今日我夠期打疫苗呀~所以上次睇醫生果陣預約埋今日再睇多次同埋打針,
係打針之前就同上次一樣做例行檢查,今次我又比上次重咗 0.4公斤 同高咗 2.5c m呀~~
而打針……我吾驚呀~不過我有喊!!我吾驚係因為我都吾知係咩嚟�H~
我喊係因為我覺得痛~其實係打針之前我都喊緊㗎啦~我肚餓吖嘛!!
咁咪喊囉~喊下喊下就比人除咗條褲,喊下喊下就有人用支好尖�H嘢吉落我大肶度喇~~
吉咗落嚟之後,我好用力咁喊咗一聲,塊面都黑埋呀~咁我就收咗聲啦~~!!
不過我即刻扁咀,用針吉我果個人仲話我識扁咀,下次錫住我嚟吉,
媽媽仲同果個人講,話我博同情……
不過媽媽都好緊張,即刻同我著返條褲,爸爸就即刻抱我離開果個鬼地方,嗚嗚~~
我以後都吾去果度呀!!!
而媽媽佢讚我叻仔呀!!淨係喊咗一聲,但係媽媽話我可能驚得制喎……
不過睇嚟佢仲驚過我喎~~因為我都講過啦~我都吾知咩嚟�H,邊識驚㗎~~
而我睇得出爸爸同媽媽都好心痛呀~~!!!

各位親愛的親友們,你地知吾知今日係咩日子呀??哈哈~今日係我滿月之喜呀~~!
於是今朝嫲嫲又一早起身幫我�奎尷J葉同柚葉沖涼同拜神,就連爸爸媽媽都要一早起身呀!
係屋企拜完神,又要返媽媽屋企拜,係媽媽屋企拜完又要去太婆屋企拜,
今日拜神都拜到下午兩點幾呀~~爸爸同媽媽今日�H第一餐要到三點幾先食呀!!
原來拜神可以減肥㗎~~~
而夜晚爸爸同媽媽就幫我搞咗個小party,就係同啲親友食餐飯,等我可以同親友們見一見面,
而我今日係主角喎~就當然係全場最靚仔果個啦~~!!
今日我仲換咗兩套衫添呀~第二套衫仲係雞仔造型添……不過可能我真係大個仔啦~
套衫緊得制呀!!初初吾啱著嫲嫲仲收埋咗佢,點知今日一�咱X嚟就緊啦~
頂帽都扣吾到呀!!於是媽媽同姑媽一幫我戴頂帽,我就喊~~我姑媽仲笑我話吾做雞就算喇~!!
仲扮我講嘢話:”我吾做雞呀~我吾做雞呀!!”好人好姐邊個想做雞呀??
最後佢地唯有就咁幫我粒住頂帽吾扣實佢啦~~我諗全家人見到我呢個造型都好開心~!!
因為佢地吾停咁笑……乜真係咁好笑咩~~?
而今晚我係酒樓度就好似明星咁,個個都爭住抱我,冇計啦~~人見人愛吖嘛!!
雖然今晚好多人搞住我,不過我就瞓足成晚,肚餓都吾扭計,返到屋企先扭~
都係果句,冇計啦~扮乖吖嘛~~
以下就係我今日著�H果兩套衫啦~~靚吾靚呢??

前幾日我爸爸放假,佢幫我去咗衛生中心排期做保健,排咗今日呀~
於是今日爸爸同媽媽就好早起身同我去睇醫生啦~
之前咪同你地講過我去鏡湖睇醫生好求其ge~今次去衛生中心就認真好多啦~!!
又幫我磅重,又幫我量身高,仲之就差唔多全身上下都比人睇晒,check過晒啦~
話比你地知吖~我比出世果陣重咗1.21公斤 ,高咗3.5c m呀!!我係咪好叻仔呢??
而靚仔咗就梗係當然架啦~~嘻嘻……

今日爸爸又放假呀,點解??因為佢今日要代表公司賽波囉~不過佢上個星期賽波果陣整親隻腳呀~
搞到我同媽媽心都痛埋,冇計啦~邊個叫佢係我老爹咩..........

今日爸爸放假呀~星期二吖嘛~於是媽媽叫咗爸爸幫我去衛生中心排期做兒童保健呀!!
原本諗住有排先到我㗎啦~點知 3月7日 就到我喇喎!!吾知到時會點呢~~??
而爸爸可能因為上個星期吾見咗部電話,今個星期吾敢去街街𡀔~~
乖乖地係屋企陪我同媽媽……唔~佢今日乖我少少啦!!!