咁快就過左２日既假期喇，呢２日都去左自修室溫書，２次去到都得番幾個位，ｄ人真係勤力，而且２次都見到佢，唉．．．睇到ｄ中５咁比心機溫書，真係好好好後悔點解個時唔溫書，抵死！！！唔講溫書溫成點喇，英妹，８號都係冇番黎，唉．．．都唔知幾時先可以再見到你喇！！！１個月？？？１年？？？５年？？？唔好掛，最好就等我考完個會考先番黎，哈哈．．．到時陪你玩幾耐都得呀！！！講番會考，我今年考唔到１４分既話，就打自己１４巴．．．如果今年ｂｉｏ考唔到ｃ同考唔到１６分既話，就以後都唔見超人！！！（講真的＿因為呢個係我地既承諾，其實呢句野係超人講既，你擺明唔想見我啦，哈哈．．．ｂｉｏ拎ｃ，講笑咩！！！１６分－我諗９分升到１６分都變你〔超人〕啦．．．）不過我會盡力，哈哈．．．

人番學佢番學，番左學３日就比人記大過，真係好想講句”抵死”唉．．．不１過佢講得岩既，我地為既都係今年會考張成績表，又唔係為學校張成績表，大家齊齊加油！！！

今朝仲係好.......唔想起身,真係好眼訓好眼訓!!!7點先起身,之後食埋早餐出門口,去到小巴站勁多人,不過我都照舊係搭9上車,番到學校,等左陣,就上課室,係課室無聊地等到8點半(等左大約半個鐘),就開始閱讀堂,唔知點解今日上既堂特別快過,上左1陣就話打鐘,而且今日上堂特別眼訓,差唔多堂堂都想訓,最煩既係時間表,完全唔鐘意咁既安排,勁亂,完全係到浪費時間,上2堂就1個小息,而且呢班既讀書氣氛麻麻,都係上年既5D好D,最尾個2堂BIO,真係完全O哂嘴,MISS許同佢地講"我有1個唔知好定壞消息講比你地知"之後,佢地就話"咩呀?"MISS許話"我唔見左你地之前測驗份卷"跟住有條友勁大聲講"頂你個肺丫"真係O哂嘴,不過可能MISS聽唔到啦,哈哈...超人,我決定左唔DROP BIO喇,咁我地既承諾就照計劃進行啦,^^,我會努力努力...今日杰都走埋LU,不過冇英妹咁遠,過多2日就知英妹番唔番黎喇!!!