之前有朋友告知佐敦有間食醬油蟹好出名既韓國餐廳, 離遠已經見到門口排隊等食既人, 決定放棄!  行下行下又比我地見到呢間同名小店, 一於入去開餐

呢間小店(醬缸小食)主打似係家庭式經營, 店內亦有醬油蟹及蝦供應, 我地一行數人肚餓指數高, 叫飯餐食算數

落單後先送上三小碟伴菜

呢款係滑豆腐辣海鮮湯, 配白飯 - 熱辣辣上枱, 湯底味道似辛辣面湯底, 海鮮料有魷魚, 蜆等, 一路食, 一路流下鼻水, 辣得幾過癮, 凍天氣食時包你成身暖晒

我既至愛大醬湯, 即係韓國麵豉湯, 材料包括滑豆腐, 洋蔥, 翠玉瓜粒同蜆, 味道濃淡適中, 食完又唔覺口渴喎!

食完湯類, 叫返碟牛肉炒粉絲 - 牛肉份量都幾多, 粉絲又彈牙, 加埋面頭既芝麻, 提昇佢既香味

牛肉伴飯 - 份量頗多, 2人分享都OK, 加埋特有辣椒醬撈埋一齊食, 愈食愈想食

最後黎個韓式海鮮煎餅 - 煎餅煎到金黃色, 賣相討好, 材料亦都幾豐富, 輕易食到魷魚, 蝦, 餅邊食到香脆, 配少少辣椒醬一齊送入口............嗚....正呀~~

價錢親民, 食得滿足, 下次會再黎!

地址 : 佐敦吳松街159號地下

contact me :  [email protected]

朋友提議去九龍城開餐, 熱氣纏身決定唔食泰國菜, 行行下就就發現呢間精緻CAFE, 見門口餐牌食物價錢幾岩荷包, 一於試下

入到去見到佈置令人有返到屋企既舒服感覺, 四圍佈滿得意又好私人化既擺設, 可能呢D係CAFE應有既格局

侍應送上得意MENU, 封面好似讀書時期自畫既筆記薄咁, 見出店主心思

食物選擇都唔少, 由頭盤沙律, 意粉肉類到甜品都有, 仲提供花茶及特色咖啡飲品

我地決定每樣試D, 首先係頭盤炸珍寶磨菇配黑松露他他醬 ($68)

一份有7-8隻磨菇, 外皮香脆, 磨菇入口爆汁, 配埋黑松露他他醬一齊食, 好夾!

主菜先黎侍應推介既溫泉疍卡邦尼飲管粉($98)

份量唔細, 適合二人一齊食

特別既飲管粉第一次食, 中間係空心, 口感比食意粉較為硬D, 與溫泉疍汁撈埋一齊食, 好香滑又有咬口, 果然無介紹錯!

朋友想試牛, 咁就叫左美國安格斯有骨肉眼牛扒 ($248)

有16安士, 配菜有炸蕃薯薯條

我地點左七成熟, 切開時覺得熟左少少, 但肉質都唔覺好嚡口, 食到肉既原味, 配埋少少鹽一齊食都OK

配菜既炸蕃薯薯條, 份量唔細, 甜甜地好好味, 坊間好少食到, 最令人驚喜係炸得好乾身, 用手指拎黎食係完全無油留係手, 侍應透露由於係用新鮮油炸, 所以做到咁既效果!

呢款炸蕃薯薯條亦係頭盤之一, 只係$28, 絶對誠意推介

總括黎講, 呢間CAFE環境舒服, 唔會限你幾時要交枱, 侍應服務都幾細心, 食物質數亦唔錯, 回食度高!

地址 : 九龍城南角道55號地舖

contact me :  [email protected]

香港著名甲級髮廊集團PRIVATE i SALON, 旗下分店多達13間, 踏入20週年, 最新一間坐落於尖沙咀Mira Mall - CHIC PRIVATE i SALON亦於2015年11月正式開幕

店內分為兩層, 設有約20個座位及2間貴賓房! 連接兩層的樓梯以紅色為主調, 配合CHIC品牌標誌的顏色, 簡約而不失時代感及活力! 而最近SALON聯乘法國高級時裝品牌BALMAIN, 引入多款高品質的造型護理系列產品, 場內特別設置區域讓顧客能第一手體驗產品既功效

早前發佈會, 更邀請到BALMAIN要員親自到來介紹一系列產品

全線系列包括造型前及豐盈(不含對羥基苯甲酸及硫酸鹽)/滋潤(含豐富有機摩洛哥堅果油)洗護產品

定型產品及名貴禮盒套裝, 包裝簡約時尚

重點介紹率先引進最新冰療深層護埋服務, 以突破性急速冷凍技術把受損髮絲急速凍至超過零下17度, 短短10-1分鐘護理程序有效把精華深層導入, 令受損頭髮瞬間修復成原來光澤狀態, 有助減少毛燥, 於完成電染服務後使用, 效果更為顯著, 令造型更持久! 我地即場摸過MODEL頭髮, 真係柔軟順滑!

擁有25年髮型設計經驗, CHIC PRIVATE i SALON 髮型總監 - Calvin Yau

更即場示範利用BALMAIN HAIR Unisex系列造型產品, 為MODEL打造出嶄新時尚髮型

Calvin表示產品非常易用，效果令人滿意，推介客人買返去自己造型

SALON亦新引入納米氣泡洗髮服務(Bubble Wash), 可有效深層清潔頭髮，頭髮乾淨都健康Ｄ啦

活動完畢後，每人帶住BALMAIN造型產品回家使用

之後仲有機會親身體驗冰療深層護埋服務及納米氣泡洗髮服務，我D頭髮有救啦︿︿

CHIC PRIVATE i SALON :

地址 : 尖沙咀彌敦道118-130號Mira Mall 2樓230-231號鋪

電話: 2301 2899

http://www.chicprivatei.com/html/index.html

https://www.facebook.com/CHICPRIVATEiSALON/

BALMAIN :

WWW.BALMAINHAIR.HK

contact me :  [email protected]

朋友係附近返工, 話我知源記糖水裝修過, 好想睇下裝修完之後係點樣, 於是又再舊地重遊

大致上感覺無咩大改變, 係燈光變得光猛

蔡瀾先生都幫襯, 信心保證啦

相信去得源記, 都一定會必叫桑寄生疍茶, 呢輪咳咳地, 一於補下先

桑寄生疍茶, 我只會係呢間叫, 事關之前試過係其他食店有苦澀味道, 呢度就一定唔會, 放心享用

友人試合桃露, 話要補下個腦喎....哈

味道唔會太甜, 一碗份量岩岩好, 食晒唔會好"漏"

見仲有馳名清香鷄疍糕, 當然要叫一件啦

份量精緻, 食到疍香味, 幾鬆軟, 唔怪之得有咁多FANS^^

contact me :  [email protected]

韓妝潮流仍然強勢, 當然要緊貼新趨勢, 之前出席由Innisfree所舉辦既2016 S/S K-beauty Get It Glow Event

現場放滿今年春夏季各靚靚彩妝產品, 令人目不暇給

品牌韓國職員為我地介紹Water Glow Cushion水凝亮澤氣墊粉底之外, 仲有全新系列必備妝物－Mineral Single Shadow天然礦物質亮彩眼影及Real Fluid Rouge心動光感唇釉

見到可愛又美麗既代言人允兒示範, 就應該估到今晚活動主角係佢地

皇牌氣墊粉底之一Water Glow Cushion水凝亮澤氣墊粉底

兼備保濕護膚及提亮肌膚兩種功效的神奇妝物，讓肌膚裡外水潤飽滿，煥發理想的自然光澤。
蘊含100%濟州島有機鮮榨綠茶水，專利水潤亮肌複合物 (Water Glow Complex) 能為肌膚高度保濕及長效鎖水，鎮靜並滋潤因受外在環境侵害而顯得疲倦的皮膚，重拾健康活力。獨到的水分子包裹技術 (Moisture-coating technology) 能即時平滑肌膚，透射光澤，令面容時刻保持均淨亮麗

品牌首個唇釉系列－全新Real Fluid Rouge 心動光感唇釉帶來前所未有的新體驗，一支唇釉既能完美締造盈潤唇色，同時配備護唇功效，又能造出兩種截然不同的妝效。

獨特輕柔透薄配方能令唇釉完美地緊貼唇型，持久不脫妝。有10 款色調以供選擇

除左彩妝外, 以韓國濟州島獨有的濟州寒蘭所提煉出富含高效抗氧化物─寒蘭精萃TM Orchidelixir TM精製而成的全方位修護肌膚方案及生薑系列亦有同大家見面

而濟州蘭花全效修護系列的三大新成員—蘭花全效修護精華、蘭花全效修護爽膚水及蘭花全效修護乳液, 當然要即場體驗下

品牌仲邀請到韓國著名彩妝大師禹鉉增 (Woo Hyun Jeung, Grace) 成為Innisfree首席化妝總監。 憑藉其超凡的化妝技術及獨特的藝術觸角，禹鉉增深受演藝界歡迎，經常獲邀擔任韓國No.1人氣美妝電視節目的專家嘉賓，當中包括「Get It Beauty」以及剛開播的「拜託了化妝枱」等。

即場運用全新系列必備妝物, 示範可愛妝容

咁吸引既皇牌彩妝產品, 當然要試啦

Water Glow Cushion水凝亮澤氣墊粉底 ($190/15g)

用既係23色號, 色調自然, 質感好水潤, 可利用附設既小粉樸上面

Real Fluid Rouge 心動光感唇釉 ($108/3g)

色號係9號(Blush sunset over an orchard), 細少掃頭容易勾畫唇線! 如果怕顏色太過鮮艷, 可只搽中間位置然後再用手指或唇掃印開去

用完膚色變得自然並帶有點光澤, 紅唇作為妝容重點, 呢種大紅色亦無想像中咁難應付

想底妝再貼服D? 就要令肌膚細胞吸收高效抗氧化物，提昇防禦能力，適時改善因細胞老化而引致的皺紋、色斑、鬆弛毛孔、缺水等各種肌膚問題，讓肌膚重拾健康亮澤!  濟州蘭花全效修護系列應該幫到我

www.facebook.com/HKInnisfree

試用產品及產品說明由innisfree 提供

contact me :  [email protected]