好既朋友。
Day 7337 星期三既我仍然係留係屋企搵工,搵工期間我繼續睇番未睇完既個本心理書【對你好的人,不一定是好人】,睇番發現自己近排個念頭又開始番黎,唔可以比呢種諗法直擊我,因為我愛既人係我面前我一定要珍惜,你是我最愛的人,呀蕉我係好鐘意你架 希望我既心意你會明白.....
Day 7336 今日都係照樣打電話SD信去搵工啦,英文班都完啦,得番個音樂班一路咁上,始終我都要搵番份固定既工作,其實比起我真係好開心,真係搵到我自己一個好鐘意既人,但係唔知點解見到人既時候佢會咁樣SD SMS比我,呀明個陣都有講過我知架,小虹既野,但係我唔知點解對佢好似冇咩特別咁呀。同人講又好似遊戲完左咁,但係又唔係冇金幣繼續玩,呢個道理一樣,你有咁既物資去做你想做既野,但係可能就係因為環境既因素,所以每個人拎既資金都都各有唔同,隨時有用完既一日,補足既地方唔係單單係愛情方面,而係可能係家庭各方面,自問我自己就冇咁既能力去係家庭到補足,但係不如意既應該係好多野,不過我真係唔識去處理每樣突如其來既事,屋企人死咩,我試過呀,同我仲好親,但係呢樣亦都係成為我路上既其中一環,我個陣好傷心,喊左好耐呀,到底爺爺為左咩要離開我,個天做咩要搶走我最愛既家人,搶走左我就咩都冇,個陣時先知道咩叫失去左既野係拎唔番,由個陣開始,我同自己講人地要搶我既野咩,我要同佢爭到底,要搶到手為止,我唔要做輸個個,我要做贏個個,而家既我無錯係冇用呢個諗法去做人,但係唔知點解呢個諗法係近日又出番黎,唔好再係我面前做呢D野,我覺得好辛苦呀,你地可唔可以放過我,比我一心一意去鐘意一個男朋友同識朋友,我唔想連呢兩樣野都冇埋呀。
Day 7335(Monday)(Special Track) 愛一個人係一個好深遠既學問黎..好係呢幾句歌詞咁講”未是你那公開愛人 但是有愛 偷偷一吻 甜蜜還要學放開 無流淚 共你相聚 是我的罪 自願相隨 那懼愛所連累 共你相聚 明明是很不對 誰要對 幸運是短短的相愛 再痛也應該 或共伴終生都不愛 那個更悲哀 若日後她午夜夢迴 如明瞭大概 別承認當時我是最愛”,而家我未係你公開既愛人但係我對你係有愛 仲想錫你好多野都想同你一齊做 有可愛甜蜜都要放手 唔可以喊 諗到同你相愛係自罪 係我自願去愛你 明知呢段係一個短短既愛 但係都盲目咁去同你相聚 再痛都應該 蕉仔不論你鐘意我還是唔鐘意我 我都希望知道個答案令自己都唔洗永遠都辛苦 雖然享受 但最終也會係承認當初既愛是最對的決定。
Day 7334~7335 星期日我去左教會朋友既畢業典禮影畢業相..都冇咩特別既..星期一就照平時咁朝早上堂 然後每日都一直一直咁愛住你 到而家為止對你既感覺都冇消失到 只因為你既答案都未比到我既時候 我既感覺到你呢一日都唔會變!永遠愛既人只有你一個。
Day 7333 星期六我仍然係去左彩虹~但係我自己覺得成日都係因為你而煩惱 就係因為我愛你而感覺到煩惱 但係點解到左呢一刻我對你既感覺仍然係咁深 呢D感覺唔係我自己作出黎 係心入面發出黎 你同我講過你唔會將個心交比任何人 但係我好希望你可以同我嘗試發展 我唔想我永遠都係孤伶伶一個人 需要我知道我可能要面對一個好差既結果 但係我行得呢一步我都預左我會遇到咁樣既結果。愛一個人係我自己既選擇 愛一個人係唔需要任何道具 鐘意你我會預左會為你流淚 眼淚會係我面前流落 直到你愛我為止 或者呢個時間要維持好耐 但係我好願意為你去等 因為我真係好愛你。
Day 7331~7332 星期四至五 我都係彩虹..而且星期五我同我鐘意既人一齊食飯已經好滿足啦 但係係咪因為可以同佢一齊食飯就滿足定係真係擁有佢比較好呢 我而家鐘意你真係好愛你，點解我要繼續咁去封閉住自己既感情 永遠都唔開放出黎..咁樣忍住真係好辛苦既事。
Day 7325~7330 星期五~星期六去左彩虹幫手Pride Day前準備~星期日係Pride Day大日子我都有一齊去幫手 但係因為我既媽咪唔太喜歡我出鏡既關係所以我冇遊行 淨係負責其他部分既幫手 做落其實對自己都有好多野既幫助 而且都好累^^" 星期一,二,三都係屋企休息同搵工 繼續努力^^
Day 7322~7324 星期二~四都冇咩特別既..都係開下pride既網上會- -" 傾下到底星期五,六點
Day 7317~7321 咁大家都知道11月1日就有我地既pride day活動~咁我都好希望大家都係支持我地既活動^^ 呢幾日都好忙咁幫手1係pride day~發生既事都係周圍身邊既朋友 所以都唔係太大既問題.___."
Day 7315~7316 星期二,三冇咩特別 平淡度過
Day 7312~7314 星期六既時間我又係彩虹打下牌呀 之後夜晚就去左G-point,DYMK,LAB,EXplore 唔知乜到做義工 好開心呀 尋靚仔呀XDD 星期日就開義工大會啦~星期一就去左學日文班!!我日文名呀XD ヒカル!!!
Day 7311 星期五照樣上左彩虹吹水會 不過我就對呢幾禮拜既題目冇咩興趣-___-"，但係我覺得呢個禮拜上彩虹唔知點解開心左..唔通因為咩煩野唔理就咁^^?
Day 7310 今日星期四呀 照樣係係彩虹當值 去到11點幾12點先走-____-" 不過打牌都有既~好開心呀 彩虹第一個役滿..嶺上自摸小四喜^______^"
Day 7309 尋日我覺得係我諗番屋企同呀媽嘈交咁耐以黎 最開心既一日 好似將所有野都爆曬出黎咁..我比自己98分^^
Day 7308 今日冇啦啦突然同呀媽嘈交諗番起細個好多野都令到自己好唔開心 點解一個呀媽可以拎起把刀黎威脅我唔讀書 又比呀爸話唔讀書 然後就打我 我突然對呢個家好冇信心..
Day 7307 唉...又係例牌星期一要搵工既時間..我諗起我原來之前寫低左電話~今日打電話又係冇回音..希望可以快d搵到工做 冇野做好無聊呀..
Day 7306 星期日冇咩特別仍然係彩虹過完夜之後打牌打到5點半左右就去呀婆個邊陪佢食飯~
Day 7305 星期六 我兩點幾出去 三點幾到左彩虹 見到佢地成班係曬門口 原來入面有人開緊會既..到左夜晚 我地照樣一齊打牌 大家開開心心 不過知道左呀傑比人話到唔開心就覺得有D嬲 因為點解佢地講野咁唔經大腦..之後11點半就同左天風佢地去落bar為同志大遊行2009籌款 好緊張又開心..但係去到G.point既時候 心情就慢慢跌左落去 因為我見到我以前既舊ex係到出現 之後我一手將籌款箱姐住自己個樣先 然後就同天風講話 我想行開一陣 本身就去左後樓梯企既..點知見到男廁就知佢一定會有機會入黎所以就去左樓下大街個到喊..其實一見到佢面既時候我就覺得好辛苦..因為一見到佢個樣 以前咩唔開心既會一幕幕咁係個腦到出現..開心既係我第一次幫手籌款就可以籌到好多既錢.___."
Day 7304 星期五既時間 我例牌都會去彩虹吹水會 完左食飯照樣係同佢地打牌既~冇咩特別既一晚
Day 7303 今日星期四我又要番彩虹當值嚕.__." 不過去彩虹之前去左旺角買左件褸 都幾靚架 不過未行到去買 我竟然係旺角撞到呀哥 我突然有個預感 我今日會行運 跟住到食飯既時候 好開心原來我自己煮野食都差架wor...XD
Day 7302 今日係生日之後既第一日 我覺得好似踏入20歲自己充滿力量 行街同去彩虹做義工都有力好多 又幫天風寫左一篇文 勾起自己由做MB到而家 好多開心又或者唔開心既野 經歷左咁多 我都應該係時候 開心咁面對所有野。^^"
Day 7301 10月6日呀!!!今日好唔好彩地 撞正時間要去考英文試-_____-" 兩點~六點留左係堅企溫書-0- 未完之後同左呀傑佢地去左食飯 有D失望既係聽唔到佢同講一句說話...><
Day 7300 星期一 今朝去左上堂 音樂~聽日Miss話生日比我唱番我鐘意既歌..好正呀~~
好多Demo><!! 好期待聽日同呀傑食飯影相^.^"
Day 7299 星期日又係成班馬騮係彩虹過夜-0-" 訓到3點幾先肯起身-__-" 不過有樣野都始終冇變既係 彩虹仍然都係我地既屋企...
Day 7298 今日星期六我地一齊去左城門水塘個邊燒野食..同埋我係呀昊身上學到唔少帶活動既基本野 咁下次我有咩都唔會有錯..咁有好多野當然有不足既地方 但係個會都仍然順利進行 太好啦！仲比我識到個家姐 真係好開心呀-3-"
Day 7297 星期五我照樣去左彩虹 但係因為自己近排發生左D事所以電龍就搵左我去同佢地傾到底發生左咩事 點解會咁..仲有好多既sms都令我意想不到..不過算啦 一切都係某某仆街既胡言！
Day 7296 如果呢個世界冇咁多選擇既 冇咁多是是非非 我諗呢個世界係好美麗..但係我知道呢個事實係冇可能變 冇可能去逃避..只可以講既係 小熊 這是我對你說的說話:I am saving all my love for you,and Call Me When You're Sober!!
Day 7295 我真係覺得我唔應該為左一個蛋散而嬲或者傷心 因為我覺得而家最應該做既野係拉番我細佬上水唔係仲要推佢去死..我希望我真係有咁既能力做得到..
Day 7294 點解你地個個都要同我講對唔住既姐..我要既唔係只係一句對唔住咁簡單 我真係希望你地做到既係行動唔係說話囉..你地雖然講得出應該做得到!!
Day 7293 今日又係新個禮拜既工作開始天..我收到個壞消息..但係我當時既反應冇咩野 我知最後都係我贏!
Day 7292 去左彩虹過夜 星期六去星期日既夜晚 全晚就打牌冇訓 又台灣牌又日本牌..最後我仲好記得有鋪我竟然贏到 冇訓覺既情況之下可以咁- -"
Day 7291 星期六既時間我照樣去左彩虹先 跟住我去左見我媽咪同去飲..我真係冇可能左去飲..去飲d野雖然好食 對住D人我真係頂唔順..唉...
Day 7290 今日開吹水會 我同小熊既關係又密切左 但係我唔可以咁快上人住..因為人地都要繼續讀書 唔可以攪到人地成績差既..呢D野一定要慢慢黎~~
Day 7289 今日又係如常係彩虹星期四既當值 我發覺我同小熊既距離又近左-_______-" 係咪真係鐘意佢連我自己都未知XDD 我好笨呀-______-!
Day 7288 我覺得人就係咁 嬲既時候可以好嬲 但係要原諒一個人竟然可以係一日之間冇事發生過 朋友就可以咁神奇既關係 今日去左旺角有人送左份好大既生日禮物比我xD..係一副好靚日本麻雀~一定會好好珍惜~~
Day 7287 呀和哥哥 今日係我第一次唱歌你聽 你話我唱歌有改進..我唱微笑的魚個陣你聽得好舒服我覺得好開心呀 希望我可以係你身上令自己唱歌仲有改進^^
Day 7286 玩左幾日 今日又要努力搵工之如都要係屋企休息 幾日玩完真係超辛苦..個日冇曬力 食埋藥真係訓到好晏先起身 累死啦~~聽日又要繼續努力...
Day 7285 今日去左呀婆屋企..條利超痛..生曬飛滋 真係救命呀...我夜晚食飯之前都去左買藥膏去擦 而家擦左係冇咁痛 但係都要持續幾日-口-"!!!
Day 7284 今日又係去左彩虹 媽咪又應成左比我係彩虹過夜..好開心呀 又有人陪我打日本牌..而有人陪我訓覺 都幾舒服既一晚..
Day 7283 星期五 係我既大日子呀 今日係我係彩虹第一次帶既吹水會 仲要係講第三者既問題 有時候我自己都覺得做第三者回想自己係咪已經做緊 但係做緊既係隱形第三者 同埋我又衰多口講多錯多..不過我自己都有反省 下次應該唔可以咁做...同埋我覺得第三者比我既感覺好似傷害緊自己既野咁...
Day 7282 今日星期四去左見醫生 之後去左剪頭髮..剪左就去彩虹..超唔舒服..又咳又鼻塞..咳到我腰都痛埋...唉..好黑..做咩咁病架..
Day 7281 今日3點幾去左睇醫生- -...醫生仲叫我打支針 吉落黎雖然冇咩感覺 但係一樣有D痛架T____T" 同埋我發現打左同未打冇咩分別 一樣都係咁咳 我知呢D唔係神藥囉-____-"
跟住去左太子交收D野 然後去彩虹竟然真係見到傻B囉 真係超滿意佢..真係想吊7佢的說!!
Day 7280 唉 我咳得好緊要呀...仲辛苦到訓唔著 成日就係咁咳 咩都唔食得咁..咩都要戒口..
唉...好番我一定食個夠本!!
Day 7279 今日果然比我講中打風-____-" 我同中尉去左睇手繩之後就番左屋企 今日同呀俊傾電話先知而家鐘意佢既個個人係一腳搭兩船...我覺得呢D野我有必出手阻止..同埋我發現我而家最愛既野永遠都只有一個人..就係佢(係朋友既話你地會明白既)...8號風球 巨爵做咩唔早幾年黎wor..XD
Day 7278 星期日我都係彩虹留到10點先走...不過開心既係 我終於都可以明白到他人既感受..可以理解同埋可以幫人分擔一下...同埋識到新朋友又可以一齊打牌啦 好開心既3日呀~~
Day 7277 尋日走左之後 今日星期六再上過彩虹~我去左彩虹之後 6點去左顯理同教會既朋友一齊聚會..然後番彩虹同中尉佢地繼續打牌 過夜 我仲好開心呀 可以同呀傑一齊訓._____."
Day 7276 今日係星期五 我地開左義工會 決定左我有兩個吹水會 同兩個活動攪..吹水會我準備要帶兩個題目呀..第三者既出現同埋愛恨交叉點..帶活動個邊 我準備要帶麻雀皇大賽同中秋節既BBQ活動...義工會完左我完全感受到天風對彩虹呢個地方既歸屬感..
Day 7275 今日去彩虹當值 點知我睇醫生遲左去 不過估唔到今日比平日仲多人..不過呢排太多人入醫院..都唔知發生咩事 而家到呀俊入左醫院 仲話眼有事 而家仲好擔心佢呀..!!
Day 7274 今日係屋企發呆左成日 果然係病左食藥個人會成個散曬咁..聽日又要去見工啦..唉..都唔知呢個身體捱唔捱得住 不過頂唔順都要頂住上..我要搵錢呀!!!
Day 7273 醫生醫生 唔打針得唔得呀-_____-" 今日終於落係小光既身體之上啦=-=" 唉..前幾日都發覺自己有D唔係好對路..個鼻塞到透唔到氣 加上又打唔到乞痴..真係叫曬救命咁-_____-"今日終於都肯去睇下醫生...食左3次藥都好似未見有好過咁 嗚嗚T______T"
Day 7272 婆婆今日約左我同媽咪去左尖東百樂門飲茶..海鮮沙律卷好食呀XD~之後陪呀婆行左陣番屋企打下牌 輸左D咁啦><"!!唉..自己唔爭氣 感親 傷風呀..聽日要睇醫生食藥><"
Day 7271 今日星期六係中尉既生日..見到Watson對佢又好好咁 突然個心有D羨慕既感覺出左黎...唉...都唔知做咩事呀俊同呀聰又對我好差咁...都唔知佢地做咩野..
Day 7270 今日5點幾上到彩虹 見到中尉出院冇事都放心D既 我覺得咁樣KK都會好安心 我知可能而家我既事可以慢慢放低先 但係今日去完迎新會 下星期會負責彩虹中心既當值我覺得對自己都一種挑戰~~我會做得好好
Day 7269 今日約左Jimmy同呀俊一齊去睇中尉 見到佢冇咩事走黎走去 而且聽到個好消息話中尉聽日終於可以出院 我都放心曬 聽日中尉可以一齊打牌啦 好耐都冇同佢打過 好開心呀~~
Day 7268 Today又係去左睇中尉 不過KK聽日走啦 我應成左KK要好好照顧住中尉 等佢番黎將中尉完整咁比番KK~我知咁又可以多樣野令自己成長同學習 我一定好好睇住你~~
Day 7267 今日好累呀..唔知做咩黎..不過今日同中尉傾電話傾得好開心 而且KK仲叫睇住中尉 我一定做得好...
Day 7266 唉..今日心情非常之沉重 中尉..我希望你真係可以好番 身體好番可以同我地一齊去玩..當我知你有事 你係的士個陣喊 我個心都喊埋出黎 但你仲有好多身邊既朋友支持你..包括我，希望中尉快D好番啦....
Day 7265 今日既日子真係好開心...我今日約左KK,中尉同呀聰去左石澳玩..而且仲去左我屋企到玩PSP呀 玩沙呀咁~~跟住去左彩虹我地玩左非洲話事啤..超好玩XD..我好開心偷到我心目中最想偷既個四人既桃XDD 就係XX,XX,XX,XX~~大家估下啦A_________A"!!
Day 7264 我今日比自己心情指數分係99/100!!我好開心..今日好多人都比我攬過><!!中尉,KK,呀恆,小聰,雪雪,呀俊,呀傑!!不過最開心都係打牌..見到好多朋友都陪我打台灣日本牌..小聰陪我行街喊完都值得..
Day 7263 今日又係一日招工既日子 我寄左10幾封E-mail出去 希望有回應啦 另外我今日係屋企聽歌 睇景既時候我諗到一樣野 可能有時候自己既問題令到自己好煩惱 但我知咁樣一路落去唔係辦法 所以我覺得我應該去將自己既感受講曬出黎 一次過爆發就好
Day 7262 今日去搵工 又係一個冇得IN既機會 之後去左搵呀聰陪佢朋友買野 and then去左彩虹打牌 今日既心情真係好差 同呀聰食完野行左去旺角之後就一路傾計 行緊去旺角個陣我既心情真係好想喊 唔知點解越行越叫自己忍住唔好喊出黎 呢d野我真係忍唔到..
Day 7261 呀駿今日陪我去左葵芳個邊做個會員去搵工 都唔錯既._____." 之後就去左天水團 我咁大個仔都係第一次入去 而且我發覺係入面買既野食仲平過香港勁多..做乜咁架-_______-||仲有呀 我今日終於知道我永生既興趣就係打麻雀!!XDD
Day 7260 去見工 又失敗- - 係我自己選擇唔做 要考牌既我死都唔肯..而家有得比我揀點解我唔去揀工做姐._______." 聰~ 唔好嬲我啦><"
Day 7259 心如來水 我覺得有時候事情發生左係永遠都有傷痕 但係我覺得既係朋友最緊要大家明白對方 有咩都拎出黎講已經好好
Day 7258 如果我同你地講我今天我既心情可以話去到谷底唔知你地信唔信 但係我今日遇到既事竟然有人話我鐘意左我姐姐 但係我真係唔明點解有人可以咁樣理解到 大家可唔可以睇事物用另一個角度呢..聰聰我係到同你道歉...
Day 7257 今日約左呀俊同聰聰去行街之後上左彩虹打牌..跟住吹水會完左 我見到呀俊走左 聰聰又唔係幾開心 所以今日都早走左..12點就準時走左..不過識到呀恆同雪雪都唔錯丫
Day 7256 聰姐 thank you~陪左我成日..我今日開心左好多了~
Day 7255 聰聰今日做左我家姐XD..有人照住我~~哈哈 多謝KK日本牌比我食左鋪國士無雙^_^"
Day 7254 好彩有好多朋友陪我傾心事 我都可以放低少少野(thx 俊,KK,聰姐,中尉等等...)
Day 1~7253 太多太多數不盡了 之後的會一直填寫上去._____." |
