係旺角食完晚飯想食甜品, 雙腳不期然行去廣華街一帶, 原因呢頭開左唔少甜品店,  而每間舖頭都有人等位, 爭在多定少, 而呢間入座時唔駛等就簡呢間御前上茶試下

見到店名已知食品係主打以綠茶為題, 店內佈置亦以和式裝飾, 一個個"祈褔牌"寫上對店舖既祝福, 當中見到有吳若希, 胡鴻均, 木偶哥既筆跡

試左以下呢幾款

1) 焙茶霜淇淋 ($32) - 茶味偏濃而甜味較抺茶無咁甜, 食埋個脆筒就好飽

2) 抺茶拿鐵霜淇淋 ($40) - 食時將一少杯抺茶拿鐵倒落去一齊食, 口感獨特, 但要快食, 唔係會好快溶晒

3) 紅豆白玉抺茶霜淇淋 ($44) - 紅豆夠棉, 白玉好QQ, 從來紅豆配抺茶出事率係好低既

侍應服務態度OK, 唯限定每人要叫一款甜品, 望下餐牌, 下次想試呢兩款:

地址 : 旺角廣華街13號廣輝大廈地下4-5號舖

contact me :  [email protected]

一想起日式燒肉放題, 就會即刻諗起本陣, 除價錢抵食及質數OK外, 好就腳亦係加分位

晚餐時段由六時開始, 為確保可以順利入座, 五點九已到達排隊攞位

宣傳牌上見到有幾款價錢($218-$428)既餐單選擇, 由55至94款食物種類可選落單, 限時任食100分鐘

除左$218餐單外, 其他餐單仲包飲品任叫

我地選擇中價錢($288)頂級澳洲和牛(餐牌上可落單食物種類有87款)

落左單後, 侍應先送上澳洲和牛及鷄肉拼盤, 試過邊款好味既可以再ENCORE

和牛用鉸剪剪開時已經可以感覺到有幾嫩滑, 肉質非常JUICY, 配埋特色醬汁, 真係食唔停口

餐牌上見有海鮮類, 就點下蝦及鮮魷魚

蝦就一般, 食完呢2隻已無再ENCORE, 反而魷魚食落有D鮮味

個人喜歡食鷄腎及鷄軟骨串, 燒得香口後, 加少少鹽, 正呀^^

燒到咁上下, 又食返D前菜沙律"涼快"一下舌頭先, 個人推介蘿蔔泡菜及麻醬凍蕃茄

再食多ROUND牛肉後, 又係時候試下蔬菜, 燒京䓤原來好甜架, 新加食物燒菠蘿酸酸甜甜可消滯

雖然已經好飽, 但佢地既凍烏冬及凍蕎麥麵, 口感好好, 唔食驚夜晚訓教時會後悔! 仲有個溫泉玉子飯亦唔可以錯過架

呢個餐仲包埋雪糕每人一客, 為呢次燒肉劃上個完美句號

侍應服務反應夠快, 而落單食物亦無試過漏單, 回食度好高

本陣地址 : 觀塘觀塘道418號創紀之城五期(apm)4樓23號舖

contact me :  [email protected]

天氣凍凍地, 首推緊係打邊爐, 今次黎到呢間八重櫻鍋屋 Sakura Shabu Shabu, 提供數款價錢選擇 ($108 - $518 A5黑毛和牛), 肉類選擇有牛, 豬及鷄, 任食90分鐘 (包甜品及咖啡汽水)

我地選擇呢個澳洲和牛及特級豚肉 (期間限定 - 星期一至五)

選好湯底(昆布清湯), 先黎澳洲和牛一盤, 肉質望落幾靚仔, 稍為淥一淥就食得, 配以芝麻醬一齊食, 唔錯!

呢盤係特級豚肉, 外型亦算靚仔, 唔太肥, 薄薄一片淥完食都唔嚡口

出面既自助區亦提供各丸類, 蔬菜及烏冬年糕, 食埋北海道牛奶雪糕, 絶對令你肚圍吋數增加

地址: 將軍澳唐德街9號將軍澳中心1樓123號

contact me :  [email protected]

之前食過幾次晚飯,  感覺唔錯, 冬至飯於是再次幫襯,  到今次先發現係好彩集團其下酒樓

冬至飯, 梗要食豐富D, 大家你一言我一語後, 得出以下菜式 :

北京填鴨 (二食)

切片食, 帶少少肥膏, 上菜時已凍左少少, 好彩個粉包皮仲熱, 補不足

炒鴨鬆(生菜包)

味道單食就頗濃味, 但包埋爽脆生菜就岩岩好

芝士焗龍蝦

龍蝦肉大量, 肉質彈牙, 配以香滑芝士汁加伊面底, 好快被掃光

大斑兩食, 包西芹炒斑球及清蒸頭腩

份量好足, 但魚肉味道一般, 反而西芹炒得幾好食

千島香芒貴妃巨蝦球 (一客大約有6隻)

呢款係每次黎都必叫, 蝦球彈牙, 一隻要2-3啖先食完, 配以香甜芒果醬加少少火箭菜, 正!

香燒豬肋骨

無論賣相及味道似街買既燒排骨, 個人覺得偏咸, 要叫返杯可樂加冰黎解咸

要為飯局劃上完美句號, 點少得甜品呢?!  個人推介焦糖燉疍

侍應招呼週到, 加水換碟自動波, 讚^^

彩晶軒: 黃大仙現崇山商場二樓

contact me :  [email protected]

又到聖誕...............又到聖誕, 黎到年尾當然要獎勵/慰勞自己及身邊既親友, 護膚品一定會係十大必買之一, 邊個唔想KEEP住靚靚皮膚去迎接各大少聖誕及新年PARTY

高級日本化妝及護膚品品牌 －MENARD，以“Seeking True Beauty”為目標，始創於名古屋，五十多年來研發多於900種產品，其中以培植生化靈芝和開發產品專利最為聞名。現已發展成為日本最大化妝品牌，享負盛名，市場遍佈亞洲、中東、北美洲及歐洲。

MENARD誠意為愛美既女士準備最好的聖誕禮品！五十多年科研結晶皇牌產品，讓您的肌膚在乾燥的冬日保持水嫩潤澤、細滑緊緻。聖誕禮品套裝低至七折，更送出多項禮品，非常吸引！

依加就可透過網頁https://hk.affilix.tv/p?c=CM_2&m=kimmy申請優惠卷， 通過Facebook認證每人發放兩張優惠卷（申請後可立刻透過網站上看到或從收到的電郵中開啟優惠卷網頁）。

兩張優惠卷內容：
一）購買任何聖誕套裝可多 獲一個皇牌產品試用裝；或正價產品全部九折優惠

二）領取BEAUNESS温泉礦物健膚精華迷你裝30ml一支（價值HKD120）

呢支温泉礦物健膚精華, 有效鎮靜皮膚, 係品牌既皇牌產品黎架, 我自己都有用過, 絶對誠意推介你試用

多款聖誕套裝的激減、九折優惠機會非常難得、加上無需購物都可以免費得到BEAUNESS迷你裝, 身為精明又美麗既妳, 又點可以錯過呢個入貨既好時機?! 

祝大家有一個快樂聖誕.........................

溫馨提示: 聖誕套裝優惠期由即日起至2015年12月31日

專門店地址 :

銅鑼灣世貿中心地下G007號舖

旺角MOKO新世紀廣場1樓158號舖

尖沙咀K11地庫二樓B204號

以上內容純個人分享

contact me :  [email protected]