今年好似無冬天咁, 只要稍為見到天氣涼返D就即刻去整返個至愛煲仔飯, 提起煲仔飯當然諗到坤記啦

一早打電話黎訂位, 唔係walk in都未必有得食, 何其多FANS~~

見到店內七成枱都有叫豬骨煲, 今次同朋友一齊食, 我地當然都唔執輸

份量都好大煲, 仲加送生菜一籃! 煲內見到幾舊大豬骨, 仲有其他配料包括粟米, 蘿白, 鷄腳, 炸支竹! 未食前先飲淡湯, 好鮮甜同個口會有少少黏稠, 事關有唔少鷄腳同煑! 唯豬骨真係有D大舊, 食時都要花一點功夫........哈!

係等煲仔飯上枱既時候, 我地點左條油浸荀殼, 肉質鮮甜, 外皮香脆, 加碗白飯就一流啦

每人一款煲仔飯, 朋友點左鱔片, 魚肉肥美嫩滑, 厚度適中有口感, 以豉汁調味, 正到無朋友

另外友人點既分別係油鴨排骨及滑鷄, 油鴨唔會過咸及死實, 真係煲仔飯既好朋友

而鷄肉亦好滑口, 相當唔錯, 而飯亦好岩我胃口, 粒粒分明!

鍾意食煲仔飯既, 當然唔會放過個飯焦啦

食完會喉嚨痛?  話之佢啦..........................

地址 : 西環皇后大道西263號和益大廈地下1號舖

contact me :  [email protected]

望下屋企既個人衛生清潔用品, 佔大部份都係用緊滴露, 原因好簡單, 喜歡佢獨有氣味, 品質好又價錢親民!  早陣子係電視廣告宣傳知道佢又推出新產品, 仲係女性專用, 當然要試下啦

滴露深層倍護女性衛生潔膚液

適合熟齡女性使用，配方蘊含玫瑰油成份，具有補濕功效; 沖涼時一齊用, 能潔淨陰部，遠離因細菌而產生的陰部痕癢及異味

容量: 200ml

透明液體, 每次揼1-2下就足夠, 帶有玫瑰香味

用後感覺清新潔淨, 過水又容易, 無不適感覺, 作為女性都真係要好好呵護敏感特別部位! 

呢支新出品既清新香味(青檸味)淋浴露 (950ml)

容易捽出泡沬, 氣味真係好REFRESHING, 用完皮膚乾淨清爽之餘, 仲仍然帶有一陣餘香!

呢支係透亮潤澤淋浴露 (250ml)

亦係容易做出泡沬, 用完皮膚無繃緊感之餘仲帶有餘香, 又係正

回家第一件事就係洗手, 用埋呢支殺菌潔手液 - 經典松木香味(250ml)

雙手回復潔淨, 同埋真係好鍾意佢既獨有氣味, 滴露......我已愛上你! 哈.....

產品由品牌提供

contact me :  [email protected]

長假期後又開始2016年既首日返工, 係魂魄都未完全歸位, 放工後當然要食餐勁啦, 行近佐敦, 被那紅紅燈籠高掛吸引就試下呢間七福神和食亭

一般和式裝修, 上到去已經坐滿一半, 侍應安排卡位比我地, 可以食得得更輕鬆舒服

打開餐牌都見到食物選擇唔少, 刺身, 壽司, 燒物, 鍋物, 串燒, 麵食及甜品都有, 仲有店長推介

食日本菜, 先黎一個刺身拼盤,$168 (6式, 每款3片)

包括: 三文魚, 鱆紅魚, 吞拿魚, 北寄貝, 帶子及甘蝦, 味道鮮美

唔夠喉, 加多個角切魚生飯, $88

份量唔少, 今次有埋三文魚子, 同飯一齊食, 咸香味係口腔一齊爆, 感覺奇妙

鐵板牛柳粒粒燒, $55

呢款認真要推介, 熱辣辣牛柳粒肉質腍滑, 配埋香滑薯蓉加醬汁, 好快已被KO

見到隔離枱D串燒好似幾吸引, 當然要試下啦

鹽燒鷄翼($33)及鷄腎($28), 一客兩串, 味道普通, 賣相OK

七味軟殼蟹飯卷, ($48)

份量頗多, 香脆既軟殼蟹配以蟹子及沙律醬一齊食, 口感唔錯

土佐豆腐 ($38)

喜愛食物之一, 見到餐牌有即叫, 一客三件, 豆腐外皮脆內滑, 個汁味道又夾, 無令我失望

加多個蕎麥冷麵($38)

Refresh一下味蕾, 麵條口感幾好

甜品時間到啦, 分別食左一口朱古力芝士年糕($38)

一客三件, 熱辣辣咬開就食到香甜芝士年糕, 正到呢!!

紫芋金粟薯餅($42)

又係外脆內軟, 甜度岩岩好, 就算已好飽都可以食埋佢

新一年新一餐, 食好D, 食豪D是常識吧.............哈!

contact me :  [email protected]

以前幫襯開佢既虎皮芝士疍糕, 估唔到佢仲開拓埋餐廳, 一於試下

餐類食物選擇唔多, 我地點左以下兩款:

1) Arome特盛套餐($59), 配熱奶茶

即係全日早餐(Deluxe版), 睇清楚係有幾粒帶子, 味道普通, 而茄汁焗豆既位置就被炒菇類代替

份量OK, 食晒都飽肚, 而杯奶茶都幾香滑, 有驚喜!

2)  日式豚肉叉燒湯意套餐($42), 配熱飲(又係選奶茶)

塊豚肉叉燒都幾大塊同腍滑, 湯底味道淡左D, 加些少紫菜及粟米粒變得香甜, 意粉軟硬度岩我口胃

套餐包埋火腿炒疍加2片面包, 尤其欣賞佢片面包, 味道甜甜地, 連滑疍一齊食..........好味道

免收加一, 點餐比錢後, 侍應會送上食物到你坐位, 都幾OK!

Arome Bakery Room : 將軍澳唐賢街9號PopCorn商場1樓F01號舖

contact me :  [email protected]

星期日訓晏D一餐當埋兩餐食是常識吧, 心血來潮想食個全日早餐, 近近地就去呢間美心小品食

全日早餐($48), 配一杯香滑Latte(需另加幾蚊)回一回魂

份量幾豐富, 個疍做得好滑, 放埋上多士食正到呢................

原隻蕃茄好多汁, 加埋兒時回憶既茄汁焗豆.............滿足!

隔離果個係碎疍沙律焗薯, 味道唔錯, 再食埋條焗法包加醒胃沙律菜.................一個美好星期天就咁開始

地址 : 將軍澳厚德商場159-160號舖

contact me :  [email protected]