今朝媽媽放工返嚟,同平時一樣,沖完涼就同我一齊上樓上瞓覺覺豬~
而嫲嫲就去街街飲咖啡~到左中午,嫲嫲就會幫我沖涼~
今日沖完涼之後,爸爸就放工返嚟啦~
你地知我㗎啦~每日都要瞓晏覺㗎!
而爸爸返左嚟,媽媽又未醒,於是就又同爸媽一齊再瞓過啦~
平時我瞓晏覺都係瞓一陣就醒㗎喇~
不過可能係落雨關係啩~今日特別好瞓㗎!
到左六點幾要媽媽摷醒我起身喂我食奶,我先醒呀!
點知瞓醒左屋企淨係得我爸媽三個人咋~
原來嫲嫲爺爺去左飲喜酒呀!
咁啱公公婆婆姨姨佢地出左街食飯飯喎~
於是爸爸媽媽就帶埋我出左去同佢地一齊食飯啦~!!
佢地一見到我就好開心啦~公公見到我第一句就叫我寶貝啦~
我都知你地好掛住我㗎喇~因為自從媽媽返番工之後就好少帶我返公公度啦~
不過吾緊要啦~見得少,掛多啲嘛!!掛多啲又錫多啲~
返到屋企之後,都差吾多係扭訲時候啦~
於是我趁媽媽沖涼果陣就開始扭計,爸爸我睇你點算~~
我扭到媽媽沖緊涼都好吾放心,要問爸爸做咩我扭得咁勁呀~
其實我扭得咁勁都係第一次咋,所以都有啲嚇親爸爸媽媽呀!
不過到左最後都乖返,仲瞓埋覺覺豬添~

今日爸爸發現左我同佢喺隻手�H同一位置都有粒嘢呀!!

今日朝早好乖同媽媽一齊瞓覺覺豬~
到左下午我沖完涼就瞓晏覺,而媽媽又好乖咁跟住瞓晏覺喎~
我發覺爸爸同媽媽都係好鍾意瞓覺覺豬㗎~!!
到左夜晚爸爸啲朋友仔上左我屋企打機呀~
好彩今日瞓左好耐咋,因為佢地一上左嚟就嘈住晒冇得瞓啦~
雖然我都係男子漢大丈夫呀~
但係我真係吾係好明點解佢地打機都可以打到大呼小叫㗎~
好彩媽媽係樓上瞓覺而吾係喺樓下,如果吾係一定會比佢地嘈醒呀!
媽媽今晚仲要返工㗎嘛~

等我看實你地,睇你地邊個仲敢嘈~

今日我又自己整損自己啦~
媽媽見到心都痛埋呀~!佢即刻�奕′蛨鷐v低我個傷痕~
媽媽話喎~佢要影比我第時睇返喎!!
等第時話返比我聽,嗱~你以前BB果陣成日都整損自己㗎~!!
媽媽幫我照完相之後就返左工啦~
而今晚,我都吾知點解,十點幾就瞓左覺覺豬啦~
到媽媽放工返嚟都同吾到我玩啦~!!
廢事搞醒我又有排氹吖嘛~
媽媽……聽日再同你玩返夠本啦~~
今晚乖返晚先~

各位~我叫刀疤仁呀!!

今日爸爸媽媽放左工之後,我同爸爸玩到顛咁制呀!!
爸爸佢�咻礂琤颻m撩我玩呀~當時我就好似貓貓玩緊支禾稻咁~
爸爸�城�啲,我就申手申高啲,爸爸仲成日擺件衫係我個頭度,
等我自己��嚟玩,搞到我自己笠住自己~佢仲�咩琤颻m撩我個頭㖭呀!!
嘻嘻~雖然似佢玩我多過我地一齊玩,不過我真係玩得好開心喎~
媽媽仲�垣I部相機錄我同爸爸點玩㖭~
之後到左夜晚,爸爸打機果陣仲浸埋我玩㖭呀~
哈~我諗我好快就會成為神童,因為冇BB快得過我學識打機㗎啦~

比爸爸笠住個頭~                         打機之嘛~我都識啦!!

今朝媽媽放工返嚟就喂我食奶奶啦~
我食完奶奶之後,咳左幾聲,比媽媽聽到呀!
其實我尋日咳咳果陣都比媽媽聽到㗎啦~
媽媽同嫲嫲講左之後就帶我去睇醫生喇~
不過呢個醫生好好人㗎~
佢係咁同我玩,仲同我開得好開心㖭呀!!
經過上次我喉嚨發炎,搞到發燒之後~
媽媽同嫲嫲就好緊張啦~一聽到我有幾聲咳就帶我去睇醫生啦~
其實都冇咩吾好,不過我又要食藥藥啦~~
每次食藥藥我都好扭計㗎~
又喊,又要嫲嫲捉住我,吾比我合埋口,我先食到㗎~
嗚……藥藥好難食呀!!

苦......