今日我個拉叔公嚟左探我呀~佢係媽媽個拉叔叔嚟㗎!!
佢個樣好似公公㗎~成個餅印咁呀!就好似我同爸爸咁,一樣樣~~!
而我呢個叔公係住係鄉下㗎~~佢今次嚟澳門吾係純粹為左探我㗎!
而係嚟幫我公公手搞完破壞,之後再搞建設~DIY裝修公公屋企~
咁吾洗講,媽媽就梗係要帶我去見下呢位我未見過�H叔公啦~~
公公話喎~我要有一段時間吾可以去公公屋企啦~!
因為佢屋企會變到七國咁亂喎~而媽媽都有返去幫手執屋㖭呀~
而我就梗係留返係屋企嘆世界啦~!!
其實我都吾明,點解啲大人要拆爛啲嘢,之後又要整返好佢呢??

你地睇下我隻無影腳~

聖火終於嚟到澳門啦~!呢個聖火一定係見我出左世,所以嚟澳門探下我喇!!
而今日媽媽真係同我出左街街呀!不過……就吾係真係去睇聖火~
而係去公公屋企食飯飯呀!!媽媽話喎~睇聖火好多人喎!!小朋友吾應該去~
咁我係個乖乖小朋友嚟㗎嘛~我實聽媽媽話㗎!!
不過有時我都會忍吾住要搞搞震㗎~嘻嘻!!
等我講比你地知我今日搞左啲咩傑作出嚟啦~!!
就係……當媽媽幫我換尿片果陣,我尿尿呀!!
搞到個身濕晒不但只,連張梳化都濕埋呀~!
嘻~咁爽!我梗係好開心啦~!不過媽媽就吾係咁開心啦~
但係佢都冇話我呀~~仲即刻幫我拾手尾㖭!!
其實我都吾係第一次㗎啦~之前係嫲嫲同媽媽張床度都試過呀~
爸爸仲話除左褲先尿尿其實係啱㗎~!正常人都會除左褲先尿尿啦
佢仲讚我係叻仔㖭~^^
哈~我果然有爸爸�H遺傳,一樣咁曳~!

呀~尿尿㖭!                              媽媽乖乖,吾好嬲啦~

今日有咩事發生??其實都冇乜㗎~~
不過今日係香港就有一件大事喇~!就係奧運聖火去到香港,係香港傳遞呀~
而呢個聖火係聽日就會嚟到澳門,媽媽話喎~聽日同我出街街睇聖火喎!!
哈哈~好呀!我最鍾意就係去街街㗎啦~~!!
咁今日就留係屋企學打機啦~

今日原來係勞動節,其實我都吾知係咩嚟㗎!!
不過我知好多人都放假~包括我爺爺公公同姨姨!
而今日又咁啱嫲嫲要去飲喜酒,所以媽媽又帶我返公公屋企探公公婆婆啦~
媽媽每次都係用揹帶揹我去街街㗎~
依加天氣開始越來越熱啦~媽媽揹到我返公公度都出晒汗喇!
媽媽話喎~揹我返公公屋企一轉,出汗多過係屋企玩健身單車一個鐘呀~!
辛苦你啦……媽媽!!

今日係我堂妹擺滿月酒�H日子,所以我地又再全家出動喇~
係酒樓度,我見到好多人呀~~個個都好似同我好熟咁㗎!!
又同我傾計,又抱我,又同我玩~~個個都話我好得意喎~~
皆因我係口水佬嘛!!個個都比我�H甜言蜜話氹得開開心心~
我�H人氣簡直係直迫我堂妹呀!!
而今日除左我堂妹有禮物收之外,就連我都有禮物收呀!
係我果兩個姑婆買比我㗎~!!媽媽話喎~佢地買嘢比我堂妹果陣買埋我果份喎~!
而我今日都好乖呀!係酒樓果度,一開席我就瞓覺覺豬啦~
等爺爺嫲嫲爸爸媽媽有餐好食嘛!!善解人意就係咁之嘛~~