今日去左搵Mary陪我，之後我地一齊去左睇戲睇懸紅，睇完之後番左佐敦食飯，之後同Mary傾計傾開某d話題，當然唔方便講啦，關係到太多既人啦。之後搵我個朋友約去遊車河，我就應約去左中環搵佢，佢車左我去淺水灣，一路既風景令我諗起我個ex…黑夜既景色總係比我會有咁既感覺，咁呀Matt（我去見既朋友）見我好靚仔好可愛想溝我，但係我唔明點解自己仲係停留左係到脫離唔到個ex，其實佢真係幾好條件，又有錢又照顧到我（呢d後話啦，我都唔知既），有時我真係諗，我都唔希望大家都受傷，倒不如從開始關係就唔好咁快，咁樣對大家咪仲好，一路番屋企既時候我已經好攰，差d訓著左，不過當我係架車上面同佢做”個d野”既時候，我心情就差，因為我總係會諗起個ex…呢個傷口太深了。番到屋企…其實我而家喊緊，但係喊既原因除左放唔低仲有係接受唔到黎緊既愛，到底我諗緊咩？歌仔都有得唱叫我笑多一點，要學會更加善待自己，但係而家既我，已經顯露左我最真性既一面，搵到愛我既人，但係點解我又會忘記唔到？
心情指數：↓-50%
|
