今日婆婆休息,係婆婆度玩左一日~
我好乖仔呀,冇曳曳呀~
臭豬B姨姨仲幫我影左好多相㖭~!!
比張你地睇下吖~我沖完涼果陣臭豬B姨姨影㗎~

聽日婆婆又放假啦~所以爸爸媽媽今日等婆婆放工又可以帶我去婆婆度啦~~!
每次婆婆休息,咁嫲嫲又休息~因為媽媽會帶我去婆婆度,
咁婆婆湊我,嫲嫲就吾洗湊我啦~咁嫲嫲咪休息囉~!
而嫲嫲又咁鍾意去街街,婆婆湊我,咁爸爸媽媽咪吾洗留係屋企湊我~
咁佢地咪又可以去街街囉~!!
婆婆休息,咁就全世界都休息~哈!
而今日爸爸媽媽去街街睇傢俬呀~
媽媽之前已經話買張新梳化比我嘆㗎啦~!!
今日佢地去睇,咁好快我就有新梳化坐啦~!!

今日到細哨十號波衫啦~型呀!

爸爸冇乜事啦~不過爸爸今日都冇返工!!因為佢仲未完全復完~
不過爸爸媽媽都有帶我去街街,仲帶埋我架私家車㖭~
哈~好開心呀!又有得去街街,又有得坐車車~!!
所以我今日都冇瞓過呀~去街街喎~梗係周街望啦~!
就係咁,我好眼瞓呀!!返到屋企,爸爸抱住我打機果陣~
我瞓著左呀~!爸爸佢見到我鍾下鍾下果個樣就笑我啦~
媽媽佢仲錄我㖭呀~~佢地好衰㗎!!

著碧咸波衫,坐車車,去街街~

爸爸仲未病好呀!冇返工~
病病真係好慘㗎~爸爸佢成晚都吾止痾,又冇得瞓,又累又辛苦~
而媽媽就好累呀~尋晚都冇乜瞓過呀~!!
今朝一瞓著,媽媽又比嫲嫲叫返醒喇~因為爸爸都仲未退燒呀!!
嫲嫲叫媽媽同爸爸去睇多次醫生呀~
於是媽媽十點幾又同爸爸出去睇多次醫生~
唉~媽媽真係辛苦你啦~!!
而我~~媽媽同爸爸睇完醫生之後就返婆婆度接我啦~
我返到屋企,見到爸爸咁,我都吾夠膽曳曳喇~
不過都好彩,爸爸睇完第二次醫生後好返好多啦~!!
而我同爸爸除左有媽媽照顧之外,我地仲有嫲嫲照顧㗎嘛~!
媽媽~~你可以去瞓返一覺啦!!!今晚仲要返工㗎~

爸爸...你幾時好返呀!

又返婆婆度啦~婆婆放假嘛!
而媽媽今日返中呀~所以中午媽媽就帶左我返婆婆度啦~
婆婆一見到我就好似見到蜜糖咁甜啦~我果然係大衆開心果呀!
而爸爸可能見吾到我,掛住我掛到病左喇~!
爸爸佢又肚痾,又發燒呀~仲痾得好勁㖭呀~!
點解咁㗎?晏昼仲好地地㗎~仲出左去打波㖭~!
搞到媽媽原本諗住放工後去婆婆度見下我都冇嚟到呀!
媽媽一放工就趕返屋企車爸爸去睇醫生喇~!!
爸爸你咁咋㗎~!