| «‹ September 2026 ›» | | S | M | T | W | T | F | S | | | 1 | 2 | 3 | 4 | 5 | | 6 | 7 | 8 | 9 | 10 | 11 | 12 | | 13 | 14 | 15 | 16 | 17 | 18 | 19 | | 20 | 21 | 22 | 23 | 24 | 25 | 26 | | 27 | 28 | 29 | 30 | |
|
2016 年 5 月 4 日 星期三  |
| Eminence草莓透明質酸補濕療程@Se7en Beauty Center |
分類: 療程篇 |
之前上到去位於尖沙咀既 Se7en Beauty Center 接受面部療程
佔地全層, 裝飾環境令人感覺舒適, 特設儲物櫃, 更衣室及淋浴間, 供客人服務後使用, 方便衛生
今次療程, 亦令我認識左一個新品牌 - 源自匈牙利天然有機品牌Eminence(源美肌)源於1958年, 作為有機護膚品的先鋒, 品牌採用它獨一無二的手摘新鮮成份, 成份天然, 連孕婦都可安心使用, 務求帶給客人顯著的效果! 無論你係咩類型既肌膚都一一照顧到!
補濕保養就適合各種皮膚類型既人士, 今次就等我試下品牌皇牌草莓透明質酸補濕療程, 岩晒呢牌轉天氣日子
美容師向我透露今次既補濕療程係全人手主理(好耐都無試過LU!), 換好浴袍後就先行卸妝
療程中會用上一系列Eminence既產品, 先用巴西莓緊緻潔面乳清潔面部污穢, 有效改善暗沉皮膚
然後使用草莓大黃乳酸去角質粉 - 用有機成分溫和地清潔及去除角質層, 使肌膚明亮柔滑, 含豐富抗氧化劑的草莓大黄能潔淨且有收緊毛孔之效
好開心久違了的針清及修眉會係呢度出現 (美容師手勢好, 針得乾淨之餘又唔太痛)
係皮膚處於潔淨既情況下, 加入草莓大黄透明質酸補濕精華素－滿載植物強效的修護補充水份的力量, 補充水份的精華素就當然要出場啦
之後就到重頭戲出場, 美容師利用藍莓按摩膏幫我作匈牙利式人手按摩, 有別於一般按摩, 按摩時美容師會企係我左右兩邊, 利用向上拉提等手法先幫我作面部按摩, 特別係眼部位置按摩時, 可帶走疲倦既, 快速減淡我既黑眼圈
按完面部, 仲有肩頸, 背部連頭部都有, 全部足足按左大約45分鐘, 期間美容師會細心問你力度岩唔岩, 真係舒服到無朋友^^
最後就敷返個草莓大黄透明質酸補濕面膜 - 採用多汁的草莓, 鎮靜舒緩的大黃和修護補濕的透明質酸使皮膚飽滿和堅實, 回復年輕; 能深層滲入皮膚, 補充流失的水份! 敷緊面膜既時候仲有埋手部按摩, 真係無得彈!
由於Eminence產品成份天然, 用既草莓/藍莓產品裏我都聞到佢既香甜氣味, 更加令我舒緩放鬆, 差D想食落肚! 哈....哈!
療程後, 皮膚變得亮白去暗黃, 水漾感提升
不論面部皮膚得到補水效果, 連肩頸背肌肉都得到放鬆, 點可以唔比個LIKE佢呀
地址 : 尖沙咀金馬倫道10號宏威中心10樓全層
療程由品牌提供, 內容純個人分享
contact me : [email protected]
|
2016 年 5 月 3 日 星期二  |
| 芝士控必食@飯意主題餐廳 |
分類: 飲飲食食 |
凡係有關芝士既菜式我都喜歡, 知道呢間食店主打芝士入餐, 又點可以唔去會一會佢呢?
係門口排隊等位期間, 見到呢2款主打招牌菜式已經令我流口水, 今次一於試下呢D先
招牌芝士熔岩疍漿飯 ($48) - 店員先送上芝士及疍漿上枱, 飯黎到時就先將疍漿倒入飯內, 再加埋成碗芝士碎再趁熱快撈暈, 材料包括泡菜, 午餐肉及紫菜, 食落好香芝士味及紫菜味, 味道好夾又唔會"漏", 飯粒軟硬度適中, 好岩胃口!
呢款係鐵板韓式芝士炒年糕 ($50) - 亦係上枱前加入碎芝士快炒, 配料有烚疍一隻及少量年糕
辛辣面配以韓式泡菜醬一齊炒, 加埋少量年糕一齊食, 味道甜甜酸酸, 中和左年糕既飽肚感, 令人不禁食埋成碟
以上食物加$20有可以有埋蒜蓉包 (好軟好味道), 沙律菜及特式飲品一杯, 我叫左什錦水果茶(好多生果粒, 味道酸甜) (再另加$18)
呢度仲特設小食, 種類仲唔少, 叫左以下2款
香草鷄翼 - 4隻($20) - 皮香肉滑, 味道唔太濃, 食完唔會口渴
炸魷魚圈 ($35) - 炸得好香口, 表面唔會油, 魷魚唔太乾身, 點埋個胡麻醬一齊食, 都唔錯!
此店唔收加一, 相當抵食
地址 : 九龍旺角廣華街15-33號明威閣地下L舖
contact me : [email protected]
|
| 2016 年 5 月 2 日 星期一 |
| 仿如無物@Sunplay Sarafit 輕透防曬水凝乳及輕透水感防曬噴霧 |
分類: 美容 |
雖則炎熱夏天尚未正式來臨, 太陽伯伯呢排又疑似曠工, 但為左唔想皮膚被紫外線侵襲加速老化, 任何日子都應該要做好防曬工夫!
升級版SUNPLAY SARAFIT 輕透防曬水凝乳及輕透水感防曬噴霧震撼性超越一般清爽防曬， 其注入 Dry Keep Powder 清爽速乾配方，擁有日本最高等級SPF 50/ PA++++ 防禦的同時， 無存在感的特質配合加倍溫和(無酒精、香料、色素、礦物油) 的特點，將SUNPLAY SARAFIT系列更臻完美。
SUNPLAY SARAFIT輕透防曬水凝乳 (Smooth Watery Essence SPF50+/PA++++ )$84.9/50g
添加 Dry Keep Powder，在肌膚上形成「無存在感」、比水更薄的清爽保護， 適合每天日常、外出活動使用。
耐汗成分有效隔離汗水，使防曬成分更持久不易脫落，流汗也不黏膩
無酒精、無香料、無色素、無礦物油，可每天安心使用
可作妝前底霜，面部、全身均適用
普通潔面產品即可卸除
升級配方塗抹時瞬間化為透明，搽上面後都唔會變白, 感覺舒爽、 耐汗，亦可作妝前底霜令妝容更貼服!
呢支係SUNPLAY SARAFIT輕透水感防曬噴霧 (UV Mist SPF50+/PA++++ )
$99.9/150ml
極清爽水凝透明噴霧，一噴即形成透明防曬保護
無一般防曬產品的難聞氣味
特有 Dry Keep Powder 清爽速乾配方，令肌膚即使出汗也不黏膩，在肌膚上形成「無存在感」、比水更薄的透明保護
耐汗成分使防曬保護持久不脫落，適合戶外及日常使用
可噴於頭髮、頭皮、背部及腳等難以塗抹的部位
無酒精、無香料、無色素、無礦物油，可每天安心使用
普通潔面產品即可卸除
簡單一噴，即形成透明保護，方便噴方便噴塗背部、頭髮及全身，真係可以由頭噴到落腳都得, 多次補塗也依然清爽，透明不泛白。
究竟有幾輕透薄? 睇下以下測試就知!
分別係手背噴上液體A&B作比較
噴上10秒後, A手背上仿如無物, 而且摸上去有清爽感覺
(註: 液體A為SUNPLAY SARAFIT輕透水感防曬噴霧 ; 液體B為清水)
膚感輕盈，真正稱得上「無存在感」，即使與清水相比，仍明顯更輕、更薄、更透!
陽光? 駛咩驚呀! 2支都有SPF50+ x PA++++防曬度, 有佢地就有全面保護! 價錢親民, 係今個夏天既MUST HAVE ITEM~~
梗多Sunplay產品資訊: www.mentholatum.com.hk
產品於萬寧、屈臣氏、莎莎、卓悅、各大零售店及藥房有售
有關試用產品及產品說明由Mentholatum提供, 內容純個人分享
contact me : [email protected]
|
| 食物好, 環境亦正@The Stadium |
分類: 飲飲食食 |
開餐開到去觀塘工業區, 全因好多新餐廳係呢度開, 想試新野?! 無難度啦!
朋友推介呢間坐落於新改建既工業大廈(THE WAVE)既THE STADIUM開餐
打開升降機門, 就見到張遊戲枱係餐廳門口, 再行入少少仲有張波枱係度, 咪以為係擺設, 走既時條我見到係有客係度篤波架
成間餐廳佔地六千呎, 真係好少見, 裝飾帶點工業風味道, 好岩三五知己或一大班年青人黎開餐
穿上一身運動服裝既侍應送上餐品牌, 發現食物選擇都唔少, 有沙律, 意粉, 漢堡包, 炸魚薯條, 肉類及美式小食, 飲品
落左幾款菜式, 一於邊睇電視播出既球類比賽(非常切合餐廳主題), 一邊等食
先試下呢個特色球迷沙律($88) - 份量都唔少, 材料包括沙律菜, 疍, 無花果(好甜),松子粒, 黑豆, 栗米及車厘茄, 配埋特色醬汁, 味道酸甜, 好開胃!
主菜方面, 點左1) 美國極黑毛豬 (10安士/$128) - 賣相吸引, 肉質嫩滑多汁, 有相當厚度, 切成一口配以特色醬汁, 非常可口, 友人表示好滿意!
2) 原隻燒春鷄 ($118) - 放上枱已經聞到好香燒烤味, 春鷄份量適中, 切開見到肉質唔會燒到好乾, 食到鷄肶位置仲好嫩滑; 食埋佢既配菜燒茄子, 薯仔及西椒, 滿足感大升!
想增加下澱粉質, 就叫多個海鮮意粉 ($128) - 份量夠二人分享, 海鮮包括帶子, 青口, 魷魚, 蝦及魚塊, 好足料呀, 扁意粉軟硬度適中, 配埋佢既蕃茄醬汁, 好快就被我地KO晒! (建議若然喜歡食辣, 可自行加TOBASCO, 酸酸辣辣, 令人愈食愈想食!)
係呢度開餐, 除左坐得舒適, 食物好味, 飯後仲可以係呢度飲下野, 吹下水, 絶唔會限你要幾多分鐘要交枱, 下次一定要試下佢既手工BEER
The Stadium : 觀塘興業街4號The Wave 4樓
contact me : [email protected]
|
| 2016 年 4 月 28 日 星期四 |
| 1支精華, 2種功效2@積雪草90精華液 |
分類: 美容 |
又快到夏天, 美白產品係時候又出動啦, 眼見韓國女士個個皮膚亮白, 對韓國出品既護膚品特別有信心
韓國專業醫學美容品牌BRTC 全新推出的Centellascar積雪草去疤系列 ，採用革命性活性成分積雪草萃取物，促進傷口癒合及舒緩肌膚，給予肌膚新轉機。
呢支係積雪草90精華液Centella 90 Ampoule ($304 / 30ml )
積雪草90精華液則蜂膠萃取物及分子釘-3配合積雪草發揮作用，有效修復皮膚脂質層，平滑肌膚紋理，同時達致美白與抗皺效果。
積雪草90精華液具備美白及抗皺雙重功效，有效平滑肌膚紋理，修復皮膚脂質層，同時改善肌膚保濕力，用後保濕舒緩，恢復健康潤澤的肌膚。配方除通過臨床皮膚敏感測試，更經臨床證實連續使用2星期後：
皮膚保濕度提升
皮膚密度提升
皮膚彈性提升
皮膚泛紅情況減退
滴管式設計, 透明完液質地, 好易推開
使用方法
1. 早晚潔面及爽膚後，塗適量份量於面上，當作精華步驟使用。
2. 輕輕拍打按摩直至完全吸收，接續塗上面霜。
塗完好快被皮膚所吸收, 無笠身感覺, 好岩呢排咁悶熱既潮濕日子使用! 用後膚色變得明亮袪暗啞, 摸落更覺有彈性, 而且價錢親民, 不枉我對韓國護膚品有偏好^^
莎莎獨家發售
此產品由品牌提供, 內容純個人感受
contact me : [email protected]
|
« | 53 | 54 | 55 | 56 | 57 | 58 | 59 | 60 | 61 | 62 | ... | 147 | »
|
