| «‹ September 2026 ›» | | S | M | T | W | T | F | S | | | 1 | 2 | 3 | 4 | 5 | | 6 | 7 | 8 | 9 | 10 | 11 | 12 | | 13 | 14 | 15 | 16 | 17 | 18 | 19 | | 20 | 21 | 22 | 23 | 24 | 25 | 26 | | 27 | 28 | 29 | 30 | |
|
2016 年 4 月 8 日 星期五  |
| 鮮甜此中尋@九重鮮 |
分類: 飲飲食食 |
一直都想試韓式九層塔, 但之前見價位都唔平, 又諗每款得咁少份量, 食完會唔會唔飽架? 朋友食過介紹呢間, 見佢價錢OK, 咁就一於試下啦
門口裝飾已經話左比人知係韓式餐廳, 見到個九層塔亦都話左你知我地係食咩, 包唔會搞錯
入到去發現環境乾淨企理, 四人同行可以選擇坐卡位(下次試下先)
打開餐牌, 見到"識得食一定係.............."呢幾個字, 溫馨提示下你究竟點食先最岩, 又幾搞鬼喎! 為左方便客人計時, 每張枱都放置一個沙漏計時, 建議客人每層進食時間為5分鐘, 但我地基本上係無用佢既(Ha..Ha..)
經理透露暫時提供三個套餐選擇, 價錢由三百幾(釜山塔, 首爾塔)至五百幾(濟州塔)(2位起), 第一次食, 就選擇中價(首爾塔)
所有套餐都配有蔬菜, 2位套餐會以5層塔, 下次一定要叫多D人黎食, 咁就可以試到真正既九層塔
塔頂上蓋有個紅色溫度計, 去到85度就可以開餐, 時間都唔駛等好耐, 係等待既時間, 就食住D泡菜同黑豆先啦(都好好味!)
第一層 - 蟶子, 象拔蚌(無需點醬汁, 一食好爽甜, 欣賞佢會將蚌切成條狀, 既快熟又方便客人進食)
第二層 - 海蝦, 元貝 (蝦肉彈牙, 元貝大隻黎唔會老及黏牙)
第三層 - 北寄貝, 新鮮花尾龍躉 (好少食熟既北寄貝, 好彩唔會變左香口膠; 而塊龍躉就食得出鮮甜味, 又有膠質, 我LIKE呀!)
第四層 - 大花蛤, 沙巴肉蟹 (肉蟹雖然細隻, 但都有D膏, 肉亦鮮甜; 而花蛤食落無沙)
第五層 - 南非鮑魚, 海螺及蝴蝶蚌 (肥厚鮑魚食落有口感; 螺肉點酸梅醬代替甜醬又夾到; 蝴蝶蚌口感一般)
食海鮮之餘, 當然要食埋佢地精心配搭既蔬菜, 推介日本蕃薯及靈芝菇!
基本上食到呢度都已經飽, 但千祈咪忘記店員一開始已經係鍋底放置左人蔘鷄加米, 食到尾聲, 每層海鮮既精華已經完完全全咁流入底層既鍋底中, 咁鮮味既人蔘鷄粥真係第一次食, 好滋味呀~~就算飽都要食一碗, 加埋白胡椒粉一齊食, 梗加好味! 食唔晒都唔緊要, 店員一早已準備好外賣盒, 拎返去做宵夜又或係第二日做早餐亦得! 好體貼呀
睇下D殼就知今餐幾咁食好飽, 埋單千完有找, 回食度都相當高
九重鮮地址 : 紅磡黃埔花園11期地下G26號
contact me : [email protected]
|
| 一絲一絲亮晶晶@LUX LUMINIQUE精油亮澤系列 |
分類: 頭髮篇 |
LUX LUMINIQUE系列的無矽(non-silicone)洗髮乳配方一直賦予女士秀髮空氣感，加上國際香氛專家調配出的頂級香氛，早前已經用過，效果令人滿意
LUX LUMINIQUE 最近推出全新精油亮澤系列，以萃取自天然的雙重植物精油深層修護絲絲秀髮，幫助防止斷髮，輕感秀髮從此綻放柔順閃亮光芒！ 睇下呢盒咁靚既大禮物就知唔野少
產品蘊含天然植物萃取的澳洲堅果籽油及杏仁油，雙重植物精油滲透髮芯，密集修護髮絲，保護髮絲同時使髮絲恢復彈性，幫助防止斷髮
國際香氛專家特別為洗髮乳及護髮膜調配出頂級香氛。前調為芒果、蜜桃、檸檬等清新果香，中調混合玫瑰、茉莉、依蘭等多種花香，最後佐以麝香及檀香，調配成層次豐富、極致奢華的馥郁花香。
LUX LUMINIQUE精油亮澤洗髮乳 ($89.9/450g)
不含矽靈(non-silicone)，頭皮感覺清爽無負擔
•泡沫綿密，避免髮絲因乾澀摩擦而受損
•蘊含天然植物萃取的澳洲堅果籽油，幫助保護髮絲，預防受損
•添加源自天然的杏仁油，幫助秀髮恢復彈性
•幫助防止斷髮，讓秀髮由內綻放耀眼光澤
揼2-3下已足夠我用, 泡沬都幾多, 過水容易, 洗完頭皮FEEL到清爽感覺
LUX LUMINIQUE精油亮澤護髮膜 ($89.9/450g)
蘊含天然植物萃取的澳洲堅果籽油，幫助保護髮絲，預防受損
•添加源自天然的杏仁油，幫助秀髮恢復彈性
•密集修護直達髮芯，幫助防止斷髮T
•秀髮如絲般輕盈柔順不糾結，由內綻放耀眼光澤
用後感覺頭髮順滑, 唔錯唔錯!
LUX LUMINIQUE SPA精油亮澤美髮油 ($109.9/50ml)
蘊含天然植物萃取的澳洲堅果籽油，幫助保護髮絲，預防受損
•添加源自天然的杏仁油，幫助秀髮恢復彈性
•配方能迅速吸收並滲透到髮芯，幫助防止斷髮
•可用於濕髮或乾髮作日常隨時的秀髮修護，適合每日使用
唔太油膩, 用於頭尾位置可防止頭髮開叉, 又帶有光澤感, 岩我呢D晚晚都吹頭既人士用
三款產品都蘊含討人歡喜既香味, 不禁要比個LIKE佢
LUX LUMINIQUE 系列於全線萬寧獨賣
有關產品由品牌提供, 內容純個人分享
contact me : [email protected]
|
| 食好西@Simplylife Cafe |
分類: 飲飲食食 |
呢間可算係咁多間分店當中係無需要排隊, 平日夜晚去食, 一去就可安排入座, 慳返唔少時間
肚餓指數高, 立即叫餐, 四人每人點算各種肉食, 哈..........屬於以下生肖既人士要避開啦........
加多$30, 可包餐湯/沙律, 我地一致要晒餐湯(今晚係蘑菇湯), 配埋堅硬既面包, GOOD MATCH
飲完湯後, 侍應就一次過送晒每位既食物上枱
呢款係燒黑鱈魚配薯蓉, 燒意大利黃瓜 - 鱈魚魚肉非常嫩滑, 配埋薯蓉一齊食, 雙重軟滑口感, 正!
咪住..........好似無人屬魚架喎!!
呢碟係烤法國春鷄配甘荀, 燒烤蘑菇 - 燒得幾香口, 鷄肉幾嫩又唔乾身, 細細隻份量岩岩好
呢款係燒美國安格斯肉眼扒(10安士), 配鼠尾草炸薯條及紅酒香草牛油 - 肉質非常JUICY, 輕易可切開, 放入口可食出好香燒肉味, 配少少香草牛油, 增加佢既肉香味, 唔錯!
最喜歡係呢碟美國自然穀飼豬扒, 配燒意大利黃瓜, 蘋果汁 - 咪睇佢咁厚身以為佢好嚡口, 一切已知好滑, 加少少蘋果蓉一齊食, 甜甜地配埋超腍既豬扒, 真係估佢唔到咁好食, 值得推介
各人都好滿意今晚既自選菜式, 但可惜既係呢間係無疍糕供應, 要食佢既靚疍糕, 就要去其他分店
SIMPLYLIFE CAFE地址 : 天后電氣道183號友邦廣場地下
contact me : [email protected]
|
| 食物水準跌晒WATT@明洞EXPRESS |
分類: 飲飲食食 |
係尖沙咀做完TREATMENT, 附近就係金馬倫道一帶, 韓國菜館開到成行成市, 好似去左韓國咁, 想快食一個韓餐, 腦海裏就出現左呢間韓食快餐店
食物選擇種類唔選太多, 又餐食亦有得比你韓燒, 自助點餐後, 收銀員會比你呢個"紅色提示器"你, 當你既餐預備好後就會響聲, 通知你可出去攞餐
友人點了燜牛肋骨肉飯 ($98)
套餐包餐湯及泡菜兩款, 牛肋骨肉份量都算幾多, 配料有蘿蔔, 醬汁偏甜及見面層有層油係到, 一定要配白飯先可以, 就咁空口食就覺偏膩
我點左喜愛既炸醬面($68) - 面條配上青瓜絲, 口感幾好, 炸醬配料有洋蔥及豬肉, 唯面層亦係有層油, 我要倒開層油先撈落碗面一齊食, 味道一般, 令人失望!
最後試埋個紫菜飯卷 ($42) - 味道亦係一般, 飯粒偏乾, 餡料無咩味道, 敗北!
早知過去隔離街買外賣飯卷仲好味道, 價錢仲平過呢度!
之前都幫襯過呢間, 唔知點解水準差左咁多, 莫非開多左分店有關?! 唉...............................................
contact me : [email protected]
|
| 2016 年 3 月 29 日 星期二 |
| 髮絲輕型無負擔@TRESemmé |
分類: 頭髮篇 |
一直KEEP住短髮都有一段日子, 大多數都係靠做色去改變下形象, 有時都想想地玩下曲髮, 但呢排天氣咁潮濕, 恐怕好快就會變返扁平! 好彩有呢SET野, 幫我解決呢個問題!
全新TRESemmé深海海藻水潤系列蘊含珍貴滋潤成分深海海藻精華，這種只用於尊貴護膚品中的珍貴滋潤精華，賦予髮絲Salon級水漾柔亮。TRESemmé深海海藻水潤系列洗髮露及護髮素的無矽添加配方，為髮絲注入輕爽空氣感，加上TRESemmé自然柔鬈造型慕絲的Curling Actives能持久鎖住鬈曲效果，造型輕盈彈性、水漾滋潤及持久自然，令人眼前一亮。
無矽添加輕感水潤洗髮露 ($59.9/750ml)
- 從髮根到髮尾輕爽潔淨
- 專業無矽添加配方，髮絲輕爽無負擔
- 珍貴深海海藻精華，深層滋潤力量
- 髮絲水漾輕盈
清香味道, 加水容易做出泡沬, 過水後, 感覺頭皮輕鬆不少
無矽添加輕感水潤護髮素 ($59.9/750ml)
- 全面深層修護髪絲
- 專業無矽添加*配方，髮絲輕爽無負擔
- 珍貴深海海藻精華，深層滋潤力量
- Salon級水漾柔亮
洗完頭後就可拎取適當份量, 塗搽於頭髮中下位置, 輕輕按摩2-3分鐘就可沖水
自然柔鬈造型慕絲 ($42.9/150ml)
- 於微濕髮絲上使用, 我就使用盒內既粉紅色鬈髮器輔助
- 微鬈髮質，可用手指纏繞吹乾或以烘罩烘乾
- 直髮髮質，可用電髮棒鬈曲頭髮，梳開後效果自然柔鬈
- Curling Actives技術，鬈髮造型持久自然
- 珍貴深海海藻精華，造型後髮絲依然水潤
只需3 Steps, 輕易幫你打造各種至潮曲髮造型^^
於萬寧、屈臣氏、百佳、惠康、莎莎、卓悅及各大藥房有售
有關產品由品牌提供, 內容純個人分享
contact me : [email protected]
|
« | 55 | 56 | 57 | 58 | 59 | 60 | 61 | 62 | 63 | 64 | ... | 147 | »
|
