今日嫲嫲同姑姐去路環拜神呀~
媽媽要返工,所以爸爸湊我~!爸爸今日休息嘛~
好彩今日冇跟住去咋,因為個天好傷心呀~!
我點知??我梗係知啦~佢喊得好勁呀~啲雨係咁落~!!
好彩我喊果陣有爸爸媽媽佢地氹返我啫~~

今朝爸媽嚟婆婆度接我,雖然佢地嘈醒左我,但係我好乖呀!
係就係未瞓醒,不過一見到爸爸媽媽我就笑啦~
你地吾好諗住我返到屋企就會曳曳喎,返到屋企我都係好乖呀~
同爸爸媽媽玩左一輪,到左晏昼我又瞓左晏覺喇~
所以今日為左一星期前四川地震而哀悼�H默哀,我同爸媽都瞓著左呀!
瞓完晏覺,爸爸又同我玩啦~見你咁好同我玩,等我表演下比你睇啦~
平時當我覺覺豬果陣,佢地會用一個裝左油金葉�H枕頭壓住我心口㗎~
好啦~我就一手�城_呢個枕頭玩,表演比你睇下我點玩枕頭啦~!!
估吾到,爸爸好開心喎!仲係咁話我勁,問點解我會咁叻仔㖭!
不過到左夜晚我就曳曳吾飲奶啦,乖左成日,仲吾曳下點得㗎~
仲有呀~吾飲奶之餘,姑媽幫我換片果陣,我仲尿尿㖭呀!
哈哈~媽媽都叫你小心㗎啦~整古下你先!!
結果姑媽鬧鬧呀~~同你玩下之嘛!!吾彩你呀~
所以果晚姑媽同我講親嘢,我都擰轉頭吾彩佢!

比蚊蚊咬~塊面有蚊"難"~~

今日下午去左公公屋企,因為媽媽知道公公婆婆一定係好掛住我~
媽媽仲專登幫我換左佢買比我�H新衫衫返去比公公婆婆睇㖭~!
而媽媽都打算今晚留我係公公度,因為爸爸媽媽今晚都返夜呀!!
媽媽同爸爸聽朝放工先會嚟接我~
返到公公度,婆婆一見到我,媽媽就即時比婆婆鬧啦~
因為我比蚊蚊針呀~婆婆鬧媽媽做乜搞到我比蚊蚊咬呀!!
嘻……婆婆~放過媽媽啦~我甜吖嘛!!
啲蚊蚊吾咬我,咁咬邊個喎~~不過話比你地知吖~!
今晚冇蚊蚊咬我喇,但係我都係一啲都吾乖呀!
我由十一點就開始扭計,間間斷斷咁扭到三點幾先瞓呀~
其實我平時都係咁㗎啦~!不過平時係爺爺嫲嫲媽媽湊我~
而今日係婆婆湊我,有咩吾同??
就係,嫲嫲吾洗返工,而婆婆要返朝早六點呀~!
可能呢個就係覺得我今日特別曳曳�H原因~
我扭計扭到媽媽都吾捨得返工呀~!
搞到婆婆趕佢返工先返工咋~
婆婆~對吾住呀~BB仔係咁㗎啦~!!
嫲嫲~對吾住呀~成日都曳曳~不過BB仔係咁㗎啦~!!
媽媽成日都係用”BB仔係咁㗎啦~”呢句安慰佢自己㗎~!
不過我知道就算我幾曳曳,媽媽都覺得我係佢最乖�H乖仔~!!
所以佢一啲都吾覺得我曳曳㗎~!!

新衫之一,可愛嗎~??

今日媽媽又係返中呀!即係今日媽媽又冇乜時間陪我喇~
而我同尋日一樣,都係咁大食同咁眼瞓~
吾通支疫苗真係咁勁~~??
不過可能係瞓左一日�H關係,到左夜晚又吾願瞓啦~
所以到左媽媽放工返嚟,我都未瞓~
我仲好精靈咁望住媽媽踩單車㖭!!
媽媽佢生左我之後肥左好多呀~佢之前�H褲都吾啱佢著呀!
所以佢要踩單車減肥~爸爸同媽媽都話要減肥~周不時都踩單車~!
我都吾明點解,啲大人就要減肥,而我BB仔就要增肥~
不過我知道我舒服過佢地好多~!
嘻~但係嫲嫲話我已經好標準,吾好再肥喇喎~
再肥就每個人都好累喇喎!!
講返今晚吖~最後我都係要兩點幾先瞓呀~
而今晚邊個咁吾好彩抱我氹我瞓呀??
果個人咪就係媽媽囉~今晚輪到佢啦~!!

今晚我吾瞓喇~你地睇下我幾精靈~!

今日睇保健,不過今日媽媽陪吾到我去啦~
因為媽媽要返工呀!!所以今日嫲嫲就同爸爸陪我一齊去喇~
之前媽媽打算今日幫我打肺炎鏈球菌疫苗,而呢種疫苗要自己出去買㗎~
今日媽媽吾係度,咁呢個重任就交比爸爸啦~
講到打針,我�H反應咪就同之前打針一樣囉~
而今次睇保健,比起上次,我又重左0.5公斤同又高左 5cm 啦~!
我越來越大個仔啦~~吾怪得我姑媽成日都話我懶大個仔咁啦~
佢成日都同我講:你三個月咋~你吾係三歳呀!!
乜有分別咩??
而今日可能係打左針�H關係,我成日都好累呀~又好肚餓喎!
食飽又瞓,瞓飽又食~
就連媽媽放左工我都吾知呀~同嫲嫲瞓到好似豬仔咁!!
媽媽返到嚟見我瞓緊,所以媽媽就自己去左街街啦~
媽媽去左買新衫衫比我呀!!
而今日係爺爺生日,所以媽媽一買完就返嚟啦~
哈~到左夜晚,吾洗講就梗係去街街食飯同爺爺慶祝啦~~!
生日禮物??留返我真係大個仔先送啦~

打完針針,好眼瞓呀!!