今日媽媽又有新發現啦~
咩發現咁威呀~??
冇呀~咪就係見到我”橋”腳之嘛~!!
吾信~比你地睇下!!
問你信未……
仲有呀~話比你地知吖~
今日嫲嫲幫我換片果陣,見吾到我痾左臭臭呀!
佢就咁�奎}張片片幫我換,結果搞到佢張床都係埋臭臭呀~
結果咪要換片片之餘,仲要換埋床單囉~!!

今日冇乜特別呀~
不過自從前幾日我扭完好勁之後,呢幾日都乖返啲啦~!!
今朝媽媽放工沖完涼之後,又係同媽媽上樓上瞓覺覺豬~
之後咪同爸爸媽媽係屋企玩左一個晏昼囉~
落雨嘛~爸爸媽媽想帶我去街街都吾得啦~!!
係屋企玩乜好~?梗係玩口水啦!!
因為我乜都冇,就淨係得口水,吾玩口水玩乜呀!
到左夜晚,爺爺就教我坐係度睇電視~
點坐係度睇?咪就係咁坐係度睇囉~

玩得幾勁,出神入化呀!!                   吾好嘈住我睇電視~!!

今日爸爸啲瘋狂朋友仔又上嚟我屋企一齊打機啦~
媽媽出左去�封\之前�咱h改�H褲,返嚟果陣仲買嘢食招呼佢地㖭~
而我可能被爸爸啲瘋狂朋友仔感染左,我都要瘋狂埋一份呀~!
所以我決定今日同佢地一齊進,一齊退~
加入埋佢地�H行列~就係同佢地一齊打機喇!!

今日媽媽返左公,但係有爸爸係度喎~!
所以比爸爸見到一樣曳曳嘢,但係媽媽未見過㗎!
就係我自己潑起左件衫,等我個肚波仔見下人呀~!!
佢係吾係都同我一樣咁得意可愛呢??

爸爸媽媽今日放左工去埋街街先返嚟湊我呀!!
初初我都好乖,同爸爸媽媽玩好開心,成日都好地地㗎~
不過可能扭開有條路,又係到左媽媽沖涼果陣,我又扭計啦~
而且仲扭得勁過尋晚㖭呀!好彩最後痾左臭臭之後就停左冇扭啦~~
媽媽仲抱住我氹埋我瞓覺覺豬㖭~~
點知隔左大半個鐘左右,我瞓瞓下突然醒左,
仲吾停咁喊,仲喊得勁過頭先呀!
媽媽同爺爺兩個輪住抱我氹我都搞吾掂~
喊到原本係樓上�H爸爸都走埋落嚟睇下我做乜,氹埋我一份呀~
結果喊左成個幾鐘都吾停,媽媽佢見我喊得咁犀利,媽媽佢好心痛呀~
係咁氹我”矮”我吾好喊,氹到媽媽都喊埋一份呀~~
爸爸佢見我好似係肚痛,而且我之前又係咁樣喊,痾左臭臭之後就冇事~
於是爺爺就煮雞蛋比我燙肚仔,話睇下係咪有風喎~
係蛋未熟之前又初熱啲生油同我按肚仔~
不過可能我肚仔真係好吾舒服呀!所以初左油都冇用,一樣照喊~
而嫲嫲又去左街未返,個個都冇晒符啦~
媽媽見我仲吾停就係咁問隻蛋得未喇~
結果爺爺就都好冇耐性咁�城有J嚟剝殼啦~
但係原來隻蛋未熟㗎~於是爺爺就即刻煮過隻,同埋又同我初多次油~
爸爸見我仲係喊吾停,就話帶我去睇醫生喇~
不過媽媽話等多一陣,睇下嫲嫲返到睇下點先再算!
但係爸爸見嫲嫲又搵極都未返,爸爸好嬲呀~!
就即刻上樓上��嘢帶我去睇醫生,仲好惡咁同媽媽講:
我依加帶阿B去睇醫生,你去吾去!
而媽媽就當然係跟埋去啦~就係咁,爸媽衫都冇換就同我出左去啦~
係落樓梯落到一半果陣,見到嫲嫲返嚟啦~
爸爸好嬲呀~佢仲鬧嫲嫲㖭呀!!其實媽媽都好嬲㗎,不過媽媽吾敢鬧~
落到樓下,好彩架車泊係樓下咋,因為落緊雨呀!!
爸爸負責�隅�,媽媽負責抱我,媽媽抱住我果陣,間吾鐘都有眼淚流出嚟呀!
爸爸媽媽夜晚睇醫生會去氹仔鏡湖㗎~因為吾洗等吖嘛!!
所以今次都係帶我去氹仔鏡湖,不過我係途中就冇喊,仲瞓著埋㖭呀~
但係爸爸媽媽為左預防萬一,都係帶左我去睇醫生呀~
可能係爺爺幫我初啲生油�H功效終於都嚟啦~!!
去到睇醫生果陣,我冇事啦~醒左仲同醫生玩,係度笑㖭~!!
不過爸爸都有同醫生講,話我之前好似係肚痛,
醫生就開左啲止肚痛藥比我返屋企食~~
就係咁,我又冇事啦~返屋企仲冇喊到㖭~!!
爸爸媽媽,係咪擔心餐飽,又激餐飽呢~~?
媽媽~下次吾好喊啦!!
今晚早啲瞓啦~我知你好累,好眼瞓㗎啦!!

中途瞓左一陣果個樣~