上次講到打完牌之後既事，番到屋企有事發生，有一個朋友我同佢講左本身12點1點左右走，因為本身有個朋友第朝要番早冇諗住打咁夜，點知打到２點幾３點先走，番到屋企見到佢既post竟然話我講大話之後又whatsapp話我做咩唔應佢facebook留言，其實個刻我只係諗我想快d打完咪唔應facebook同whatsapp囉，而且我冇義務同佢講我遲走架wor，然後既係我覺得我facebook成千個人，唔通我個個都應咩？我應唔應係我既事，唔關佢事架wor！佢仲要拉埋其他人差佢錢黎講，我個下真係有d嬲。18號約左Mary去睇詹sir既女人之虎挑剔女皇，睇之前同Mary講左呢件事又比佢睇左佢比我既whatsapp，連Mary都好想鬧佢，但係站於佢遲d可能會去彩虹麻雀比賽，咁我同Mary先冇打算出聲，不過講真個舞台劇幾好笑同好好睇^^！19號成日都係柴灣呀=]…！

最後補一句：永遠深愛著你，Kelvin X Takki！

連續好多日都大霧又陰天又濕，終於有番幾日都係天氣晴啦！星期四個日去左見工買六合彩，之後同媽咪去左食泰國野，食到好飽飽因為好好食^3^，星期四真係冇咩特別嚕！星期五我就去左搵Mary，之後我地去左打機，打完之後佢就陪我去左旺角買電話套買完去左影貼紙相，我地永遠都係兩妹妹、兩兄弟，而我亦都希望能夠成為張柏健既好知己好兄弟！我地影完之後去左食味千拉麵，點知係個到撞到包包，佢同我差唔多高咋XD，我同Mary食左個2人餐，食完之後就搭車去左銅鑼灣啦，去到紅屋我地就開始打日本牌嚕，都幾開心既一晚丫。到今日嚕，成朝都叫悶，做完自己既功夫之後係屋企呆左四個幾鐘，到5點幾既時候媽咪就煮左d野比我食，食完就換衫出去，今晚都算勁啦，贏左840番，有史以黎最多，不過今日d牌真係好順黎得好！不過有件事令我幾嬲下....
下回分解。。。。

今日係白色情人節，祝大家有情人既甜甜蜜蜜同情人過呢一日，冇情人既大家都開開心心！我成日都覺得自己係人生入面已經算係好好彩既一個男生，但係奈何有時候命運到某一個階段我地總要面對我地唔想面對既野，對於我黎講我其實好唔想自己一個完整既家庭被破壞，但當我順境既時候，又比一種最甜蜜既愛人我，唔通呢種係真正既先苦後甜？今日係白色情人節，我特登織左一條白色既頸巾送比Kelvin做禮物，佢送比我既係一對既情人米奇老鼠衫，其實我真係覺得好開心好幸福！（雖然我好似得罪左bb咁><”）Kelvin黎左我屋企之後，佢就望住我屋企周圍睇，出左露台望出去，我感覺個刻好似同佢出左外國旅行，係酒店既露台攬住一齊咁！我地係屋企攬住比佢種左草莓之後（>３<”)，之後我就換衫去左民台比左d資料spooky兄就同Kelvin去左食飯拍拖啦，去到旺角仲一齊影左貼紙相，一齊去左食甜品同睇戲，係戲院入面我地竟然做左ｄ係街唔見得光既野(XDD 我面紅ING)，不過唔緊要啦！始終佢係我男朋友，我永遠都要愛錫佢！
我愛你，記下了我與你的回憶《3月14日》

最近呢幾日天氣都冇咩變過，成日都係咁有雨有霧，其實我都唔係咁鐘意，不過始終係春天係咁架啦。呢排覺得楊千嬅隻大碟火鳥講雀鳥令我睇到好多花鳥蟲魚，唔知點解我最鐘意既都係鳥，總係比我覺得有一種自由自在既感覺，呢幾日我有時候都會自己諗，世界上仲有咩係最重要既呢？原來我係會驚，因為我覺得我心想既野越黎越少，而有時候一期一會，見得到一次，第二次見原來已經唔係呢個世界上面啦，咁唔通個天真係咁唔通氣，要比一D唔好既經歷我？不過唔緊要啦，最緊要我地自己過得開心，見得１日仲有１日既時候存活過！

連續好幾日都已經大霧又毛毛雨啦，其實我都唔多鐘意呢D天氣，星期五個日我自己去左食飯食完之後番上彩虹見到佢地係到玩緊三國殺，當然我都有參與其中啦，我竟然用佢地玩９人身份場，玩到好認真，第一次同大家玩係咁認真同咁刺激。
星期六今日起左身之後就裝身，裝好之後我就出去左彩虹搵Mary佢去食飯之後打牌，打到半路途中Mary走左去落WhyNot飲酒，其實對於我黎講我唔希望佢落去，因為我好明白佢落完之後就會好唔開心，忍左好耐既野就會爆發，當我知道咁之後我就開始擔心一路擔心到我打完，到最後有人送左佢黎我就打完送佢番彩虹。係的士上面我感覺到Mary既經歷真係好辛苦，我都比佢整到我想喊想喊咁，我聽到Mary咁講對於張柏健同常國榮，我聽到都覺得好心酸，有時候我地唔會知道前路係點，係的士到我聽到一句說話「我得番你一個咋，小光」。其實我聽到呢句說話我都唔知係開心定唔開心，開心既係好感動做到你心目中既最好朋友，唔開心既係我都唔希望佢人生得我一個朋友知己，不過我對自己心講，Mary我地永遠都係好姊妹，我永遠都會係你身邊！

我發覺原來我真係好得意，得意得黎真係傻下傻下，不過我覺得媽咪好似冇介意我拍拖咁，由佢啦呢ｄ野都唔由得控制，只要同BB開開心心就得啦=]….

今日去左買生日禮物比媽咪，媽咪今個月3月29生日嚕，之後去左買六合彩，然後就係北角潮客食飯，行去食飯個陣我就係whatsapp新增左個約食飯既群組，我見到呀東同佢老婆、Jenny都ok可以去食飯，不過其實幾開心，第一次我主動約食飯。Kelvin BB終於轉左關係^_^…我期待14號我同你既烙印！

我同Kelvin既關係又再一次拉近，今日同佢行到去銅鑼灣地帶買左隻情侶戒指，好彩我睇中個幾隻款仲有碼姐，不過我覺得全晚我地最親密既都係係巴士、船、戲院同甜品店入面既時刻，呢四幕真係令我好難忘，以往拍咁多次拖我都覺得要偷偷摸摸，而家我就覺得我有我既性向選擇權，我地其實好應該為番自己爭取，今日睇戲睇左爛賭夫鬥爛賭妻，真係幾好睇架！I Miss You & I Love You Kelvin BB^3^！！

呢幾日都係忙緊搵工番工，都冇咩時間去理其他既野，不過最近我多左去機鋪打麻格，好開心呀！贏左好多番黎。同KelvinBB既關係親密，但同時我又覺得從呢段感情入面我睇到其實愛一個人係唔洗理由，愛一個係唔會理佢係1定0，總之大家愛對方，互相都有個心係到，無論係咩關係，都一樣過得好開心。最近我有個朋友又好似我之前咁跌入左個三角關係入面，只不過唔同既係我朋友冇主動行埋去個關係，佢係被拉上呢段關係，我作為朋友我自己都話如果係問我意見我一定唔贊成我朋友同佢講愛或者鐘意，但決定權唔在於我，我亦都冇權阻止，但同時我都希望襯呢件事我朋友可以清醒到底感情係咩一回事，雖然我唔知佢地個段感情係咪真係唔開心先開始一段新既，不過點都好我都會支持！
打緊日記既時候，無意之中諗番起呢排發生既事，其實我地總有做錯或者犯錯既時候，當我地從未試過但人地勸我地唔聽既時候，就等我地真係跌過失過先知咩叫痛，我同自己d朋友都咁講：「我同你地咁熟我係做唔到d咩，只係你身邊勸你唔好，但始終做決定既係你自己，我地阻止唔到，但係我覺得你就算犯咩錯，唔聽勸，錯既我地大家一齊彌補囉，有時候唔需要多言多語，你知道我係你身邊就已經足夠！」
咁到底有邊個會係我犯左錯之後會繼續係我身邊陪我一齊彌補我既缺口？

最近我終於同呀成講清楚我既心意嚕，我渴望同Kelvin既日子，我永遠愛著你！Kelvin，我同你既紀念日「二月二十五日」。